#قضية_45
ام احمد
السابع
كل شخص اله طاقة للتحمل يكدر يستمر بيها ويقاوم مشاكله لكن من تنتهي طاقه تحمل نصبح مثل قنبلة موقوته واقل فعل راح تكون ردة فعل عنيفه….
امي جانت هيج اتحملت واتحملت واتحملت الى ان وصلت مرحله صارت تنهار بسرعه وماتتحمل اي شي…
من عرفت بمخابرتها حاولت احجي وياها وافهم وطبعا بعيد عن اي شخص مجنت احب احد يعرف خوفا عل اتنهاء زواجها من والدي .الي عرفته انها مجرد مخابرات عاديه ابينهم وهو شافها عند المطهرجي وظال كلما تروح للسوق يلاحقها الى ان عارف رقمنا من واحد من اصدقائنا وهيج بدا يخابر
انكسار امي اخير بموتة اختي وحدتها خلتها تضعف وتجاوب وياه.
وهيه ابد ماطلعت ولاتمادت وياها بس من سمع بقصه حياتها تعاطف وياها وكلها اطلكي ويزوجها ويعوضها عن عمرها الي راح ..
وصارت ابينه حروب بارده اني وامي كل يوم نتصايح واحاول احافظ عل تماسك عائله ومااريدها تتفكك بس ظاهر امي وصلت حد انها ماعادت تتحمل وجودها ويه ابويه ابيت واحد ..
بديت اضغط عليها ومرات اقفل الباب عليها لكن الحرب الي خضتها ضدها خلت امور تسوء اكثر بذيج الليله وكفت امي وطلبت الطلاق من ابويه هل شي خلاه يضربها واول مرا اوكف متفرج واني اشوف امي تنضرب مكدرت احميها داخلي جان حاقد عليها او يمكن خايف لا افقدها اذا ساندتها وخلال ما ضربها امي ظلت تنادي عليه ان اخلصها بس اني وقفت متفرج ومساعدتها…
ظلت امي اسبوع حبيسه الغرفة ومتغادرها واي شخص يتقرب عليها تطرد وحته علي طلب من ابويه يخليها تروح عل اهلها بس ولدي رفض وكال متطلع من البيت بس للگبر ..
اكثر شي جان قاسي عليه نظراتها الي لان خذلتها ومساعدتها وظلت فترة متحجي ويايه .
بمرور شهرين رجعت امي تطبخ وعادي تدارينا وحتى ويه ابويه تحجي وفرحت انها رجعت النه بس ظاهره هيه جانت تعرف شلون تخدعنا وخلتنا نطمئن الها وبذاك اليوم وهربت امي بدون رجعة…
همام همام وين صافن شو اليوم مو عل بعضك وين سرحان
ماكو شي بس اذكرت اشياء بالماضي
اني يمك وتنشغل بغير شي
سما اني ارجع عل مطعم
همام شو بك
سما اني مااريد اقهرج بس اني مااكدر اشتري شقه
ليش مستحيفها بيه (تحجي وهيه تلعب بقمصي تعدلل بيه )
لا مو هيج بس الفلوس الي اشتريت بيهم المطعم مو الي
المن لعد
اهلي انطوها الي ثم اني اريد اكون نفسي حته اكدر ارجع بعض الفلوس لااخويه علي
علي ليش
لان هو من جنت بالسجن صرف كل فلوسه حته يلكاني وعل محامي يعني كعدته عل حديدة
همام انت كلي انك تريد تتخله عني صح لان حبيتك
سما لا اني حبيتج من كل گلبي بس اريدج تصبرين
مااكدر(اتغيرت نبرة صوتها)
ليش متكدرين (حاولت اتسيطر عل نفسها من انفعال )
همام اني احبك واريدك اريد نكون سوا بغرفه وتلتحم اجسادنا قبل اروحنا (طبعت قبلة خفيفه عل شفتي وهيه تحط ايديها عل صدري )
سما احنه بالشارع وانت ماخذج الواهس
احبك همام گلي احبج
احبج والله بس اريد وكت
انتفضت وكامت من يمي وگالت همام خلال شهر انت بايع حصتك نشتري شقه نزوج بيها والا بعد متشوف وجهي…
راحت وتركتني بحيرة شلون احلها ماكو غير اخابر اهلي واگلهم بالموضوع وفعلا خلال رجوعي خابرت عليهم وحجيت ويه علي وانطاه لاابويه وبديت اشرح الهم موضوع وبصراحه فرحوا الي اني فكرت ازوج حته علي هلهل الي واتفق انهم يجون بيوم عرسي زادت فرحت وقررت ابلغ ايهاب بقراري عل بيع حصتي…
رحب ايهاب بالموضوع وگلي ان هو يشتري حصتي (مااعرف بذيج اللحظه وين جان عقلي )
وخلال اسبوع بعت حصتي وبديت اشتغل عند ايهاب كعامل عنده وظلينا اني وسما ندور عل شقه حته نزوج بيها وفعلا لكينا شقه حلو ومرتبه وبدينا نااثثها وطبعا جانت تزن عليه حته اسجلها بااسمها بس مالك شقه جان مسافر وضلينا عل ان يعمل وكاله حته يحولها النه بااسمنا يعني شقه ظلت بااسم المالك الحقيقي الي جان مسافر لاامريكا وبس يحولها بااسم سما اني اكمل باقي الفلوس لدلال هل شي جان مو بصالح سما الي اصرت ان نرجع الشقه ندور غيرها حته يحولوها بااسمها بااسرع وقت. توترها خلاني استمر ومااطاوعها واصريت ان اخذ الشقه وفعلا بديت اجهزها هل شي خلا سما تزعل مني لان خالفت رايها وطولت عليه بزعلها عليه جنيت عليها كلما اروح عل شقتهم ماتطلع الي اكثر من اسبوع هيه حارمتني من شوفتها ما ضل عندي عقل الى ان يوم فتت عليها الغرفتها وراسنا حضنتها هيه ارتبكت واتوترت مني جان اكو باايدها صورة من شافتني انتبهت عل صورة ضمتها وراها اني جنت اصور انها صورة رجل جنيت وهجمت عليها واخذت الصورة من ايدها والصدمه ان الصورة هيه سما نفسها بس هايه اصغر بالعمر ضليت صافن بالصورة وسما ضلت ترجف من غضب مني وهجمت عليه تضرب بيه وتكلي جيبها لاتوسخها باايدك
ولج شبيج اتخبلتي عل صورة وتضربين هم
كتلك جيبها
تبقه عندي هيه صورتج من جنت اصغر بالعمر
لا مو اني هاي
لعد منو هاي
جيب صورة
منو هاي كولي
هاي اختي توام
اختج توأم
اي اختي
اخذت صورة مني وهيه تمسحها بهدومها وتحاول توخر اثار ايدي من الصورة
هاي شبيج اتخبلتي شنو قابل وسختها للصورة
همام اطلع من غرفتي
تطرديني
اطلع مابدي اياك اطلع برا
طلعت واني مشدوه من تصرفها .اجت خالتها تهدي بيها اني ضليت بالصاله وطلعت الي خالتها واعتذرت مني عل تصرفها وكالت اعذرها لان اهلها كلهم ماتوا لهذا هيه هيج حزينه
وصاحبه الصورة
اخ سما التوام تقصد هيه هم ماتت بضروف غامضه سما ياابني واجهت حياة قاسيه واريدك تتحملها ومتزعل منها
حاضرة خاله اني اترخص الله معاك
أنت تقرأ
#قضيه 45
Mystery / Thrillerترقبوا قصتي الجديده قضية 45 ان شاء الله تعجبكم مثل القصص الي قبلها وطبعا القصه حقيقيه وصاحبها انسان عصبي فوول كوه اتحملت لوما قصته حلوه جان من اول يوم گتله الله وياك المطلوب منكم حبايبي علكيفكم وياه هذا مو غزوان ويتحمل حجيكم لا ترا يزعل وينسحب وميقب...
