َّسأّمَحٌوِنِيِّ عٌلَ تّأّخَيِّر
#قضية _45 (ج٢)
ام احمد
البارت العاشر
بذيج اللحظه جانت مشاعري مخربطه وفكري مشوش جنت مشتاق الها اي وكلش مشتاق هم صار ثمان سنوات ماحضنتها ثمان سنوات واني محروم منها!! ثمان سنوات اني محروم من كلمه يمه!! مشتاق الها بكد رحمة الله اشمها... ابوس ايدها... اگلها يمه وينج محتاجج.... يمه من رحتي ليهسه حتى الرب العالمين ماسجدت..... من رحتي ليهسه اني بعاصفه هوجاء ساعه ترفعني وساعه تحطني بالحضيض.... يمه شفت وراج ويلات وكل گفخه أخذها أضل مسودن ايام وأيام..... يمه الدنيا لعبت بيه لعب..... يمه من وراج ماشفت مرا تلمني وتسندني انتِ جنت الوطن جنتِ سند الي دومي من جنت صغير واطيح اول ناس الكاج موجوده...... اني ماشفت حنان من أبويه ولايوم حسيت بيه موجود ليش!! لانج انتِ موجوده انتِ سديتي مكانه ومحسستينا بالنقص!! وفجأة يمه اختفيتي فجاة الدنيا أظلمت!! فجأة بردت الدنيا وصارت قالب ثلج!! فجأة اختفت الوان من حياة!! فجأة الدنيا صارت كئيبه... فجأة صرت وحيد.... حقدت عليج اي يمه حقدت بس اقسم بالله مكدرت اكرهج مكدرت اسكت اذا احد جابج بالموزين.... اني رجل شرقي واناني ردتج تبقين النا اني اناني ماحبيت احد ياخذج منا!! اني اناني مكدرت اسامحج!! اني اناني من جنت انتقص منج واني رب الغلط!! اي يمه اني غلط كلي اني قتلت اني زنيت اني شربت اني خنت اني كل اخطائي ومااشوفهم!! واشوف بس خطائج انتِ ومسويه شماعه لااخطائي!! اريد احضنج واشمج واكلج يمه سامحيني!! يمه اخذيني الحضنج!!
من شفتها واكفه كبالي اتمنيت اركض الها وابوس ايدها ورجلها!! جنت اني محتاج الها وغصه الي بزردومي تطلع مني وتكول كلمه يمه مكدرت مكدرت اني اناني لأنها مرا وحده فكرت بروحها وعافتنا ظليت اباع عليها وهيه واكفه تخاف تتقرب مني لان تعرف اني اناني جانت دموعها تصب مثل شلال ماتقدمت نحوي خطوة لان قرت بوجهي قساوة ونكران وجفاء..... هيه امي وتعرفني زين اكثر من نفسي تعرف انانيتي وقبحي... ذيج اللحظه من شفت زوجها واكف وراها اختفت بداخلي كل اشتياق واللهفه بقت انانيه وحقد وعنجهيه مو عليها لا عل شخص الي سرق امي مني... ضاقت ارض عليه بما رحبت وبقينا واحد يباع عل لاخ كرهت روحي وكرهت انانيتي وكرهت نفسي الي سولت الي اثمها وكبرته وصغرت اثمي اليه هيه لحظات لكن كانت عسيرة وكئيبه.... اختفى بداخلي كلشي بقه بس حقد وغرور!! جنت اكبر حقيررر ولئيم ونذل!!
اتقربت عليه بخطوات بطيئه وجها كله ألم وحزن
يمه ابني (گالتها بصوتها مرتجف وخوف من اقتراب اكثر مني لان قرت بعيوني الرفض.. ضامه ايديها عل صدرها)
شونك ابني حمدالله على السلامه(زوج امي)
الله يسلمكم وشكرا عل كلشي.....
صار برود عجيب اتكسرت عل شواطئه كل مشاعر اشتياق والحنين حتى الدموع جمدن بعيوني ولساني مااكدر ينطق بكلمه وحده اتجاهها... اتجاهلت دموعها... رجفت ايديها... نحيب صوتها.... ضعفها.... قلت حيلتها... صرت جلاد الها... بهذا البرود واتجاهل نحوها قتلت غرزت بداخلها الف الف خنجر ... اخذت غراضي وهويتي موبايلي من اوفسير وطلعنا خارج القسم جان موقف صعب عليهم اثنينهم لاهمه ويايه ولا يعرفون شلون يصرفون.... ظليت طول الطريق ساكت إلى أن وصلنا لشقتي قبل ماا دخل عل شقتي رحت دكيت الباب عل جيراني ظلت امي وزوجها مستغربين تصرفي... واول ماطلع جاري الموقر جبته بوكس ترس عل وجه عل اثرها وكع الرجال بالكاع وجه انترس دم وصحت بعلو صوتي بالعماره
من اني عاهر وشارب خمر ليش ليهسه انت جاري... لك جان استحيت من اني ابن بلدك ومماذيك ولايوم اشتكيت عليك وجهالك ليل نهار صوتهم زاعجني واكول عيب اشتكي عليك انت ابن بلدي مهما كان تجمعنا دماء وحده.. واحنه بغربه عيب اشتكي عليك... تفلت عليه ولك تجي هسه وتشتكي عليه وتشهد ضدي.... ليش مكلت الهم جنت اطردهم..... اذا اني عاهر...... انت عار تسمئ عراقي.... تف عليك وعل خلفوك تف
أنت تقرأ
#قضيه 45
Mystery / Thrillerترقبوا قصتي الجديده قضية 45 ان شاء الله تعجبكم مثل القصص الي قبلها وطبعا القصه حقيقيه وصاحبها انسان عصبي فوول كوه اتحملت لوما قصته حلوه جان من اول يوم گتله الله وياك المطلوب منكم حبايبي علكيفكم وياه هذا مو غزوان ويتحمل حجيكم لا ترا يزعل وينسحب وميقب...
