أَّّسفِّهِ عٌلَ تّأّخَيِّر جِأّنِ مَأّعٌنِدِيِّ نِتّ
#قضية _45 (الجزء الثاني)
ام احمد
البارت الثالث
وكفوا كبالي وطلبوا مني اصعد وياهممنو انتوا!!؟
لاتخاف مناذيك بس اصعد بدون مشاكل (گالها الي وهو يؤخر سترته ويبين الي انه مسلح!! رغم اني اعرف انه مسلح)
شتريدون مني.....
من تصعد تعرف...
واذا مصعدت شيصير....
استاذ همام احنه منريد ناذيك....
وهذا شيسموه اختطاف لو استضافه...
استضافه اكيد (بلحظه اذكرت سجن والي صار بيه اهناك ذولي لو مليشيات اكيد مراح يستاذون مني واذا قاعده راح هم ميستاذنون مني ويمكن جان ميت هسه؟ لعد هذولي منو؟!)
اوكي شباب اصعد وياكم بهدوء بشرط تخلوني انطي علم لااخويه يعني اخابره
لا استاذ همام انت مراح تتأخر يمنا هوايه كله ساعه بالجثير....
اوكي... (گلتها واني مااعرف شينتظرني)
مااعرف مين طبينا ومين طلعنا وشكد مشينا لان الف حسبه اجت بالي وايامي كلها مرت كدامي مثل شريط سينمائي
وصلنا استاذ اتفضل...ممكن اعرف اني وين؟؟
اتفضل وانت تعرف...
جان بيت جبير كلش او باااصح قصر مو بيت!! يمكن احد بيوت ضباط بزمن صدام لان جبير كلش وكله كاميرات دخلنا لصاله كلش جبيره مشايف هيج اثاث ولا هيج ديكورات بحياتي اخذوني لمكتب ضخم جدا يمكن بكبر بيتنا كله!! وضليت كاعد وصفنه تاخذني وصفنه اتجيبني وره نص ساعه انفتح الباب ودخل رجل خمسيني مهيوب أنيق مبتسم ابتسامه عريضه ظليت صافن عليه عبالك شايفه قبل بس وين مجاي اذكر زين....
شلونك استاذ همام يارب تكون بخير وشباب مااذوك...لا كلهم ذوق جانوا...
طبعا انت مستغرب من الي صار وحقك انت يمكن متعرفني بس اني اعرفك زين
ولا صغرا بيك استاذ!!؟
اتفضل تشرب شي
لا شكرا...
اليوم غداك يمي....
هههه غير اعرف انت منو؟!
اني انسان حاب اساعدك واكون صديقك
العفو منك ترا اني مو غبي يعني من دون أمة محمد كلها تاخذني وتجيبني يمك وتريدني صديقك هاي متعبر عليه ترا اني جنت ضابط تحقيق
اعرف انت جنت شنو!!
خلص لاتظل نلف وندور عل بعض انت منو؟
صديق جنت كاعد بمنطقتكم سابقا والدنيا ضحكت اليه وأريد افيد أبناء منطقتي
مااذكرك اني وانت جنا أصدقاء! مو من عمري حته نكون اصدقاء.،ممكن ارجع البيتي رجاءآ؟؟
أنت تقرأ
#قضيه 45
Misterio / Suspensoترقبوا قصتي الجديده قضية 45 ان شاء الله تعجبكم مثل القصص الي قبلها وطبعا القصه حقيقيه وصاحبها انسان عصبي فوول كوه اتحملت لوما قصته حلوه جان من اول يوم گتله الله وياك المطلوب منكم حبايبي علكيفكم وياه هذا مو غزوان ويتحمل حجيكم لا ترا يزعل وينسحب وميقب...