#قضية_45
ام احمد
التاسع
من فتحت عيني جنت بغرفه كلها بياضات ويمي علي وابويه ردت اكوم عل حيلي مخلوني
همام ارتاح سكر مالتك هابط وضغط مالتك هم
شجابني اهنا
اتصل ابينا صديقك ايهاب وكال همام اتخربط وكع واجينا عليك عل عنوان انطاه النه وجبناك لهنا
طلعوني منا
همام بعدك تعبان
اريد اشوف مروان
مروان شسوي بيه مروان يعرف كلشي عن امي ساعدني علي
همام صير زين وراح نروح عل مروان ونشوف شنو مضموم النه
علي تعبت والله تعبت خليني هسه نروح
اوف هسه اوكف خلي نفحصك ونشوف
اجه طبيب جيكني وكال اطلعوه عل مسؤوليتكم طبعا اني وافقت راستا وطلعنا اني ودوني عل شقه وهمه راحوا يجيبون مروان من بيت يوسف صديقي ظليت انتظره عل نار وره نص ساعه جوي اجه مروان حضني وباسني
مروان حبيبي احنه كلنا نريد منك خدمه
امرني اخويه
امنا وينها (من سمع كلامي كام عل حيله وباع بوجوهنا وحس انو احنه نعرف بيه ان جان يقابل امنا)
امي بخير وزينه وتجي كل فتره عليه تطمئن عليه وتروح
نريد نعرف مكانها
ليش تردون تاذوها
لا مروان محد ياذيها هيه بعدها امي وام علي وامك شلون ناذي امنا
همام انت اخويه الجبير وتفهم احسن مني بس اني الي جنت اشوفه جان كله ظلم واني ساعدتها عل هرب
مروان شتكول انت
(ابو همام) مروان احجي ابني مراح احد ياذيها بعد لاامك
(مروان) يابه انت اخر شخص تتكلم عن اذيه لاامي جنت اشوفها بعيني شلون تجي عليها باليل وتسحلها من شعرها وتاخذها وياك. وهيه تتوسل بيك ان تتركها (گام يبجي ويرجف ويباع عل ابويه)
ساد الصمت ابينا هسه افتهمت هيه ليش مبقت ويانه لان ابويه مجان يتركها بحالها هربت هو سبب هربها لا خلاها تعيش ويانا وتربينا ولاعافها وطلگها ماترك الها خيار الا الهرب
(همام) احجي مروان احجي
همام جانت ترجع وهيه تبجي وتتالم وتظل تبجي واني اشوفها واسمعها متحملت اشوف امي هيج يصير بيها اعرف جنت صغير وماافتهم بس جنت اعرف الي ديصير غلط بغلط وره ما كلكم وكفتوا ضدها اجتني قبل مااروح للمدرسه وكالت الي مروان لاتروح للمدرسه ابقه
ليش يمه
يمه اخذك ويايه
وين
لمكان نخلص بيه من ابوك
يمه وهمام وعلي
همه كبار وراح يكدرون يعيشون انت بعدك صغير اريدك تبدل وتجي ويايه
لا يمه مااجي
ليش بعد امك ليش
يمه انهزمي ورحي خلصي نفسج منه واني راح انطيج فلوس الي جامعها مااريدج بعد تتالمين ولاتبجين
تعال ويايه
لا يمه مااعوف اخوتي
اني راح ارجع عليك مرا لخ
حضنتني وظلت تبجي ودعتها وطلعت راسنا للمدرسه مهم عندي هيه بمكان احسن وبعد ابويه ميكدر ياذيها
الكل تفاجأ من اخونا الصغير الي جان احسن مني وفكر باامي والمها ومعاناتها…
وين راحت امنا مروان احجي
ماااعرف مكانها بالضبط بس الي اعرف ان الرجال رجل مهم ويجون بسياره عاليه وجامها مظلل وياخذوني صراحه من جنت اسالها مجاوبني وكل مرا جانت تكلي تعال ويانا واني ارفض
وامين ميجي وياها
ولامرا شفت امين من يوم الي هربت بيه بعد ماشفت امين نهائيا
(علي) عبالك بس اني معايش وياكم بالبيت كل هل شي واني ماادري
(همام) جنت دومك تقرا وعازل روحك .صار لازم اطلك سما جنت اصور اكدر اعرف من مروان شي ومااطلگها مو علمود شي لا بس حته لاتزوج ايهاب
(علي) طلگها وفضها ابنيه رافضتك وانت سبب بقتل اختها بعد ماترهم تكونون سوا احنه باجر راجعين عل العراق انت من تحصل العنوان دزه النه لاتجي انت ويصير شي مو زين الك ترا وضع من اتعس لااتعس
صار مثل ماتريدون
همام انت تكدر تقدم عل يو ان وتطلع لااي بلد تريده لا تبقه بسوريه وبااخص انت جنت معتقل باابو غريب يعني تمشي معاملتك
تدري علي اني هم نفس تفكيري لان مااتحمل بعد ابقه اهنا .يلا خلي ندز دليفري وناكل ونام بعد متلي واهس بشي… .
اكلنا وشربنا بس ولا واحد ابينا حجى كلمه كل شخص ابينا غركان باافكاره بااخص والدي الي جان كلش خجلان من عدنه كملنا اكل و كل واحد راح عل مكانه وهو مثقل بالهموم ..
جنت بصراع ابين امي وسما اثنينهم احبهم واثينهم اذوني وسببوا الي جرح نازف مااصور بيوم يطيب رغم ان داخلي يگلي ان والدي سبب بكل شي بس ظليت كارها الاامي مااعرف اذا يجي يوم واسامحها داخلي مجروح وجرحي عميق… الصبح سافروا اهلي مابجيت گدامهم بس من رجعت عل شقه جنت منتهي وبديت ابجي واكسر بالصاله دخلت بحاله من الحزن والغضب ..
اخر شي كعدت بالگاع وابجي واندب حظي ليش اني وحيد حته بلدي انحرمت منه…
للعصر قدمت معامله مال طلاك مجنت اريد استمر بالزواج ويه وحده تكرهني وحاقده عليه ظليت افتر بالشوارع من غير هدى لليل اشتريت قواطي فودكا ورجعت عل شقه رحت عل غرفتي وظليت اشرب الى ان نمت حلمت احلام مخربطه بيها ابنيه الي مااعرفها بس هل مرا صورتها بدت تتوضح الي من اتقربت الها دفعتني وكعت بس الوكعه صارت من علو شاهق وفجاة كعدت من الحلم وجان الدنيا فجر اتعوذت من الشيطان ورجعت نمت…
من الصبح رحت عل اليو ان وقدمت الهم اوراقي وطلبوا مني بعد معلومات وطبعا اثار الضرب والتعذيب واثار الضربه مال سجين عل رقبتي كلها جانت مساعده الي ان يطلع الي لجوء..
من رجعت عل شقه خابرت دلال ان يعرضها للبيع ..
جنت بالنهار التهي معاملات طلاك واللجوء وباليل اضل اشرب الى ان انام ..
خلال اسبوع تم الطلاق من سما وشفتها بالمحكمه بكامله اناقتها مع ايهاب واحد لازم ايد لاخ شكد احتقرت روحي واشكد شفت روحي اكبر غبي بالتاريخ جنت اتمنه اروح واشبعهم ضرب بس لزمت روحي وبينت الهم اني مامهتم طلكت وطلعت خارج محكمه ادخن ومن طلعت شافتني رحت عليها
مبروك عليج الطلاك
ههههه شكرا (ابتسمامتها الساخره نرفزتني بس كمشت اعصابي )
ممكن العنوان اذا سمحتي
حقك (اقتربت مني هوايه بحيث صدرها طخني وهمست بااذني العنوان ) مااعرف شنو معنئ هاي حركتها وخرت وراحت بعد متر عني وگتلها
ايه تعرفين انت وحده رخيصه (ظلت واكفه لحظات واندارت عليه )همام كل نسوان الي مروا بحياتك هنه رخيصات ههههههههاي كلهن واني وحده منهن
حقيره ناكره للعشره انت
احس راح نلتقي هوايه…
اي صح راح اكون بااحلامج وراح تتعذبين
وانت اتعذبت من قتلت
مهما كان جنت اني مو بوعاتي بس انت جنت بكامل قواج العقليه
مهم النتيجه استاذ همام اشوفك بخير
ههه اكيد مراح تشوفين بس بكوابيسج
ليش ممكن ترجع عل العراق
لا طبعا بس مباقي هون قرفت من هل مكان
امممممم الله معاك
هاي كانت اخر مرا شفت بيها سما بعدها دزيت العنوان لااخويه علي عل اميل الخاص تبعو
وره شهرين طلع الي لجوء لاامريكا بولايه اريزونا وبعت الشقه وصفيت كل شي وسافرت الى بلد بعيد كل البعد عن بلدي واهلي وناسي…
في مكان بالعراق
بعد ان دز اخويه همام العنوان قررت اروح عل امي كانت بااحد محافظات وسافرت الها ومفاجاة جانت انها زوجه رجل مسؤول بالدوله وقفت عل باب واني اشوف مو بيت لا هاي قصر واسع ضليت واكف الى ان اجوي عليه بدي گارد
السلام عليكم اخويه
وعليكم شتريد
جاي عل هيشو صلاح
منو السيده هيشو صلاح
منو انت؟ وشصير منها ؟
گول الها ابنها علي
جان گلبي يدك بقوة بعد كل هاي السنين راح اشوف امي مااعرف شنو ردة فعلي راح احضنها واكول الها مشتاك الج لو شنو فعلي ضليت واكف نص ساعه ومحد مد راسه
معن خليني اقابله
ارجوك
هيشو شلون تقابليه منو يكول جاي يشوفج هاي مخاطرة مامكن اخاطر بيج
لا هذا ابني مامعقوله ياذيني راح اطلع عليه
مامستعد اخسرج اني امووت اذا صار عليج شي
لاتخاف لو همام جان خفت اطلع عليه بس هذا علي انسان مسالم
وره ثلاث ارباع الساعه طلع الي بدي كادر ودخلني للقصر ولسان حالي يكول ايباخ هاي كله علمود اشوف امي ..
دخلوني بصاله جبيره وكلها ثرايات وطبعا بعد ان خضت للتفتيش طويله اخر مطاف استقريت بغرفه مكتب فخمه بحياتي مشايف هيج اثاث.. وره خمس دقايق دخلت امي هاي مو امي هاي سيده جميله ذات ثيات فاخره وتسريحه راقيه لحظات واني امام امراة رائعه الجمال ثواني جانت المراة تحضني وتبوس بيه بالنسبه الي معرفت ان هاي امي اله من سمعت صوتها وبجيها دفعتها عن حضني وضليت معقود لسان مااعرف شااكول (مشاعري نحوها جانت بارده مثل ثلج ماحسيت بشي نحوها لا بحب ولاكره اصلا جانت امراة غريبه عني كانما اول مره اشوفها)
علي حبيبي شلونك شخبارك
الحمدلله بخير
اخوتك مروان ليش ماجبته وياك علي شبيك ليش ساكت احجي شي
صراحه مااعرف اكلج يمه احسج انسانه غير
ليش؟كيف لابسه ملابس راقيه اني بعدني نفسي اني امك علي
اسف انت بالنسبه الي انتهيتي وعلعموم اني اجيت علمود امين
علي اني امك
مااكدر حته اكلج يمه ماتطلع من حلكي
شتريد من امين
اخونا وابويه يريده كلنا انريد يعيش ويانه
اكيد حبيبي اخوكم هو واني وعدته بس يتحسن الوضع اخليه يشوفكم
وينه هو
بالنادي رياضي سجل كمال اجسام مثلك حبيبي انت تحب رياضه(رادت تكمش وجهي وخرت عنها شفت بعيونها دموع مسحتها)
ابقه معانا عل عشه
اسف مدام
مدام اني امك تستكثر بيه كلمة يمه
انطيني عنوان النادي
راحت كتبت عنوان الي وانطتني الورقه
علي خلافي ويه ابوك هو وصلني هل شي ابقه اني امك وامين مااكدر اخليه يروح وياك عل بغداد خطره عليه
مراح اخذه بس اشوفه واوصل سلام من همام وابويه ومروان
همام ابني شلونه گلي
مدام انت ضيعتي اولادج فلا تسالي علينا من رخصتج
عفتها وطلعت واني مااعرف البرود جان شنو سببه مظهرها لو سبب اخر ..داخلي جان فارغ من ناحيتها ..
ام احمد
اعرف بارت قصير وتاخرت عليكم سامحوني
أنت تقرأ
#قضيه 45
Детектив / Триллерترقبوا قصتي الجديده قضية 45 ان شاء الله تعجبكم مثل القصص الي قبلها وطبعا القصه حقيقيه وصاحبها انسان عصبي فوول كوه اتحملت لوما قصته حلوه جان من اول يوم گتله الله وياك المطلوب منكم حبايبي علكيفكم وياه هذا مو غزوان ويتحمل حجيكم لا ترا يزعل وينسحب وميقب...
