#قضيه 45

قضية _45

#قضية_45
ام احمد
الرابع
مرت ايام واني بااسوء احوالي جنت وحيد ومقيد وبدون سبب مقنع لااعتقالي فااني ماكنت شي جبير بالحزب ولاجنت سياسي  مجرد ضابط تحقيق مو اكثر بس هذا كان الي عقوبه بسبب سمر وقضيتها لاني ظلمتها ضلت صورتها بالي متفارقني وهيه تتوسل بيه صارت عليه مثل لعنه تطاردني بااحلامي وبيقضتي ايضا متروح من بالي ابد وره ايام حولوني لسجن اخر كل معامله جانت رخصيه ومؤذيه الي مامر يوم واني اذا منضربت بيه هل مرا حطوني ويه كم شخص وجنت غير مقيد وانطوني ملابس وفراش ومصلايه وقران وبعدين عرفت اني بسجن ابو غريب من الي ويايه اول يومين جنت اتفحص حواليه كلهم اهل لحى وبس يصلون ويقرون قران جنت احس روحي شاذ عنهم وهمه هم حسوا بيه ماحاولوا يتقربون اليه بعد شهر ضبط حولني للتحقيق وينحكم عليه سنة ..بدون محامي بدون ذنب انحكمت… مااعدلك ياالهي راسنا اذكرت سمر وقضيتها وهاي هيه حوبتها طلعت بيه بس ماكنت مصور ان بهل سرعه تطلع حوبتها…. وراها ظليت اغلط واشتمهم عل حكمهم عليه ضربوني ودوني سجن منفرد وحطوا كيس براسي وحطوا شي بااذاني ميخليني اسمع كلشي وشدوا ايديه بشناطه وظليت مثل مخبل لا اسمع ولااشوف ولااتحرك ضليت حبيس ذكرياتي
يمه يمه ابويه كلي ان اليوم يبات ابيت عمي
اي يمه ميخالف روح جيب صمون وتعال
من رجعت واني شايل الصمون سمعت اخبار عل وضع ميطمن وان العراق راح يخوض حرب اخرى  وهل مرا ضد امريكا هاي جانت بدايه سنه التسعين رجعت للبيت وكلت امي
اي يمه وهو احنه شعدنه بس انحارب وشباب هاي تموت ونسوان تترمل كل همي اخذكم واطلع من هل بلد هذا الي ماكو وراه بس حروب
وين نروح بغير بلد
اخ همام اي نروح نهج اخاف تكبرون وتاخذكم الحروب مني
طفرت دمعة امي منها وهيه تحضر اكل النه مرت ايام ودخلنا بحرب جانت حرب استنزاف وتهديم للشعب العراقي وتبعه الحصار اقتصادي الي فرضته امريكا علينا جعنا وتعرينا وامي ربتنا واتحملت كلشي جانت تحط اكل النه وتكعد عل صفحه ناكل ونگوم وهيه متاكل تريد اكل يكفينا… .
تكعد تخبز الطحين الي يمكن ميستحق اسم طحين لان جان من نوه التمر والذره عل صوبه علاءالدين… .اما التمن الي جان كله كمل وسلابيح…
اما والدي ماجنه نشوفه ابد وبااخص من اتحولنا لبيت وحدنا يرجع تالي الليل ويضل يهوس عل امي يريد عشه وهيه تكله مين اجيب الك اكل مرت سنين حصار جانت عجاف علينا ومع هذا ربينا وانصلب عودنا بذيج الفتره بيت جدي اهل امي رجعوا عل شمال هذا الشي اثر هوايه عل امي فراق اهلها وهيه ماعدها صداقات ويه جيران لان والدي محرم عليها الطلعه…
صارت امي وحيده تماما والدي جان كل سنتين او تلاثه يلا يسمح الها تروح عل اهلها وزيارتهم وبنفس الوكت من يجون علينا جان يتنرفز منهم هوايه بااخص من خوالي ابد مايطقهم رغم انه ممتواجد ابيتنا

هيه هيه انت قوم متت لو بعدك (هاي يضربني بالبسطال عل راسي لان لااسمع ولااشوفه) وخر السماعات من اذني وشال الكيس من راسي هيه انت اصحى انتهى حبس انفرادي تبعك يلا قوم
عوفني ياكلب عوفني
لك انت شنو من صلافه عليك كل هذا ولسانك سليط ماراح تتادب ابد
حقير وعميل للامريكان
ضربني عل راسي بسطاله وضل يضرب بيه الى ان فقدت من الم من فتحت عيني او بكاد افتحها لان وارمه ولااكدر اشوف زين  جنت ممتد عل جربايه وراسي مشدود بضماد ردت اكوم مكدرت جسمي كله الم ورضوض حته فجي مااكدر احركه اجه ليمي واحد من سجناء وگلي
انت اعقل شجاك بس تتعارك ويطيح حظك بالزايد
باوعت عليه وگوه اشوف ملامحه
ولي من يمي خليك بحالك
(من بعيد واحد جاوبه ) لاتحاول معاه هذا راسه ناشفه من يوم الي دخل هو معارك ويه الكل وهذا حال لو مضروب لو بالسجن انفرادي
امره عجيب مايسد حلكه هذا يخلص محكوميته كلها ينضرب
هذا جان ضابط وشايف روحه متهون عليه روحه ههههه
اي صح مثل متكول
جنت بس اسمع نقاشاتهم وضحكهم مرت ساعات واني مااكدر اتحرك…
من صار الصبح اجه عليه طبيب يفحص بيه وانطاني مسكنات وراح خلال اسبوع اني جنت اتعافى وساد حلكي اتفحص كل حواليه حراس ومساجنين رغم كل قساوة الي مريت بيها بس جان هناك نوع من ارتياح الضمير عندي وحسيت ان سمر انتقمت مني بطريقه او اخرى… .
جنت اصور ان اعداء حقيقين هم امريكان لكن هناك عدو يلبس زي الورع وهو اخطر عليك من امريكي نفسه
شلونك ابو شباب
شرايد مني
سلامتك الف سلامه عليك
احسن تبتعد عني مااريد اكون صداقه مع احد
انا مبعوث الك من جبير
منو هذا الجبير بله
تصير  ويانه
انتوا منو
احنه الي راح ننتقم من كل واحد اذاك
انتوا منو
انت من تصير ويانه تعرفنا
اخويه العب بعيد اني مالي خلكك يلا امشي منا
اذا مااجيت معانا تخسر
روح يلا الله ياخذك انت وامريكان وكل شخص اجه معاهم.
انت عبالك اذا رفضت تتعاون معانا نخليك بحالك
اي شسوي بله
تشوف بعدين
يلا انقلع
هو هذا الناقصني اتعامل وياهم… مشت ايام كلها متشابه عندي صح اتاذيت هوايه بس مارضخت الهم لا للامريكي ولا ويايه بالسجن ..خلال ايام جان المبعوث من جبير مرتين حجه وياي بس اني كل مرا ارفضه اكثر