#قضيه 45

#قضية_45

#قضيه _45
ام احمد
الخامس
ممعقوله هذا همام اخويه مااصدك اخويه البطل هذا حاله ليش شسوه ؟شنو ذنبه؟رحت عليه بوسته مشدوده رقبته ومبين عليه التعب ضعفان وميحس بالي حوله عيونه الحلوات مسدودات ضليت ابوس بيه اجه عليه امريكي وكلي
دونت تاچ هم بليز
اوكي اوكي دونت ويري
(انعل ابوكم لابو الجابكم علينا )
وط يو سي
ناثنك
رحت عل ضابط امريكي وبحكم اعرف احجي انكليزي افتهمت تهمه همام وسجنه وافتهمت انه مشاغب ويدخل بصراعات ادت الى هاي حالته وطمئني انهم من يتشافى راح ينقلوا العنبر مابيه خطر عليه وان هو محكوم سنه فقط ومباقي اله كم شهر ويطلع ..
رحت عل اخويه وكعدت يمه حالته صعبه مكدرت الزم دموعي واني اشوف اخويه بهل حاله شويه وكلي امريكي زياره خلصت ماكو باايدي شي بس اعوفه يصارع بين الحياة والمووت…
الطريق كله افكر بطريقه اوصل بيها حالة همام لاابويه شااكول الهم عايش لو شنو اني شفته شبه ميت وفاقد الوعي بعد ان فهمني الدكتور ان غيبوبته سببها ان السكين ملوثه وهل شي سبب اله اذيه اله بالدماغ وانهم يحاولون يعالجوه بس ينراد اله وكت حته يتعافى واحتمال يصير عند فقد للذاكره اما كلي او جزئي… كل معلومات جانت مرعبه الي ومااعرف شلون اوصلها الوالدي قررت بداخلي اكلهم هو بخير بس بعده بالمستشفى يضل شهر ويطلعوه افضل مما اكول الحقيقيه لان والدي حالته غير مستقرة رجعت مهموم ونفس ماالي بكل شي حاولت اكون طبيعي مكدرت صح هم صدگوا بيه بس ضلت عيون والدي بيها الف استفسار رحت عل غرفة همام ونمت بفراشه واني احاول اشم عطره فكرت اسفره للخارج بس هم محكوم وشلون اسفره وينراد الهه فلوس واني صرفت الي كدامي ورايه علمود الگاه ضليت اسبوع اني لااكلي زين ولاشربي وكلها گضيتها بغرفه همام

يمه يمه شبيج يمه اكعدي اصحي يمه
آه آه
يمه فتحي عيونج
همام  عوفني اموووت
يمه هاي انت جاي تنزفين ليش لك علي علي ولك امنا مدري شبيها
هاي شنو همام شبيها امي
روح جيب سياره خلي نوديها عل مستشفى

دكتورة شبيها امنا
منو زوجها
مموجود احنه ولدها
امكم محاوله تنتحر
شنو !!ليش ؟
امكم من فحصتها حامل ويمكن متعرضه للاغتصاب او احد ضاربها
دكتورة شنو اغتصاب ابويه موجود وامي متطلع من البيت
امكم حامل وهيه محاوله تنتحر وعليها علامات تعدي جسدي وهسه لاتخافون الطفل بخير وهيه هم

علي سمعت الي كالته
اي سمعته
منو يعتدي عل امنا
همام شمدريني اني
هسه شنسوي
شنسوي يعني نتظره تكعد وتحجي النه

وره يومين بالمستشفى وبعد ان امي صحت ماقدمت بلاغ عل احد من حاولت طبيبه وياها علمود تشتكي ضلينا اني وعلي بس نصفن منعرف شنو نحجي او نصرف وامي بس تبجي مكدر احد بينا يسالها شصار ومنو اعتدى عليها طلعناها من مستشفى بس جانت حالتها النفسيه كلش تعبان اما والدي جان متفرج ولايحجي ولا حاول يتقرب من امي الي بدورها كامت تنام ويه مروان وامين بالغرفه وراها باايام امي راحت عل شمال ومارجعت وطلبت الطلاق حته لو حامل من ابويه ظلت امي تلث اشهر وراها رجعت لان اهلها ما وافقوا عل طلاق بعد الولادتها من ابويه بس من رجعت جانت كلش تعبان وحمل متعبها وجانت مترفزه من والدي هوايه وحته النه ماتحجي هلكد معانا…
من راحت امي اخذت سونار وطلع عندها بنت فرحت كلنا فرحنا واتغيرت شويه نفسيتها وصارت احسن اما اني فطرت من الفرح لان راح تجيني اخت بس شاءت اقدار ان ننحرم من اختنا الي مشافت نور