My Favorite Summer (Victoriano Series Book #2)

Part 9

Hindi pa rin sinosoli ni Jared 'yung plato.

Gusto ko sana siya tanungin kung may balak pa siyang isaoli pero nang malaman ko na kapatid pala siya ni Sir Jayden at Sir Jordan, parang naging mabait ako bigla sa kanya.

I mean, mabait naman ako pero kasi naisip ko siyang tikman. Pero ngayon, nabawasan na 'yung imagination pero nandoon pa rin naman.

Ang hirap lang magtrabaho (tumunganga) kanina kasi feeling ko binabantayan ako ni Jared pero nairaos ko naman 'yung araw.

Pagkauwi sa condo, sabi ni Leo nasa gym daw si Tom at Angelo. Wala rin si Justin kasi daw may date sila ni Kit.

"Alam mo ba, I saw uli 'yung dalawang lalaking sumusunod sa'tin noon. Sa ground floor. I don't know, feeling ko tuloy I'm their target!" Sabi ni Leo bigla habang kumakain ng chichiriya sa sala.

Tumabi ako.

"Talaga??"

"Eh I saw them eh. Nakita mo ba sila kanina?"

"Hindi ko napansin pero wala naman." Sagot ko.

"So, ako talaga kailangan nila. Hindi ko naman alam kung anong ginawa ko, at saka bakit hindi na lang nila ako kausapin?"

"Hindi naman tayo sure kung talagang hinahanap ka nila or what eh. Assuming lang tayo" sabi ko.

Pero ang creepy non. Kinalimutan ko na nga 'yung dalawang lalaki na 'yun kasi hindi na sila nagparamdam uli at baka nga guni guni lang namin ni Leo 'yun noon.

Pero ngayon, nakita niya uli, parang nakaka alarma lang.

Tinatanggal ko na nga rin sa isip ko 'yung "multo" sa kabilang unit eh.

"Anyway, have you eaten na ba? I'll re heat na lang the spaghetti Tom cooked yesterday if you want"

"Uhm hindi na. At saka isa pa, baka magalit si Tom kapag kumain na ako kaagad"

"You know, your friendship really amazes me."

"Bakit naman?"

"You know the saying na parang kayo pero hindi kayo? Ganon kayo"

"Haha. Siguro nagkasundo lang talaga kami from the start pa lang" ayan, nacoconyo na rin ako magsalita.

"Well, ang ganda pa rin. Parang Tom is every gay man's dream of being the bestfriend kind of guy"

"Totoo."

"Hindi ka ba nainlove sa kanya?" Parang eto lang 'yung straight question ni Leo na hindi siya medyo conyo.

"He's okay. Super pogi. Pero una, technically magkapamilya kami kasi mag asawa 'yung Kuya ko at Ate niya. Pangalawa, may boyfriend ako nung panahong na meet ko siya so basically hindi ko siya napapansin"

"Well, to be honest. At if hindi mo mamasamain, you look good together. If one day maging kayo, I will not be shocked or something."

"Sobrang labo mangyari. Magkapatid turingan namin sa isa't isa."

"Hehe okay. I understand!" Sabi na lang niya.

Sanay na rin ako sa mga taong nagsasabi na bagay na kami ni Tom kasi si Tom talaga ang perfect vision ng boyfriend.

Tinext ko na lang si Tom na iinitin ko 'yung pagkain at hihintayin ko siya bago ako kumain.

Nagpaalam naman si Leo na may bibilhin lang siya kaya ako na lang natira sa condo.

Maya maya, may kumatok sa pinto at nang buksan ko, nandoon si Jared.

Naka pambahay na lang siya this time. Pero sadly, may suot siyang damit.