(((الحلقه الرابعه)))
حطيت ايدي علي فمي وبحتت في ماما لقيتها راقده
نضت غسلت وجي وصليت الفجر وعديت للمعهد
حضرت المحاضره وتلاقيت مع دكتوره دلال:
سلمت عليها وقمعزنا فلقاعه برواحنه
دلال: وصلنا المتكم انتي وهلك علي الغذاء؟؟؟
~
~
~
~
حاتم: من الاخير ياامي
يونس: ربي يخليك لنه
حاتم: ولا ارووع تسلم يديك
ماما: صحتين
كنه كلنا مقمعزين علي الصفره كلنا كانت ماما جنبي
ومقابلني بابا وفي جنبي خويا حاتم وجنبه يونس ومراته سهام
وبعدها ولدهم وبنتهم وبعدها بابا وبعدها رمزي ومراته شيماء
وبعدها أنا؟؟؟
دلال: تذكري لدرجه هذي؟؟؟
انا: اكيد لانهن كانن اخر لحظات حياتي
دلال: شن صار ؟؟؟
~
~
~
~
انا صبيت من السفره قمعزت علي الصالون ومديت كرعيه ع طاوله
انا: ماما؟؟؟
ماما: نعم؟
انا: تعالي نبيك؟
ماما: كنك؟
انا: قمعزي جنبي؟
قمعزت ماما جنبي وقعدنا انهدرزو كنت متقصده ؟؟؟
عشان نبي شيماء وسهام هنه اللي يلمن السفره ويغسلن لماعين
دلال: كنتي تكرهيهن؟؟؟
انا: اكثر ماتصوري
دلال: ليش؟؟؟
~
~
~
~
جو خوتي الشباب وقمعزو جنبنا وجا بابا قعدنا كلنا انهدرزو وهنه يغسلن فلماعين؟؟
انا: شوفي من اليوم وغادي كل يوم وحده تدير الغذاء يوم مراتك يايونس ويوم مراتك يا رمزي
ماما: ساره؟؟
انا: ماما خليني انكمل... امكم كبرت فلعمر وتصباي فلمطبخ مش لها
رمزي: بس باتي ميحبش الاوكال امي؟
انا: بابا معندش مشكله وبعدين انا اللي نحكي الحاجه هذي
مفروض انتم برواحكم تعرفو
يونس: نا معندش مشكله سهام تنزل
رمزي: خلاص تو نحكي لشيماء
فرحت وبحتت في حاتم رفعت حاجبي
حاتم ضحك
~
~
~
سهام : هيا متريحه ونحنا اللي نظمو نحنا معندنش شقق فوق نعانوهن؟؟
شيماء: اسكتي وخلاص فكينه منها
سهام: نحنا نغسلو لماعين وهيا تسهوك ومقمعزه نحنا عندنا مسؤليات
شيماء: الله غالب نصبرو تو سنه سنتين تجوز ونفتكو من شرها
سهام: انتي جديده ومصكرتش سنه مجوزه لاكن نا ليا 4 سنوات معاها عارفتهاا انانيه ومدلعه لين خاربه؟
شيماء: والله حتي نا دارتلي كم موقف غير نبلع وخلاص
كنت نسمع فيهن من ورا باب المطبخ
وعرفت ان شيماء هاديه ومتحبش المشاكل
بس سهام تبي تحداني؟؟؟
خشيت شربت ميه من يلاهن
انا: الثلاجه تبي مسح من جوه را تنسنها
وطلعت وسيبتهن..
خشيت لداري وصكرتها فتحت الروشن وطلعت استشوار واستشورت شعري عشان بتجيني اختي المجوزه ونطلعو لسوق
