عائشه: الله اعلم
زينب: بس شكلهن نظيفات
عائشه: شفتهن من روشن المطبخ وهنه يغسلن فلفرش الصراحه يمسحن الكبد نظفانه تنظيفه سمحه
زينب: تو ناخد منك رقمها بلكي نستحقلها
عائشه: تو نعطيه لك
خشن البنات:
ماما: ايوواه
نسمع في صوت اختي فاتن..
سلمت علي ماما وخشتلي سلمت عليا
فاتن: رايفت عليك
انا: حتي نا رايفت عليك واجد (واضبطتها)
ماما: هيا تعالن نقمعزو ع تلفزيون
انا: تو ندير نسكافي
ماما: تعالي يافاتن
قمعزن في الصاله وولعن التلفزيون
ونا فلمطبخ
ماما: وسعي بالك ومتعدلش عليها اهم شئ كان حلمك انك تكوني اسره وتقعدي ام حنونه نا واثقه ان من الحياه اللي عشتنها انتي وخواتك ومعاناه اللي شفتنها ومن البهدله اللي رافقتكن حتعوضنها بخير علي اعيالك وحتربنهن احسن تربيه واي حنان اب وام فقدنه حتعوضنه لاعيالك
(>انا نسمع فيها من حاشية الباب المطبخ ودموعي ينزلن ساخنات<)
فاتن: (تبكي)
ماما: خلاص ياامي خلاص
فاتن: نا والله دايرتها كيف امي وفرحت بعد اجوزته وامه عايشه
قلت حنحصل ام بعد وصل عمري لل25 وحنحصل زوج واخ
كنت فرحانه بزواجي قلت واخيرا يقعد عندي حوش دافي
نعيش بلا خوف خلاص نلقي راجل يحميني ويصكر عليا باب
ماما:تبكي...
فاتن: (تبكي بعبرتها) نسمع فيها تقوله امكم جايبها من شارع لقيطه
ماما: (تبكي) خلاص اسكتي را تسمعك ساره
(قمعزت علي الوطا وقعدت نبكي قلبي غم عليا حسيت انفاسي بينقطعن صبيت علي روشن المطبخ ناخد هواء غسلت وجي)
فاتن: كيف حالها ساره
ماما: من اسواء ال اسواء مش قادره تنسي
فاتن: مزالت تحلم
ماما: يوميا ياتنوض تعيط يااما نلقاها عارقه وتبكي وهيا راقده
طول الليل ماسكه يدي وخايفتني انسيبها
فاتن: اللي مرت بيه ساره اصعب مللي مرينه بيه كلنا
ماما: اسكتي جت
جبت سفره النسكافي وبسكويت
فاتن: شنو جو المعهد
انا: ماشي الحال
فاتن: به تمام
ماما: اليوم عدينا للفيلا غسلنا الفرش
فاتن: وبه؟
ماما: عليك فيلا وعليك اثات الصلاة ع نبي
فاتن: ماشاءاله
ماما: مش طبيعي كبرها وفخامتها احكيللها ياساره؟؟
انا: اهاا حوشهم فخم بكل
ماما: الصاله اتخوف من الكبر الصاله بس اللي نظفناها اكبر
بواجد من حوشي هضا كله؟
فاتن: ههههههه
انا: جنان واسعااات بس تعب بكل
ماما: غسلنا قريب 10 فرشات
فاتن: ووواووو شد حيلكن خصوصا الليوم حمو
ماما: بكل صهد
انا: شنجوه راجلك؟؟
فاتن: عمر امممم هههههه كويس ويخاف عليا
انا: وامه؟
فاتن: ربي يهديها ماعندي مانقول عليها شخبارك انتي؟
انا: تمام
فاتن: ساره ليش ماتشوفي دكتور نفسي؟
انا: لالالالا
فاتن: ساره بلكي تريحي اكثر
انا: انخاف منقدرش منقدرش منقدرش منقدرش
فاتن: خلاص خلاص اسكتي
انا: بنخش للدار
ماما: خشي تريحي
~
~
~
~
هدرزت فاتن مع ماما شويه وجاها راجلها عمر
خشت سلمت عليا وطلعتله وركبت في سياره:
