ﻭﺍﻡ ﻋﻤﺮ ﻛﺎﻧﺖ ﺗﺒﻲ ﺍﻟﺤﻤﺎﻡ ﻭﻃﺒﻌﺎ ﻣﺘﻘﺪﺭﺵ ﺍﺗﺨﺶ ﺑﺮﻭﺣﻬﺎ ﺿﺮﻭﺭﻱ ﻣﺎﺣﺪ ﻳﺴﺎﻋﺪﻫﺎ
ﺿﺒﺤﺖ ﻋﻠﻲ ﺣﻨﻴﻦ ﻛﻢ ﻣﺮﻩ ﺑﺲ ﻣﺮﺩﺗﺶ ﻋﻠﻴﻬﺎ
ﻭﺗﺒﻮﻟﺖ ﻓﻲ ﺩﺑﺸﻬﺎ ﻉ ﻛﺮﺳﻲ ﺍﻟﻤﺘﺤﺮﻙ .........
ﺭﻭﺡ ﻋﻤﺮ ﻣﻊ 2 ﻓﻲ ﺍﻟﻘﺎﻳﻠﻪ
ﻭﺧﺶ ﻟﺸﻘﺔ ﺍﻟﻠﻲ ﻓﻴﻬﺎ ﺍﻣﻪ ﻟﻮﻃﻪ
ﺍﻣﻪ ........:
ﻋﻤﺮ : ﺍﻫﻠﻴﻦ ﺣﻨﻴﻦ ﻭﻳﻦ؟؟
ﺍﻣﻪ : .......
ﻋﻤﺮ : ﺍﻣﻲ ﻛﻨﻚ؟؟؟؟
ﺍﻣﻪ : ......
ﻋﻤﺮ : ﺍﻣﻲ ﻛﻨﻚ ﺷﻦ ﻓﻲ؟
ﺍﻣﻪ : ﻟﺒﺰﺕ ﺳﺮﻭﺍﻟﻲ؟
ﻋﻤﺮ : ﻛﻴﻒ؟؟؟ ﻳﻌﻨﻲ ﺍﻫﺎﺍﺍﺍ ﻋﺎﺩﻱ ﻣﺶ ﻣﺸﻜﻠﻪ ﺳﺎﻫﻠﻪ ﺑﺲ ﺣﻨﻴﻦ ﻭﻳﻦ؟
ﺍﻣﻪ : ﻣﻨﺰﻟﺘﺶ
( ﻛﺎﻥ ﻣﻨﻈﺮﻫﺎ ﻛﻴﻒ ﺍﻟﻄﻔﻞ ﻛﺎﻧﺖ ﻣﺘﺤﺸﻤﻪ ﻣﻦ ﺭﻭﺣﻬﺎ )
ﺭﻛﺐ ﻟﺤﻨﻴﻦ ..............
ﻓﺘﺤﺖ ﺍﻟﺒﺎﺏ :
ﻋﻤﺮ : ﻣﺶ ﻗﺘﻠﻚ ﺍﻧﺰﻟﻲ ﻭﺍﻗﻌﺪﻱ ﻣﻊ ﺍﻣﻲ؟؟؟
ﺣﻨﻴﻦ : ﻋﻤﻮﺭﻱ ﻛﻨﻚ ﻣﺘﻌﺼﺐ ﻳﺎﺑﻴﺒﻲ ﺷﻨﻮ ﺩﺭﺕ ﻧﺎ
ﻋﻤﺮ : ﻧﺎ ﺷﻨﻮ ﻗﺘﻠﻚ ﻗﺒﻞ ﻣﺎﻧﻨﺰﻝ؟
ﺣﻨﻴﻦ : ﺭﻧﻦ ﻋﻠﻴﺎ ﺻﺤﺒﺎﺗﻲ ﻭﻫﺪﺭﺯﺕ ﻣﻌﺎﻫﻦ ﻭﻟﻬﻴﺖ
ﻋﻤﺮ : ﻳﻌﻨﻲ ﻛﺴﺮﺗﻲ ﻛﻠﻤﺘﻲ؟؟
ﺣﻨﻴﻦ : ( ﻗﻌﺪﺕ ﺗﺒﻜﻲ )
ﻋﻤﺮ : ..........
ﺣﻨﻴﻦ : ﺣﺮﺍﻡ ﻋﻠﻴﻚ ﻣﻦ ﺍﻭﻝ ﻳﻮﻡ ﺗﻌﺎﻣﻠﻨﻲ ﻫﻜﻲ ﻭﺳﻊ ﺑﺎﻟﻚ ﻋﻠﻴﺎ
ﻋﻤﺮ : ﺧﻼﺹ ﺳﺎﻫﻠﻪ
ﺣﻨﻴﻦ : ﻛﻠﻤﺖ ﻣﺎﻣﺎ ﻧﻄﻤﻦ ﻋﻠﻴﻬﺎ ﻭﺍﺗﺼﻠﻦ ﺻﺤﺒﺎﺗﻲ ﻭﻣﻔﻀﻴﺘﺶ
ﻋﻤﺮ : ﺍﻫﺎﺍ ﻫﺎﻛﻲ ﻭﺗﻲ ﺍﻟﺼﻔﺮﻩ ﻭﻧﺰﻟﻲ ﻭﺭﺍﻳﻪ
ﺣﻨﻴﻦ : ﺣﺎﺍﺿﺮ
ﺣﻄﺮﺕ ﺍﻟﺒﻄﺎﻃﺎ ﻓﻲ ﺗﺒﺴﻲ ﻭﺩﺟﺎﺝ ﻓﻲ ﺗﺒﺴﻲ
ﻭﺍﻟﺒﺮﻏﺮ ﻭﻧﺰﻟﺖ ﻭﺭﺍﻩ
ﻋﻤﺮ : ﺣﻄﻲ ﺍﻟﺼﻔﺮﻩ ﻓﻲ ﺍﻟﻤﻄﺒﺦ ﻭﺗﻌﺎﻟﻲ
ﺣﻨﻴﻦ : ﺣﺎﺿﺮ
ﺣﻄﺘﻬﺎ ﻭﺟﺖ :
ﺣﻨﻴﻦ : ﺍﻫﻠﻴﻦ ﻳﺎﺍﻋﻤﻴﻤﻪ ﻛﻴﻒ ﺣﺎﻝ ﺻﺤﺘﻚ
ﺍﻣﻪ : ﺍﻫﻠﻴﻦ ﺍﻟﺤﻤﺪﻟﻠﻪ ﺍﻟﺤﻤﺪﻟﻠﻪ ﻭﺍﻟﻠﻪ ﺷﻮﻓﺘﻚ ﺭﺩﺕ ﻓﻴﺎ ﺍﻟﺮﻭﺡ
ﺣﻨﻴﻦ : ﺗﺴﻠﻤﻴﻠﻲ
ﻋﻤﺮ : ﻏﻴﺮﻳﻠﻬﺎ ﺩﺑﺸﻬﺎ؟؟
ﺣﻨﻴﻦ : ﻋﻠﻴﺶ؟
ﻋﻤﺮ ........:
ﺍﻣﻪ : ﺳﺒﻘﻨﻲ ﺍﻟﺒﻮﻝ
ﺣﻨﻴﻦ : ﻭﻋﻌﻊ
ﻋﻤﺮ : ؟؟
ﺣﻨﻴﻦ : ﻳﻌﻨﻲ ﺍﻣﻤﻢ ﺍﻧﺎ ﻛﻴﻒ ﺑﻨﻘﻮﻟﻬﺎ ﺍﻣﻤﻢ
ﻋﻤﺮ : ﻣﺘﺴﻤﻌﺶ ﺍﻧﺘﻲ؟؟ﻏﻴﺮﻳﻠﻬﺎ؟؟
ﺍﻣﻪ : ﻭﺳﻊ ﺑﺎﻟﻚ ﻉ ﺑﻨﺖ؟
ﺣﻨﻴﻦ : ﺍﻓﻔﻔﻒ ﺑﺎﻫﻲ
ﻏﻴﺮﺗﻠﻬﺎ ﻭﻫﻴﺎ ﻣﻨﻘﺮﻓﻪ ﻣﻨﻬﺎ ﻭﻃﻠﻌﻦ ﻋﺸﺎﻥ ﻳﺘﻐﺬﻥ :
ﺍﻣﻪ : ﺷﻨﻮ ﻫﻀﺎﺍ؟
ﻋﻤﺮ : ﺣﻨﻴﻦ ﻗﺎﻟﺖ ﻣﻨﺒﺶ ﺍﻧﻄﻴﺐ؟
ﺣﻨﻴﻦ : ﺀﺀﺀ ﺍﻋﻤﻴﻤﻪ ﺍﻭﻝ ﻳﻮﻡ ﻟﻴﺎ ﻣﺰﻟﺖ ﻋﺮﻭﺱ
ﺍﻣﻪ : ﻣﻨﻜﻠﺶ ﻓﻴﻪ ﻧﺎ ﻫﻀﺎﺍ
ﺣﻨﻴﻦ : ﺑﻠﻌﻜﺲ ﺑﺲ ﺟﺮﺑﻴﻪ ﻫﺎﻛﻲ ﻫﺎﻛﻲ
ﺍﻣﻪ : ﻣﺶ ﻛﻮﻳﺲ ﻉ ﻣﻌﺪﺗﻲ ؟؟
ﻋﻤﺮ : ( ﻳﺎﻛﻞ ﻭﻣﺶ ﻣﻌﺪﻝ ﻋﻠﻴﻬﻦ )
ﻛﻤﻞ ﺍﻭﻛﺎﻟﻪ ﻭﻃﻠﻊ .....
ﺣﻨﻴﻦ : ﻭﻳﻦ؟؟
ﻋﻤﺮ : ﺗﻮ ﻧﺠﻲ ﻋﻨﺪﻱ ﺷﻐﻞ ......
ﻃﻠﻊ ﻭﺟﺎ ﻗﺪﺍﻡ ﺣﻮﺵ ﻣﺎﻣﺎ ﻋﺸﺎﻥ ﻋﺎﺭﻑ ﺍﻥ ﻓﺎﺗﻦ ﺗﺰﻭﺭ ﻓﻴﺎ ﻳﺒﻲ ﻳﺸﻔﻮﻫﺎ ﻣﻦ ﺑﻌﻴﺪ
ﻛﺎﻥ ﺧﺎﻳﻒ ﻭﻣﺘﺮﺩﺩ
ﻟﻮ ﺻﺎﺭﺣﻬﺎ ﺗﻄﻠﻊ ﻓﻌﻼ ﻫﻴﺎ ﺳﺒﺐ ﻓﻲ ﺷﻠﻞ ﺍﻣﻪ
ﻭﻟﻮ ﻣﺼﺮﺣﺶ ﺗﻜﻮﻥ ﻣﻈﻠﻮﻣﻪ
ﻛﺎﻥ ﻣﺘﻮﻗﻊ ﻣﻦ ﻓﺎﺗﻦ ﺗﺼﺮﻑ ﻛﻴﻒ ﻫﻀﺎ ﻋﺸﺎﻥ ﻋﺎﺭﻑ ﺍﻥ ﺍﻣﻪ ﻣﺶ ﺳﺎﻫﻠﻪ
ﻭﻛﻼﻣﻬﺎ ﺳﻢ
ﺧﺎﻑ ﺗﻜﻮﻥ ﺭﺩﺕ ﻓﻌﻞ ﻓﺎﺗﻦ ﺍﻧﻬﺎ ﺍﻃﻴﺤﻬﺎ
ﺑﺲ ﻣﻜﻨﺶ ﻋﺎﺭﻑ ﺍﻥ ﻓﺎﺗﻦ ﻣﺴﺘﺤﻴﻞ ﺗﺌﺬﻱ ﺣﺪ
~
~
~
~
ﻣﺮﻥ ..... ﺷﻬﺮ ..... ((((
ﺍﻧﺎ ﻓﻲ ﺍﻟﻤﺴﺘﺸﻔﻲ ﻭﻣﺶ ﻗﺎﺩﺭﻩ ﻧﺤﻜﻲ ﻻﻥ ﻛﻞ ﺑﻨﺤﺎﻭﻝ ﺩﺩﻣﻮﻋﻲ ﻳﻨﺰﻟﻦ ﻭﺟﻮﺩ ﻳﺎﺳﺮ ﻓﻲ ﺣﻴﺎﺗﻲ
ﺯﺍﺍﺩ ﺣﺴﺴﻨﻲ ﺑﻠﻌﺎﺭ ﺍﻟﻠﻲ ﻧﺎ ﺩﺭﺗﻪ
ﻭﺣﺪﻩ ﺿﻌﻴﻔﻪ ﻣﻬﺰﻭﻣﻪ ﺑﻼ ﺷﺮﻑ ﻓﻠﺤﻈﻪ ﺿﻴﻌﺖ ﺣﻴﺎﺗﻬﺎ ﻭﺿﻴﻌﺖ ﻫﻠﻬﺎ
7 ﺳﻨﻮﺍﺕ ﻣﺮﻥ ﻋﻠﻲ ﺍﻟﻘﺼﻪ ﻭﻣﺰﻟﺖ ﻧﻔﺲ ﺍﻟﺨﻨﻘﻪ ﻭﻧﻔﺲ ﺍﻟﺸﻬﻘﻪ ... ؟؟
ﺣﺎﻭﻟﺖ ﺍﻧﺘﻐﻴﺮ ﺣﺎﻭﻟﺖ ﺍﻧﻌﻴﺶ ﺣﻴﺎﺗﻲ ﺑﺲ ﺷﻨﻮ ﺍﻟﻔﺎﻳﺪﻩ ﻛﻞ ﻣﺎﻧﺒﺮﻡ
ﻧﻠﻘﻲ ﺍﻟﻤﺎﺿﻲ ﻗﺪﺍﻡ ﻭﺟﻲ ﻣﻌﺮﻓﺘﺶ ﻧﻬﺮﺏ ﺍﻻ ﺑﺴﻜﻮﻭﺕ
ﺍﻟﺼﻤﺖ ﻫﻮﺍ ﺍﻟﺤﻞ ﻟﻮ ﺣﻜﻴﺖ ﺍﻟﻨﺎﺱ ﺑﺘﻨﻈﺮﻟﻲ ﺍﻟﺒﻨﺖ ﺍﻟﻌﺎﻫﺮﻩ
ﻧﺎﺱ ﻣﺤﺪﻭﺩﻩ ﻓﻲ ﺣﻴﺎﺗﻲ ﻣﺎﻣﺎ ﻭﻓﺎﺗﻦ؟؟؟
ﻭﺩﻻﻝ؟؟؟
ﻳﺎﺳﺮ ... ﻭﺍﻩ ﻣﻦ ﻳﺎﺍﺍﺳﺮ ..........
ﻳﺎﺳﺮ ﻓﻲ ﺑﺮﻳﻄﺎﻧﻴﺎ ﻭﻣﻌﺶ ﺭﺩ ﻟﻴﺒﻴﺎ ﻗﺎﻋﺪ ﻏﺎﺩﻱ
ﻭﻳﻜﻠﻢ ﻓﻲ ﺍﻣﻪ ﻭﻋﺮﺳﻪ ﺑﻌﺪ ﺷﻬﺮ
ﻧﻔﺲ ﻣﺎﻛﺎﻧﻦ ﺗﻮﻗﻌﺎﺗﻲ ﺍﻭﻝ ﻣﺎﻋﺮﻑ ﻗﺼﺘﻲ ﻭﺧﺮ ﻉ ﻃﻮﻝ
ﻛﺬﺑﺖ ﻋﻠﻴﻪ ؟؟؟ ﺑﺲ ﻣﻌﺬﻭﺭﻩ ﻫﻬﻬﻊ ﻭﺷﻨﻮ ﺑﻨﻘﻮﻟﻪ
ﻛﻴﻒ ﺑﻨﺤﻜﻴﻠﻪ ؟؟؟
ﺷﻨﻮ ﺑﻨﺸﺮﺣﻠﻪ؟؟
ﻣﺶ ﻣﻈﻠﻮﻣﻪ ﻻﻥ ﻋﺪﻳﺖ ﺑﺮﺟﻠﻴﻪ ﻣﻊ ﻭﻋﺪ
ﻟﺤﻈﺔ ﻋﺒﺎﻃﻪ ﺍﻭ ﻏﺒﺎﺀ ﺍﻧﺴﺎﻥ ﻳﺘﻌﻠﻢ ﻣﻨﻬﻦ؟؟
ﺑﺲ ﻧﺎ ﺩﻣﺮﻥ ﺣﻴﺎﺗﻲ .. ﺩﻣﺮﻥ ﺣﻴﺎﺗﻲ ﻭﻣﻌﻄﻨﺶ ﻓﺮﺻﻪ ﺍﻧﻲ ﺍﻧﺘﻌﻠﻢ ﻣﻨﻬﻦ؟؟؟
ﺍﻣﺎﺍ .. ﺟﻨﺎﺕ ..
ﺯﺍﺩﺕ ﺗﻌﻠﻘﺖ ﺑﻌﻴﺴﻲ ﻭﻛﺎﻥ ﺍﻟﺪﻧﻴﺎ ﻫﺬﻱ ﻣﻔﺶ ﺍﺻﻐﺮ ﻣﻨﻬﺎ
ﺗﻌﻠﻘﻮ ﺑﻌﻀﻬﻢ ﻭﺍﺟﺪ ﻭﺗﺮﻳﺤﻮ ﻟﺒﻌﻀﻬﻢ
ﻏﻴﺎﺏ ﻳﺎﺳﺮ ﺧﻼﻫﺎ ﺗﻌﻠﻖ ﺍﻛﺜﺮ ﻭﺍﻛﺜﺮ ﺑﻌﻴﺴﻲ
ﻛﺎﻥ ﻭﺟﻮﺩﻩ ﺣﻠﻮ ﻭﻣﻤﻴﺰ ﻓﻲ ﺣﻴﺎﺗﻬﺎ ﻭﻟﻜﻦ؟ ... ﺑﻨﺴﺒﻪ ﻟﺤﻴﺎﺗﻲ؟؟؟
ﺭﺍﻧﻴﻪ ...
ﻭﺧﺮﺕ ﻋﻠﻲ ﻣﻮﺿﻮﻉ ﺭﺍﻓﻊ ﻭﻋﺮﻓﺖ ﺍﻥ ﻣﻌﺶ ﻓﻲ ﻓﺎﻳﺪﻩ
ﻭﺳﻤﻌﺖ ﻣﻦ ﺍﻣﻞ ﺍﺧﺘﻪ ﺍﻥ ﻣﻤﻜﻦ ﻓﻲ ﺑﻨﺖ ﺧﺸﺖ ﺣﻴﺎﺗﻪ
ﻛﺴﺮ ﻓﻴﻬﺎ ﺣﺎﺟﺎﺕ ﻭﺍﺟﺪﻩ
ﻳﻌﻨﻲ ﺭﺍﻧﻴﻪ ﺍﻟﺒﻨﺖ ﺍﻟﺪﻟﻮﻋﻪ ﺍﻟﺴﻤﺤﻪ ﻭﺍﻟﺬﻛﻴﻪ؟؟؟
ﻳﺼﻴﺮ ﻓﻴﻬﺎ ﻫﻜﻲ؟؟
ﺭﺩﺕ ﻓﻌﻞ ﺭﺍﻓﻊ ﻭﺍﻋﺘﻬﺎ ﻋﻠﻲ ﺣﺎﺟﺎﺕ ﻭﺍﺟﺪﻩ ﻳﻌﻨﻲ ﻣﺤﺘﺎﺟﻪ ﺍﻧﻬﺎ ﺗﻐﻴﺮ ﻧﻤﻂ ﺣﻴﺎﺗﻬﺎ
ﻋﺸﺎﻥ ﺗﻤﺎﺷﻲ ﻣﻊ ﺍﻟﻨﺎﺱ ﺍﻟﻠﻲ ﺣﻮﻟﻬﺎ ..
ﻋﻤﺮﻩ ﻣﺎﻛﺎﻥ ﺍﻟﻐﺮﻭﺭ ﻭﺭﻓﻌﺔ ﺍﻟﺨﺸﻢ ﺩﻭﺭﺱ ﻟﻨﺎﺱ ﻏﻴﺮﻧﺎ
ﻻ ﺍﻟﻨﺘﻴﺠﻪ ﻫﻴﺎ ﺍﻥ ﻧﺨﺴﺮﻫﻢ ﻳﻌﻨﻲ ﻧﺤﻨﺎ ﺍﻟﻠﻲ ﺧﺴﺮﻧﺎ ...
ﺩﻻﻝ ...
ﻫﻤﻬﺎ ﺍﻻﻭﻝ ﻭﺍﻻﺧﻴﺮ ﺳﺎﺭﻩ ﻭﺣﻞ ﻣﺸﻜﻠﺔ ﺳﺎﺭﻩ
ﻛﺎﻥ ﺑﺼﺪﻕ ﻭﺍﻣﺎﻧﻪ ﻣﻬﺘﻤﻪ ﺑﻴﺎ ﻭﺍﺟﺪ
ﻭﺑﺸﻜﻞ ﺧﺎﺹ ﻳﻮﻣﻴﺎ ﺗﻘﻌﺪ ﻣﻌﺎﻳﺎ ﺣﺘﻲ ﺍﻟﺠﻤﻌﻪ ﻣﻊ ﺍﻥ ﻋﻄﻠﺘﻬﺎ
ﺑﺲ ﻛﺎﻥ ﺗﺠﻴﻨﻲ ﻭﺗﺤﻜﻲ ﻣﻌﺎﻳﺎ ﻛﺎﻧﺖ ﻧﻮﻋﺎ ﻣﺎ ﺍﺗﺨﻒ ﻋﻠﻴﺎ ﻭﺗﺪﻋﻢ ﻓﻴﺎ
ﻭﺗﺤﺴﺲ ﻓﻴﺎ ﺑﺎﻥ ﻓﻲ ﻧﺎﺱ ﻳﺘﻤﻨﻮ ﻭﺟﻮﺩﻱ ﻛﻴﻒ ﻣﺎﻣﺎ ﻭﻓﺎﺗﻦ ..
ﻛﺎﻥ ﺩﻳﻤﻪ ﻓﻲ ﺳﺆﺍﻝ ﻓﻲ ﺑﺎﻟﻲ ﻭﻫﻮﺍ ...
ﻳﺎﺳﺮ ﻭﻳﻦ؟؟؟
ﻣﻜﻨﺘﺶ ﻓﻲ ﻟﺤﻈﺘﻬﺎ ﻧﻌﺮﻑ ﺍﻥ ﻋﺮﻑ ﺑﻤﻮﺿﻮﻋﻲ ﻭﺍﻥ ﺳﺎﻓﺮ ؟؟؟
ﻛﺎﻥ ﺧﺎﻃﺮﻱ ﻧﺴﺎﻝ ﺩﻻﻝ ؟؟
ﺑﺲ ﻟﺴﺎﻧﻲ ﻛﺎﻥ ﻋﺎﺟﺰ ﻉ ﻛﻼﻡ ﻫﻤﻲ ﻭﺻﻞ ﻟﺤﺪﻭﺩﻩ
ﻣﻘﺪﺭﺗﺶ ﻧﺴﺎﻟﻬﺎ ﺑﺲ ﻛﻨﺖ ﻧﺴﻤﻊ ﻓﻴﻬﺎ ﻭﻟﻜﻼﻣﻬﺎ ...
ﻣﺎﻣﺎ : ؟ ....
ﻛﺎﻧﺖ ﺑﺎﺳﺘﻤﺮﺍﺭ ﺗﺪﻋﻴﻠﻲ ﺍﻥ ﺭﺑﻲ ﻳﻔﺮﺝ ﻫﻤﻲ ﻭﻳﺸﻔﻴﻨﻲ
ﻛﺎﻧﺖ ﺍﻛﺜﺮ ﻭﺣﺪﻩ ﺗﺨﻤﻢ ﻋﻠﻴﺎ ﻭﻣﺶ ﻣﺘﺮﻳﺤﻪ ﻻﻧﻲ ﻣﺶ ﻣﻌﺎﻫﺎ
ﺑﺲ ﻛﺎﻧﺖ ﺗﺠﻴﻨﻲ ﻳﻮﻣﻴﺎ ﻣﺮﺍﺕ ﻫﻴﺎ ﻭﻓﺎﺗﻦ ﻭﻣﺮﺍﺕ ﺑﺮﻭﺣﻬﺎ
ﺑﺎﻳﻦ ﻣﻦ ﺍﻋﻴﻮﻧﻬﺎ ﺍﻧﻬﺎ ﺯﻋﻼﻧﻪ ﻣﻨﻲ
ﻋﺸﺎﻥ ﺿﻌﻔﺖ ﻭﺍﺳﺘﺴﻠﻤﺖ
ﺱ ﻣﻌﺶ ﻗﺪﺭﺕ
ﻓﺎﺗﻦ .....
ﻓﺎﺗﻦ ﻋﺮﻓﺖ ﺍﻥ ﻋﻤﺮ ﺧﻄﺐ ﺑﺲ ﻣﺘﻌﻠﻤﺶ ﺍﻥ ﻣﺰﻭﺝ ﻣﻦ ﺷﻬﺮ
ﺑﻄﻨﻬﺎ ﻛﺒﺮﺕ ﻭﺍﻟﺒﻴﺒﻲ ﻛﺒﺮ ﻭﻗﻌﺪ ﻗﺮﻳﺐ ﺍﻥ ﻳﺠﻲ ﻉ ﺩﻧﻴﺎ
ﻛﺎﻥ ﻓﺮﺣﺖ ﻓﺎﺗﻦ ﻓﻲ ﻧﻔﺲ ﺍﻟﻮﻗﺖ ﻫﻤﻬﺎ ..
ﻛﻴﻒ ﺑﻴﺘﺮﺑﻲ ﻣﻦ ﻏﻴﺮ ﺍﺏ؟؟؟
ﻭﻫﻞ ﻫﻴﺎ ﺑﺘﻌﻴﺸﻠﻪ ﻋﻤﺮ ﻃﻮﻳﻞ ﺍﻭ ﺍﻥ ﺑﺘﺴﻴﺒﻪ ﻛﻴﻒ ﻣﺎﻫﻠﻬﺎ ﺩﺍﻭﺭ ﻣﻌﺎﻫﺎ
ﻛﺎﻧﺖ ﺧﺎﻳﻔﻪ ﺍﻥ ﻳﺸﻮﻑ ﺍﻟﺤﻴﺎﻩ ﺍﻟﺼﻌﺒﻪ ﺍﻟﻠﻲ ﻋﺎﺷﺘﻬﺎ
ﻭﺍﺻﻌﺐ ﻓﺮﺣﻪ
ﻫﻴﺎ ﻓﺮﺣﺔ ﺍﻟﺨﻮﻑ
ﻗﻌﺪ ﻛﻞ ﻫﻤﻬﺎ ﻫﻮﺍ ﺍﻟﺒﻴﺒﻲ ﺍﻟﻠﻲ ﻓﻲ ﺑﻄﻨﻬﺎ
ﻭﻗﺮﺭﺕ ﺍﻥ ﺗﻨﺴﻲ ﻋﻤﺮ
ﻻﻥ ﺷﺨﺺ ﺑﻨﺔ ﻋﻠﻴﻪ ﺍﻣﺎﻝ ﻭﺍﺟﺪﻩ
ﻭﻳﺎﺭﻳﺘﻪ ﻏﻴﺮ ﺧﻴﺒﻬﻦ ﻟﻬﺎ ﻭﺑﺲ؟؟
ﻭﻇﻠﻤﻬﺎ ﻭﻧﺴﺎﻫﺎ؟؟؟
ﻳﻌﻨﻲ ﺑﺴﻬﻮﻟﻪ ﻫﺬﻱ ﺣﺪ ﻳﻨﺴﻲ ﺍﻧﺴﺎﻥ ﻛﺎﻥ ﻳﻤﻮﺕ ﻓﻴﻪ
ﻭﻣﻦ ﻭﻋﻤﺮ؟؟؟
ﺍﻟﻠﻲ ﺩﺍﺭ ﺍﻟﻤﺴﺘﺤﻴﻞ ﻋﺸﺎﻥ ﻳﺎﺧﺪﻫﺎ
ﺑﺴﻬﻮﻟﻪ ﻫﺬﻱ ﻳﻨﺴﻲ؟؟؟
ﻭﻋﻤﺮ؟؟؟؟؟؟؟؟؟؟
ﻛﺎﻥ ﻓﻲ ﺷﻐﻞ ﻭﻗﺘﻬﺎ
ﻭﺣﻨﻴﻦ ﺍﻣﻪ ﻟﻮﻃﻪ .: ؟؟؟
ﺍﻣﻪ : ﻳﺎﺑﻨﺘﻲ ﻳﺎﺑﻨﺘﻲ
ﺣﻨﻴﻦ : ﻳﺎﻋﻠﻴﻚ ﻗﺼﻪ ﻳﺎﺍﻋﻤﻴﻤﻪ ﺍﻧﺘﻲ 24 ﺳﺎﻋﻪ ﺗﺒﻲ ﺍﻟﺤﻤﺎﻡ ﺭﺍ ﻧﺎ ﻧﻨﻘﺮﻑ
ﺑﻌﺪﻳﻦ ﻧﺎ ﻣﺶ ﻣﻠﺰﻭﻡ ﻫﻨﺎ ﺍﺯﻭﺟﺖ ﻋﺸﺎﻥ ﺯﻭﺟﻲ ﻭﺣﻮﺷﻲ ﻣﺶ ﻋﺸﺎﻧﻚ ﺍﻧﺘﻲ؟؟
ﺍﻣﻪ : ﺑﺎﻫﻲ ﺑﺲ ﺣﻄﻲ ﺍﻟﻄﻨﺠﺮﻩ ﻉ ﻧﺎﺭ
ﺣﻨﻴﻦ : ﺍﻭﻝ ﺍﻣﺲ ﺩﺭﺕ ﺭﺯ ﻭﺯﺍﺩ ﻣﻨﻪ
ﺍﻣﻪ : ﻻﻩ ﺛﻼﺛﻪ ﺍﻳﺎﻡ ﻭﺍﻧﺘﻲ ﻣﺶ ﺣﺎﻃﻴﻪ ﻓﻠﺜﻼﺟﻪ
ﺣﻨﻴﻦ : ﻳﺴﺨﻦ ﻳﺴﺨﻦ ؟؟؟
ﺍﻣﻪ : ﺑﺎﻫﻲ ﺍﺑﺮﻣﻲ ﻉ ﺣﻮﺵ ﺣﺎﻳﺲ ﺍﻣﺲ ﺟﺮﺕ ﺟﺎﺭﺗﻨﺎ ﻓﺘﺤﻴﻪ ﻭﺟﻲ ﻃﺎﺡ ﺑﻠﻮﻃﺎ
ﻣﻨﻬﺎ ﻳﻌﻨﻲ ﺍﻟﺤﻮﺵ ﻟﻮ ﺟﺖ ﺳﻠﻴﻤﻪ ﻳﻨﻀﻢ ﻟﻮ ﻣﺠﺘﺶ ﻳﻘﻌﺪ ﻣﺴﺦ
ﺣﻨﻴﻦ : ﻧﺎ ﺧﺪﺍﻣﻪ ﻣﺜﻼ ﺧﺪﺍﻣﻪ ﻧﺎ؟؟؟
ﺍﻣﻪ : ﺑﺲ ﺭﻳﺤﺔ ﺍﻟﺤﻤﺎﻡ ﻃﺎﻟﻌﻪ
ﺣﻨﻴﻦ : ﻭﺍﻟﻠﻪ ﺍﻟﺤﻤﺎﻡ ﺍﻧﺘﻲ ﺍﻟﻠﻲ ﺗﺨﺸﻴﻠﻪ ﻧﺎ ﺍﻧﺨﺶ ﻟﺤﻤﺎﻡ ﺷﻘﺘﻲ ﺍﻟﻠﻲ ﻓﻮﻕ
ﻭﻋﻤﺮ ﻧﻔﺲ ﺍﻟﺸﻲ ﻳﻌﻨﻲ ﺍﻧﺘﻲ ﺍﻟﻠﻲ ﺗﻤﺴﺨﻲ ﻓﻴﻪ
ﺍﻣﻪ : ﺑﺎﻫﻲ ﻧﺒﻲ ﺍﻟﺤﻤﺎﻡ ﻧﺎ
ﺣﻨﻴﻦ : ﻧﺎ ﻇﻬﺮﻱ ﻣﻌﺶ ﻧﻘﺪﺭ ﻭﺑﻌﺪﻳﻦ ﺍﻓﺘﺮﺿﻲ ﺍﻥ ﻧﺎﺏ ﻧﺤﻤﻞ ؟؟؟ ﻳﻌﻨﻲ ﻭﺍﻋﺮﻩ ﺭﻓﻌﺘﻚ ﻣﻦ ﻉ ﻛﺮﺳﻲ
ﺍﺷﻘﻲ ﺑﺮﻭﺣﻚ ﺍﻭ ﻗﻮﻟﻲ ﻟﻌﻤﺮ ﻳﻮﻓﺮﻟﻚ ﻣﻌﺎﻭﻧﻪ ﺻﺤﻴﻪ
ﺍﻣﻪ : ﺑﻴﺎﺑﻨﺘﻲ ﻋﻤﺮ ﻣﺮﺗﺒﻪ ﻳﺼﺮﻑ ﺑﻴﻪ ﻋﻠﻴﻚ ﻭﻋﻠﻴﺎ
ﺣﻨﻴﻦ : ﻧﺎ ﻫﺬﻱ ﺍﻟﻠﻲ ﻗﺎﻫﺮﺗﻨﻲ ﺍﻥ ﻳﺼﺮﻑ ﻋﻠﻴﻚ ﻭﻧﺤﻨﺎ ﻣﺶ ﻣﻠﺰﻭﻣﻴﻦ
ﺣﺮﻛﺖ ﺍﻟﻜﺮﺳﻲ ﻭﺧﺸﺖ ﻟﻠﺪﺍﺭ ﻭﺗﺒﻜﻲ .......
ﺭﻛﺒﺖ ﺣﻨﻴﻦ ﻟﺸﻘﺘﻬﺎ ...
ﻭﺟﺎ ﻋﻤﺮ ﻣﻦ ﺍﻟﺸﻐﻞ ...
ﺳﻤﻌﺖ ﺍﻣﻪ ﺻﻮﺕ ﺍﻟﺒﺎﺏ ﺍﻧﻔﺘﺢ
ﺿﺒﺤﺘﻠﻬﺎ ...
ﺍﻣﻪ : ﻋﻤﺮ ﻋﻤﻤﺮ ﻋﻤﺮ .. ؟؟؟
ﻋﻤﺮ : ﻧﻌﻢ؟؟
ﺍﻣﻪ : ﺍﻗﻌﺪ ﺑﻨﺤﻜﻲ ﻣﻌﺎﻙ
ﻋﻤﺮ : ﺗﻌﺒﺎﻥ ﻭﺭﺍﺳﻲ ﺑﻴﻨﻔﺠﺮ ﺗﻮ ﻧﻨﺰﻟﻚ ﻓﻲ ﺍﻟﻌﺸﻴﻪ
ﺍﻣﻪ : ( ﻗﻌﺪﺕ ﺗﺒﻜﻲ )
ﻋﻤﺮ : ﻛﻨﻚ؟؟
ﺍﻣﻪ : ﻣﺮﺍﺗﻚ ﻻ ﻏﺬﺍﺀ ﺗﺤﻄﻪ ﻉ ﻧﺎﺭ ﻭﻻ ﻧﻈﺎﻓﻪ ﺍﺗﻨﻈﻒ ﻭﺣﺘﻲ ﺍﻟﺤﻤﺎﻡ
ﻣﺎﺗﺴﺎﻋﺪ ﻓﻴﺎ ﻃﺶ ﻟﻤﺎﻳﻪ ﻣﺘﻤﺪﺵ ﻓﻴﻪ ﻟﻴﺎ
ﻋﻤﺮ : ﻭﻧﺎ ﺷﻨﻮ ﺍﻟﻠﻲ ﻓﻴﺪﻱ ﺍﻧﺪﻳﺮﻩ؟؟؟ ﺍﻧﺪﻳﺮ ﺍﻟﻐﺬﺍ ﺍﻭ ﻧﻈﻒ ﻛﻴﻒ ﺍﻟﺼﺒﺎﻳﺎ؟
ﺍﻣﻪ : ﻣﺶ ﻗﺼﺪﻱ ﺑﺲ ﺍﺣﻜﻴﻠﻬﺎ
ﻋﻤﺮ : ﺣﻜﻴﺘﻠﻬﺎ ﻛﻢ ﻣﺮﻩ ﻭﻫﻴﺎ ﻣﺒﺘﺶ ﻣﻨﻘﺪﺭﺵ ﻧﻀﻐﻂ ﻋﻠﻴﻬﺎ
ﺍﻣﻪ : ﺑﺎﻫﻲ ﻓﻬﻤﻬﺎ ﻳﻌﻨﻲ ﺣﺘﻲ ﺍﻟﺤﻤﺎﻡ ( ﻗﻌﺪﺕ ﺗﺒﺒﻜﻲ )
ﻋﻤﺮ : ﻣﻨﻔﻬﻤﻬﺶ ﻫﺬﻱ ﺍﺧﺘﻴﺎﺭﻙ ﻭﺍﻧﺘﻲ ﺍﻟﻠﻲ ﺟﺒﺮﺗﻴﻨﻲ ﻧﺰﻭﺟﻬﺎ ﻟﻮ ﺟﺒﺘﻬﺎ ﻧﺎ
ﻛﻨﺖ ﺍﻧﻔﻬﻤﻬﺎ ﻭﻧﻌﺎﺗﺒﻬﺎ ﻭﻣﻤﻜﻦ ﺍﻥ ﻧﻀﺮﺑﻬﺎ ﺣﺘﻲ ﺍﻟﻀﺮﺏ ﺑﺲ ﺍﺧﺘﻴﺎﺭﻙ ﻭﻣﺰﺍﺟﻚ
ﻫﺬﻱ ﺑﻨﺖ ﺍﻻﺻﻮﻝ ﻭﺑﻨﺖ ﺍﻟﻨﺎﺱ ﺍﻟﻠﻲ ﺗﺒﻴﻬﺎ ﻫﺬﻱ ﺍﻟﺒﻨﺖ ﺍﻟﻠﻲ ﻣﻌﺮﻭﻑ ﺍﺻﻠﻬﺎ
ﻭﻓﺼﻠﻬﺎ ﻭﻋﻨﺪﻫﺎ ﺑﺎﺑﺎ ﻭﻣﺎﻣﺎ ﻭﺧﻮﺕ ﻣﺪﻟﻌﻴﻨﻬﺎ ﻭﻋﺎﻳﺸﻪ ﻋﻴﺸﺔ ﺍﻟﻤﻠﻜﺎﺕ
ﺍﻣﻪ : ﻣﺘﻌﺎﻗﺒﻨﺶ ﺑﻜﻼﻣﻚ
ﻋﻤﺮ : ﻓﺎﺗﻦ ﻛﺎﻧﺖ ﺍﺩﻳﺮ ﻓﻲ ﻫﻀﺎ ﻛﻠﻪ ﻭﻛﻨﺘﻲ ﺑﻜﺎﻣﻞ ﺻﺤﺘﻚ ﻭﺑﺮﺿﻮ ﺗﺤﻜﻤﻲ ﻋﻠﻴﻬﺎ
ﺍﻧﻬﺎ ﺩﻳﺮ ﻏﺼﺒﻦ ﻋﻨﻬﺎ ﺣﺘﻲ ﺍﻟﻔﺮﺵ ﻗﺒﻞ ﻣﺎﺗﺤﻤﻞ ﻛﻨﺘﻲ ﺗﻐﺼﺒﻲ ﻓﻴﻬﺎ ﻋﻠﻲ ﻏﺴﻠﺘﻪ
ﻛﺎﻧﺖ ﺳﺎﻛﺘﻪ ﻭﻣﺘﺤﻤﻠﻪ ﻣﺶ ﻋﺸﺎﻧﻚ ﻭﻻ ﻋﺸﺎﻧﻲ؟؟
ﻋﺸﺎﻥ ﻟﻘﺖ ﺣﻮﺵ ﻭﺍﻡ ﻭﺯﻭﺝ ﻭﺍﺳﺮﻩ
ﺍﻣﻪ : ( ﺗﺒﻜﻲ )
ﻋﻤﺮ : ﺧﻼﺹ ﺍﺳﻜﺘﻲ ﺗﻮ ﺗﺠﻲ ﺳﻠﻴﻤﻪ ﻓﻠﻌﺸﻴﻪ ﺗﻨﻬﻴﻠﻚ ﻣﻮﺿﻮﻉ ﺍﻟﺤﻮﺵ
ﺗﻐﺬﻳﺘﻲ؟؟؟
ﺍﻣﻪ : ﻣﺮﺍﺗﻚ ﻗﺎﻟﺖ ﺭﺯ ﺯﺍﻳﺪ ﻣﻦ ﺍﻭﻝ ﺍﻣﺲ ﺑﺘﺴﺨﻨﻪ ﻟﻴﺎ
ﻋﻤﺮ : ﺍﻫﺎﺍ ﻧﺎ ﺗﻐﺪﻳﺖ ﻓﻠﻌﻤﻞ ﺍﻧﺴﺨﻨﻪ ﻟﻚ ﺍﻟﺮﺯ ﻧﺎ؟؟
ﺍﻣﻪ : ﻣﻨﺒﺶ ﺭﺯ ﻣﻦ ﺍﻭﻝ ﺍﻣﺲ
ﻋﻤﺮ : ﻣﻨﻘﺪﺭﺵ ﺍﻧﻄﻴﺐ ﻭﻣﻨﻌﺮﻓﺶ ﻭﺑﺼﺪﻕ ﺗﻌﺒﺎﻥ ﻣﻦ ﺍﻟﺸﻐﻞ
ﺍﻣﻪ : ﺑﺎﻫﻲ ﺍﺭﻛﺐ ﺗﺮﻳﺢ
ﻋﻤﺮ : ﺑﺎﻫﻲ ﻫﻴﺎ ﺍﻭﻙ
ﺍﻣﻪ : ﺗﻌﺎﻝ ﻫﻨﺎ
ﻋﻤﺮ : ؟؟؟؟
ﺍﻣﻪ : ﻳﻌﻨﻲ ﻣﺎﺻﺪﻗﺖ ﻗﺘﻠﻚ ﺍﺭﻛﺐ ؟؟؟؟ ﺑﺘﺨﻠﻠﻲ ﺍﻣﻚ ﻣﻦ ﻏﻴﺮ ﻏﺬﺍﺀ ﺍﻧﺖ ﺗﻌﺎﻗﺐ
ﻓﻴﺎ ﻭﻻ ﺷﻨﻮ؟
ﻋﻤﺮ : ﺭﺑﻲ ﺍﻟﻠﻲ ﻳﻌﺎﻗﺐ ﻓﻴﻚ ﻣﺶ ﻧﺎ
ﺍﻣﻪ : ؟؟؟
ﻋﻤﺮ : ........
ﺭﻛﺐ ﻭﺳﻴﺒﻬﺎ
ﻓﺘﺤﺘﻠﻪ ﺣﻨﻴﻦ ﺍﻟﺒﺎﺏ .......
ﺣﻨﻴﻦ : ﺗﻐﺬﻳﺖ ؟
ﻋﻤﺮ : ﺍﻛﻴﺪﻩ ﺗﻐﺬﻳﺖ
ﺣﻨﻴﻦ : ﻧﺪﻳﺮﻟﻚ ﺷﺎﻫﻲ؟
ﻋﻤﺮ : ﻻﻻ ﺑﻨﺨﺶ ﻧﺮﻗﺪ ﻣﺘﻌﻠﺶ ﺍﻟﺘﻠﻔﺰﻳﻮﻥ؟
ﺣﻨﻴﻦ : ﺣﺎﺿﺮ
~
~
~
~
~
ﺍﺑﺘﺴﺎﻡ : ﻭﺍﺍﺍﺍﺍﻭﻭ ﻣﺎﻟﻘﻴﺖ ﻓﻴﻠﻮ ﻟﻠﻌﺮﺱ ﺑﻜﻞ؟
ﺍﻣﻞ : ﺍﻟﺴﻜﺮﻱ ﺍﻟﺘﻮﺏ ﺣﻠﻮﻭﻭ ﻭﺭﻭﻭﻋﻪ
ﺯﻳﻨﺐ : ﺣﺘﻲ ﻧﺎ ﻋﺠﺒﻨﻲ؟
ﺍﺑﺘﺴﺎﻡ : ﻻﻻ ﻧﺒﻲ ﻓﻴﻠﻮ ﺳﻤﺢ ﻭﻏﺎﻟﻲ ﻻﻥ ﻳﻮﻡ ﺍﻟﺰﻓﻪ ﺑﻨﺨﺶ ﻧﺎ ﻭﺍﺭﻭﻱ ﺧﻄﻴﺒﺔ
ﺳﻔﻴﺎﻥ ﻳﻌﻨﻲ ﺍﻟﻨﺎﺱ ﺑﺘﻘﺎﺭﻥ ﻭﺍﺭﻭﻱ ﻫﻠﻬﺎ ﻧﺎﺱ ﻓﻠﻮﺱ ﻭﺭﺍﻗﻴﻦ ﻣﺶ ﺑﻌﻴﺪ
ﺗﻜﻮﻥ ﻣﻮﺻﻴﻪ ﻋﻠﻴﻪ ﻣﻦ ﺑﺮﻩ
ﺯﻳﻨﺐ : ﻳﺎﺑﻨﺘﻲ ﺍﻟﻘﺎﻟﺐ ﻏﺎﻟﺐ ﻏﻴﺮ ﺯﺍﻳﺪ
ﺍﺑﺘﺴﺎﻡ : ﻣﻬﻤﺎ ﻳﻜﻮﻥ ﻳﺎﻣﺎﻣﺎ
ﺍﻣﻞ : ﻓﻲ ﻣﺤﻞ ﺣﻠﻮ ﺧﺪﺕ ﻣﻨﻪ ﺻﺤﺒﺘﻲ ﺷﻨﻮ ﺭﺍﻳﻚ ﺍﻧﻌﺪﻭﻟﻪ ﻓﻠﻌﺸﻴﻪ؟؟
ﺍﺑﺘﺴﺎﻡ : ﺧﻼﺹ ﺑﺲ ﺧﻮﺩﻱ ﻣﻨﻬﺎ ﺍﻟﻌﻨﻮﺍﻥ
ﺍﻳﻪ : ﺗﻮﺍ ﻛﻴﻒ ﺍﺩﻭﺭﻩ ﻭﻣﺘﻌﺒﻴﻦ ﺍﺭﻭﺍﺣﻜﻢ ﻭﻳﺎﺳﺮ ﻗﻲ ﺑﺮﻳﻄﺎﻧﻴﺎ ﻓﺮﺿﺎ ﻣﺮﻭﺣﺶ؟
ﺯﻳﻨﺐ : ﻓﺎﻝ ﺍﻟﻠﻪ ﻭﻻ ﻓﺎﻟﻚ ﻗﻮﻟﻲ ﺧﻴﺮ ﺍﻭ ﺍﺳﻜﺘﻲ
ﺍﺑﺘﺴﺎﻡ : ﺳﻤﻴﻪ ﻗﺎﻟﺖ ﻋﻨﺪﻩ ﺍﻣﺘﺤﺎﻧﺎﺕ ﻭﻣﻜﻤﻠﺶ؟
ﺍﻳﻪ : ﻫﻬﻬﻬﻬﻪ ﺷﻬﺮ ﺍﻣﺘﺤﺎﻧﺎﺕ؟
ﺯﻳﻨﺐ : ﻫﻀﺎ ﻃﻴﺮﺍﻥ ﻣﺶ ﺍﻟﺘﻔﺎﻫﻪ ﺍﻟﻠﻲ ﺗﻘﺮﻱ ﻓﻴﻬﺎ
ﺍﻳﻪ : ﺑﻪ ﻭﻛﻨﻪ ﻣﺎﺗﺼﻞ ﺑﻴﻚ ﻭﺍﺗﻔﻘﺘﻮ ﻳﻌﻨﻲ ﻛﻴﻒ ﺑﺘﺠﻮﺯﻩ ﻫﻜﻲ ﻭﺧﻼﺹ
ﺍﻣﻞ : ﺳﻤﻴﻪ ﻗﺎﻟﺖ ﺍﻥ ﻳﺘﺼﻞ ﻭﻳﺴﺎﻝ ﻉ ﺍﺑﺘﺴﺎﻡ
ﺍﻳﻪ : ﺍﻫﺎ ﻣﻴﻘﺪﺭﺵ ﻳﻜﻠﻢ ﻳﻌﻨﻲ ﻫﻮﺍ؟
ﺯﻳﻨﺐ : ﻳﺎﺳﺮ ﻣﺶ ﻣﻦ ﺍﻟﻨﻮﻋﻴﻪ ﻫﺬﻱ ﺍﻟﻠﻲ ﻳﺴﺎﻝ ﻭﻳﺪﻗﻖ
ﺍﻳﻪ : ﺣﺴﻴﺘﻜﻢ ﻋﺎﺯﻗﻴﻦ ﺍﺭﻭﺍﺣﻜﻢ ﻋﺰﻕ
ﺯﻳﻨﺐ : ﺭﻳﺘﻲ ﺍﻟﻮﺍﻃﻴﻪ ﺭﻳﺘﻲ ... ﺻﻜﺮﻱ ﻓﻤﻚ ﻗﺎﻟﺒﻪ ﺗﻨﻔﻀﻚ
ﺍﺑﺘﺴﺎﻡ : ؟؟؟؟؟؟
ﺍﻣﻞ : ﺍﻳﻪ ﺷﻨﻮ ﺍﻟﻜﻼﻡ ﻫﻀﺎ؟
ﺍﻳﻪ : ﻣﻌﻠﺶ ﺑﺲ ﻛﻴﻒ ﺑﻴﺪﻳﺮﻭ ﻋﺮﺱ ﻭﺍﻟﻌﺮﻳﺲ ﻣﻴﻜﻠﻤﺶ ﻓﻠﻌﺮﻭﺱ ﻛﻼﻣﻲ ﻣﻨﻄﻘﻲ
ﺍﻣﻞ : ﻣﺸﻐﻮﻝ ﻭﻳﻘﺮﺍ ﻭﺳﻠﻢ ﺍﻟﻤﻮﺿﻮﻉ ﻓﻲ ﻳﺪ ﻫﻠﻪ ﻳﻌﻨﻲ ﻟﻮ ﻓﻲ ﺣﺎﺟﻪ
ﻛﺎﻧﺖ ﺧﺎﻟﺘﻲ ﻗﺎﻟﺘﻠﻨﻪ
ﺍﺑﺒﺘﺴﺎﻡ : ﻛﻼﻡ ﺍﻳﻪ ﺻﺎﺍﺡ؟
ﺯﻳﻨﺐ : ﺗﺮﻳﺤﺘﻲ ﻳﺎﺍﻡ ﻟﺴﺎﻥ؟
ﺍﻳﻪ : ﺍﺑﺘﺴﺎﻡ ﺍﺧﺘﻲ ﻭﺧﺎﻳﻔﻪ ﻋﻠﻴﻬﺎ
ﺯﻳﻨﺐ : ﺧﺎﻓﻲ ﻉ ﺭﻭﺣﻚ ﻭﺍﻟﻬﻲ ﻓﻲ ﻗﺮﺍﻳﺘﻚ ﺧﻴﺮﻟﻚ ﻭﺍﻧﺘﻲ ﺑﻼ ﺩﻟﻊ ﻓﺮﺧﺎﺕ
ﻳﺎﺳﺮ ﻭﻟﺪ ﺍﺧﺘﻲ ﻭﻣﺶ ﺑﺮﺍﻧﻲ ﻭﻛﺎﻥ ﻓﻲ ﺣﺎﺟﻪ ﺭﺍ ﻋﺮﻓﻨﺎﻫﺎ ﻗﺒﻞ ﻏﻴﺮﻧﺎ
ﺍﻣﻞ : ﻣﺎﻣﺎ ﻛﻼﻣﻬﺎ ﺻﺎﺍﺡ
~
~
~
~
~
ﻋﺎﺋﺸﻪ : ﺍﻣﻤﻢ ﻣﺶ ﻧﺎﺳﻴﻦ ﺣﺎﺟﻪ؟؟؟
ﺳﻤﻴﻪ : ﺍﻣﻤﻤﻢ
ﺟﻨﺎﺕ : ﺍﺣﻢ ﺷﻨﻮ ﻗﺎﻋﺪﻳﻦ ﺍﺩﻳﺮﻭ
ﺳﻤﻴﻪ : ﻧﻜﺘﺒﻮ ﻓﻲ ﻣﺴﺘﻠﺰﻣﺎﺕ ﺍﻟﻔﺮﺡ ﺳﺎﻋﺪﻳﻨﻪ
ﺟﻨﺎﺕ : ﻣﻨﺎﺩﻳﻞ؟
ﺳﻤﻴﻪ : ﻛﺘﺒﻪ
ﺟﻨﺎﺕ : ﻛﻮﺍﺷﻴﻚ
ﺳﻤﻴﻪ : ﻛﺘﺒﻪ؟
ﺟﻨﺎﺕ : ﻣﻨﺎﺩﻳﻞ ﻣﻌﻄﺮﻩ؟
ﺳﻤﻴﻪ : ﻛﺘﺒﻨﻪ
ﻋﺎﺋﺸﻪ : ﺍﺫﻛﺮﺕ ﺍﺫﻛﺮﺕ ﻋﻮﺍﺩﻳﻦ ﺷﺮﺏ
ﺳﻤﻴﻪ : ﺍﻫﺎﺍ ﻛﺘﺒﺘﻬﻦ
ﺟﻨﺎﺕ : ﺍﺗﻔﻘﺘﻲ ﻣﻊ ﻏﺴﺎﻟﺔ ﻣﺎﻋﻴﻦ ﻭﻭﺣﺪﻩ ﺩﻳﺮ ﺍﻟﻌﺸﺎﺀ ﻳﻮﻡ ﻋﺰﻭﻣﺔ ﺍﻟﺮﺟﺎﻟﻪ؟
ﺳﻤﻴﻪ : ﻛﺮﻫﺖ ﻛﻠﻤﺔ ﻏﺴﺎﻟﺔ ﻣﺎﻋﻴﻦ
ﻋﺎﺋﺸﻪ : ﻭﺍﻟﻠﻪ ﺣﺘﻲ ﻧﺎ
ﺟﻨﺎﺕ : ؟؟؟؟؟؟؟
ﻋﺎﺋﺸﻪ : ﻭﺻﻴﺖ ﻋﻠﻲ ﻭﺣﺪﻩ ﻭﺻﻴﺖ ﻉ ﻧﻔﺲ ﺍﻟﻄﺒﺎﺧﻪ ﺍﻟﻠﻲ ﺟﺎﺑﺘﻬﺎ ﻣﺮﺕ ﻋﻤﻚ
ﺳﻤﻴﻪ : ﺑﺎﻫﻲ ﺗﻤﺎﻡ ﻭﺣﻠﻮﻳﺎﺕ ﺗﻤﺎﻡ؟
ﻋﺎﺋﺸﻪ : ﻻﻻ ﺣﻠﻮﻳﺎﺕ ﻭﻣﻮﺍﻟﺢ ﻣﺘﻬﻨﻴﻪ ﻋﻠﻴﻬﻦ ﻭﻛﻌﻚ ﺑﻨﺪﻳﺮﻭ ﺑﻜﺮﻩ
ﺑﺘﺠﻲ ﺧﺎﻟﺘﻚ ﻭﻋﻤﺎﺗﻚ ﺑﻴﻌﻮﻧﻦ ﻓﻴﻪ ﻭﺑﻨﺪﻳﺮﻭ ﻣﻌﻤﻮﻝ
ﺳﻤﻴﻪ : ﻟﻴﺶ ﺍﻟﻤﻌﻤﻮﻝ ﻛﻨﻚ ﻣﺎﻭﺻﻴﺘﻲ ﻋﻠﻴﻪ؟
ﻋﺎﺋﺸﻪ : ﻧﺒﻮﻩ ﻟﻠﻨﺎﺱ ﺍﻟﻲ ﺑﺘﺠﻴﻨﻪ ﻗﺒﻞ ﺍﻟﻔﺮﺡ ﻭﺑﻨﺪﻳﺮ ﻣﻌﺎﻩ ﻧﻮﻉ ﺑﺸﻜﻼﻃﻪ
ﺟﻨﺎﺕ : ﻳﻤﻲ ﻳﻤﻲ
ﻋﺎﺋﺸﻪ : ﻟﻨﺎﺱ ﻣﺶ ﻟﻚ
ﺟﻨﺎﺕ : ﻭﻧﺎ ﻭﺍﻟﻨﺎﺱ ﻭﺍﺣﺪ ﻫﻬﻬﻬﻬﻬﻪ
ﺳﻤﻴﻪ : ﺍﻟﺤﻤﺪﻟﻠﻪ ﺍﻫﻢ ﺷﻲ ﺣﺼﻠﻨﻪ ﻗﺎﻋﻪ ﻓﺨﻤﻪ
ﻋﺎﺋﺸﻪ : ﺍﻟﺤﻤﺪﻟﻠﻪ ﺣﺠﺰﻧﺎ ﻭﺗﺮﺣﻨﺎ
ﺟﻨﺎﺕ : ﻭﺧﺎﻟﻮﻁ ﺍﺳﻤﻌﻮ ﻛﺜﺮﻭ ﺑﺶ ﻧﻜﺴﺪﻭ ﻋﻠﻴﻪ ﺑﻌﺪ ﺍﻟﻌﺮﺱ ^^
ﻋﺎﺋﺸﻪ : ﺩﺍﻳﺮ ﻋﻄﻮﺭ ﻣﻊ ﺍﻟﺨﺎﻟﻮﻁ
ﺟﻨﺎﺕ : ﺍﻟﻠﻪ ﺣﺮﻛﺎﺕ ﻣﺎﻣﻲ ^^
ﺳﻤﻴﻪ : ﻓﻜﺮﻩ ﺣﻠﻮﻩ ﻭﻓﺨﻤﻪ
ﻋﺎﺋﺸﻪ : ﻣﺰﺍﻝ ﺗﺼﻤﻴﻢ ﺍﻟﺒﺎﻛﻮ ﺍﻟﻠﻲ ﺑﻴﻨﺤﻂ ﻓﻴﻪ ﺍﻟﻌﻄﺮ ﻣﻊ ﺍﻟﺨﺎﻟﻮﻁ ﻭﺗﺼﻤﻴﻢ ﺑﻄﺎﻗﺎﺕ ﺍﻟﺪﻋﻮﻩ
ﺳﻤﻴﻪ : ﻓﻲ ﺗﺸﻜﻴﻼﺕ ﺣﻠﻮﻩ ﻉ ﻓﻴﺲ ﺗﻮ ﻧﺸﻮﻓﻬﻦ ﻧﺎ ﻭﻳﺎﻙ؟
ﻋﺎﺋﺸﻪ : ﻭﺳﻔﻴﺎﻥ ﻗﺎﻟﻲ ﻋﻨﺪﻩ ﻣﺤﻞ ﺻﺎﺣﺒﻪ ﻳﺠﻴﺐ ﻓﻴﻬﻦ ﺑﻌﺪ ﺑﻜﺮﻩ ﻓﻲ ﺻﺒﺦ ﺗﻮ ﻧﺸﻮﻓﻪ
ﺟﻨﺎﺕ : ﻭﺟﻴﺞ ﺍﻻﻓﺮﺍﺡ
ﺳﻤﻴﻪ : ﻻﻧﻘﺎﻧﻪ ﻭﺟﻊ ﺭﺍﺱ ﻭﺗﻌﺐ
ﺟﻨﺎﺕ : ﺍﻟﻤﺸﻜﻠﻪ ﺍﻟﺘﻌﺐ ﻛﻠﻪ ﻓﻮﻕ ﺭﺍﺳﻲ
ﺳﻤﻴﻪ : ﺍﻟﻴﻮﻡ ﻓﻲ ﺍﻟﻌﺸﻴﻪ ﺍﻗﻌﺪﻱ ﺍﻧﺘﻲ ﻭﺭﺍﻧﻴﻪ ﻭﺍﻛﺘﺒﻮ ﺍﺳﻤﺎﺀ ﺍﻟﻤﻌﺎﺯﻳﻢ
ﺭﺍﻧﻨﺴﻮ ﺣﺪ ﻭﺗﻘﻌﺪﻟﻨﺎ ﻓﻀﻴﺤﻪ ﻳﻌﻨﻲ ﻫﺬﻱ ﺍﻭﻝ ﻣﻨﺎﺳﺒﻪ ﻟﻨﻪ
ﺟﻨﺎﺕ : ﺣﺎﺿﺮ ﺳﺎﻋﺪﻳﻨﻪ ﺣﺘﻲ ﺍﻧﺘﻲ
ﺳﻤﻴﻪ : ﻣﺎﻣﺎ ﻭﻳﻦ ﺳﺮﺣﺘﻲ؟
ﻋﺎﺋﺸﻪ : ﺍﻧﺨﻤﻢ ﻓﻲ ﻳﺎﺳﺮ ﻛﺎﺭﺛﻪ ﻟﻮ ﻣﻴﺮﻭﺣﺶ ﻉ ﻋﺮﺱ
ﺟﻨﺎﺕ :| ؟؟؟
ﺳﻤﻴﻪ : ﻫﻮﺍ ﺷﻨﻮ ﻗﺎﻟﻚ ﺍﺧﺮ ﻣﺮﻩ؟
ﻋﺎﺋﺸﻪ : ﺍﻩ ﻭﺍﻩ ﻗﺎﻟﻲ ﺍﻥ ﻣﻴﺒﺶ ﻳﺮﻭﺡ ﺑﺲ ﺣﺎﻭﻟﺖ ﺍﻧﻲ ﻧﻘﻨﻌﻪ ﻗﺎﻝ ﺑﻴﺮﻭﺡ ﺑﺲ ﻣﺶ ﺗﻮﺍ
ﺧﺎﻳﻔﺘﻪ ﻳﻐﻴﺮ ﺭﺍﻳﻪ ﻓﻲ ﺍﺧﺮ ﻟﺤﻈﻪ
ﺳﻤﻴﻪ : ﻣﻌﺘﻘﺪﺵ ﺍﻥ ﻳﺤﻄﻚ ﻓﻲ ﻣﻮﻗﻒ ﻣﺤﺮﺝ ﻗﺪﺍﻡ ﺍﻟﻨﺎﺱ
ﺟﻨﺎﺕ : ﺳﻤﻠﻪ ﻋﻠﻴﻪ
ﺳﻤﻴﻪ : ﺳﻤﻠﻪ ﻋﻠﻴﻨﺎ ﻭﺍﻧﺘﻲ ﺍﻟﺼﺎﺩﻗﻪ ﻫﻮﺍ ﻣﻬﻴﺞ ﻓﻲ ﺑﺮﻳﻄﺎﻧﻴﺎ ﻭﻧﺤﻨﺎ ﻉ ﺍﻋﺼﺎﺑﻨﺎ
ﻋﺎﺋﺸﻪ : ﺑﺲ ﻗﺎﻟﻲ ﺍﻥ ﺑﻴﺠﻲ ﻉ ﻓﺮﺡ؟
ﺳﻤﻴﻪ : ﺗﻮ ﻳﺠﻲ
ﻋﺎﺋﺸﻪ : ﺍﻟﻤﺸﻜﻠﻪ ﺍﻥ ﻣﺴﺎﻟﺶ ﻉ ﻋﺮﺱ ﺑﻜﻞ ﻻ ﻉ ﻗﺎﻋﻪ ﻻ ﻉ ﻣﻴﺰﺍﻧﻴﻪ ﻻ ﺷﻲ
ﻭﻣﺶ ﻣﻌﺪﻝ ﻭﻻ ﻛﺎﻥ ﻋﺮﺳﻪ
ﺳﻤﻴﻪ : ؟
ﻋﺎﺋﺸﻪ : ﻭﺧﺎﻟﺘﻚ ﻛﻞ ﻳﻮﻡ ﺗﺴﺎﻝ ﻋﻠﻴﻪ ﻛﻴﻒ ﻣﻴﺮﻧﺶ ﻋﻠﻲ ﺑﻨﺘﻬﺎ ﻭﻛﻴﻒ ﻭﻛﻴﻒ
ﺟﻨﺎﺕ : ﻣﺎﻣﺎ ﺍﻧﻘﻮﻟﻚ ﺣﺎﺟﻪ ﺑﺲ ﻭﻧﺒﻲ ﻣﺎﺗﺰﻋﻠﻲ ﻣﻨﻲ؟
ﻋﺎﺋﺸﻪ : ؟؟؟
ﺳﻤﻴﻪ : ﺟﻨﺎﺕ ﻣﺶ ﻭﻗﺘﻚ؟
ﺟﻨﺎﺕ : ﻻ ﻭﻗﺘﻲ
ﻋﺎﺋﺸﻪ : ﺍﺣﻜﻲ؟
ﺟﻨﺎﺕ : ﻛﻠﻤﻴﻪ ﻳﺎﺳﺮ ﻭﺍﺳﺎﻟﻴﻪ ﻻﺧﺮ ﻣﺮﻩ ﻳﺒﻲ ﻋﺮﺱ ﺍﻭ ﻻ ﻟﻮ ﻗﺎﻟﺖ ﻻ ﺍﻧﻬﻲ ﺍﻟﻤﻮﺿﻮﻉ
ﺧﻴﺮ ﻣﺎﺗﺠﻲ ﺍﻟﺤﺸﻤﻪ ﻓﻲ ﻭﺟﻚ ﻭﺟﻪ ﺑﺎﺑﺎ ﺍﻟﻠﻲ ﺑﻴﺮﻭﺡ ﺑﻌﺪ 3 ﺍﻳﺎﻡ
ﻭﻧﺎﺱ ﻣﺘﺮﺣﻤﺶ ﻭﺗﺤﺮﺟﻲ ﺧﺎﻟﺘﻲ ﻣﻊ ﻧﺎﺳﻬﺎ ﻭﺗﺤﺮﺟﻲ ﺍﺑﺘﺴﺎﻡ
ﻳﻌﻨﻲ ﺍﺳﺎﻟﻴﻪ ﻻﺧﺮ ﻣﺮﻩ ﻟﻮ ﻗﺎﻝ ﺑﺎﻫﻲ ﻛﻤﻠﻲ ﺍﻟﻤﻮﺿﻮﻉ
ﻭﻻ ﻗﺎﻝ ﻻ ﻛﻤﻠﻲ ﺍﻟﻌﺮﺱ ﻟﺼﻔﻴﺎﻥ ﻭﺍﻋﺘﺬﺭﻱ ﻣﻦ ﺧﺎﻟﺘﻲ ﺗﺰﻋﻞ ﻓﺘﺮﻩ ﻭﺗﺮﺿﻲ
ﺧﻴﺮ ﻣﺎﺗﻨﺤﺮﺝ ﺍﻟﻌﻤﺮ ﻛﻠﻪ ﻗﺪﺍﻡ ﻧﺎﺳﻬﺎ ﻭﻋﺮﺏ ﺭﺍﺟﻠﻬﺎ
ﺳﻤﻴﻪ : ﺑﺼﺮﺍﺣﻪ ﻛﻼﻡ ﺟﻨﺎﺕ ﺻﺎﺍﺡ
ﻋﺎﺋﺸﻪ : ﺗﻮ ﻧﻜﻠﻤﻪ ﺑﻌﺪﻳﻦ ﺍﻧﻘﻮﻝ ﻟﺴﻔﻴﺎﻥ ﻳﻄﻠﺒﻪ ﻟﻴﺎ
ﺟﻨﺎﺕ : ﻭﺭﺑﻲ ﻳﻘﺪﻡ ﺍﻟﻲ ﻓﻴﻪ ﺍﻟﺨﻴﺮ
ﺭﺍﻧﻴﻪ : ﻫﺎﺍﺍﻱ
ﺟﻨﺎﺕ : ﺷﺮﻓﺖ
ﻋﺎﺋﺸﻪ : ﻭﻋﻠﻴﻜﻢ ﺍﻟﺴﻼﻡ
ﺳﻤﻴﻪ : ﻣﺒﺴﻮﻁ ﺍﻟﻌﻄﻴﺐ ﻫﻬﻬﻬﻪ
ﺭﺍﻧﻴﻪ : ﺻﺎﺭﻟﻲ ﻣﻮﻗﻒ ﻣﻀﺤﻚ
ﺳﻤﻴﻪ؟
ﺭﺍﻧﻴﻪ : ﺧﺮﺑﺖ ﺑﻴﺎ ﺍﻟﺴﻴﺎﺭﻩ ﻓﻲ ﻃﺮﻳﻖ
ﻋﺎﺋﺸﻪ : ﻗﺘﻠﻚ ﺧﻠﻠﻲ ﺧﻮﻙ ﻳﺸﻴﻠﻚ ﻭﻳﺠﻴﺒﻚ ﺍﻧﺘﻲ ﻣﺘﺒﺶ
ﺭﺍﻧﻴﻪ : ﺳﻔﻴﺎﻥ ﻭﺭﺍﻩ ﻋﺮﺱ ﻣﺶ ﻓﺎﺿﻴﻠﻲ ﻭﻻﻫﻲ ﻓﻲ ﺷﻘﺘﻪ
ﻭﺳﻴﺎﺭﺗﻲ ﺗﺒﻲ ﺗﻐﻴﺮ
ﻋﺎﺋﺸﻪ : ﻋﻠﻴﻚ ﻭﻋﻠﻲ ﺑﺎﺗﻚ ﺧﻼﺹ ﻗﺮﻳﺐ ﻳﺮﻭﺡ
ﺟﻨﺎﺕ : ﺷﻨﻮ ﺩﺭﺗﻲ
ﺭﺍﻧﻴﻪ : ﺟﺎ ﻭﺍﺣﺪ ﺻﻠﺤﻬﺎ ﻟﻴﺎ ﺍﻟﻜﺎﺭﺛﻪ ﺍﻥ ﺍﻟﺸﺎﺏ ﺍﻟﻠﻲ ﺻﻠﺤﻬﺎ ﻧﺎ ﻣﻦ ﻗﺒﻞ ﻣﻬﺰﺑﺘﻪ
ﺟﻨﺎﺕ :| ﻭﺍﻧﺘﻲ ﻣﻨﻮ ﺍﻟﻠﻲ ﻣﺶ ﻣﻬﺰﺑﺒﺘﻴﻪ
ﺳﻤﻴﻪ : ﻫﻬﻬﻬﻬﻬﻬﻪ
ﺭﺍﻧﻴﻪ : ﻧﺤﻜﻲ ﻟﻤﺎﻣﺎ ﻣﻨﺤﻜﻠﻜﺶ
ﻋﺎﺋﺸﻪ : ﻭﺑﺎﻩ؟
ﺭﺍﻧﻴﻪ : ﺗﺒﻮ ﺍﻟﺤﻖ ﺍﺯﻟﻄﺖ ﻫﻬﻬﻬﻪ ... ﻣﻦ ﻗﺒﻞ ﺟﺎ ﻟﻠﻤﺴﺘﺸﻔﻲ ﻭﻋﺎﻳﻨﺘﻪ
ﻗﻌﺪ ﻳﺘﻨﺤﻨﻂ ﻭﻳﺨﻔﻒ ﻓﻲ ﺩﻣﻪ ﻫﺰﺑﺘﻪ ﻭﺣﺮﺟﺘﻪ ﻫﻮﺍ ﺧﻮﻩ ﻓﻼﺳﺘﻌﻠﻤﺎﺕ ﻋﻨﺪﻧﺎ
ﺟﺎﻱ ﺑﺼﺪﻓﻪ ﻟﺨﻮﻩ ﻭﻃﻠﻊ
ﻭﺗﻌﻄﻠﺖ ﺳﻴﺎﺭﺗﻲ ﻭﻫﻮﺍ ﻛﺎﻥ ﻭﺭﺍﻳﻪ ﺻﻠﺤﻬﺎ ﻟﻴﺎ
ﺍﻧﺤﺮﺟﺖ ﻭﻧﺰﻟﻨﻲ ﻣﻦ ﺍﻟﺴﻴﺎﺭﻩ ﻭﺭﻛﺒﺖ ﻓﻲ ﺳﻴﺎﺭﺗﻪ ﻟﻌﻨﺪ ﻣﺎﻛﻤﻞ ﺗﺼﻠﻴﺢ
ﺟﻨﺎﺕ : ﻫﻬﻬﻬﻬﻬﻬﻬﻬﻬﻪ
ﺳﻤﻴﻪ : ﺍﻧﺘﺨﺎﻳﻞ ﻓﻲ ﻣﻨﻈﺮﻙ ﻭﺍﺍﻭ ﺍﻟﺪﻛﺘﻮﺭﻩ ﺭﺍﻧﻴﻪ ﺳﻴﺎﺭﺗﻬﺎ ﺧﺎﺭﺑﻪ ﻫﻬﻬﻬﻬﻬﻪ
ﺟﻨﺎﺕ : ﻫﻬﻬﻬﻬﻬﻬﻬﻬﻬﻪ
ﺭﺍﻧﻴﻪ : ﺑﺲ ﺫﻭﻭﻭﻕ
ﻋﺎﺋﺸﻪ : ﺧﻄﺮﻫﺎ ﻧﺎ ﺍﻧﺸﻐﻠﺖ ﺑﻤﺸﻜﻠﺔ ﻳﺎﺳﺮ ﻭﻣﻌﺶ ﻫﺪﺭﺯﺕ ﻣﻌﺎﻛﻦ
ﺍﺣﻜﻠﻲ ﺷﻨﻮ ﺍﺧﺮ ﺗﻄﻮﺭﺍﺗﻜﻦ ؟؟؟
ﺳﻤﻴﻪ .: ؟؟؟
ﺟﻨﺎﺕ : ﻭﺍﻟﻠﻪ ﻟﻨﻪ ﺯﻣﺎﺍﺍﻥ ﻣﻌﺶ ﻫﺪﺭﺯﻧﺎ
ﺭﺍﻧﻴﻪ : ﻛﻤﻠﻨﺎﻫﺎ ﻣﺸﺎﻛﻞ ﻓﻴﺎﻟﺤﻮﺵ
ﺳﻤﻴﻪ : ﻭﺍﻟﻠﻪ ﺻﺪﻗﺘﻲ
ﻋﺎﺋﺸﻪ : ﻳﺎﺳﺮ ﻭﺑﺎﺗﻚ ﺧﻠﻮ ﻓﻴﺎ ﻋﻘﻞ؟؟؟ ﺍﺣﻜﻠﻲ ﻋﺎﺩ ﺷﻨﻮ ﺍﺧﺒﺎﺭﻛﻦ ^^
ﺳﻤﻴﻪ : ﻧﺒﺪ ﺍﻧﺎ
ﺭﺍﻧﻴﻪ : ﺍﺑﺪﻱ؟
ﺳﻤﻴﻪ : ﻣﻨﺴﺠﻤﻪ ﻳﺎﻣﺎﻣﺎ ﻣﻊ ﻣﺤﻤﻮﺩ ﺻﺢ ﻓﺒﺪﺍﻳﻪ ﺧﻔﺖ ﺑﺲ ﺗﻮﺍ ﻣﺘﺮﻳﺤﻪ ﻣﻌﺎﻩ
ﺳﺒﺤﺎﻥ ﺍﻟﻠﻪ ﻣﻜﻨﺘﺶ ﻣﻘﺘﻨﻌﻪ ﺍﻥ ﻧﺠﻮﺯ ﺗﻘﻠﻴﺪﻱ ﺑﺲ ﻣﺘﺮﻳﺤﻪ ﻭﺍﺟﺪ ﻣﻌﺎﻩ
ﻋﺎﺋﺸﻪ : ﺑﺎﻫﻲ ﻭﺷﻨﻮ ﻃﺒﻌﻪ؟
ﺳﻤﻴﻪ : ﺍﺣﻴﺎﻧﺎ ﻳﺘﻌﺼﺐ ﺑﺲ ﻣﺴﺮﻉ ﻣﺎﻳﺮﺿﻲ
ﻋﺎﺋﺸﻪ : ﺑﺎﻫﻲ ﺗﻤﺎﻡ
ﺳﻤﻴﻪ : ﻛﻮﻳﺲ ﺑﻜﻞ
ﻋﺎﺋﺸﻪ : ﺍﻋﺘﺮﻓﺘﻮ ﺍﻧﻜﻢ ﺗﺤﺒﻮ ﺑﻌﻀﻜﻢ؟
ﺳﻤﻴﻪ : ﺍﺣﻢ ﻋﻠﻴﺶ ﺍﻻﺣﺮﺍﺟﺎﺕ ﺑﺲ ﻳﺎﻣﺎﻣﺎ ﻫﻬﻬﻬﻬﻬﻬﻪ
ﺭﺍﻧﻴﻪ ﻭﺟﻨﺎﺕ : ﻫﻬﻬﻬﻬﻬﻬﻬﻬﻪ
ﻋﺎﺋﺸﻪ : ﻓﻬﻤﻨﺎ ﻫﻬﻬﻪ ﺑﺎﻫﻲ ﻭﺩﻛﺘﻮﺭﻩ؟
ﺭﺍﻧﻴﻪ : ﺍﻣﻤﻤﻢ
ﻋﺎﺋﺸﻪ : ﻣﻔﺶ ﺍﺧﺒﺎﺭ ﻉ ﺭﺍﻓﻊ؟
ﺭﺍﻧﻴﻪ : ﺑﺼﺪﻕ ﺭﺍﻓﻊ ﻣﺘﺪﺭﺗﺶ ﻓﻴﻪ ﺷﻮﻳﻪ ﻛﺮﻫﻨﻲ ﺑﻌﺪ ﻣﻜﺎﻥ ﻣﻴﺖ ﻓﻴﺎ
ﺟﻨﺎﺕ : ﻭﺍﻟﻠﻪ ﺗﺴﺘﺎﻫﻠﻲ ﺧﻴﺮ ﻣﻨﻪ ﻣﺶ ﺧﺎﺷﻠﻲ ﺭﺍﺱ
ﻋﺎﺋﺸﻪ : ﺟﻨﺎﺕ؟
ﺭﺍﻧﻴﻪ : ﺑﺲ ﺍﻟﻴﻮﻡ ﺍﻣﻤﻢ ﺗﻘﺪﺭﻱ ﺗﻘﻮﻟﻲ ﺻﺎﺭ ﺍﻋﺠﺎﺏ ﺑﻴﻨﻲ ﻭﺑﻴﻦ ﻣﺮﺍﺩ
ﻋﺎﺋﺸﻪ : ﺭﺍ ﺗﻘﻌﺪﻱ ﻳﺎﻓﺮﺧﻪ ﺭﻛﺒﺘﻲ ﻣﻌﺎﻩ ﻓﻲ ﺳﻴﺎﺭﻩ؟
ﺭﺍﻧﻴﻪ : ﻻﻻ ﺭﺍﺟﻴﺖ ﻓﻲ ﺳﻴﺎﺭﺗﻪ ﻋﺸﺎﻥ ﺍﻟﺸﻤﺲ ﻭﺍﻭﻝ ﻣﺎﻛﻤﻞ ﺗﺼﻠﻴﺢ ﺳﻴﺎﺭﺗﻲ
ﺭﻛﺐ ﻓﻲ ﺳﻴﺎﺭﺗﻲ ﺑﺲ ﻭﺻﻠﻨﻲ ﻭﻗﻌﺪ ﻭﺭﺍﻳﻪ ﻟﻌﻨﺪ ﺑﺎﺏ ﺍﻟﺤﻮﺵ
ﺟﻨﺎﺕ : ﻋﻄﺎﻙ ﺭﻗﻤﻪ؟
ﺭﺍﻧﻴﻪ : ﻻ ﻣﻌﻄﻴﺘﺶ ﻭﺟﻪ ﻭﻛﻨﺸﺖ ﻋﻠﻴﻪ
ﺳﻤﻲ : ﻭﻋﺎﺩﺕ ﺣﻠﻴﻤﻪ ﻟﻘﺼﺘﻬﺎ ﺍﻟﻘﺪﻳﻤﻪ
ﺟﻨﺎﺕ : ﻫﻬﻬﻬﻪ
ﺭﺍﻧﻴﻪ : ﺧﻔﺖ ﻳﻘﻮﻝ ﻓﺎﻟﺘﻪ ﺗﺴﻮﻕ ﻭﺗﻌﻄﻲ ﻓﻲ ﺭﻗﻤﻬﺎ
ﻋﺎﺋﺸﻪ : ﺻﺢ ﺻﺪﻗﺘﻲ
ﺭﺍﻧﻴﻪ : ﺑﺲ ﺣﺎﺳﻪ ﺍﻥ ﺑﻜﺮﻩ ﺑﻴﺠﻲ ﻟﻠﻤﺴﺘﺸﻔﻲ ^^
ﺳﻤﻴﻪ : ﺑﻜﺮﻩ ﻋﻄﻠﺘﻚ؟
ﺭﺍﻧﻴﻪ : ﻻﻻ ﺑﻨﻌﺪﻱ ^^
ﺳﻤﻴﻪ : ﺍﺣﻢ ﺍﺣﻢ
ﺟﻨﺎﺕ : ﺑﻨﺔ ﺍﺷﻴﺎﻁ ﻫﻬﻬﻬﻬﻬﻬﻬﻪ
ﺳﻤﻴﻪ : ﺷﻤﻴﺘﻬﺎ ^^
ﻋﺎﺋﺸﻪ : ﻭﺟﻨﺎﺕ؟
ﺟﻨﺎﺕ : ﺍﻣﻤﻤﻢ
ﻋﺎﺋﺸﻪ : ﻋﺎﺭﻓﻪ ﺍﻥ ﻓﻲ ﻣﻮﺿﻮﻉ ﺻﺎﻳﺮ
ﺭﺍﻧﻴﻪ : ﻣﻮﺿﻮﻉ ﺷﻨﻮ؟؟
ﺳﻤﻴﻪ : ﺍﺣﻜﻲ ﻭﻻ ﻧﺤﻜﻲ ^^
ﺟﻨﺎﺕ : ﻛﻴﻒ ﻋﺮﻓﺘﻲ ^^|
ﻋﺎﺋﺸﻪ : ﺷﻮﻓﻦ ﻣﻔﺶ ﺍﻡ ﻣﺘﻌﻠﻤﺶ ﻋﻠﻲ ﺑﻨﺎﺗﻬﺎ ﻓﻲ ﺷﻨﻮ ﻳﺪﻳﺮﻥ ؟؟؟
ﺑﺲ ﺍﻡ ﺻﺮﻳﺤﻪ ﻭﻓﻲ ﺍﻡ ﺗﺴﺘﻌﺒﻂ ﻳﻌﻨﻲ ﻓﻲ ﺍﻣﻬﺎﺕ ﻳﺤﺴﻦ ﺍﻥ ﻟﻮ ﺣﻜﻦ
ﻣﻊ ﺑﻨﺎﺗﻬﻦ ﻓﻲ ﻣﻮﺍﺿﻴﻊ ﻛﻴﻒ ﻫﺬﻧﻪ ﺑﻴﺨﺴﺮﻥ ﻫﻴﺒﺘﻬﻦ
ﺟﻨﺎﺕ : ﻳﻌﻨﻲ ﺣﺎﺳﻪ؟
ﻋﺎﺋﺸﻪ : ﻣﺘﺎﻛﺪﻩ ﻣﺶ ﺣﺎﺳﻪ ^^
ﺭﺍﻧﻴﻪ : ﺍﺣﻜﻲ ﺍﺣﻜﻲ ﻧﺎ ﻭﺍﻟﻠﻪ ﻣﺎﻧﻌﻠﻢ ﻋﻠﻲ ﺣﺎﺟﻪ
ﺟﻨﺎﺕ : ﺗﺬﻛﺮﻭ ﻳﻮﻡ ﺍﻟﻠﻲ ﻃﻠﻌﺖ ﻓﻲ ﻧﺎ ﻭﻳﺎﺳﺮ ﻭﺍﺑﺘﺴﺎﻡ ﻋﺸﺎﻥ ﺑﻨﺎﺧﺪﻭ ﻓﺴﺘﺎﻥ ﺍﻟﺒﻴﺎﻥ
ﻋﺎﺋﺸﻪ : ؟؟؟
ﺟﻨﺎﺕ : ﺻﺎﺣﺐ ﺍﻟﻤﺤﻞ ﺍﻟﻠﻲ ﺣﺮﺟﻨﺎﻩ ﻣﻌﺎﻩ ﻳﺎﺳﺮ ﻭﻗﺎﻝ ﻣﻨﺶ ﺩﺍﻓﻊ
ﺭﺍﻧﻴﻪ : ﻋﻠﻴﻚ ﻓﻀﻴﺤﻪ ﻭﻣﻦ ﺟﺪﻙ ﺗﻜﻠﻤﻲ ﻓﻴﻪ ﻫﻬﻬﻬﻬﻬﻪ
ﺟﻨﺎﺕ : ﺍﻩ ﺍﻋﻄﺎﻧﻲ ﺭﻗﻤﻪ ﻭﺷﺠﻌﺘﻨﻲ ﺍﺑﺘﺴﺎﻡ
ﻋﺎﺋﺸﻪ : ﺑﺎﻫﻲ ﻛﻮﻳﺲ؟
ﺟﻨﺎﺕ : ﻛﻮﻳﺲ ﻭﻟﺪ ﻧﺎﺱ ﺍﻣﻪ ﻣﺘﻮﻓﻴﻪ ﻭﻋﻨﺪﻩ ﻋﻤﺘﻪ ﻋﺎﻳﺸﻪ ﻣﻌﺎﻫﻢ ﻭﻋﻨﺪﻩ ﺍﺧﺖ ﻭﺣﺪﻩ
ﻣﺠﻮﺯﻩ ﻭﻋﻨﺪﻫﺎ ﺑﻨﺖ
ﻋﺎﺋﺸﻪ : ﺑﺎﻫﻲ ﺍﻫﻢ ﺷﻲ ﻭ ﻟﺪ ﻧﺎﺱ
ﺟﻨﺎﺕ : ﻛﻮﻳﺲ ﻭﻣﺤﺘﺮﻡ ﺑﻜﻞ ﻭﺍﻟﺤﻖ ﻟﻴﻪ ﻓﺘﺮﻩ ﻣﻌﺎﻩ ﻋﻤﺮﻩ ﻣﺎﻏﻠﻂ ﻓﻴﺎ
ﻋﺎﺋﺸﻪ : ﻭﺍﻣﺘﻲ ﺑﻴﺰﻭﺭﻧﺎ ^^
ﺳﻤﻴﻪ : ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﺭﺍﻧﻴﻪ : ﻻﻻ ﻣﺤﺪ ﻳﺰﻭﺭﻛﻢ ﻗﺒﻠﻲ
ﺟﻨﺎﺕ : ﻏﻴﺮ ﺍﻋﺒﻲ ﻫﻬﻬﻬﻬﻬﻪ
ﺭﺍﻧﻴﻪ : ﻻ ﻳﺎﻣﺎﻣﻲ ﺑﺘﺮﺗﻴﺐ ﻭﺑﻠﻜﺒﻴﺮ ﺳﻔﻴﺎﻥ ﻭﺑﻌﺪﻫﺎ ﺳﻤﻴﻪ ﻭﺑﻌﺪﻫﺎ ﻳﺎﺳﺮ ﻭﺑﻌﺪﻩ ﻧﺎ ﻭﺑﻌﺪﻫﺎ ﺟﻨﺎﺕ
ﻋﺎﺋﺸﻪ : ﻭﺍﻟﻠﻪ ﻫﻮﺍ ﻧﺼﻴﺐ ﻛﺎﻥ ﺟﺎﻝ ﺍﺧﺘﻚ ﻧﺼﻴﺐ ﻛﻮﻳﺲ ﻗﺒﻠﻚ ﻧﻌﻄﻴﻬﺎ ^^
ﺟﻨﺎﺕ : ﺍﻧﻌﻢ ﺍﻧﻌﻢ ﻫﻀﺎ ﺍﻟﺼﺢ ^^
ﺭﺍﻧﻴﻪ : ﺍﺻﻼ ﻋﺎﺩﻱ ﺍﻫﻢ ﺷﻲ ﺷﻬﺎﺩﺗﻲ ﻭﺩﻛﺘﻮﺭﻩ
ﺳﻤﻴﻪ : ﺫﻟﻴﺘﻴﻨﻪ ﺩﻛﺘﻮﺭﻩ ﺩﻛﺘﻮﺭﻩ ﺳﻔﻴﺎﻥ ﺩﻛﺘﻮﺭ ﻭﻣﺎﻋﻤﺮﻩ ﺣﺴﺴﻨﺎ ﺍﻥ ﻫﻚ
ﺟﻨﺎﺕ : ﺃﻱ ﺩﻛﺘﻮﺭﻩ ﺍﻟﻨﺒﻲ ﺍﺳﻜﺘﻲ ﺍﻟﻄﺐ ﻓﻲ ﻣﺼﺮ ﻭﺗﻮﻧﺲ ﻫﻨﺎ ﺩﻓﻨﻘﻲ
ﺭﺍﻧﻴﻪ : ﻣﺎﻣﺎ ﺗﺴﻤﻌﻲ ﻓﻲ ﺑﻨﺎﺗﻚ ﻭﺑﻌﺪﻫﺎ ﻗﻮﻟﻲ ﺍﻧﺘﻲ ﺍﻟﻐﻠﻄﺎﻧﻪ
ﻋﺎﺋﺸﻪ : ﻫﻬﻬﻬﻪ ﻛﻤﻠﻴﻠﻨﻪ ﻉ ﺻﺎﺣﺐ ﺍﻟﻤﺤﻞ ﻣﺘﺎﻋﻪ ﺍﻭ ﻳﺸﺘﻐﻞ ﻓﻴﻪ؟
ﺟﻨﺎﺕ : ﻣﺘﺎﻋﻪ
ﻋﺎﺋﺸﻪ : ﺷﻨﻮ ﺍﺳﻤﻪ
ﺟﻨﺎﺕ : ﻋﻴﺴﻲ ^^
~ْ
~
~
~
~
ﻭﻓﻠﻌﺸﻴﻪ : ؟؟؟؟
ﺟﺘﻨﻲ ﺩﻻﻝ ...
ﺩﻻﻝ : ﺳﺎﺭﻩ
ﺍﻧﺎ .......:
ﺩﻻﻝ : ﺗﻐﺬﻳﺘﻲ ﻛﻮﻳﺲ؟
ﻧﺎ : ( ﺷﻴﺮﺗﻠﻬﺎ ﺑﻤﻌﻨﻲ ﺍﻫﺎ )
ﺩﻻﻝ : ﺻﺤﻪ ﻧﺒﺪﻭﻭﻭ
ﺍﻧﺎ .......:
ﺩﻻﻝ : ﺗﺸﻮﻑ ﻓﻲ ﻧﺎﺱ ﺍﻟﻠﻲ ﻫﻨﺎ؟
ﻣﺶ ﻛﻠﻠﻬﻢ ﻧﺎﻗﺴﻦ ﻋﻘﻞ ﻓﻲ ﺍﻟﻠﻲ ﻣﺘﻌﻤﺪ ﻳﻌﺎﻗﺐ ﺭﻭﺣﻪ
ﻛﻴﻔﻚ؟؟؟
ﻳﻌﻨﻲ ﻣﻴﺤﻜﺶ ﻭﻣﻴﻔﻀﻔﻀﺶ ﻣﻊ ﺍﻥ ﻗﺎﺩﺭ ﻉ ﺟﺎﺟﻪ ﻫﺬﻱ
ﺑﺲ ﻳﻔﻀﻞ ﻫﻚ ﻋﺸﺎﻥ ﻳﻌﺎﻗﺐ ﺭﻭﺣﻪ ﻋﻠﻲ ﺣﺎﺟﻪ ﻛﺎﻧﺖ ﻣﻜﺘﻮﺑﺘﻠﻪ
ﺳﺎﺭﻩ ﺻﺢ ﻧﺤﻨﺎ ﻓﻲ ﻣﺠﺘﻤﻊ ﻣﻴﺘﺤﻤﻠﺶ ﺍﺧﻄﺎﺀ ﻭﻣﻴﺘﻘﺒﻠﻬﺶ
ﺑﺲ ﺑﻌﺪ ﻣﺎﻧﺤﻨﺎ ﺍﻧﺘﻘﺒﻠﻮ ﺍﺧﻄﺎﺋﻨﺎ ﻣﻤﻜﻦ ﻧﻘﻨﻊ ﺍﻟﻨﺎﺱ ﺑﺎﻥ ﺍﻟﺨﻄﺎﺀ ﻳﺼﻠﺢ
ﺳﺎﺭﻩ ﻟﻮ ﻋﻠﻲ ﻳﺎﺳﺮ ... ﻳﺎﺳﺮ ﻟﻮ ﻳﺤﺒﻚ ﻳﻔﻬﻢ ﻣﻨﻚ
ﺍﻧﺎ : ؟؟؟
ﺩﻻﻝ : ﻟﻮ ﻳﺒﺤﻚ ﻳﻔﻬﻢ ﻣﻨﻚ ﻭﻳﻘﻌﺪ ﺟﻨﺒﻚ ﻣﻬﻤﺎ ﺻﺎﺭ ﻻﻥ ﺍﻟﺤﺐ ﺍﻋﻤﻲ
ﻳﻌﻨﻲ ﻧﺎﺱ ﻭﺍﺣﺪ ﺗﺤﺐ ﻧﺎﺱ ﻣﻠﻴﺎﻧﻪ ﺳﻠﺒﻴﺎﺕ ﺑﺲ ﻣﻦ ﻛﺜﺮ ﻣﺎﻳﺤﺒﻮﻫﻢ
ﻳﻘﻠﺒﻮﻫﻦ ﻓﻲ ﻋﻘﻠﻬﻦ ﺍﻳﺠﺎﺑﻴﺎﺕ ﺑﺲ ﻫﻨﻪ ﺳﻠﺒﻴﺎﺕ ﻓﻲ ﺍﻋﻴﻮﻥ ﺍﻟﻨﺎﺱ
ﻛﻠﻬﺎ ﺍﻻ ﻓﻌﻴﻮﻥ ﺍﻟﻠﻲ ﻳﺤﺒﻬﻢ؟؟؟
ﺍﻟﺤﻴﻪ ﺗﺠﺎﺭﺏ ﻓﻲ ﻛﻞ ﺗﺠﺮﺑﻪ ﻧﺨﺴﺮﻭ ﺣﺎﺟﺎﺕ ﻭﺍﺟﺪﻩ
ﺍﺿﺮﻭﺭﻱ ﻣﺎﺍﻧﺴﺎﻥ ﻳﺘﻌﻮﺩ ﺍﻥ ﻣﻤﻜﻦ ﻳﺨﺴﺮ ﺣﺎﺟﻪ
ﻳﻌﻨﻲ ﻣﺜﻼ ﻟﻮ ﺍﻥ ﻫﻠﻚ ﻣﺎﻧﻮ ﻓﻲ ﺣﺎﺩﺙ ﺍﻭ ﻛﺎﺣﺖ ﺑﻴﻬﻢ ﻃﻴﺎﺭﻩ
ﺍﻭ ﻣﺎﺗﻮ ﻗﻲ ﺗﻔﺠﻴﺮ ﻏﺎﺯ ؟؟ ﺍﻭ ﻧﺤﺮﻕ ﺣﻮﺷﻜﻢ؟؟
ﻛﻨﺘﻲ ﺑﺘﺨﺴﺮﻳﻬﻢ ﻧﻔﺲ ﺍﻟﺸﻲ؟؟؟
ﺍﻟﺴﺒﺐ ﻣﺨﺘﻠﻒ ﺑﺲ ﺍﻟﻨﺘﻴﺠﻪ ﻭﺣﺪﻩ
ﺍﻧﺎ : ؟؟؟؟؟؟؟؟
ﺩﻻﻝ : ﺍﻟﻴﻮﻡ ﺍﻧﺘﻲ ﻭﻋﻴﺘﻲ ﻣﻦ ﻧﻮﻣﻚ ﻣﻔﺶ ﺗﻐﺬﻳﻪ ﻓﻲ ﺍﻳﺪﻙ ﻣﻔﺶ ﻋﻠﻲ ﻓﻤﻚ
ﺍﻛﺴﺠﻴﻦ ﻣﻌﻨﺪﻛﺶ ﺟﻠﺴﺎﺕ ﻏﺴﻞ ﻛﻠﻴﻪ ﻫﺬﺗﻪ ﻧﻌﻢ ؟؟؟ ﻧﻌﻢ ﻣﻦ ﺍﻟﻠﻪ
ﻓﻲ ﻏﻴﺮﻙ ﻣﺘﻤﻨﻴﻨﻬﺎ ﻭﻳﺪﻋﻮ ﻭﻳﺒﻜﻮ ﻋﻠﻴﻬﺎ
ﺍﻧﺎ : ؟؟؟؟
ﺣﻜﺖ ﺣﻜﺖ ﺣﻜﺖ ﻣﻦ ﻏﻴﺮ ﻣﺎﺗﺴﻤﻊ ﻣﻨﻲ؟؟؟؟
~
~
~
~
~
ﺍﻣﺎ ﻋﺎﺋﺸﻪ : ؟؟؟
ﺳﻔﻴﺎﻥ : ﺍﻫﻮﺍ ﻋﻠﻖ ﺍﻟﺨﻂ
ﻋﺎﺋﺸﻪ : ﻫﺎﺕ؟
ﺳﻔﻴﺎﻥ : ﺷﻮﻳﻪ ﺍﻟﻮ ﻳﺎﺳﺮ
ﻳﺎﺳﺮ : ؟؟؟
ﺳﻔﻴﺎﻥ : ﺍﻟﻮ
ﻳﺎﺳﺮ : ﻣﺮﺣﺒﺎ ﻛﻴﻒ ﺣﺎﻟﻜﻢ؟
ﺳﻔﻴﺎﻥ : ﻣﺮﺍﻳﻔﻴﻦ ﻋﻠﻴﻚ ﻛﻴﻒ ﺣﺎﻟﻚ ؟
ﻳﺎﺳﺮ : ﺍﻟﺤﻤﺪﻟﻠﻪ ﻗﺎﻋﺪ
ﺳﻔﻴﺎﻥ : ﻫﺎﻙ ﺍﻣﻲ
ﻳﺎﺳﺮ : ﻫﺎﺗﻬﺎ ﺑﺴﺮﻋﻪ ﺑﺲ
ﺳﻔﻴﺎﻥ : ﻣﻄﻮﻟﻴﺶ ﺷﻜﻠﻪ ﻣﺸﻐﻮﻝ؟
ﻋﺎﺋﺸﻪ : ﻣﻨﺶ ﻣﻄﻮﻟﻪ ﺍﻃﻠﻊ ﻭﺻﻜﺮ ﺍﻟﺒﺎﺏ ﻭﺭ ﺑﺎﻟﻚ ﺟﻨﺎﺕ ﺗﻌﻠﻢ ﺗﻮ ﺩﻳﺮﻟﻲ ﺻﺪﺍﻉ ﻭﻣﻨﺤﺼﻠﺶ ﻣﻌﺎﻫﺎ ﻓﺮﺻﻪ
ﺳﻔﻴﺎﻥ : ﺑﺎﻩ
ﻋﺎﺋﺸﻪ : ﻳﺴﻮﺭﻱ ﻛﻴﻒ ﺣﺎﻟﻚ؟
ﻳﺎﺳﺮ : ﺍﻟﺤﻤﺪﻟﻠﻪ ﻛﻴﻒ ﺣﺎﻟﻜﻢ ﺷﻨﻮ ﺍﻣﻮﺭﻛﻢ ﻛﻴﻒ ﺣﺎﻝ ﺍﻟﺒﻨﺎﺕ؟
ﺍﻋﺎﺋﺸﻪ : ﺍﻟﺤﻤﺪﻟﻠﻪ ﺣﺎﺑﻜﻴﻦ ﻓﻲ ﺗﺠﻬﻴﺰﺍﺕ ﻭﺳﻔﻴﺎﻥ ﻣﺸﻐﻮﻝ ﻭﺍﻟﺒﻨﺎﺕ ﻣﻌﺎﻳﻪ ﺧﻄﻮﻩ ﺑﺨﻄﻮﻩ
ﻳﺎﺳﺮ : ﺍﻣﻤﻤﺒﻪ ﺗﻤﺎﻡ
ﻋﺎﺋﺸﻪ : ﻳﺎﺳﺮ
ﻳﺎﺳﺮ : ﻧﻌﻢ ﺻﻮﺗﻚ ﻳﻘﻄﻊ ﻳﺎﻣﻲ
ﻋﺎﺋﺸﻪ : ﻳﺎﺳﺮ ﺍﻟﻌﺮﺱ ﺑﻌﺪ ﺷﻬﺮ ﻭﺣﺠﺰﺕ ﻓﻠﻘﺎﻋﻪ
ﻳﺎﺳﺮ؟ ..
ﻋﺎﺋﺸﻪ : ﻭﺧﺎﻟﺘﻚ ﺗﻮﺗﻲ ﻓﻲ ﺭﻭﺣﺎ ﻭﺑﻨﺘﻬﺎ ﺗﻄﻠﻊ ﻭﺗﺸﺮﻱ ؟؟
ﻳﺎﺳﺮ ...:
ﻋﺎﺋﺸﻪ : ﺗﺴﻤﻊ ﻓﻴﺎﺍ ﺍﻟﻮﻭﻭ ؟
ﻳﺎﺳﺮ : ﻣﻌﺎﻙ
ﻋﺎﺋﺸﻪ : ﻳﻌﻨﻲ ﺗﺒﻲ ﺗﺠﻲ ﻭﻻ ﻻ؟؟
ﻳﺎﺳﺮ .......:
ﻋﺎﺋﺸﻪ : ﻳﺎﻣﻲ ﻣﺘﺴﻜﺘﺶ ﻗﻮﻟﻲ ﺭﻳﺢ ﺑﺎﻟﻲ
ﻳﺎﺳﺮ : ﺩﻳﺮﻱ ﺍﻟﻠﻲ ﺭﻳﺤﻚ
ﻋﺎﺋﺸﻪ : ﻣﺘﻘﻮﻟﻴﺶ ﺩﻳﺮﻱ ﺍﻟﻠﻲ ﺭﻳﺤﻚ ﻧﺒﻲ ﺭﺍﺣﺘﻚ ﺍﻧﺖ
ﻳﺎﺳﺮ : ﺍﻧﺘﻲ ﺟﻬﺰﺗﻲ ﻛﻞ ﺣﺎﺟﻪ ﻭﺧﻄﻄﻲ ﻣﻦ ﺍﻻﻭﻝ ﻭﺟﺎﻳﻪ ﺗﺎﺧﺪﻱ ﻓﻲ ﺭﺍﺋﻲ
ﻋﺎﺋﺸﻪ : ﻳﺎﻣﻲ ﺧﻼﺹ ﻟﻮ ﻣﺶ ﻣﻘﺘﻨﻊ ﺧﻼﺹ ﺑﺲ ﻣﺘﺤﺮﺟﻨﻴﺶ ﻗﺪﺍﻡ ﺍﻟﻨﺎﺱ؟
ﻳﺎﺳﺮ : ﻻﻻ ﺗﻮ ﻧﺮﻭﺡ ﺑﻌﺪ ﻛﻢ ﺍﺳﺒﻮﻉ
ﻋﺎﺋﺸﻪ؟
ﻳﺎﺳﺮ : ﺧﻼﺹ ﻛﻤﻠﻲ ﻛﻞ ﺣﺎﺟﻪ ﻭﺍﻥ ﺷﺎﺀﺍﻟﻠﻪ ﻧﻜﻮﻥ ﻓﻲ ﻟﻴﺒﻴﺎ ﻓﺘﺮﻩ ﺍﻟﺠﺎﻳﻪ
ﻋﺎﺋﺸﻪ : ﻣﺘﺒﺶ ﺗﺮﻭﺡ ﺗﻮﺍ؟
ﻳﺎﺳﺮ : ﻻﻻ ﻣﺰﺍﻝ ﺑﻨﻘﻌﺪ ﺷﻮﻳﻪ ﻫﻨﺎ
ﻋﺎﺋﺸﻪ : ﺑﻬﺮ ﻳﺠﺘﻨﻲ ﻫﻴﺎ ﺑﺴﻼﻣﻪ ﺭﺩ ﺑﺎﻟﻚ ﻋﻠﻲ ﺭﻭﺣﻚ ﻳﺎﺍﻣﻲ
ﻳﺎﺳﺮ : ﺣﺎﺿﺮ ﺳﻠﻤﻴﻨﻪ ﻋﻠﻴﻬﻢ ﻭﺧﺼﻮﺻﺎ ﺟﻨﺎﺕ
ﻋﺎﺋﺸﻪ : ﻳﻮﺻﻞ ﻳﺎﺍﻣﻲ ﺑﺴﻼﻣﻪ
~
~
~
~
~
ﺟﻨﺎﺕ ﻭﻋﻴﺴﻲ ﻉ ﻓﻮﻥ :
ﻋﻴﺴﻲ : ﺧﻬﻬﻬﻬﻪ ﻣﻦ ﺟﺪﻙ ﺣﻜﻴﺘﻲ ﻻﻣﻚ ﻋﻠﻴﺎ
ﺟﻨﺎﺕ : ﺯﺭﺗﻨﻲ ﺳﻤﻴﻪ
ﻋﻴﺴﻲ : ﺍﺣﺴﻦ ﺑﺲ ﺷﻨﻮ ﻗﺎﻟﺘﻠﻚ؟
ﺟﻨﺎﺕ : ﻗﺎﻟﺘﻠﻲ ﺍﻣﺘﻲ ﺑﻴﺰﺭﻭﻧﺎ ﺧﻬﻬﻬﻬﻬﻬﻬﻪ
ﻋﻴﺴﻲ : ﻭﺍﻟﻠﻪ ﺻﺪﻗﺖ ﺍﻣﻤﻢ ﺷﻦ ﺭﺍﻳﻚ ﻓﻠﻤﻮﺿﻮﻉ؟
ﺟﻨﺎﺕ : ﻻ ﻋﺎﺩﻱ ﺍﺻﻼ ﻣﻠﻨﺶ ﻓﺘﺮﻩ ﻧﻌﺮﻓﻮ ﺑﻌﻀﻨﺎ ﻣﺰﺍﻝ ﺑﺪﺭﻱ
ﻋﻴﺴﻲ : ﺑﺲ ﻛﻮﻳﺲ ﺍﻥ ﺗﻘﻌﺪ ﺑﻴﻨﺎﺗﻨﺎ ﺣﺎﺟﻪ ﺭﺳﻤﻴﻪ؟؟
ﺟﻨﺎﺕ : ﺍﻣﻤﻢ ﺍﻧﺖ ﺗﺒﻲ ﻫﻜﻲ؟
ﻋﻴﺴﻲ : ﺍﻛﻴﺪ ﺗﻮﺍ ﺗﻮ ﻧﻜﻠﻢ ﺍﺧﺘﻲ ؟؟
ﺟﻨﺎﺕ : ﺍﻣﻤﻢ ﺑﻪ ﺧﻠﻠﻲ ﺑﻌﺪ ﺍﻟﻌﺮﺱ؟ ﺍﻭ ﻧﻌﺰﻣﻮﻛﻢ ﻟﻠﻌﺮﺱ ﺑﻠﻤﺮﻩ ﻋﻤﺘﻚ ﻭﺍﺧﺘﻚ؟
ﻋﻴﺴﻲ : ﻻﻻ ﺗﻮﺍ ﻳﺠﻮﻛﻢ ﺯﻳﺎﺭﺓ ﻋﺸﻴﻪ ﺳﺮﻳﻌﻪ ﺳﺎﻋﺘﻴﻦ ﻭﺑﻌﺪﻫﺎ ﺳﺎﻫﻞ
ﺟﻨﺎﺕ : ﺑﺎﻫﻲ ﺑﺮﺍﺣﺘﻚ؟
ﻋﻴﺴﻲ : ﻧﺤﻜﻲ ﻣﻊ ﺍﺧﺘﻲ ﺗﻮﺍ ﻭﻧﻌﺎﻭﺩﻟﻚ؟؟
ﺟﻨﺎﺕ : ﻫﻬﻬﻬﻬﻬﻬﻪ ﺑﺎﻫﻲ ﻫﻴﺎ ﺍﻧﺸﻮﻑ ﻣﺎﻣﺎ ﻛﻨﻬﺎ ﻣﺨﺘﻔﻴﻪ
ﻋﻴﺴﻲ : ﺍﻓﻄﻨﻲ ﻟﻔﻮﻧﻚ ﻭﺧﻠﻴﻪ ﻣﻌﺎﻙ ﺍﻭﻙ
ﺟﻨﺎﺕ : ﺍﻭﻙ
~
~
~
~
~
ﺍﺗﺼﻞ ﺑﺎﺧﺘﻪ ﻧﻴﺮﻭﺯ :
ﻋﻴﺴﻲ : ﺍﻳﻮﺍﻩ
ﻧﻴﺮﻭﺯ : ﻳﺎﻫﻼ ﺷﻨﺠﻮﻙ؟
ﻋﻴﺴﻲ : ﺍﻟﺤﻤﺪﻟﻠﻪ ﻛﻴﻒ ﺣﺎﻟﻚ
ﻧﻴﺮﺯﻭ : ﻣﺴﺘﺎﺣﺸﺘﻜﻢ ﻛﻴﻒ ﺣﺎﻝ ﺑﺎﺑﺎ؟
ﻋﻴﺴﻲ : ﺍﻟﺤﻤﺪﻟﻠﻪ
ﻧﻴﺮﻭﺯ : ﻭﻋﻤﺘﻲ؟
ﻋﻴﺴﻲ : ﺑﺎﻫﻴﻦ ﻭﺟﻮﻧﺎ ﺳﻤﺢ ﻗﺎﻋﺪ ﻓﻠﻤﺤﻞ ﺍﺳﻤﻌﻲ
ﻧﻴﺮﻭﺯ : ﻧﻌﻢ؟
ﻋﻴﺴﻲ : ﺑﺘﺠﻴﻨﺎ ﺍﻟﻴﻮﻡ؟
ﻧﻴﺮﻭﺯ : ﺭﺍﺟﻠﻲ ﻃﻠﻊ ﺑﻜﺮﻩ ﻧﻘﻌﺪ ﻋﻨﺪﻛﻢ
ﻋﻴﺴﻲ : ﺍﻣﻤﻢ ﻧﺒﻴﻚ ﻓﻲ ﻣﻮﺿﻮﻩ ﺑﻜﺮﻩ
ﻧﻴﺮﻭﺯ : ﺍﺣﻜﻲ ﺗﻮﺍ ﻫﻴﺎﺍ
ﻋﻴﺴﻲ : ﻧﺒﻲ ﻧﺨﻄﺐ ^^
ﻧﻴﺮﻭﺯ : ﻫﻬﻬﻬﻬﻬﻪ ﻏﺮﻳﺒﻪ ﻭﻣﻨﻮ ﺳﻌﻴﺪﺓ ﺍﻟﺤﻆ
ﻋﻴﺴﻲ : ﺗﻮ ﺑﻜﺮﻩ ﻧﺤﻜﻴﻠﻚ ﺑﺲ ﺗﻌﺎﻟﻲ؟
ﻧﻴﺮﻭﺯ : ﺑﺎﻫﻲ ﺗﻤﺎﻡ ﻫﻴﺎ ﺍﻭﻙ؟ ﺍﻥ ﺷﺎﺀﺍﻟﻠﻪ ﻏﻴﺮ ﻳﻮﺍﻓﻖ
ﻋﻴﺴﻲ : ﺷﻨﻮﻭﻭ
ﻧﻴﺮﻭﺯ : ﻻﻻ ﻫﻴﺎﺍ ﺍﻭﻙ
ﻋﻴﺴﻲ : ﺍﻭﻙ
ﺧﺶ ﻋﻠﻴﻬﺎ ﺭﺍﺟﻠﻬﺎ ...
ﺣﺎﺗﻢ : ﻣﻊ ﻣﻦ ﺗﺤﻜﻲ؟؟؟
ﻧﻴﺮﻭﺯ : ( ﺍﻧﻔﺠﻌﺖ ) ﻛﻨﺖ ﺍﻧﻜﻠﻢ ﻓﻲ ﻓﻲ ﻋﻴﺴﻲ ﻋﻴﺴﻲ ﺧﻮﻳﺎ
ﺣﺎﺗﻢ : ﻫﺎﺗﻲ ﺍﻧﺸﻮﻑ
ﻣﺪﺗﻠﻪ ﺍﻟﻔﻮﻥ ﻭﺧﺎﻳﻔﻪ ...
............ ﻳﺘﺐﻉ
