كنت خايفه نرقد لان مخذيتش الدواء خفت نحلم بكوابيس ونوض
مخنوقه ومفجوعه
ماما رقدت ونا خايفه معرفتش شنو اندير
غفيت ........
قاعده في مكان فاضي طريق طويله كنت لابسه لبسه
ضيقه واجد شعري طويل واجد انحس في حد
ورايه يكرلي فيه يوجع فيا راسي نفس ينقطع عليا
معندش جهد نكر روحي حد يكرلي في شعري
ويحولي في دبشي خايفه مرعوبه
منو هضا عليش هكي
قعدت شويه وجابو فطور فطرت نا وماما
وجاني الدكتور:
الدكتور: كيف حالك ساره؟
انا: الحمدلله
الدكتور: شنو اسم الدكتور اللي صارفلك دواء؟
انا: دلال #@$
الدكتور: انتي شنو تحسي في روحك؟؟
انا: تمام
الدكتور: شنو الحاله اللي تعاني منها؟؟
انا:............
ماما: تشوف في كوابيس واجد تخاف تقعد بروحها
مش اجتماعيه انطوائيه واجد
الدكتور: لاباس عليها بس نبيك تراجعيها انها تخففلك الدواء اكثر
جسمها ميتحملش وعندك نقص فيتامينات حنعطيك مكمل غذائي
ماما: شكرا يادكتور
الدكتور: العفو تقدري تطلعي توقعيها ع ورقة الخروج
ماما: كم مصاريف المستشفي
الدكتور: عدي للاستقبال بره تو يقولولك
ماما: به بارك الله فيك
الدكتور: فيك بارك الله
طلع وعدا للمكتب
طلع ياسر تقابل مع ماما في الممر؟
ياسر: صباح الخير والحمدالله علي سلامتها^^
ماما: الله يسلمك بس ليش متعب روحك ودافع المصاريف وجاي من صبح ^^
ياسر: تي لا مدوريش شي انتي كيف امي ورقمي عندك تبي
حاجه في أي وقت رني عليا
وخشتلي:
رن نقاله:
سميه: وينك؟؟؟
ياسر: قاعد؟
سميه: تعال نبو نروحو
ياسر: كنكم شنو فيه؟؟
سميه: تو ماما تحكيلك بس تعال
عدا للهله في شاليه وكانو يلمو في دبشهم
ياسر: ورافع خطرتله الرجوله
عائشه: انت ورافع طول عمركم كيف الخوت كنك قلبت ع راجل هكي؟
ياسر: نكرهه
عايشه: وليش ياسلام ولا كان تحساب روحك روحت بشهاده خلاص؟
ياسر: نا كيف روحت مطقيتش اسبوع هنا
عائشه: مفش احسن من الاستعجال وابتسام طيبه وبنت ناس عارف في شنو نفكر؟
ياسر:؟؟؟؟؟؟؟
عائشه: نفكر نطلع فرحك مع سفيان؟؟
ياسر: لالا نا مزال نبي نشري قطعة ارض ونبي نبني وقصتي مطوله وسفيان شقته واتيه متربطيش بيا وتعطلي عليه
عائشه: انت تعبتني وبعدين واطي خشمك قدام خالتك عليش تفشك عليها وسلم ع بنات تسليم كويس ساد انك جاي ومش جايبلهن هدايه
ياسر: ومن قالك رافع خشمي وعليش الهدايه ملزوم نا؟؟؟
عائشه: أي رافع خشمك هاك هاك الشناطي حط في سياره تو نكملو
كلام فلحوش را يسمعنا حد
ياسر: هاتي
