# ﺃﺧﺘﻨﺎﻕ _ ﺍﻟﻨﺪﻡ
ﺍﻟﺤﻠﻘﻪ 31
~
~
~
ﻓﺮﺣﺖ ﺑﻜﻞ ﻭﺧﺼﻮﺻﺎ ﻣﻌﺎﻳﻪ ﻓﺎﺗﻦ ﻭﺍﺑﺮﺍﻫﻴﻢ ﻳﻤﺸﻲ ﻗﻌﺪ
ﺍﺻﻠﺤﺖ ﺣﻴﺎﺗﻲ ﻃﺒﻌﺎ
ﺑﺲ ﻭﻟﻮ ﻳﻤﻜﻦ ﻧﻨﺴﻲ ﺍﻟﻤﺎﺿﻲ ﻭﻻ ﻧﻨﺴﻲ ﻋﺬﺍﺑﻲ ﻭﻻ ﻧﻨﺴﻲ ﻣﺎﻣﻲ
ﺍﻟﺤﻤﺪﻟﻠﻪ ﻋﻠﻲ ﻛﻞ ﺣﺎﻝ
ﻳﺎﺳﺮ : ﺍﻧﺘﻲ ﻳﺎﻓﺴﺨﻪ
ﺍﻧﺎ : ﺗﻲ ﻫﺎ؟
ﻳﺎﺳﺮ : ﻫﻴﺎﺍ ﻭﻗﺖ
ﺍﻧﺎ : ﺑﺎﻫﻲ ﺗﻮ ﻧﻠﺤﻖ ﻋﻠﻴﻜﻢ
ﻳﺎﺳﺮ : ﻓﻲ ﻋﻴﻨﻚ ﻣﻨﺮﺟﺎﺵ ﺗﻮ ﻧﻜﻠﻤﻠﻚ ﺩﻻﻝ ﺗﻔﺎﻫﻢ ﻣﻌﺎ ﻛﻨﺎ ﻏﻠﺒﺖ ﻓﻴﻚ
ﺍﻧﺎ : ﺍﻣﻤﻤﻢ ﻳﺎﺳﺮ
ﻳﺎﺳﺮ : ﺍﻋﻴﻮﻧﻪ
ﻗﺮﺑﺖ ﻣﻨﻪ ﻭﺣﻄﻴﺖ ﻳﺪﻳﻪ ﻉ ﺭﻗﺒﺘﻪ :
ﺍﻧﺎ : ﻣﺘﺒﺶ ﺗﺤﻜﻲ ﻣﻊ ﺍﻣﻚ
ﻳﺎﺳﺮ : ؟؟؟؟؟؟؟
ﺍﻧﺎ : ﺍﻟﻠﻲ ﺻﺎﺭ ﺻﺎﺭ ﻭﺧﻼﺹ
ﻳﺎﺳﺮ : ﺗﻮ ﻧﺮﻭﺣﻮ ﻣﻦ ﺗﺮﻛﻴﺎ ﺍﻧﻌﺪﻭﻟﻬﺎ؟؟؟
ﺍﻧﺎ : ﺑﻪ ﻫﻬﻬﻬﻬﻬﻪ ﻧﺠﻚ ﺍﻧﺖ
ﻳﺎﺳﺮ : ﺍﻧﺤﺒﻚ
ﺍﻧﺎ : ﺣﺘﻲ ﻧﺎ ﻳﺎﺳﺮ ﺍﻣﺘﻲ ﺑﻨﺮﻭﺣﻮ؟
ﻳﺎﺳﺮ : ﻳﻮﻡ ﺍﻟﺨﻤﻴﺲ ﻟﻴﺶ ﻣﻠﻴﺘﻲ؟
ﺍﻧﺎ : ﻻ ﺑﺲ ﺧﻼﺹ ﺑﻨﺮﻭﺣﻮ
ﻳﺎﺳﺮ : ﺍﺗﻔﻘﻨﺎ ﺍﻥ ﺍﻟﺨﻤﻴﺲ ﻧﺮﻭﺣﻮ
ﺍﻧﺎ : ﺗﻤﺎﻡ
ﻳﺎﺳﺮ : ﺣﻨﺮﺍﻳﻒ ﻋﻠﻴﻚ ﻟﻔﻌﻨﺪ ﺑﻌﺪﻳﻦ؟
ﺍﻧﺎ : ﺍﻛﻴﺪﻩ ﺣﺘﻲ ﻧﺎ
ﻳﺎﺳﺮ : ﺍﻣﻤﻢ ﺍﻧﺰﻟﻲ ﻛﺴﺪﻱ ﻋﻨﺪ ﻓﺎﺗﻦ ﺍﻭ ﺩﻻﻝ
ﺍﻧﺎ : ﻻﻻ ﺑﻨﺮﺗﺐ ﺍﻟﺪﺑﺶ ﺧﺎﻳﻔﻪ ﻧﻨﺴﻮ ﺣﺎﺟﻪ ﻭﻓﻲ ﺍﻟﻠﻲ ﻳﺒﻲ ﻏﺴﻞ
ﻳﺎﺳﺮ : ﺑﻪ ﺧﻼﺹ ﺑﺮﺍﺣﺘﻚ ﻣﺘﻌﺒﺶ ﺭﻭﺣﻚ ﻭﺍﺟﺪ
ﺍﻧﺎ : ﺣﺎﺍﺿﺮ
ﻃﻠﻊ ﺑﺮﻣﺖ ﻉ ﺷﻘﻪ ﻛﻨﻪ ﻣﺎﺟﺮﻳﻦ ﻓﻲ ﺗﺮﻛﻴﺎ ﻓﻲ ﻧﻔﺲ ﺍﻟﻌﻤﺎﺭﻩ
ﻧﺎ ﻭﻓﺎﺗﻦ ﻭﺩﻻﻝ
ﻭﺭﺗﺒﺖ ﺍﻟﺪﺑﺶ ﻧﺴﻤﻊ ﻓﻲ ﺑﺎﺏ ﻳﺪﻕ
ﻓﺘﺤﺖ
ﻓﺎﺍﺗﻦ
ﺍﻧﺎ : ﺍﻫﻼ ﺑﺮﻫﻮﻣﻲ ﺣﺒﻴﺒﻲ
ﻓﺎﺗﻦ : ﺍﻟﺮﺟﺎﺟﻴﻞ ﻃﻠﻌﻮ ﻫﻬﻬﻬﻬﻬﻪ
ﺍﻧﺎ : ﻫﻬﻬﻬﻬﻬﻬﻬﻪ ﺩﻻﻝ ﻭﻳﻦ؟
ﻓﺎﺗﻦ : ﺩﻻﻝ ﻗﺎﻋﺪﻩ ﻋﻨﺪ ﻗﺮﻳﺒﺘﻬﺎ ﻟﻴﺒﻴﻪ ﻭﺟﺎﻳﻪ ﺗﺮﻛﻴﺎ
ﺍﻧﺎ : ﺍﻫﺎﺍ
ﻓﺎﺗﻦ : ﻛﻨﻚ ﻣﻨﻜﺘﻪ ﺍﻟﺪﺑﺶ؟
ﺍﻧﺎ : ﺑﻨﺮﻭﺣﻮ ﺍﻟﺨﻤﻴﺲ
ﻓﺎﺗﻦ : ﻗﺎﻟﻲ ﻋﻤﺮ ﺑﺲ ﻣﺰﺍﻝ 4 ﺍﻳﺎﻡ
ﺍﻧﺎ : ﺍﻟﻠﻲ ﺗﺨﻒ ﺗﺨﻒ
ﻓﺎﺗﻦ : ﻭﺍﻟﻠﻪ ﺻﺪﻗﺘﻲ ﺑﻪ ﺍﺣﻴﻠﻲ ﺷﻦ ﺟﻮﻙ ﻣﻊ ﻳﺎﺳﺮ؟
ﺍﻧﺎ : ﺍﻟﺤﻤﺪﻟﻠﻪ ﺗﻤﺎﻡ
ﻓﺎﺗﻦ : ﻛﻨﻚ؟؟
ﺍﻧﺎ : ﻛﻨﻲ؟
ﻓﺎﺗﻦ : ﻧﺴﺄﻟﻮﻙ ﺍﻧﺘﻲ ﻛﻨﻚ؟
ﺍﻧﺎ : ﻣﻀﺎﻳﻘﻪ
ﻓﺎﺗﻦ : ﻟﻴﺶ؟
ﺍﻧﺎ : ﻣﺶ ﻋﺎﺭﻑ ﻋﻠﻠﻲ ﺻﺎﺭ ﻛﻠﻪ ﻳﻌﻨﻲ ﻳﺎﺳﺮ ﻣﻴﺤﻜﺶ ﻣﻊ ﻫﻠﻪ
ﻭﻧﺤﺲ ﻓﻲ ﺭﻭﺣﻲ ﻇﻠﻤﺖ ﺑﻨﺖ ﺧﺎﻟﺘﻪ ﻭﻳﺎﺳﺮ ﻣﻀﺎﻳﻖ ﻋﺸﺎﻥ
ﺍﻣﻪ ﺑﺲ ﻣﻴﺒﺶ ﻳﻮﺿﺤﻠﻲ
ﻓﺎﺗﻦ : ﻳﺎﺳﺮ ﻧﺎﺿﺢ ﻭﻋﻘﻠﻪ ﻓﻲ ﺭﺍﺳﻪ ﻳﻌﻨﻲ ﻳﻌﺮﻑ ﻳﺼﺮﻑ ﻣﺘﻔﻜﺮﺵ ﺑﺪﺍﻟﻪ
ﺍﻧﺘﻲ ﺗﺤﺒﻲ ﺗﻨﺪﻱ ﻉ ﺭﻭﺣﻚ ﻭﺧﻼﺹ
ﺍﻧﺎ : ﻋﻘﻠﻲ ﻣﻴﻮﻗﻔﺶ ﻋﻦ ﺍﻟﺘﻔﻜﻴﺮ ﻭﺟﻴﺞ ﺑﻜﻞ ﺧﺎﻳﻔﺘﻪ ﻳﻨﺪﻡ ﺍﻭ ﻳﻜﺮﻫﻨﻲ ﻋﺸﺎﻥ
ﻳﺤﺲ ﺍﻥ ﻧﺎ ﺳﺒﺐ ﻣﺸﺎﻛﻠﻪ ﻣﻊ ﻫﻠﻪ
ﻓﺎﺗﻦ : ﺷﻨﻮﻩ ﺍﻻﻓﻜﺎﺭ ﻣﻦ ﺟﺪﻙ ﺍﻧﺘﻲ؟؟؟ ﻳﺎﺳﺮ ﻳﺤﺒﻚ ﻳﺎﻫﺒﻠﻪ ﻭﻳﻤﻮﺕ ﻓﻴﻚ
ﺳﺎﺭﻩ ﻣﻌﺶ ﺗﻔﻜﺮﻱ ﻓﻲ ﻫﻠﻪ ﻭﻓﻴﻪ ﻫﻮﺍ ﻓﻜﺮﻱ ﻓﻲ ﺭﻭﺣﻚ ﻭﺑﺲ
ﻓﻜﺮﻱ ﻓﻲ ﺣﻮﺷﻜﻢ ﺍﻟﻠﻲ ﻗﺮﻳﺐ ﻳﻜﻤﻞ ﻓﻲ ﻟﻴﺒﻴﺎ ﻓﻜﺮﻱ ﻛﻴﻒ ﺗﺴﻌﺪﻱ ﺯﻭﺟﻚ ﻭﻣﺘﺨﻠﺶ ﻳﻨﺪﻡ ﺍﻥ
ﻓﻀﻠﻚ ﻉ ﻫﻠﻪ ﻓﻜﺮﻱ ﻓﻲ ﺍﻧﻚ ﺗﺤﻤﻠﻲ ﻭﺗﺠﻴﺒﻴﻠﻲ ﺍﻋﻴﺎﻝ ﻋﺸﺎﻥ ﺗﻘﻮﻱ ﻋﻼﻗﺘﻜﻢ ﻭﻳﻘﻌﺪ ﻓﻲ ﺭﺍﺑﻂ
ﻗﻮﻱ ﺑﻴﻨﺎﺗﻜﻢ
ﺍﻧﺎ : ﻧﺤﻤﻞ؟؟؟؟؟؟؟؟؟؟؟
ﻓﺎﺗﻦ : ﻫﺎ ﻣﺎﻻ ﻋﻠﻴﺶ ﻋﺎﺑﻴﻪ؟؟؟ﻃﺒﻌﺎ ﺗﺤﻤﻠﻲ ﻭﺗﺠﻴﺒﻠﻪ ﻫﻜﻲ ﺣﺘﻲ ﺗﺸﻐﻠﻲ ﺭﻭﺣﻚ
ﻭﺗﻘﻌﺪﻱ ﺗﻔﻜﺮﻱ ﻓﻲ ﺍﻋﻴﺎﻟﻜﻢ ﻭﺑﻄﻠﻲ ﻭﺳﻮﺍﺱ ﺯﺍﻳﺪ
ﺍﻧﺎ : ﻣﺶ ﻋﺎﺭﻑ
ﻓﺎﺗﻦ : ﺳﺎﺭﻩ ﻣﻌﺶ ﺗﻔﻜﺮﺅﻱ ﻓﻲ ﺷﻲ ﻫﻮﺍ ﺗﻮ ﻳﺼﺮﻑ
ﺍﻧﺎ : ﺭﺑﻚ ﻳﺴﺘﺮ ﻭﺧﻼﺹ ﺭﺍﻳﻔﺖ ﻉ ﻣﺎﻣﺎ ﻭﺍﺟﺪ
ﻓﺎﺗﻦ : ﺣﺘﻲ ﻧﺎ
ﺍﻧﺎ : ﻣﺰﻟﺖ ﻟﻌﻨﺪ ﺗﻮﺍ ﻣﺶ ﻣﺼﺪﻗﻪ ﻣﻮﺗﺘﻬﺎ ﺍﻧﺤﺲ ﻓﻴﻬﺎ ﺑﺘﺮﺩ ﻣﺶ ﻋﺎﺭﻑ
ﺑﻌﺪ ﻓﻘﺪﺗﻬﺎ ﺣﺴﻴﺖ ﺭﻭﺣﻲ ﻣﺶ ﻣﺴﺘﻌﺪﻩ ﻧﻔﻘﺪ ﺣﺪ ﺍﺧﺮ
ﻓﺎﺗﻦ : ﻭﺍﻟﻠﻪ ﺣﺘﻲ ﻧﺎ ﺭﺍﻳﻔﺖ ﻋﻠﻴﻬﺎ ﺍﻟﻠﻪ ﻳﺮﺣﻤﻬﺎ
ﺍﻧﺎ : ﻛﻞ ﻳﻮﻡ ﻧﺪﻋﻴﻠﻬﺎ ﻛﻞ ﻣﺎﻧﻔﺘﺢ ﺍﻋﻴﻮﻧﻲ ﻓﻲ ﺻﺒﺢ ﻧﺬﻛﺮﻫﺎ ﻛﻞ ﻣﺎﻧﺮﻗﺪ ﻧﺬﻛﺮﻫﺎ
ﺻﻮﺭﺗﻬﺎ ﺩﻳﻤﻪ ﻓﻲ ﺑﺎﻟﻲ
ﻓﺎﺗﻦ : ﻫﺬﺍ ﺣﺎﻝ ﺍﻟﺪﻧﻴﺎ ﺑﺲ ﺍﻟﺤﻲ ﺍﺑﻘﻲ ﻣﻦ ﺍﻟﻤﻴﺖ ﺳﺎﺭﻩ ﺍﻟﻠﻲ ﺻﺎﺭﻟﻚ ﻣﺶ ﺷﻮﻳﻪ
ﻭﻣﺠﻤﺘﻊ ﺍﻟﻠﻴﺒﻲ ﻣﻴﺮﺣﻤﺶ ﺷﻔﺘﻲ ﺷﻦ ﻛﺎﻧﺖ ﺭﺩﺕ ﻓﻌﻞ ﻫﻠﻚ ﺑﻌﺪ ﺭﺩﻳﺘﻴﻠﻬﻢ
ﻭﻛﻴﻒ ﺍﻥ ﺧﻮﺗﻚ ﻣﺘﻘﺒﻠﻮﺵ ﺍﻧﺘﻲ ﺑﺮﻭﺣﻚ ﺣﺴﻴﺘﻲ ﺭﻭﺣﻚ ﻏﺮﻳﺒﻪ ﺭﻏﻢ ﺍﻥ ﻃﻮﻝ ﻋﻤﺮﻙ
ﻛﻨﺘﻲ ﺗﺤﻠﻤﻲ ﺗﺮﺩﻱ ﺗﻌﻴﺸﻲ ﻓﻲ ﻭﺳﻄﻬﻢ ﺳﺎﺭﻩ ﺗﻮﺍ ﻣﺤﺪ ﻟﻚ ﻓﻲ ﺩﻧﻴﺎ ﻏﻴﺮ ﻧﺎ ﻭﻳﺎﺳﺮ
ﻭﺑﺎﻻﺧﺺ ﻳﺎﺳﺮ .. ﺣﺎﻭﻟﻲ ﺍﻧﻚ ﺗﺤﺎﻓﻈﻲ ﻋﻠﻴﻪ ﻫﻮﺍ ﺍﻟﻮﺧﻴﺪ ﺍﻟﻠﻲ ﻳﺘﺤﻤﻠﻚ ﻭﻳﺼﺒﻲ ﺟﻨﺒﻚ
ﻣﻬﻤﺎ ﺻﺎﺭ ﻛﻼ ﺍﻟﺒﺎﻗﻲ ﻣﺘﺜﻘﻮﻳﺶ ﻓﻲ ﺣﺪ ﺑﻌﺪ ﺗﻘﻌﺪﻱ ﻣﻜﺴﻮﺭﻩ ﻭﻣﺬﻟﻮﻟﻪ ﻫﻮﺍ ﺍﻟﻮﺣﻴﺪ ﺍﻟﻠﻲ
ﻳﺼﺒﻲ ﻣﻌﺎﻙ ﺑﺎﺗﻚ ﺑﻌﺪ ﻋﻤﺮ ﻃﻮﻳﻞ ﻣﻴﺒﺶ ﻳﻌﻴﺸﻠﻚ ﺩﻳﻤﻪ
ﻭﺍﻣﻚ ﻣﺘﻘﺪﺭﺵ ﻉ ﺧﻮﺗﻚ ﻭﻣﻌﻨﺪﻫﺶ ﻣﻌﺎﻫﻢ ﺷﺨﺼﻴﻪ ﻳﻌﻨﻲ ﺑﻌﺪ ﺍﻟﻠﻪ ﻣﺎﻟﻚ ﺍﻟﻼ ﻳﺎﺳﺮ
ﻣﺘﺰﻋﻠﺒﺶ ﻭﻣﺘﻨﻜﺪﺵ ﻋﻠﻴﻪ ﻭﻟﻮ ﻉ ﻣﻮﺿﻮﻉ ﻫﻠﻪ ﺧﻠﻴﻪ ﻫﻮﺍ ﻳﺤﻠﻪ ﺑﻄﺮﻳﻘﺘﻪ
ﺍﻧﺎ : ﻋﺎﺭﻓﻪ ﻭﺍﻟﻠﻪ ﻋﺎﺭﻓﻪ
ﻓﺎﺗﻦ : ﻋﺎﺭﻓﺘﻚ ﺗﻌﺮﻓﻲ ﺑﺲ ﻧﺬﻛﺮ ﻓﻴﻚ ﺍﻟﻐﻠﻄﻪ ﻓﻲ ﻣﺠﻤﺘﻌﻨﺎ ﺑﻮﺭﻃﻪ ﻟﻮ ﻟﺴﻤﺢ ﺍﻟﻠﻪ ﺻﺎﺭﺕ
ﺑﻴﻨﺎﺗﻜﻢ ﺣﺎﺟﻪ ﺍﻟﻨﺎﺱ ﻛﻠﻬﺎ ﺗﻠﻮﻡ ﻋﻠﻴﻚ ﻻﻥ ﻣﺤﺪ ﻧﺴﻲ ﺍﻟﻠﻲ ﺻﺎﺭ ﺯﻣﺎﻥ
ﺭﺩ ﺑﺎﻟﻚ ﻋﻠﻴﻪ ﻭﺯﻱ ﻣﺎﻗﺘﻠﻚ ﺍﺣﻤﻠﻲ ﻋﺸﺎﻥ ﻳﻬﺘﻢ ﺑﻴﻚ ﺯﻳﺎﺩﻩ ﻭﻳﺪﻟﻌﻚ
ﺍﻧﺎ : .........
ﻓﺎﺗﻦ : ﺍﻣﻪ ﻣﺶ ﻣﺘﻘﺒﻠﻚ ﺍﺳﺎﺳﺎ ﻓﻤﺎﺑﻠﻚ ﺣﺎﻃﻪ ﻓﻲ ﺭﺍﺳﻬﺎ ﺍﻧﻚ ﺳﺒﺐ ﺍﻥ ﺳﻴﺐ ﻣﺮﺍﺗﻪ
ﺑﻨﺖ ﺍﺧﺘﻬﺎ ﻳﻌﻨﻲ ﻟﻮ ﻳﺎﺳﺮ ﺭﺩ ﻋﻼﻗﺘﻪ ﺑﺎﻣﻪ ﻓﻲ ﺍﺣﺘﻤﺎﻝ ﺍﻥ ﺗﺨﻠﻴﻪ ﻳﺼﻒ ﻣﻌﺎﻫﺎ
ﺍﻧﺎ : ﻳﺎﺳﺮ ﻣﺴﺘﺤﻴﻞ ﻳﺪﻳﺮﻫﺎ؟
ﻓﺎﺗﻦ : ﺗﻮﻗﻌﻲ ﺃﻱ ﺷﻲ ﻭﺧﻠﻴﻪ ﺷﺨﺼﻴﺘﻚ ﻗﻮﻳﻪ ﻭﺧﻠﻴﻪ ﺑﺮﺍﺣﺘﻪ ﻋﺶ ﺗﻀﻐﻄﻲ ﻋﻠﻴﻪ
ﺍﻧﺎ : ﺣﺎﺿﺮ
ﻓﺎﺗﻦ : ﺍﺳﻤﻌﻲ ﺩﻻﻝ ﺗﺮﻥ ﺷﻜﻠﻬﺎ ﺟﺖ ﺧﻠﻴﻨﺎ ﻧﻄﻠﻌﻮ ﻟﻨﺎ ﻟﺴﻮﻕ
ﺍﻧﺎ : ﻳﺎﺭﻳﺖ ﺑﺲ ﻧﺸﺎﻭﺭ ﻳﺎﺳﺮ
ﻧﺰﻟﺖ ﻭﺟﻬﺰﺕ ﺭﻭﺣﻬﺎ ﻭﺍﻟﺒﺴﺖ ﺑﺮﻫﻮﻡ
ﻭﻧﺎ ﻭﺩﻻﻝ ﻧﻔﺲ ﺍﻟﺸﻲ ﻭﻃﻠﻌﻨﺎ ﻟﺴﻮﻕ
ﺍﺑﺮﺍﻫﻴﻢ ﻫﺒﻞ ﻓﺎﺗﻦ ﻭﻳﺠﺮﻱ ﻫﻚ ﻭﻫﻚ ﻭﻫﻴﺎ ﺣﺎﻣﻠﻮﺗﺠﺮﻱ ﻓﻲ ﺟﺮﺗﻪ
ﻗﻌﺪﻧﺎ ﻧﻀﺤﻮ ﻋﻠﻴﻬﺎ
ﺩﻻﻝ : ﺗﻌﺐ ﻟﻔﺮﻭﺥ
ﺍﻧﺎ : ﻫﻬﻬﻬﻬﻬﻬﻪ ﻫﺒﻠﻬﺎ
ﺩﻻﻝ : ﻣﻔﺶ ﺣﺎﺟﻪ ﻫﻚ ﺍﻭ ﻫﻚ؟
ﺍﻧﺎ : ﻻ ﻫﻬﻬﻬﻬﻬﻬﻪ ﻭﺍﻧﺘﻲ؟؟
ﺩﻻﻝ .........:
ﺍﻧﺎ : ﻏﺮﻳﺒﻪ ﻣﻊ ﺍﻥ ﻟﻜﻢ ﻓﺘﺮﻩ ﻣﺠﻮﺯﻳﻦ ﺍﻧﺘﻲ ﻭﻣﺤﻤﺪ؟ .
ﺩﻻﻝ : ﻧﺎ ﺳﺒﺤﺎﻥ ﺍﻟﻠﻪ ﻣﻦ ﻋﻨﺪ ﺭﺑﻲ ﺍﻟﺤﻤﻞ ﻣﻴﺜﺒﺘﺶ ﻋﻨﺪﻱ
ﻛﻞ ﻣﺎﻧﺤﻤﻞ ﻳﻄﻴﺢ ﻭﻧﻨﺰﻑ ﻭﺍﺟﺪ ﻭﻧﺘﻌﺐ
ﺍﻧﺎ : ﻭﺍﺍﺍﻭﻭﻭ ﻻﻭﻝ ﻣﺮﻩ ﻧﻌﺮﻑ؟
ﺩﻻﻝ : ﺍﻟﺤﻤﺪﻟﻠﻪ ﻉ ﻛﻞ ﺣﺎﻝ ﺗﻮﺍ ﺍﻭﻝ ﻣﺎﻧﺤﻤﻞ ﺿﺮﻭﺭﻱ ﻣﺎ ﻧﺘﺨﻴﻂ
ﻋﺸﺎﻥ ﻳﺜﺒﺖ ﻗﺎﻋﺪﻩ ﻧﺮﺟﻲ ﺍﻣﺘﻲ ﺭﺑﻲ ﻳﻜﺘﺒﻠﻲ ﻟﻠﻤﺮﻩ ﺍﻟﺮﺍﺑﻌﻪ
ﺍﻧﺎ : ﺍﻛﻴﺪﻩ ﺗﻮﺕ ﺟﻴﺒﻲ ﻋﻴﻞ ﻗﻤﺮ ﻛﻴﻔﻚ
ﺩﻻﻝ : ﻭﺍﻧﺘﻲ ﻧﺒﻮ ﺣﺎﺟﻪ ﺗﻔﺮﺣﻨﺎ
ﺍﻧﺎ : ﺑﺼﺮﺍﺣﻪ ﻧﺎﺧﺪ ﻓﻲ ﺣﺒﻮﺏ ﻣﻨﻊ
ﺩﻻﻝ : ؟؟؟؟؟؟؟؟؟؟؟؟؟؟؟؟؟؟؟؟؟؟
ﺍﻧﺎ : ﻣﺘﺤﻜﺶ ﻟﻔﺎﺗﻦ ﺗﻘﺘﻠﻨﻲ ﻟﻮ ﻋﺮﻓﺖ
ﺩﻻﻝ : ﺳﺎﺭﻩ ﻣﻦ ﺟﺪﻙ ﺍﻧﺘﻲ؟؟؟؟؟؟؟
ﺍﻧﺎ ............:
ﺩﻻﻝ : ﺣﺮﺍﻡ
ﺍﻧﺎ : ﺧﺎﻳﻔﻪ ﻭﺍﻟﻠﻪ ﻋﺎﻳﺸﻪ ﻓﻲ ﺭﻋﺐ ﺍﻧﺤﺲ ﻓﻲ ﺣﻴﺎﺗﻲ ﻣﻬﺪﺩﻩ ﻣﺶ ﻧﺘﺮﻳﺤﻪ
ﺧﺎﻳﻔﻪ ﻳﺎﺳﺮ ﻳﺴﻴﺒﻨﻲ ﺍﻭ ﺧﺎﻳﻔﻪ ﺗﺮﺩﻟﻲ ﺍﻟﺘﻲ ﺍﻟﻠﻲ ﺯﻣﺎﻥ
ﻭﺍﻟﺒﻴﺒﻲ ﻳﻨﻈﻠﻢ ﻣﻌﺎﻳﻪ ﺧﺎﻳﻔﻪ ﻧﻘﻌﺪ ﺍﻡ ﻓﺎﺷﻠﻪ
ﺩﻻﻝ : ﻟﻮ ﻋﺮﻑ ﻳﺎﺳﺮ ﻳﺰﻋﻞ ﻣﻨﻚ ﻭﻫﻚ ﺑﺠﺪ ﺗﺨﺴﺮﻳﻪ
ﺍﻧﺎ : ﻓﺎﺗﻦ ﺍﻟﻴﻮﻡ ﺩﻭﺗﻠﻲ ﻓﻲ ﻧﻔﺲ ﺍﻟﻤﻮﺿﻮﻉ
ﺩﻻﻝ : ﺣﺒﻮﺏ ﺍﻟﻤﻨﻊ ﻟﻬﻦ ﺍﺛﺎﺭ ﺳﻠﺒﻴﻪ ﻭﻣﺶ ﻛﻮﻳﺲ ﻋﻠﻴﻚ
ﻣﻌﺶ ﺗﻔﻜﺮﻱ ﻓﻲ ﺍﻻﺳﻮﺍﺀ ﺗﻮﻗﻌﻲ ﺍﻻﺣﺴﻦ ﺳﺎﺭﻩ ﺍﻧﺘﻲ ﺗﻌﺎﻟﺠﺘﻲ
ﺣﺘﻲ ﻭﺟﻮﺩﻱ ﺟﻨﺒﻚ ﻣﻌﺶ ﻻﻩ ﺩﺍﻋﻲ ﻣﺘﺨﺎﻓﺶ
ﺍﻧﺎ : ﻧﺎ ﺑﺮﻭﺣﻲ ﻣﺶ ﻇﺎﻣﻨﻪ ﺍﻧﻲ ﺍﻧﻌﻴﺶ ﻓﻲ ﺣﻴﺎﻩ ﻫﺬﻱ ﺍﻧﺤﺲ ﻓﻲ ﺍﻟﻠﻲ ﻛﺎﻧﺖ ﻣﺘﻘﺒﻠﺘﻨﻲ
ﻭﻣﺘﺤﻤﻠﺘﻨﻲ ﻭﺣﺎﻣﻴﺘﻨﻲ ﻣﺎﺗﺖ ﻭﺳﺒﺘﻠﻲ ﻫﻢ ﺛﻘﻴﻞ ﻗﻌﺪﺕ ﻋﻨﺪ ﻫﻠﻲ ﻓﺘﺮﻩ ﺳﺒﺒﺘﻠﻬﻢ ﻣﺸﺎﻛﻞ ﻣﻊ ﻧﺎﺱ
ﻭﺳﺒﺒﺖ ﻣﺸﺎﻛﻞ ﺑﻴﻦ ﺑﺎﺗﻲ ﻭﺧﻮﺗﻲ ﺍﻣﻲ ﺑﻌﺪ ﺍﻧﺒﺤﺖ ﻓﻴﻬﺎ ﺍﻧﺸﻮﻑ ﻧﻈﺮﺓ ﺍﻟﻠﻲ ﻳﺎﺭﻳﺘﻚ
ﻣﺎﺟﻴﺘﻴﻨﺎ ﺑﺲ ﻣﺶ ﻗﺎﺩﺭﻩ ﺗﻘﻮﻟﻬﺎ ﻓﺎﺗﻦ ﻋﺎﻳﺸﻪ ﻣﻊ ﻋﻤﺮ ﻓﻲ ﺷﻘﻪ ﺍﺻﻐﻴﺮﻩ
ﻳﻌﻨﻲ ﻭﻓﻲ ﻧﻬﺎﻳﻪ ﻟﻮ ﻳﺼﻴﺮ ﻣﺎﻳﺼﻴﺮ ﻣﺶ ﻣﻠﺰﻭﻣﻪ ﺍﻧﻬﺎ ﺗﻘﻌﺪﻧﻲ ﻋﻨﺪﻫﺎ ﻭﻳﺎﺳﺮ؟؟؟
ﻳﺎﺳﺮ ﻣﺸﺎﻛﻞ ﻣﻊ ﺍﻣﻪ ﻭﻛﻞ ﻳﻮﻡ ﺍﻧﺤﺴﻪ ﻳﺎﺭﺍﻳﻒ ﻋﻠﻴﻬﺎ ﻣﺮﺍﺕ ﻳﻘﻌﺪ ﻳﺤﻜﻴﻠﻲ ﻋﻠﻴﻬﺎ
ﻛﻴﻒ ﻛﺎﻧﺖ ﻗﺮﻳﺒﻪ ﻣﻨﻬﻢ ﻭﻛﻴﻒ ﺩﺍﺭﺕ ﺍﻟﻤﺴﺘﺤﻴﻞ ﻋﺸﺎﻥ ﺗﺮﺑﻴﻬﻢ ﻭﺗﻜﺒﺮﻫﻢ
ﻣﺘﺄﺛﺮ ﺍﻥ ﻣﻴﺤﻜﺶ ﻣﻌﺎﻫﺎ ﺑﺲ ﻣﻴﺒﺶ ﻳﺒﻴﻨﻠﻲ ﻋﺸﺎﻥ ﻣﻴﺰﻋﻠﻨﺶ
ﻧﺎ ﻋﺒﺎﺀ ﻉ ﻣﺠﺘﻤﻊ ﻭﻟﻮ ﺟﺒﺖ ﻋﻴﻞ ﺍﻭ ﺑﻨﺖ ﻣﻦ ﺑﻴﻬﻢ؟؟؟
ﺩﻻﻝ : ﻭﺍﺍﺍﻭ ﻉ ﺗﺸﺎﺅﻡ ﺳﺎﺭﻩ ﻣﺶ ﻫﻚ ﺍﻟﺤﻴﺎﻩ
ﺍﻧﺎ : ﻛﻞ ﺣﺎﺟﻪ ﺻﺎﺭﺕ ﻣﻌﺎﻳﻪ ﻋﻠﻤﺘﻨﻲ ﻧﺘﻮﻗﻊ ﺍﻻﺳﻮﺍﺀ ﻭﻧﻔﻜﺮ 100 ﻣﺮﻩ ﻓﻲ ﺃﻱ ﻣﻮﺿﻮﻉ
ﺣﺘﺎﻱ ﻟﻮ ﺗﺎﻓﻪ ﺑﻨﺴﺒﻪ ﻟﻐﻴﺮﻱ ﺑﺲ ﺑﻨﺴﺒﻪ ﻟﻴﺎ ﻣﻬﻢ ﻋﺎﻧﻴﺖ ﻭﺍﺟﺪ ﻭﻣﻨﺒﺶ ﻧﻈﻠﻢ ﺣﺪ ﺍﺧﺮ ﻣﻌﺎﻳﻪ
ﺩﻻﻝ : ﺍﻧﺘﻲ ﺳﻠﻤﻲ ﺍﻣﺮﻙ ﻟﻠﻪ
ﺍﻧﺎ : ﻭﻧﻌﻢ ﺑﺎﻟﻠﻪ
ﺩﻻﻝ : ﺍﻟﻠﻲ ﻛﺎﺗﺒﻪ ﺭﺑﻲ ﻳﺼﻴﺮ ﻭﺭﺑﻲ ﻣﺶ ﻧﺎﺳﻴﻚ ﺍﻧﺘﻲ ﻛﻨﺘﻲ ﺍﺗﻤﻨﻲ
ﺍﻧﻚ ﺗﺎﺧﺪﻱ ﻳﺎﺳﺮ ﻭﺗﻌﻴﺸﻮ ﻣﻊ ﺑﻌﻀﻜﻢ ﺗﻮﺍ ﻫﻮﺍ ﺯﻭﺟﻚ ﻭﻣﻦ ﺣﻘﻜﻢ ﻳﻘﻌﺪ
ﻋﻨﺪﻛﻢ ﺑﻴﺒﻲ ﻣﺶ ﻳﻤﻜﻦ ﺍﻟﺒﻴﺒﻲ ﻫﻀﺎ ﻳﻠﻴﻦ ﻗﻠﺐ ﺍﻣﻪ ﻋﻠﻴﻚ؟
ﺍﻧﺎ .............:
ﺩﻻﻝ : ﺳﺎﺭﻩ ﻏﻠﻂ ﺍﻟﻠﻲ ﻗﺎﻋﺪﻩ ﺩﻳﺮﻳﻪ ﻓﻴﻪ ﻭﺗﻔﻜﻴﺮﻙ ﺑﻄﺮﻳﻘﻪ ﻫﺬﻱ ﻳﺘﻌﺒﻠﻚ ﻧﻔﺴﻴﺘﻚ
ﻭﻣﻌﺶ ﺗﺨﻠﻴﻪ ﺷﻴﻄﺎﻥ ﻳﻮﺳﻮﺳﻠﻚ ﺍﻟﻠﻲ ﻓﺎﺕ ﺍﻧﺴﻴﻪ ﻭﺣﺘﻲ ﻟﻮ ﺧﺴﺮﺗﻲ ﻋﻴﻠﺘﻚ
ﻭﻣﺎﺗﺖ ﺍﻣﻚ ﻧﺎ ﻋﻴﻠﺘﻚ ﻓﺎﺗﻦ ﻋﻴﻠﺘﻚ ﻛﻠﻨﺎ ﻣﻌﺎﻙ
ﻓﺎﺗﻦ : ﺩﻫﺸﻨﻲ ﺍﻟﻔﺮﺥ ﻫﻬﻬﻬﻬﻬﻪ ﻭﺍﺍﺍﻭ
ﺩﻻﻝ : ﺣﺒﻴﺒﻲ ﺑﺮﻫﻮﻣﻪ ﺗﻌﺎﻝ
ﺍﻧﺎ : ﻫﻬﻬﻬﻬﻬﻬﻪ ﺷﻌﺮﻩ ﺗﺨﺮﺏ
ﻛﺴﺪﻧﺎ ﺷﻮﻳﻪ ﻭﺗﻌﺸﻴﻨﺎ ﻭﺭﺣﻨﺎ ﻟﻘﻴﺖ ﻳﺎﺳﺮ ﻓﻲ ﺷﻘﻪ
ﺧﺸﻴﺖ ﻧﺎ :
ﻧﺎ : ﻏﺮﻳﺒﻪ ﺭﻭﺣﺘﻮ ﺑﺪﺭﻱ
ﻳﺎﺳﺮ : ﺭﺍﻳﻔﺖ ﻉ ﺯﻭﺯﺗﻲ ﻫﻬﻬﻬﻪ
ﺍﻧﺎ : ﺣﺎﺳﺒﻨﻲ ﻓﻲ ﻋﺸﺎﻥ ﺗﻌﺸﻴﺖ ﻳﺎﺭﻭﺣﻲ ﻧﺎ
ﻳﺎﺳﺮ : ﺣﺘﻲ ﻧﺎ ﺗﻌﺸﻴﺖ ﻧﺤﺴﻠﺒﻚ ﻣﺘﺒﺶ ﺍﻃﻮﻟﻲ ﻭﻳﻦ ﻋﺪﻳﺘﻮﻭ؟؟
ﺍﻧﺎ .....: ( ﺣﻜﻴﻠﻪ )
ﻳﺎﺳﺮ : ﻫﻬﻬﻪ ﺻﺎﺭ ﻟﻌﺐ ﻓﻴﻜﻢ ﺍﺑﺮﺍﻫﻴﻢ؟
ﺍﻧﺎ : ﻫﺒﻞ ﺍﻣﻪ ﻳﺎﺭﻭﺣﻲ ﺗﺠﺮﻱ ﻭﺭﺍﻩ ﻭﺧﻼﺹ ﺷﻴﻄﺎﻥ ﺑﻜﻞ
ﻳﺎﺳﺮ : ﻧﺤﺲ ﻓﻲ ﻣﻮﻋﺪﻫﺎ ﻗﺮﺏ ﺑﻄﻨﻬﺎ ﻛﺒﻴﺮﻩ
ﺍﻧﺎ : ﺍﻫﺎ ﻫﻬﻬﻬﻬﻪ ﺭﺑﻲ ﻳﻌﻴﻨﻬﺎ
ﻳﺎﺳﺮ : ﺑﺲ ﻓﺮﺣﺎﻧﻴﻦ ﺑﻴﻬﻢ ﻫﻴﺎ ﻭﻋﻤﺮ
ﺍﻧﺎ : .........
ﻳﺎﺳﺮ : ﺍﻧﺸﺎﺀﺍﻟﻠﻪ ﻧﺠﺮﻭ ﻓﻲ ﺟﺮﺕ ﻋﻴﺎﻟﻨﺎ
ﺍﻧﺎ : ( ﻓﻲ ﺧﺎﻃﺮﻱ ﺷﻦ ﻗﺼﺘﻜﻢ ﺍﻟﻴﻮﻡ ﻣﻊ ﺍﻟﺤﻤﻞ ﻭﺍﻟﻌﻴﺎﻝ )
ﻳﺎﺳﺮ : ﻭﻻ ﻻ؟
ﺍﻧﺎ : ﺍﻫﺎ ﻫﻬﻬﻬﻬﻪ ﺍﻥ ﺷﺎﺀﺍﻟﻠﻪ ﻣﻊ ﺍﻧﻚ ﻗﺘﻠﻲ ﻣﺘﺤﺒﻬﻤﺶ
ﻳﺎﺳﺮ : ﻣﺤﺪ ﻳﻜﺮﻩ ﺍﻥ ﺗﻘﻌﺪ ﻋﻨﺪﻩ ﻧﺴﺨﻪ ﻣﻦ ﺣﺒﻴﺒﺘﻪ
ﺍﻧﺎ : ﻭﻳﻦ ﺗﻨﺪﺭﻱ ﻣﺮﺍﺕ ﻳﺠﻮ ﻳﺸﺒﻬﻮﻙ ﺍﻧﺘﺘﻌﺎﻟﻲ ﺑﺲ ﺗﻮ ﻧﻘﻮﻟﻚ ﻟﻤﻦ ﻳﺸﺒﻬﻮ ﺍﻛﺜﺮ
ﻭﻭﻭ *:,,,,,,,,,,,
ﻧﻀﺖ ﻓﻲ ﺻﺒﺢ ﺍﺩﻭﺷﺖ ﺍﺗﺼﻠﺖ ﺑﻔﺎﺗﻦ ﻉ ﺍﺳﺎﺱ ﺑﻨﻔﻄﺮﻭ ﻛﻠﻨﺎ ﻣﻊ ﺑﻌﻀﻨﺎ
ﻧﻮﺿﺖ ﻳﺎﺳﺮ ﻭﻧﺰﻟﻨﺎ ﻓﻄﺮﻧﺎ
ﻣﺮﻥ ﺍﻻﻳﺎﻡ ﺑﺴﺮﻋﻪ ﻭﺭﻭﺣﻨﺎ
ﻋﺪﻳﻨﺎ ﻟﻠﺸﻘﺘﻨﺎ ( ﺍﺟﺮﻧﺎﻫﺎ )
ﻻﻥ ﺷﻘﺔ ﻳﺎﺳﺮ ﻻﻭﻟﻲ ﻛﺎﻧﺖ ﻻﻣﻪ ﻣﺶ ﻻﻩ
ﻣﻘﺪﺭﻧﺶ ﻧﻘﻌﺪﻭ ﻓﻴﻬﺎ
ﺍﻭﻝ ﻣﺎﻭﺻﻠﻨﺎ
ﻳﺎﺳﺮ : ﺗﻌﺒﺎﻧﻪ؟
ﺍﻧﺎ : ﻻ ﻣﺶ ﻭﺍﺟﺪ
ﻳﺎﺳﺮ : ﻧﺎ ﺭﺍﺳﻲ ﻣﻦ ﺻﻮﺕ ﺍﻟﻄﻴﺎﺭﻩ ﺑﻨﺮﻗﺪ
ﺍﻧﺎ : ﻓﻲ ﺍﻟﻌﺸﻴﻪ ﻧﺎ ﺍﻧﻌﺪﻱ ﻟﻬﻠﻲ ﻭﺍﻧﺖ ﺷﻮﻑ ﻫﻠﻚ؟
ﻳﺎﺳﺮ : ﻧﻮﺿﻴﻨﻲ ﻉ ﻋﺼﺮ
ﺍﻧﺎ : ﺗﻤﺎﻡ
ﺧﺸﻴﺖ ﻗﺒﻠﻪ ﻏﻴﺮﺕ ﻓﻮﻃﺔ ﺍﻟﺴﺮﻳﺮ
ﻭﺧﺶ ﺭﻗﺪ
ﺑﺮﻣﺖ ﻉ ﺷﻘﻪ ﻧﻀﻔﺖ ﺍﻟﻌﺠﺎﺝ
ﺩﻕ ﺍﻟﺒﺎﺏ :
ﺷﻔﺖ ﻣﻦ ﺍﻟﻌﻴﻦ ﻟﻘﻴﺘﻬﺎ ﺭﺑﺎﺏ ( ﺍﻟﻠﻲ ﻣﺎﺟﺮﻳﻦ ﻣﻨﻬﻢ ﺍﻟﺸﻘﻪ )
ﺍﻧﺎ : ﺍﻫﻼﺍ
ﺭﺑﺎﺏ : ﺍﻫﻼﺍ ﺍﻧﺴﺘﻮ ﺍﻟﺤﻤﺪﻟﻠﻪ ﻉ ﺳﻼﻣﻪ
ﺍﻧﺎ : ﺍﻟﻠﻪ ﻳﺴﻠﻤﻚ ﺗﻔﻀﻠﻲ
ﺭﺑﺎﺏ : ﻻﻻ ﺑﻨﻌﺪﻱ ﺳﻤﻌﺖ ﻫﺮﺟﺘﻜﻢ ﻭﺍﻧﺘﻢ ﺭﺍﻛﺒﻴﻦ
ﺍﻧﺎ : ﺗﺴﻠﻤﻲ
ﺭﺑﺎﺏ : ﺳﻨﺪﻭﺗﺸﺎﺕ ﺷﻮﺭﻣﺎ ﺩﺭﺗﻬﻦ ﻓﻲ ﺍﻟﺤﻮﺵ ﻉ ﻏﺬﺍﺀ ﺣﺴﺒﺘﻚ ﻓﻴﻬﻦ
ﺍﻧﺎ : ﻣﺸﻜﻮﺭﻩ ﺗﺴﻠﻤﻴﻠﻲ ﺗﻌﺒﺘﻲ ﺭﻭﺣﻚ
ﺭﺑﺎﺏ : ﺗﻌﺒﻚ ﺭﺍﺣﻪ ﺳﺎﻣﻨﻪ ﻳﺎﺑﻨﺖ
ﺍﻧﺎ : ﻭﺍﺟﺪ؟؟؟؟؟؟
ﺭﺑﺎﺏ : ﻫﻬﻬﻬﻪ ﻻﻻ
ﺍﻧﺎ : ﺧﺸﻲ ﻋﺎﺩ
ﺭﺑﺎﺏ : ﻭﺍﻟﻠﻪ ﺑﻨﻌﺪﻱ ﻭﺍﻛﻴﺪﻩ ﺗﻌﺒﺎﻧﻴﻦ ﻭﺣﺎﻳﺴﻪ ﻋﺎﺩ ﻧﺴﺎﻋﺪﻙ؟
ﺍﻧﺎ : ﻻﻻ ﺗﺴﻠﻤﻲ ﺣﺒﻴﺒﺘﻲ
ﺭﺑﺎﺏ : ؟ﻭﺍﻟﻠﻪ؟
ﺍﻧﺎ : ﻧﻀﻔﺘﻬﺎ ﻟﺸﻘﻪ ﻭﻏﺴﻠﺖ ﺩﺑﺶ ﻭﻧﺸﺮﺗﻪ ﻭﻓﻀﻴﺖ ﺍﻟﺸﻨﺎﻃﻲ
ﺭﺑﺎﺏ : ﺭﺑﻲ ﻳﺤﻔﻈﻚ ﻛﻼ ﺍﻧﺘﻲ ﻳﻌﻮﻳﻦ ﺭﺍﺟﻠﻚ ﺑﻴﻚ
ﺍﻧﺎ : ﻭﻳﺤﻔﻈﻚ ﺧﺸﻲ ﻧﺸﺮﺑﻮ ﻗﻬﻮﻩ؟
ﺭﺑﺎﺏ : ﻻﻻ ﺑﻨﻌﺪﻱ ﻻﺧﺘﻲ ﻭﻟﺪﻫﺎ ﻣﺮﻳﺾ
ﺍﻧﺎ : ﻻﺑﺎﺱ ﻋﻠﻴﻪ
ﺭﺑﺎﺏ : ﺍﻟﻠﻪ ﻻ ﻳﻮﺭﻳﻚ ﺑﺎﺱ ﺣﺒﻴﺒﺘﻲ ﺗﺒﻲ ﺣﺎﺟﻪ ﻗﻮﻟﻴﻠﻲ ﻋﺎﺩ؟
ﺍﻧﺎ : ﺗﺴﻠﻤﻲ ﻭﺷﻜﺮﺍ ﻉ ﺳﻨﺪﻭﺗﺸﺎﺕ
ﺭﺑﺎﺏ : ﺻﺤﺘﻴﻦ ﺍﻭﻙ
ﺍﻧﺎ : ﺍﻭﻙ
ﺻﻜﺮﺕ ﺍﻟﺒﺎﺏ ﻭﻧﺎﺽ ﻳﺎﺳﺮ
ﻧﺎ : ﻧﻀﺖ؟؟
ﻳﺎﺳﺮ : ﻣﻦ ﻫﺮﺟﺘﻚ ﺍﻧﺘﻲ ﺗﻔﻠﻌﻤﻲ ﺑﺼﻮﺕ ﺍﻟﻌﺎﻟﻲ ﺧﺸﻲ ﻭﺗﺴﻠﻤﻲ ﻭﻣﺶ ﻋﺎﺭﻑ ﺷﻨﻮ
ﺍﻧﺎ : ﻛﺎﻥ ﻋﺎﺟﺒﻚ؟؟؟؟؟؟
ﻳﺎﺳﺮ : ﺍﻟﻠﻪ ﺍﻟﻠﻪ ﺑﺎﺭﻣﻪ ﻉ ﺣﻮﺵ ﻋﻤﺘﻲ ﻧﻈﺎﻓﻪ
ﺍﻧﺎ : ﻣﺠﻨﺶ ﻧﻮﻡ
ﻳﺎﺳﺮ : ﻭﻣﻔﻀﻴﻪ ﺍﻟﺸﻨﺎﻃﻲ ﻟﻘﺎﻧﻚ ﺣﺎﺟﻪ ﻛﺒﻴﺮﻩ
ﺍﻧﺎ : ﻫﻬﻬﻬﻪ ﺧﺶ ﺧﻮﺩ ﺍﻟﻮﺫﻭﺀ ﻭﺻﻠﻲ
ﻳﺎﺳﺮ : ﺍﺫﻥ؟؟
ﺍﻧﺎ : ﻣﻠﺶ 5 ﺩﻗﺎﻳﻖ
ﻳﺎﺳﺮ : ﺑﺎﻫﻲ ﺑﻪ
ﺻﻠﻴﺖ ﻧﺎ ﻭﻃﻠﻊ ﻫﻮﺍ ﺻﻠﻲ
ﻳﺎﺳﺮ : ﺍﻭﻭﻭ ﺷﻦ ﺍﻟﺒﻨﻪ ﺍﻟﺤﻠﻮﻩ ﻫﺬﻱ؟
ﺍﻧﺎ : ﻫﻬﻬﻬﻪ ﻧﺎ ﺩﺭﺗﻬﻦ ؟
ﻳﺎﺳﺮ : ﺍﻣﺘﻲ ﻟﺤﻘﺘﻲ؟
ﺍﻧﺎ : ﺍﻧﺒﺼﺮ ﺟﺎﺑﺘﻬﻦ ﺍﻟﻮﻟﻴﻪ ﺭﺑﺎﺏ
ﻳﺎﺳﺮ : ( ﻛﻠﻪ ﻣﻨﻬﻦ ) ﺑﺲ ﺣﺎﺟﻪ ﺻﺢ
ﺍﻧﺎ : ؟؟؟؟؟؟؟
ﻳﺎﺳﺮ : ﻣﺶ ﻋﺎﺩﻳﺎﺕ ﻭﺍﻟﻠﻪ ﺧﻄﻴﺮﻩ ﺑﻜﻞ ﺍﻟﺸﻮﺭﻣﺎ ﻣﺶ ﻋﺎﺩﻱ ﺳﻠﻢ ﻳﺪﻳﻬﺎ
ﺍﻧﺎ : ﺳﺎﻫﻠﻪ ﻟﺤﻢ ﻳﺤﻄﺰ ﻓﻲ ﺯﺑﺎﺩﻱ ﻭﻳﺘﺒﻠﻮﻩ ﺑﺲ ﺣﺴﺴﺘﻨﻲ ﺣﺎﺟﻪ ﻛﺒﻴﺮﻩ
ﻳﺎﺳﺮ : ﻭﻛﻨﻚ ﻏﺮﺗﻲ ﺍﻧﺘﻲ؟
ﺍﻧﺎ : ﻋﻠﻴﻜﺎﻧﺖ ﺍﻟﻠﻲ ﺗﻘﻮﻝ ﻋﻤﺮﻙ ﻣﺎﺫﻗﺘﻬﺎ ﻋﺎﺩﻳﻪ ﻛﻴﻒ ﺃﻱ ﺷﻮﺭﻣﺎ
ﻳﺎﺳﺮ : ﻏﻴﻮﺭﻩ ﺗﺤﺴﺪﻓﻲ ﻧﺎﺱ ﺧﺰﻳﻪ
ﺍﻧﺎ : ﻗﺼﺪﻙ ﺷﻮﺭﻣﺘﻬﺎ ﺍﺣﻠﻲ ﻣﻦ ﻣﺘﺎﻋﻲ؟
ﻳﺎﺳﺮ : ﺍﻫﺎﺍ ﻃﺒﻌﺎ ﻫﻬﻬﻬﻬﻬﻬﻪ
ﺍﻧﺎ : ﻣﻌﺶ ﺑﻨﺪﻳﺮﻟﻚ ﺧﻠﻠﻲ ﺭﺑﺎﺏ ﺩﻳﺮﻟﻚ ﻣﻌﻨﺎﻫﺎ
ﻳﺎﺳﺮ : ﺯﻋﻠﺘﻲ؟
ﺍﻧﺎ : ﺍﻫﺎ
ﻳﺎﺳﺮ : ﺍﻃﺮﺑﻘﻲ ﻫﻬﻬﻬﻬﻬﻬﻬﻬﻪ
ﺍﻧﺎ : ﻳﺎﺳﺎﻣﻂ ﺭﺍ ﻧﺰﻋﻞ ﺟﺪﻳﺎﺕ
ﻳﺎﺳﺮ : ﺣﺒﻴﺒﻲ ﺍﻧﺖ ﻧﺒﺼﺮ ﻣﻌﺎﻙ
ﺍﻧﺎ : ......
ﻳﺎﺳﺮ : ﻛﻮﻟﻲ
ﺍﻧﺎ : ﻣﻌﺠﺒﺘﻨﻴﺶ ﻣﻜﺜﺮﺗﻠﻬﺎ ﺍﻟﻤﻠﺢ
ﻳﺎﺳﺮ : ﻫﻬﻬﻬﻬﻬﻬﻬﻬﻬﻪ
ﺍﻧﺎ : ﻋﻠﻴﺶ ﺗﻀﺤﻚ؟؟
ﻳﺎﺳﺮ : ﻣﺠﻨﻮﻧﻪ ﻫﻬﻬﻬﻬﻬﻬﻬﻪ
ﺍﻧﺎ : ﺑﻨﻐﻴﺮ ﺩﺑﺸﻲ ﻫﻴﺎ ﻋﺸﺎﻥ ﻧﻄﻠﻌﻮﻭ
ﻏﻴﺮﻧﺎ ﻭﻃﻠﻌﻨﺎ
ﺣﻄﻨﻲ ﻋﻨﺪ ﻫﻠﻲ
ﺧﺸﻴﺖ ﺍﻧﻔﺠﻌﻮ ﻃﺒﻌﺎﺍ
ﻟﻘﻴﺖ ﺯﻳﻨﻪ ﻭﻣﺎﻣﺎ ﻭﺳﻬﺎﻡ ﻟﻮﻃﻪ ﻳﻬﺪﺭﺯﻥ
ﺳﻠﻤﺖ ﻋﻠﻴﻬﻦ
ﺍﻣﺎ ﻳﺎﺳﺮ ﻋﺪﻝ ﻟﺨﻮﻩ ﺳﻔﻴﺎﻥ
ﺩﻕ ﻉ ﺑﺎﺏ ﺷﻘﺘﻪ ﻓﺘﺤﺘﻠﻪ ﺍﺭﻭﻱ :
ﺍﺭﻭﻱ : ﺍﻫﻼﺍ ﻳﺎﺳﺮ
ﻳﺎﺳﺮ : ﻣﺮﺣﺒﺎ ﺍﻟﺒﺮﻧﺲ ﻗﺎﻋﺪ
ﺍﺭﻱ : ﺗﻔﻀﻞ ﻓﻲ ﺣﻤﺎﻡ ﻗﺎﻋﺪ
ﻳﺎﺳﺮ : ﺯﻳﺪ ﻓﻀﻠﻚ ﻧﺎﺩﻳﻪ ﻟﻴﺎ
ﺍﺭﻭﻱ : ﺣﺎﺿﺮ
ﻧﺪﺍﺗﻪ ﻭﻃﻠﻊ
ﺳﻔﻴﺎﻥ : ﺣﻤﺪﻟﻠﻪ ﻉ ﺳﻼﻣﻪ ﻳﺎﺭﻳﺲ
ﻳﺎﺳﺮ : ﻟﻚ ﻭﺣﺸﻪ
ﺳﻔﻴﺎﻥ : ﺷﻦ ﺍﻣﻮﺭﻙ
ﻳﺎﺍﺳﺮ : ﺗﻤﺎﻡ ﻃﻤﻨﻲ ﻉ ﺍﻣﻲ؟
ﺳﻔﻴﺎﻥ : ﻛﻮﻳﺴﻪ ﺍﻟﺤﻤﺪﻟﻠﻪ
ﻳﺎﺳﺮ : ﺑﻨﻌﺪﻳﻠﻬﺎ ﺍﻟﻴﻮﻡ ﻭﻻﻧﻘﺎﻧﻚ ﻋﺪﻱ ﻣﻌﺎﻳﺎ
ﺳﻔﻴﺎﻥ : ﺍﻧﺖ ﻋﺎﺭﻑ ﺍﻣﻚ؟
ﻳﺎﺳﺮ : ﺑﺎﻫﻲ ﻟﻌﻨﺪ ﺍﻣﺘﻲ؟
ﺳﻔﻴﺎﻥ : ﺑﺎﻫﻲ ﺍﺟﻠﻬﺎ ﺑﻜﺮﻩ ﺧﻠﻴﻨﺎ ﺍﻟﻴﻮﻡ ﻧﻌﺪﻳﻠﻬﺎ ﺑﺮﻭﺣﻲ ﻭﺑﺎﻟﻚ ﻧﻘﻨﻌﻬﺎ
ﻭﻧﺠﻮ ﻥ ﺍﻭﻳﺎﻙ ﺑﻜﺮﻩ
ﻳﺎﺳﺮ : ﻻ ﺑﻨﻌﺪﻱ ﻣﻌﺎﻙ ﺍﻟﻴﻮﻡ
ﺳﻔﻴﺎﻥ : ﻭﺍﻟﻠﻪ ﺭﺑﻚ ﻳﺴﺘﺮ ﻭﺧﻼﺹ ﺍﻣﻚ ﻣﺶ ﻧﺎﻭﻳﻪ ﻉ ﺧﻴﺮ ﻣﻦ ﺍﻻﺧﺮ
ﻳﺎﺳﺮ : ﺑﻨﺮﻳﺢ ﺿﻤﻴﺮﻱ
ﺳﻔﻴﺎﻥ : ﻻﻧﻘﺎﻧﻚ ﻏﻠﻄﺖ ﻭﻣﺸﻜﻠﻚ ﻣﺘﺴﻤﻊ ﺷﺎﻻ ﻓﻲ ﺭﻭﺣﻚ ﻋﺎﺟﺒﻚ ﺍﻟﻮﺿﻊ؟
ﻳﺎﺳﺮ : ﺍﻟﻠﻲ ﺻﺎﺭ ﺻﺎﺭ
ﺳﻔﻴﺎﻥ : ﺧﺮﺑﺖ ﺍﻟﺪﻧﻴﺎ ﻳﺎﺭﻳﺘﻚ ﺣﺘﻲ ﻣﻦ ﺍﻟﺒﺪﺍﻳﻪ ﺍﺻﺮﻓﺖ ﺑﻌﻘﻞ ﻇﻠﻤﺖ ﺑﻨﺖ ﺧﺎﻟﺘﻚ
ﻭﺍﻟﻠﻪ ﺍﻛﺜﺮ ﻭﺣﺪﻩ ﻭﺍﺟﻌﺘﻨﻲ ﻫﻴﺎ ﺷﻦ ﺫﻧﺒﻬﺎ
ﻳﺎﺳﺮ : ..........
ﺳﻔﻴﺎﻥ : ﺣﺘﻲ ﺍﻟﻐﺮﻳﺐ ﻣﻴﺪﻳﺮﺵ ﺍﻟﻠﻲ ﺍﻧﺖ ﺩﺭﺗﻪ ﻓﻤﺎﺑﺎﻟﻚ ﻫﺬﻱ ﺑﻨﺖ ﺧﺎﻟﺘﻚ
ﻭﺷﺒﻪ ﻣﺘﺮﺑﻴﺎﺕ ﻋﻨﺪﻧﺎ ﺗﺨﺎﻳﻞ ﺍﻟﻤﻮﻗﻒ ﻫﻀﺎ ﻳﺼﻴﺮ ﻟﺠﻨﺎﺕ ؟؟ ﺍﻭ ﺭﺍﻧﻴﻪ؟
ﻳﺎﺳﺮ : ..........
ﺳﻔﻴﺎﻥ : ﺍﻣﻚ ﺑﺼﺪﻕ ﺷﺎﻳﻠﻪ ﻋﻠﻴﻚ
ﻳﺎﺳﺮ : ﻭﺍﻟﻠﻪ ﻣﺮﺍﻳﻒ ﻋﻠﻴﻬﺎ ﻭﻉ ﺻﻮﺗﻬﺎ ﻣﻨﺤﺒﺶ ﺍﻧﺰﻋﻠﻬﺎ ﻟﻌﻨﺪ ﺍﺧﺮ ﻟﺤﻈﻪ ﻧﺒﻲ ﺭﺿﺎﻫﺎ
ﺑﺲ
ﺳﻔﻴﺎﻥ : ﺍﺟﻞ ﺍﻟﻤﻮﺿﻮﻉ ﺷﻮﻳﻪ
ﻳﺎﺳﺮ : ﺑﻨﺸﻮﻓﻬﺎ ﺍﻟﻴﻮﻡ ﻭﻧﺒﻴﻚ ﺗﻌﺪﻱ ﻣﻌﺎﻳﻪ ﺗﺒﻲ ﺍﻭﻙ ﻣﺘﺒﺶ ﺗﻮ ﻧﻌﺪﻱ ﺑﺮﻭﺣﻲ
ﺳﻔﻴﺎﻥ : ﺍﻗﻞ ﺣﺎﺟﻪ ﻧﺤﻜﻲ ﻣﻌﺎﻫﺎ ﻗﺒﻞ ﺟﻴﺘﻚ؟
ﻳﺎﺳﺮ : ﻣﻔﺶ ﺩﺍﻋﻲ ﺗﻮ ﻧﺨﺸﻠﻬﺎﺍ ﻧﺎ ﻭﻧﺤﻜﻲ ﻣﻌﺎﻫﺎ
ﺳﻔﻴﺎﻥ : ﺍﺻﺒﺮ ﻧﻐﻴﺮ ﺩﺑﺸﻲ
ﻏﻴﺮ ﻭﻃﻠﻌﻮﻭ
ﻭﺻﻠﻮ ﻟﻠﺤﻮﺵ ..........
... ﻳﺘﺒﻊ
