(((الحلقه الخامسه)))
طلعت ماما وصكرت الباب
ونا نرعش نظرة اعيونه الموقف هذا,......... اه والف اه
روحت ومنصدمه ونرعش ونهز من التوتر وخلاص
ماما تحكيلي ونا منردش عليها منسمعش فيها
شنو تقول نذكر في حاجات غريبه عقلي افكاري
تعبانه معش نقدر قلبي يدق بسرعه رهيبه
كلمت فاتن وجت
علشان تحكي معايا بس مقدرتش انرد عليها
فاتن: كنها؟؟؟؟؟
فاتن: تو نكلم الدكتوره
ماما: كلميها
اتصلت فاتن وصفتلها الحوش وجتني خشتلي:
دلال: ساره ؟؟؟
كنت مغطيه وجي بيديه منبش نذكر
صكرن الدار:
دلال: حولي ايديك
انا: (نبكي نحس في رعشه في جسمي)
دلال: به احكي؟؟
مقققدرتش نوقف هز منبش نحول ايديه خايفه انشوفه
خااايفه نبي الظلام منبش انشوف شي قدامي
دلال: ساره تسمعي فيااا احكيلي
قعدت تدويلي ونا منردش عليها نسمع فيها بس مش قادره نحكي
مخنوقه منقدرش نفتح فمي ونحكي منقدرش نفتح اعيوني ونشوف
طلعت دلال وصكرت الدار:
دلال: حاولي انك توكليها لان دواء قوي
ماما: به بارك الله فيك
دلال: واجبي تفضلي الورقه
فاتن: به
دلال: متضغطوش عليها في أي حاجه وبكره متخلوهاش
تطلع من الحوش
ماما: بس من قبل الدكتور نصحني بالاختلاط؟؟؟
دلال: لالا بكره متخليهاش تطلع نا بكره تو نجيها فصبح
ماما: به شكرا يابنتي
فاتن: سامحينه تعبناك
دلال: ولا يهمك ساره قعدت اختي كيف ماهيا اختك ومش حنسيبها
لعند ماتعالج ونساعدها
ماما: (تبكي)
فاتن: خلاص ياماما متخافش كويسه نوصل الدكتوره لعند الباب
ماما قعدت ع صالون وتبكي
جنات: انتي خليك في حالك
عائشه: خلاص بطلي انتي وياها ناقص الا تعاركن توا؟
سميه: والله ياماما بنتك نا اكبر منها مفروض تحترمني وبعدين ياسر
بروحه قالها قال سوء تفاهم لو كان رافع غلطان را قالها
جنات ركبت تجري للدار رنت علي ياسر:
ياسر: ها؟
جنات: وينك؟
ياسر: فلكافي مع اصحابي؟؟؟ كنك في حاجه؟؟
جنات: خلاص بعد تروح تو نحكيلك
ياسر: به
جنات: هههههه ومن يقدر يغصب ياسر؟؟؟ هوا ماما
حكتله من هوا في بريطانيا وقال معندش مشكله
لبست عبايتها وشاحها وطلعت
خشتلي ماما جايبتي ميه
ماما حاول انها تفك ايديا من وجي
ماما: ساره متبش تشوفيني؟؟
انا: (نبكي) خايفه انشوفه هوا
ماما: لالا انا امك ساميه سلم بنتي حولي يديك
بنتي شاطره تسمع في كلامي
