جت امه بتحط ايدها عليه طلع وسيبها...
جنات لحقت علياا>>>>
طبعا وصلت للمنور غسلت وجي بس دموعي موقنش
حاولت ان ماما متلاحظش الموضوع
حطو العشاء ونا نبكي بعبرتي ومش مصدقه
ليش ضحك عليا ليش نا عبيطه وهبله لدرجة انصدق واحد كيفه
ليش هكي يصير معايا؟؟
طلعت .......
وزينب وعائشه فصاله:
زينب: ......
عائشه:نا معش فهمت سامحيني يااختي
زينب: شن قصته ولدك؟؟؟ عيب اللقطه اللي دارها لبنتي فجأه
عائشه: مش مهم اهم حاجه لبسها وبعدين ياسر متعقد
زينب: كان مش عاجبته يفض الموضوع من توا بنتي مش زايده عليا
عائشه: لا بس هوا قال منعزومش حد وانتي عارفه طبعه
زينب: هوا من اول خشته قالب وجه ومتعقد ومتعصب وشاف البنت هذكيطلع شنو قصته را يقعد يبيها ؟؟؟
عائشه: لالا شنو تحكي اعيالي مستحيل يبحتو في الاشكال هذي مش عارفه ياسر وطبايعه؟؟؟
ماما: هيا؟؟؟
انا:واتيه هيااا
كلمت المرا ... مرت عمهم
هيا: شويه بس
جابتلنا فلوس من زينب وطلعت عطتهن الماما خذتهن وطلعنا
ومحكتش معايا ولا كلمه روحنا الساعه 9 ع كرعينا لان حوشهم مش بعيد
من حوشنا طول الطريق ونذكر في كذبه عليا وكيف لبسني الحديده
وكيف يقول ينا نبيك ونا نحبك ومتخافيش
وصلنا للحوش فتحت فاتن خشيت نجري للدار صكرتها ونبكي بعبرتي
فاتن: كنهاااااااااااا؟؟؟
ماما: خليهاا
فاتن: تو نشوفها
ماما: متخشيش عليها خليها
فاتن: ماما البنت تبكي؟؟؟؟
ماما: خليها كلمه وحده؟؟
فاتن: بسم الله كنك ياماما؟؟
ماما: بنخش نتمرقد ان شاءالله معاد النوض
فاتن: كنكم شنو صاير احكولي
خشت ماما للدار لاخري ورقدت ع الارض
وفاتن دق ع دار مفتحتلهاش
فاتن: ساره افتحي فهميني؟؟؟؟؟؟؟؟
انا:.........
~
~
~
~
عائشه: روحو كلهم؟؟؟
زينب: الصاله فضت روحو كلهم
خشت ابتسام لدار تغير في دبشها
امل: كنك زعلانه؟؟؟
ابتسام: ماما وين؟
امل: لوطه مع خالتي؟؟
ابتسام: اهااا
امل: ننزل نشوف البنات تو يزعلن
ايه خشت تجري للدار وصكرتها ورنت علي صحبتها..
سناء: ايوواااه؟؟
ايه: ياهلا بلحب؟؟؟
سناء: اهلا اهلا فرحان العسل خير شنو القصه؟؟
ايه: مش غير خير طايره من الفرحه
سناء: جت البنت اللي يبيها؟؟؟
ايه: جت وشافت اختي واختي شافتها والافندي متحملش
وكان يبي يلحق ع بنت بس مخلوش يطلع عشان الصاله
في صباياااا
سناء: وبه؟؟
ايه: اختي شكلها مرضتش وجهها اصفر اخضر وشكلها ناويه علي حاجه
اما الخدامه متاعتنا بكت بعبرتها وكانت تبي تطربق يعني انتهيت منهن
