#اختناق_الندم
الحلقه13----
جنات: مفهمتش -_-
ياسر: وين قاعده هيا؟؟
جنات: لوطه مع سميه؟؟؟؟
ياسر: او كنا نازلها متنزلش معايا
جنات: ؟؟؟؟؟؟؟؟؟؟؟؟
ياسر:؟؟؟؟؟؟؟؟
جنات: بنعدي انغير دبشي وبنحول مكياجي انحرقو كلكم :3
نزل يجري من الدروج
طلع لجنان وطلعت وراه ايه فرحانه
ايه : (انحرجت) ياسر انت فاهمني غلط انت تعز عليا ونام تعوده عليك
انحس فيك قريب مني وتفكيرك وطريقة حياتك عاجبتني
ياسر: عارفه هذي اخرلك مره تدخلي في شؤني الخاصه المره هذي بنعديها
لانك قاعده في حوشنا المره الجايه كفوف ع وجك
ايه: ياسر احترم نفسك
ياسر: ليش انتي تعرفيه الاحترام
ايه: نعرفه الاحترام .. اقل حاجه منضحكش علي بنت فقيره مريضه مسكينه
ونعديلها وندحنس عندها فلمعهد متاعها ونا امي غاصبتني ع وحده اخري
ايه: (انصدمت)
ياسر: انتي وحده وسخه وحقيره من يووم وغادي قدرك كيف قدر سباط الصبع اللي
لابسه ياحشره ...
ايه:,,,,,,,,,)قعدت تبكي)
ياسر: ساره نحبها ونبيها وانتي واختك دورن من يلمكن
وخش وسيبها...
قعدت تبكي وخشت للحمام ...
ركب لداره ورد رقد ع سرير ويفكر في شنو الحل؟؟؟
~
~
~
~
قعدت طوول الليل نبكي خديت من الحبوب المهدئ عشان نرقد
وفاتن مره مره تخطبط ع دار تبيني نفتحلها
بس مبيتش لان شنو نبي نحكيلها علي غبايا علي وحده متشعفش علي وحده
غبيه انضحك عليها بسهوله
رقدت من الدواء ونضت ال9 الصبح طلعت ولقيت فاتن راقده ع كنبه
خديت الوضوء وصليت ولقيت ماما فلمطبخ
خشيتلها حضنتها من لورا ودموعي نزلن وحطيت راسي ع كتفها :
انا: سامحيني
ماما:..........
انا: سامحيني
ماما: ........
انا: نا غلطت وعارفه روحي غلطت
ماما: ........
انا: ماما ردي عليا حرام عليكي؟
ماما: .......
فاتن : صباح الخير كنك تبكي من الصبح فهموني شنو صار امس؟؟
طلعت من المطبخ وخشيت للحمام غسلت وجي
وماما حكت لفاتن كل حاجه
~
~
~
~
طلع ياسر من الصبح بدري وعدا قعد عند صاحبه في العياده
والتمو ع صفره:
عائشه: كلمي بنت خالتك تفطرر
رانيه: ناب نفطر فلمستشفي تو بناخد شنطي ونواعيها اكيده راقده
عائشه: ايه ناضت؟؟؟؟
رانيه: راقده نوضتها قالت ناعسه شكلها طوولت مارقدت
سميه: اها رقدت وخليتها في بلكوني مضايقه معرفتش كنها
رانيه: سفيان وين؟؟
عائشه: يرجي فيك في سياره هيا اطلعي
رانيه: اووك
سميه: فهمووني لو سمحتو
عائشه: وينه هوااا ياسر
جنات: طلع من الصبح بدري
عائشه: يعني ميبش يعتذر مني ؟؟؟ باهي عرفت انربي
جنات: ماما وسعي بالك عليه وبعدين بصراحه مش بلغصب
عائشه: اصلا كلك منك انتي ..انتي اللي خششتي الزفته هذي حياتنا
جنات: مدخلنش ناب لموضوع انتي اللي كلمتي امها
سميه: تي كنكم؟؟؟؟؟؟؟؟؟؟؟
جنات: ياسر معش يبي ابتسام؟
سميه: هههههه وخلاهم لين يديرو دفع وامس التلبيسه واليوم معش يبيها؟
عائشه: لعب فروخ صغار يحسابها
سميه: وسبب؟
عائشه: احكيلها شن السبب قولي احكي
جنات: ياماما نا شن دخلني
عائشه: عارفتك انتي وراه كل مصيبه فلحوش هضاا
جنات: .......
سميه: موضوع يخص البنت اللي جت امس؟؟؟
جنات:.....
عائشه: بكل وقاحه صبا قدامي وقال نبيها
سميه: شنو يخرف هضا؟..
عائشه: مقدرتش نرقد انفكر انعديلهن فلحوش
سميه: مزلت مش مستوعبه الفكره
جنات: لو عديتي وياسر عرف ممكن تخسريه وتكبر القصه اكثر وانتي عارفه ياسر ميتعندش
عائشه: واصلا لو عديت شنو نبي انقول ياربي عليك حاله
سميه: باهي امتي وكيف وعليش؟
جنات: .......
عائشه: اسألي الابله اللي جنبك؟
جنات: نا منعرفش شي
سميه: من الاول البنت هذي متريحتلهاش لاكن انتي السبب
جنات: ونا شنو دخلني يعني مش قادرين علي ياسر وقادرين عليا
ولدك بالغ وراجل كبير قريب يطق ال30 يعني بكامل عقله ويعرف يصرف
