# ﺃﺧﺘﻨﺎﻕ _ ﺍﻟﻨﺪﻡ
35
ﺍﻧﺎ : ﻻ ﻋﺎﺩﻱ ﻳﺎﺳﺮ ﻣﻴﻘﻮﻟﺶ ﺷﻲ ﻭﺑﻌﺪﻳﻦ ﻳﺎﺳﺮ ﺑﻌﺪ ﺑﻜﺮﻩ ﻣﺴﺎﻓﺮ ﻋﻨﺪ ﺭﺣﻠﻪ
ﺍﺭﻭﻱ : ﺧﻼﺹ ﻣﻌﻨﺎﻫﺎ ﺑﻜﺮﻩ ﻣﻦ ﺻﺒﺢ ﺍﻧﻜﻮﻥ ﻋﻨﺪﻙ
ﺟﻨﺎﺕ : ﺗﻮ ﻧﺠﻲ ﻧﺎ ﻧﺒﻲ ﻣﺎﻣﺎ
ﺍﺭﻭﻱ : ﻋﺎﻱ ﻋﺪﻱ ﻧﺎ ﻗﺎﻋﺪﻩ ﻣﻌﺎﻫﺎ
ﺟﻨﺎﺕ : ﻧﺤﻜﻲ ﻟﺴﺎﺭﻩ ﻣﻨﺤﻜﻴﻠﻜﺶ
( ﻋﺮﻓﺖ ﺍﻥ ﺍﻟﻮﺿﻊ ﻣﺶ ﺗﻤﺎﻡ )
ﻃﻠﻌﺖ ﺟﻨﺎﺕ
ﺍﺭﻭﻱ : ﻧﺤﻨﺎ ﺳﻠﻔﺎﺕ ﻋﺎﺩ ﻫﻬﻬﻬﻬﻬﻪ
ﺍﻧﺎ : ﺍﻫﺎ ﻫﻬﻬﻪ
ﻟﻤﻴﺖ ﺍﻟﺤﻮﺳﻪ ﻭﻛﻨﺖ ﺍﻧﻠﻬﻲ ﻓﻲ ﺭﻭﺣﻲ ﻓﻲ ﻣﻄﺒﺦ ﻣﻄﻠﻌﺘﺶ ﺑﻜﻞ
ﺣﺎﻃﻪ ﺟﻨﺎﺕ ﺑﺮﻩ ﻣﺎﻋﻴﻦ ﻳﺒﻦ ﻏﺴﻞ
ﻃﻠﻌﺖ ﻭﺑﺪﻳﺖ ﻧﻐﺴﻞ ﻓﻴﻬﻦ
ﻭﻧﺒﺮﻡ ﻭﻧﻠﻘﻲ ﺭﺍﻓﻊ
ﺍﻧﺎ : ..........
ﺭﺍﻓﻊ : ﻳﺎﺍﻫﻼ ﺑﻠﻜﻨﻪ ﺭﺍﻳﻔﺖ ﻋﻠﻴﻚ
ﺍﻧﺎ : ﺣﻮﻝ ﻣﻦ ﻗﺪﺍﻣﻲ
ﺭﺍﻓﻊ : ﺗﺎﺭﻳﺘﻪ ﻋﻨﺪﻙ ﻟﺴﺎﻥ ﻭﺗﻌﺮﻓﻲ ﺗﺤﻜﻲ ﻭﻻ ﻳﺎﺳﺮ ﻃﻠﻌﻪ ﻟﻜﻲ؟؟
ﺍﻧﺎ : ﺣﻮﻝ ﻣﻦ ﻗﺪﺍﻣﻲ ﻧﺒﻲ ﺍﻧﺦ ﺷﺮﺍ ﻧﻌﻴﻂ ﻭﻧﻠﻢ ﻋﻠﻴﻚ ﺍﻟﺪﻧﻴﺎ
ﺭﺍﻓﻊ : ﻋﻴﻄﻲ ﻋﺎﺩﻱ ﺷﻔﺘﻲ ﺑﻌﺪ ﻋﻴﻄﻲ ﺍﻟﻤﺮﻩ ﺍﻟﻠﻲ ﻓﺎﺗﺖ ﺷﻦ ﺻﺎﺭ؟؟
ﻭﻻ ﻧﺴﻴﺘﻲ ﻋﻴﺸﺖ ﺍﻟﻌﺰﺯ ﺗﻐﻴﺮ
ﺍﻧﺎ : ﺍﻟﻠﻪ ﻳﺮﺑﺤﻚ ﺣﻮﻭﻝ
ﺭﺍﻓﻊ : ﺗﻲ ﻛﻨﻪ ﺍﻟﺴﻤﺢ ﻗﺮﻳﺐ ﻳﺒﻜﻲ
ﺍﻧﺎ : ﺣﻮﻝ ﺑﻨﺨﺶ ﺟﻮﺍ
ﺭﺍﻓﻊ : ﻫﺎﻛﻲ ﻫﺬﺍ ﺭﻗﻤﻲ ﺭﻧﻲ ﻋﻠﻴﺎﺍ ﻭﺧﻠﻴﻨﺎ ﻧﺤﻮﻭ ﺍﻧﺘﻲ ﻋﺠﺒﺘﻴﻨﻲ ﺍﻭﻝ ﻣﺎﺷﻔﺘﻚ
ﺍﻧﺎ : ﺣﻮﻭﻭﻝ ﻣﻦ ﻗﺪﺍﻣﻲ ﺧﻄﺎﺍﻧﻲ ﺑﻨﺨﺶ ﺟﻮﺍ ﻣﺘﺎﻓﺶ ﺭﺑﻲ ﺍﻧﺘﻲ؟
ﺭﺍﻓﻊ : ﺩﺍﻳﺮﻩ ﺭﻭﺣﻚ ﻣﺤﺘﺮﻣﻪ ﻭﺍﺧﻼﻕ ؟؟؟
ﺍﻧﺎ : ﻟﻮ ﺳﻤﺤﺖ ﺣﻮﻝ ﻣﻦ ﻗﺪﺍﻣﻲ
ﺭﺍﻓﻊ : ﻟﻴﺸﻪ ﻛﻲ ﻳﻌﻨﻲ ﺣﻨﻮﻧﻪ ﻋﻠﻲ ﻏﻴﺮﻱ ﻭﻣﺶ ﺣﻨﻮﻧﻪ ﻋﻠﻴﺎ؟؟ ﺣﺮﺍﻡ ﻋﻠﻴﻚ
ﺗﻲ ﺗﺤﺴﺎﺑﻲ ﺭﻭﺣﻚ ﻣﻨﻌﺮﻓﻮﺵ ﻣﺎﺿﻴﻚ؟؟ ﻫﺎﺭﺑﻪ ﻣﻦ ﻫﻠﻚ؟؟
ﺍﺳﻤﻌﻲ ﻳﺎﺳﺮ ﻃﺎﻳﺢ ﺑﻮﺟﻪ ﻓﻲ ﻭﺣﺪﻩ ﻛﻴﻔﻜﺎﺳﻤﻌﻴﻨﻲ ﻛﻮﻳﺲ
ﻟﻴﻠﻪ ﻭﺣﺪﻩ ﺑﺲ ﺑﻴﻨﺎﺗﻨﺎ ﻣﺘﺒﺶ ﺍﺗﺪﻳﺮﻟﻚ ﺷﻲ ﻟﻴﻠﻪ ﻭﺣﺪﻩ ﺑﺲ
ﺧﻮﺩﻱ ﺭﻗﻤﻲ
ﺣﻄﻠﻲ ﺍﻟﺮﻗﻢ ﻓﻲ ﻳﺪﻱ ﻭﻃﻠﻊ
ﻋﺰﻗﺘﻪ ﻭﺧﺸﻴﺖ ﻧﺮﻋﺶ
ﺟﻨﺎﺕ : ﺍﺳﻔﻪ ﻃﻮﻟﺖ ﻋﻠﻴﻚ ﻣﺎﻧﺤﻜﻴﻠﻚ ﻗﺼﻘﺼﺔ ﺻﺒﺎﻳﺎ
ﺍﻧﺎ .............:
ﺟﻨﺎﺕ : ﻧﻚ ﺗﺒﻜﻲ ﺣﺪ ﺿﺎﻳﻘﻚ ؟؟ﺍﻳﻪ ﺣﻜﺖ ﻣﻌﺎﻙ؟
ﺍﻧﺎ : ( ﻧﺒﻜﻲ )
ﺟﻨﺎﺕ : ﺑﺴﻢ ﺍﻟﻠﻪ ﺍﺷﺮﺑﻲ ﻣﻴﻪ ﻛﻨﻚ ﻳﺎﺳﺎﺭﻩ ﺷﻦ ﻓﻲ ؟؟؟ﺗﻌﺎﺭﻛﺘﻲ ﻣﻊ ﻳﺎﺳﺮ؟
ﺍﻧﺎ : ( ﻧﺒﻜﻲ )
ﻣﺴﺤﺖ ﺩﻣﻮﻋﻲ ﻭﻛﻼﻣﻪ ﻓﻲ ﻭﺫﻧﻲ ﻋﺮﻓﺖ ﻓﻲ ﻟﺤﻈﺘﻬﺎ ﺍﻥ ﻣﻴﺒﺶ ﻳﺮﺣﻴﻨﻲ
ﻭﺑﻀﺎﻳﻘﻨﻲ ﻧﺤﻜﻲ ﻟﻴﺎﺳﺮ؟؟ﻣﻨﻘﺪﺭﺵ
ﻟﻤﻦ ﻧﺤﻜﻲ ؟؟ﺳﻜﺘﺖ ﻭﺧﻼﺹ
ﺣﻄﻮ ﺍﻟﻐﺬﺍﺀ ﺗﻐﺬﻳﻨﺎ ﺑﺲ ﻏﺼﺒﺎ ﻋﻨﻲ ﻣﻨﻈﺮﻩ ﺑﻴﻦ ﺍﻋﻴﻮﻧﻲ
ﺧﻔﺖ ﺑﻜﻞ ﻭﻛﻠﻬﻢ ﻻﺣﻈﻮ ﺍﻥ ﺻﺎﻳﺮﺗﻠﻲ ﺣﺎﺟﻪ
ﺑﺲ ﻋﻤﺘﻲ ﻭﺟﻨﺎﺕ ﻳﺤﺴﺎﺑﻦ ﺍﻥ ﺍﻳﻪ ﺍﻭ ﺯﻳﻨﺐ ﺿﺎﻳﻘﻨﻲ ﺑﻜﻼﻡ
ﻗﻌﺪﺕ ﻣﻨﺼﻔﺮﻩ ﻭﺧﺎﻳﻔﻪ ﻭﻣﻌﺶ ﺧﺸﻴﺖ ﻟﻠﻤﻄﺒﺦ
ﻗﻌﺪﻧﺎ ﺷﻮﻳﻪ ﺑﻌﺪ ﺍﻟﻐﺬﺍﺀ
ﺟﻨﺎﺕ : ﻛﻨﻚ؟؟
ﺍﻧﺎ : ﺷﻲ
ﺟﻨﺎﺕ : ﻭﻧﺒﻲ ﺗﺤﻜﻲ؟
ﺍﻧﺎ : ﻋﻠﻴﻪ ﺻﻼﻩ ﻭﺳﻼﻡ ﻣﺎﻛﻨﻲ ﺷﻲ ﻣﻀﺎﻳﻘﻪ ﺷﻮﻳﻪ
ﺟﻨﺎﺕ : ﻧﻜﻠﻤﻠﻚ ﻳﺎﺳﺮ؟
ﺍﻧﺎ : ﻻ ﻟﻮ ﻧﺒﻴﻪ ﺍﻧﺮﻥ ﻋﻠﻴﻪ ﻣﺘﺸﻐﻠﺶ ﺑﺎﻟﻚ ﺣﺒﻴﺒﺘﻲ
ﺟﻨﺎﺕ : ﺑﺎﻫﻲ ﻛﻨﻚ؟؟
ﺭﺍﻧﻴﺎ : ﺟﻨﺎﺕ ﺗﺒﻴﻚ ﺳﻌﺎﺩ
ﺟﻨﺎﺕ : ﺑﺎﻫﻲ ﻧﺎﺯﻟﻪ
ﺭﺍﻧﻴﺎ : ﺳﻤﻴﻪ ﺟﺖ
ﺟﻨﺎﺕ : ﻣﺮﺕ ﺧﻮﻙ ﺍﻟﺒﺎﺭﺩﻩ ﻭﻳﻦ : ؟
ﺭﺍﻧﻴﺎ : ﻣﻊ ﺻﺒﺎﻳﺎ
ﻭﻧﺰﻟﺖ ﻭﻣﺒﺤﺘﺘﺶ ﻓﻴﺎ ﻧﻬﺎﺋﻲ
ﺟﻨﺎﺕ : ﻣﺘﺰﻋﻠﺶ ﻣﻨﻬﺎ ﻣﻄﺮﺷﻘﻪ ﺭﺍﻧﻴﺎ
ﺍﻧﺎ : ﻋﺎﺩﻱ
ﺟﻨﺎﺕ : ﺍﻗﻌﺪﻱ ﻓﻲ ﺩﺍﺭﻱ ﻭﻟﻌﻲ ﺍﻟﺘﻲ ﻓﻲ ﺍﻭﻭ ﺍﻧﺰﻟﻲ ﻣﻌﺎﻳﻪ ﺧﻴﺮ ﻣﻦ ﻗﻌﺪﻩ ﺑﺮﻭﺣﻚ؟
ﺗﻌﺮﻓﻲ ﻋﻠﻲ ﻋﻴﻠﺘﻨﺎ
ﺍﻧﺎ : ﺑﻨﻘﻌﺪ ﻫﻨﺎ ﺍﺣﺴﻦ ﻣﻦ ﺍﻟﻨﺰﻟﻪ ﺍﻧﺰﻟﻲ ﺍﻧﺘﻲ
ﺟﻨﺎﺕ : ﺧﻼﺹ ﺗﺒﻲ ﺣﺎﺟﻪ ﺭﻧﻲ ﺍﻭﻙ؟
ﺍﻧﺎ : ﺍﻭﻭﻙ
ﻧﺰﻟﺖ ﺻﻜﺮﺕ ﺑﺎﺏ ﺍﻟﺪﺍﺭ
ﻭﻭﻟﻌﺖ ﺍﻟﺘﻠﻔﺰﻳﻮﻥ ﻭﺧﺎﻳﻔﻪ ﻗﻠﺒﻲ ﻳﺪﻕ ﻭﻣﻘﺪﺭﺗﺶ ﻧﺸﻴﻞ ﻣﻮﺿﻮﻋﻪ ﻣﻦ ﺭﺍﺳﻲ
ﻣﺮﻩ ﺍﻧﻄﺮﺑﻖ ﺻﻮﺍﺑﻌﻲ ﻭﻛﻞ ﻣﺎﻧﺴﻊ ﺣﺮﻛﻪ ﺑﺮﻩ ﻧﺨﺎﺍﻑ ﻭﻧﺮﺗﺒﻚ
ﺭﻥ ﺗﻠﻴﻔﻮﻧﻲ ﻗﻠﺒﻲ ﻭﻗﻘﻘﻘﻒ
ﺷﻔﺘﻪ ﻟﻘﻴﺘﻪ ﻳﺎﺳﺮ ﻭﺍﻟﺤﻤﺪﻟﻠﻪ
ﺍﻧﺎ : ﺍﻟﻮﻭ
ﻳﺎﺳﺮ " ﻫﺎﺍ ﺷﻨﺠﻮﻙ؟
ﺍﻧﺎ : ﺗﻤﺎﻡ
ﻳﺎﺳﺮ : ﻛﻨﻚ؟؟
ﺍﻧﺎ : ﺷﻲ
ﻳﺎﺳﺮ : ﻣﻦ ﺿﺎﻳﻘﻚ؟؟؟ﻓﻲ ﺣﺪ ﻋﺰﻕ ﻛﻠﻤﻪ ﻗﻮﻟﻴﻠﻲ ﻭﺗﻮ ﺗﺸﻮﻓﻲ؟؟
ﺍﻧﺎ : ﻻ ﻣﻜﻨﻲ ﺷﻲ ﺍﻣﺘﻲ ﺑﻨﺮﻭﺣﻮ .. ﺍﺹ ﺍﺹ
ﻳﺎﺳﺮ : ﻛﻨﻚ؟
ﺍﻧﺎ : ﺻﻮﺕ ﺯﻏﺎﺭﻳﺪ؟؟
ﻳﺎﺳﺮ : ﺍﻩ ﻗﺮﻳﻨﺎ ﻓﺎﺗﺤﻪ ﺗﻮﺍ؟
ﺍﻧﺎ : ﺑﺎﻫﻲ ﻣﺒﺮﻭﻙ ﻋﻠﻴﻬﺎ
ﻳﺎﺳﺮ : ﺍﻟﻠﻪ ﻳﺒﺎﺭﻙ ﻓﻴﻚ ﻭﺍﺧﻴﺮﺍ ﻓﺘﻜﻴﻨﺎ ﻣﻨﻬﺎ ﻭﻣﻦ ﺟﻌﻮﻧﺘﻬﺎ
ﺍﻧﺎ : ﺍﻫﺎﺍ
ﻳﺎﺳﺮ : ﺳﺎﺭﻩ ﻓﻜﻴﻨﻲ ﻣﻦ ﻗﻠﺒﺔ ﺍﻟﻮﺟﻪ ﺗﻲ ﻛﻨﻚ ﺍﺯﺯﺡ؟؟
ﺍﻧﺎ : ﻣﺎﻛﻨﻲ ﺷﻲ ؟
ﻳﺎﺳﺮ : .......
ﺍﻧﺎ : ﺍﻣﺘﻲ ﺑﻨﺮﻭﺣﻮ ؟
ﻳﺎﺳﺮ : ﺧﺎﻟﺘﻲ ﺿﺎﻳﻘﺘﻚ ﺑﻨﺎﺕ ﺧﻼﺗﻲ ﺿﺎﻳﻘﻨﻚ؟
ﺍﻧﺎ : ﻣﺤﺪ ﺿﺎﻳﻘﻨﻲ ﺑﻨﺮﻭﺡ ﻭﺧﻼﺹ ﻋﺎﺭﻓﻨﻲ ﻣﻨﺤﺒﺶ ﺍﻟﻠﻤﺎﺕ
ﻳﺎﺳﺮ : ﺑﺎﻫﻲ ﺑﻌﺪ ﺍﻟﻤﻐﺮﺏ ﺍﻗﻞ ﺣﺎﺟﻪ ﻻﻥ ﺍﻣﻲ ﺗﻀﺎﻳﻖ
ﺍﻧﺎ : ﺑﺎﻫﻲ ﺑﺮﺍﺣﺘﻚ؟
ﻳﺎﺳﺮ : ﺍﻧﺰﻟﻲ ﺑﺎﺭﻛﻲ ﻻﻣﻲ ﻭﻟﺮﺍﻧﻴﺎ ﺑﺴﺮﻋﻪ
ﺍﻧﺎ : ﺗﻮﺍ؟
ﻳﺎﺳﺮ : ﻻ ﺑﻜﺮﻩ .. ﺗﻮﺍ ﺍﻩ
ﺍﻧﺎ : ﺑﺎﻫﻴﺐ ﻧﺎﺯﻟﻪ
ﻧﺰﻟﺖ ﻭﻟﻴﻘﺘﻬﻢ ﻛﻠﻬﻢ ﻳﺒﺎﺭﻛﻮﻟﻬﺎ
ﺍﻧﺎ : ﻣﺒﺮﻭﻙ ﺍﻥ ﺷﺎﺀﺍﻟﻠﻪ ﺑﺴﻼﻣﺘﻚ ﺭﺑﻲ ﻳﻤﻜﻞ ﻋﻠﻴﻚ؟
ﺭﺍﻧﻴﺎ : ﺑﺎﺭﻙ ﻓﻴﻚ ﺛﺎﻧﻜﺲ
ﺍﻧﺎ : ﻋﻤﺘﻲ ﻣﺒﺮﻭﻙ ﻋﻠﻴﻬﺎ؟
ﻋﺎﺋﺸﻪ : ﺍﻟﻠﻪ ﻳﺴﻠﻤﻚ ﺑﺎﺭﻙ ﻓﻴﻚ
ﺟﻨﺎﺕ : ﺍﺑﺘﺴﺎﻡ ﻭﻳﻦ؟؟
ﺯﻳﻨﺐ : ﻣﻊ ﺍﻳﻪ ﻓﻮﻕ ﻗﺎﻋﺪﺍﺕ
ﺟﻨﺎﺕ : ﺧﻮﺩﻱ ﻗﻬﻮﻩ ﺳﺎﺭﻩ
ﺍﻧﺎ : ﺷﻜﺮﺍﺍ
ﺟﻨﺎﺕ : ﺗﻮ ﻧﺮﻛﺐ ﻧﻌﻄﻴﻬﻦ ﻓﻮﻭﻕ
~
~
~
~
ﺍﻳﻪ : ﻣﻦ ﺟﺪﻙ ﺗﺒﻜﻲ؟؟
ﺍﺑﺘﺴﺎﻡ : ( ﺗﺒﻜﻲ ) ﺛﺎﻧﻲ ﻣﺮﻩ ﻳﻜﺮﺭ ﻧﻔﺲ ﺍﻟﻤﻮﻗﻒ ﺍﻧﻘﻮﻟﻚ ﺍﻣﺲ ﻗﻌﺪ ﻣﻌﺎﻫﺎ ﻭﻣﻌﺒﺮﻧﻴﺶ
ﺍﻳﻪ : ﺍﻟﺤﻘﻴﺮﻩ ﻣﻌﺒﻴﺘﻠﻪ ﺭﺍﺳﻪ ﺷﻮﻳﻪ ﺷﻮﻳﻪ ﺗﻠﻘﻲ ﺭﻭﺣﻚ ﻣﻄﻠﻘﻪ
ﺍﺑﺘﺴﺎﻡ : ﺷﻦ ﻧﺪﻳﺮﻟﻪ؟
ﺍﻳﻪ : ﻋﺒﻴﻠﻪ ﺭﺍﺳﻪ ﻭﻓﺘﻨﻲ ﺑﻴﻨﺎﺗﻬﻢ . ؟
ﺍﺑﺘﺴﺎﻡ : ﻻ ﺣﺮﺍﻡ؟
ﺍﻳﻪ : ﺣﺮﺍﻡ ﻋﻴﻨﻚ ﺧﻠﻴﻚ ﻫﻜﻲ ﻣﺎﺩﻩ ﻭﺟﻚ ﻭﺍﺑﻜﻲ؟؟؟ﺑﺎﻫﻲ؟
ﺍﺑﺘﺴﺎﻡ : ﻫﻮﺍ ﻗﺎﻟﻲ ﺍﻥ ﻳﻮﻡ ﺑﻴﻮﻡ؟
ﺍﻳﻪ : ﻭﺍﻧﺘﻲ ﺻﺪﻗﺘﻴﻪ؟
ﺍﺑﺘﺴﺎﻡ : ﻣﺶ ﻋﺎﺭﻑ
ﺍﻳﻪ : ﻏﻴﺮ ﺍﺻﺒﺮﻱ ﻭﺭﻛﺰﻱ ﺗﻮ ﻳﺠﻴﻚ ﻛﻼﻣﻲ
ﺟﻨﺎﺕ : ﻗﻬﻮﻩ ﻳﺎﺑﻨﺎﺕ؟؟
ﺍﻳﻪ : ﺗﻌﺎﻟﻲ ﻧﺒﻮ ﻃﺒﻌﺎ ﺍﺳﻔﻴﻦ ﻉ ﻗﻠﺔ ﺍﻟﻤﺴﺎﻋﺪﻩ
ﺟﻨﺎﺕ : ﻫﻬﻬﻬﻬﻬﻪ ﻉ ﺍﺳﺎﺱ ﻗﺒﻞ ﺗﺴﺎﻋﺪﻥ
ﺍﺑﺘﺴﺎﻡ : ﻭﺍﻟﻠﻪ ﻧﺎ ﻧﺴﺎﻋﺪ ﻻﻛﻦ ﺍﻟﻴﻮﻡ ﻟﻬﻴﺖ
ﺟﻨﺎﺕ : ﻋﺎﺭﻓﺘﻚ ﺍﻧﺒﺼﺮ ﺧﻮﺩﻥ ﺣﻠﻮﻳﺎﺕ
ﺍﻳﻪ : ﻛﻠﻪ ﺟﺎﻫﺰ؟
ﺟﻨﺎﺕ : ﻳﺐ
ﻧﺰﻟﺖ ﺟﻨﺎﺕ
ﻣﺮﺭ ﺍﻟﻮﻗﺖ ﻭﻧﺎ ﻧﻔﻜﺮ ﻓﻲ ﻛﻼﻡ ﺭﺍﻓﻊ
ﺧﺶ ﻳﺎﺳﺮ ﻉ ﻣﻐﺮﺏ ......
ﺑﺎﺭﻙ ﻟﺮﺍﻧﻴﺎ ﻭﺳﻠﻢ ﻉ ﻫﻠﻪ
ﻳﺎﺳﺮ : ﺳﺎﺭﻩ ﻭﻳﻦ؟ .
ﺟﻨﺎﺕ : ﻓﻲ ﺩﺍﺭﻱ؟
ﻳﺎﺳﺮ : ﻓﻲ ﺣﺪ ﺯﻋﻠﻬﺎ ؟؟
ﺟﻨﺎﺕ : ﺍﻳﻪ ﺑﻨﺖ ﺧﺎﻟﺘﻚ ﻣﺘﺨﻠﺶ ﺣﺪ ﻓﻲ ﺣﺎﻟﻪ ﺑﺲ ﻣﺎﻣﺎ ﺍﺗﻌﺎﻣﻞ ﻓﻴﻬﺎ ﻛﻮﻳﺲ
ﺟﻨﺎﺕ : ﺣﻘﻴﺮﻩ ﻫﺬ ﻣﺰﻃﺘﻨﻲ ﻋﺪﻱ ﻛﻠﻤﻴﻬﺎ ﺑﻨﺮﻭﺡ
ﺟﻨﺎﺕ : ﻭﺍﺑﺘﺴﺎﻡ ﻭﻻ ﻧﺴﻴﺘﻬﺎ ﻫﻬﻬﻬﻬﻬﻪ
ﻳﺎﺳﺮ : ﻛﻠﻤﻴﻬﻦ ﻫﻨﻪ ﺍﻻﺛﻨﻴﻦ
ﺍﻣﻪ : ﻳﺎﺳﺮ ﺍﻗﻌﺪﻭﻭ ﻟﻠﻌﺸﺎﺀ
ﻳﺎﺳﺮ : ﻣﺮﻩ ﺍﺧﺮﻱ ﺑﻨﻮﺗﻲ ﺭﻭﺣﻲ ﺑﻌﺪ ﺑﻜﺮﻩ ﻋﻨﺪﻱ ﺭﺣﻠﻪ ﺑﻨﺠﻬﺰ ﺭﻭﺣﻲ
ﺍﻣﻪ : ﺑﺎﻫﻲ ﻛﻴﻒ ﺣﺎﻟﻚ ﻣﻊ ﺍﺑﺘﺴﺎﻡ؟
ﻳﺎﺳﺮ : ﻛﻮﻳﺲ ﻣﺎﺷﻲ ﺍﻟﺤﺎﻝ
ﺍﻣﻪ : ﺍﻣﻤﻢ
ﻳﺎﺳﺮ : ﺳﻤﻌﺎﻣﻠﺘﻚ ﻛﻮﻳﺴﻪ ﻣﻊ ﺳﺎﺭﻩ؟
\ ﺍﻣﻪ : ﻋﺸﺎﻥ ﺧﺎﻃﺮﻙ ﺑﺲ ﻭﻻﻧﻜﺮﺩﻳﺖ ﺍﺑﺘﺴﺎﻡ
ﺍﺑﺘﺴﺎﻡ : ﻫﻴﺎ
ﻳﺎﺳﺮ : ﻫﻴﺎ
ﻧﺰﻟﺖ ﻭﻻﺑﺴﻪ ﻋﺒﺎﻳﻪ ﻃﻠﻌﺖ ﻥ ﺍﻭﻳﺎﻫﺎ
ﻟﻘﻴﺖ ﺭﺍﻓﻊ ﻓﻲ ﻓﻢ ﺍﻟﺒﺎﺏ
ﺑﺤﺖ ﻓﻴﺎ ﻭﻃﻴﺖ ﺭﺍﺳﻲ ﻭﺭﻛﺒﺖ
ﻭﺻﻨﺎ ﻟﻠﺤﻮﺵ ﻧﺰﻟﺖ ﺧﺸﻴﺖ ﻉ ﻃﻮﻭﻝ ﻟﻠﺪﺍﺭ
ﻳﺎﺳﺮ : ﺍﺭﻛﺒﻲ ﺍﻧﺘﻲ ﺗﻤﺎﻡ؟؟ﻭﺑﻜﺮﻩ ﻳﻮﻡ ﺑﻴﻮﻡ ﻣﻨﺒﺶ ﻧﻈﻠﻢ ﻭﺣﺪﻩ ﻓﻴﻜﻦ
ﺍﺑﺘﺴﺎﻡ : ؟؟؟؟ ﺑﺲ ﺍﻣﺲ ﺑﻪ ﺍﻭﻙ
ﻳﺎﺳﺮ : ﺗﺼﺒﺤﻲ ﻉ ﺧﻴﺮ
ﺍﺑﺘﺴﺎﻡ : ﻭﺍﻧﺖ ﻣﻦ ﺍﻫﻠﻪ
ﺧﺶ ﻟﻠﺪﺍﺭ :
ﻳﺎﺳﺮ : ﺷﻦ ﻓﻲ؟
ﺍﻧﺎ : ﺷﻲ
ﻳﺎﺳﺮ : ﻭﻛﻨﻚ ﺧﺸﻴﺘﻲ ﻓﻲ ﺑﻌﻀﻚ ﻫﻚ
ﺍﻧﺎ : ﺷﻲ ﻋﺎﺩﻱ ﻳﻌﻨﻲ ﻛﻨﻚ ﺍﻧﺖ ﺷﻦ ﻓﻲ؟
ﻳﺎﺳﺮ : ﺍﺣﻜﻲ ﻛﻨﻚ ﻣﺮﺗﺒﻜﻪ ﺍﺣﻜﻲ ﺭﺍ ﻛﻒ؟
ﺍﻧﺎ : ﻟﻮ ﻓﻲ ﺣﺎﺟﻪ ﻛﻨﺖ ﺣﻜﻴﺘﻠﻚ
ﻳﺎﺳﺮ : ﺑﺎﻫﻲ ﺗﻤﺎﻡ
ﺍﻧﺎ : ﺑﻜﺮﻩ ﻋﺰﻭﻣﺔ ﻣﺮﺕ ﺧﻮﻙ ﻭﺧﻮﻙ
ﻳﺎﺳﺮ : ﻻﻻ ﺑﻜﺮﻩ ﺩﻭﺭ ﺍﺑﺘﺴﺎﻡ؟
ﺍﻧﺎ : ﻋﺎﺩﻱ ﺑﻌﺪ ﺑﻜﺮﻩ
ﻳﺎﺳﺮ : ﻋﺎﺭﻓﻪ ﺍﻥ ﺑﻌﺪ ﺑﻜﺮﻩ ﺭﺣﻠﺘﻲ؟؟
ﺍﻧﺎ : ﺧﻄﺮﻫﺎ؟؟ﺻﺎﺡ ؟؟؟
ﻳﺎﺳﺮ : ﺩﺍﻳﺮ ﺭﻭﺣﻚ ﻣﺘﻨﺪﺭﻳﺶ؟؟؟
ﺍﻧﺎ : ﻫﻬﻬﻬﻬﻬﻬﻬﻬﻪ
ﻳﺎﺳﺮ : ﺫﺭﻩ ﺷﺮﻳﺮﻩ
ﺍﻧﺎ : ﻧﺴﻴﺖ
ﻳﺎﺳﺮ : ﺍﺣﻠﻔﻲ؟
ﺍﻧﺎ : ﻣﻨﺒﺶ ﻧﺤﻠﻒ
ﻳﺎﺳﺮ : ﺗﺼﺪﺗﻲ ﺩﻳﺮﻱ ﻫﻜﻲ؟؟ ﻋﻴﺐ ﺍﺑﺘﺴﺎﻡ ﻳﻌﻨﻲ؟
ﺍﻧﺎ : ﻳﻌﻨﻲ ﻧﻌﺘﺬﺭ ﻣﻦ ﻣﺮﺕ ﺧﻮﻙ؟؟ﻋﻴﺐ ﺍﻟﺒﻨﺖ ﻛﻮﻳﺴﻪ ﻭﻋﺎﻣﻠﺘﻨﻲ ﻛﻮﻳﺲ؟؟
ﻭﺧﺪﺕ ﺭﻗﻤﻲ –
ﻳﺎﺳﺮ : ﺏ ﻫﻨﺎ ﺷﻦ ﺑﻨﻘﻮﻟﻠﻬﺎ ﺗﻮﺍ؟
ﺍﻧﺎ : ﺧﺎﻳﻒ ﻣﻨﻬﺎ؟؟
ﻳﺎﺳﺮ : ﻫﻬﻬﻬﻪ ﻃﻠﻌﺘﻲ ﻣﺶ ﺳﺎﻫﻠﻪ ﺗﺎﺭﻳﺘﻚ ﺧﻄﻴﺮﻩ؟؟
ﺍﻧﺎ : ﺳﺎﻫﻠﻪ ﻓﻲ ﻛﻞ ﺣﺎﺟﻪ ﺍﻻ ﻓﻲ ﺭﺍﺟﻠﻲ
ﻳﺎﺳﺮ : ﺍﺗﺤﺒﻴﻨﻲ؟
ﺍﻧﺎ : ﻃﺒﻌﺎ
ﻳﺎﺳﺮ : ﺷﻦ ﺭﺍﻳﻚ ﺍﻧﺸﻮﻓﻮ ﻓﻴﻠﻢ ﺭﻭﻣﺎﻧﺴﻲ ﻫﻜﻲ
ﺍﻧﺎ : ﺍﻭﻭﻙ ﻣﻮﺍﻓﻘﻪ
ﻳﺎﺳﺮ : ﺗﻤﺎﻡ ﺍﻟﺴﺎﻋﻪ ﻛﻢ ﺑﻴﺠﻮ؟
ﺍﻧﺎ : ﻓﻲ ﺻﺒﺢ ﺍﻛﻴﺪﻩ
ﺣﻈﺮﻧﺎ ﻓﻴﻠﻢ ﻭﺳﻬﺮﻧﺎ
ﻧﻀﺖ ﺑﺮﻣﺖ ﻉ ﺣﻮﺵ ﻭﻫﻮ ﻃﻠﻊ ﺑﺪﺭﻱ ﺟﺎﺑﻠﻲ ﺣﺎﺟﺎﺕ
ﺭﻛﺐ ﻻﺑﺘﺴﺎﻡ
ﺍﺑﺘﺴﺎﻡ : ﺻﺒﺎﺡ ﺍﻟﺨﻴﺮ؟؟؟
ﻳﺎﺳﺮ : ﺻﺒﺎﺡ ﻧﻮﺭ ﺍﻟﻴﻮﻡ ﺍﺭﻭﻱ ﻭﺳﻔﻴﺎﻥ ﻋﺎﺯﻣﺘﻬﻢ ﺳﺎﺭﻩ ﻉ ﻏﺬﺍﺀ ﺍﺳﻒ
ﺑﺲ ﺗﻔﺎﺟﺄ ﺗﺤﺘﻲ ﻧﺎ ﻗﺎﻟﺘﻬﺎ ﻟﻴﺎ ﺑﻌﺪ ﺭﻭﺣﻨﺎ
ﺍﺑﺘﺴﺎﻡ : ﺍﻫﺎﺍ ﻋﺎﺩﻱ
ﻳﺎﺳﺮ : ﺍﻧﺰﻟﻲ ﺍﻗﻌﺪﻱ ﻣﻊ ﺳﺎﺭﻩ ﻭﺗﻐﺬﻱ ﻣﻌﺎﻧﻪ ﺗﻘﻌﺪﺵ ﺑﺮﻭﺣﻚ
ﺍﺑﺘﺴﺎﻡ : ﺣﺎﺿﺮ
ﻳﺎﺳﺮ : ﻋﻨﺪﻱ ﺷﻐﻞ ﻧﺎ ﻃﺎﻟﻊ ﺗﻮﺍ ﺭﺩ ﺑﺎﻟﻚ ﻉ ﺭﻭﺣﻚ
ﺍﺑﺘﺴﺎﻡ : ﺣﺘﻲ ﺍﻧﺖ
ﻧﺰﻝ ﻭﻗﻌﺪﺕ ﺗﺒﻜﻲ
ﻛﻠﻤﺖ ﺍﻳﻪ :
ﺍﻩ : ﻣﺘﻘﺼﺪﻫﺎ ﺍﻟﺤﻘﻴﺮﻩ ﻫﺬ
ﺍﺑﺘﺴﺎﻡ : ( ﺗﺒﻜﻲ )
ﺍﻳﻪ : ﺭﺩ ﺑﺎﻟﻚ ﺗﻨﺰﻟﻲ ﻛﺬﺍﺏ ﻏﻴﺮ ﻳﺒﻴﻚ ﺗﺴﺎﻋﺪﻳﻬﺎ ﺧﻠﻴﻚ ﻗﻮﻳﻪ
ﻭﺑﻄﻠﻲ ﺑﻜﺎﺀ ﻭﺭﺩ ﺑﺎﻟﻚ ﺗﻨﺰﻟﻲ ﺗﻌﺬﺭﻱ ﻗﻮﻟﺒﻴﻠﻪ ﻣﺮﻳﻀﻪ
ﺍﺑﺘﺴﺎﻡ : ﺣﺴﺒﻲ ﺍﻟﻠﻪ ﻭﻋﻢ ﺍﻟﻮﻛﻴﻞ ﻓﻴﻬﺎ ﺧﺮﺑﺖ ﺣﻴﺎﺗﻲ ﺍﻟﻮﺳﺨﻪ ﻫﺬ
ﺍﻳﻪ : ﺷﻦ ﺗﻮﻗﻌﻲ ﻣﻦ ﻭﺣﺪﻩ ﺑﺎﻋﺖ ﻫﻠﻬﺎ ﻭﻫﺮﺑﺖ ﻣﻊ ﻭﺍﺣﺪ ؟؟؟
ﺍﺑﺘﺴﺎﻡ : ﻗﻮﻟﻴﻠﻲ ﺷﻦ ﺍﻧﺪﻳﺮ؟؟
ﺍﻳﻪ : ﺗﻮ ﻧﻘﻮﻟﻚ ..
~
~
~
~
ﻭﺻﻠﻮ ﺳﻔﻴﺎﻥ ﻭﺍﺭﺭﻭﻱ
ﺍﻧﺎ : ﺗﻔﻀﻠﻮ ﺍﻧﺴﺘﻮﻭ
ﺳﻔﻴﺎﻥ : ﻛﻴﻒ ﺣﺎﻟﻚ؟
ﺍﻧﺎ : ﻛﻮﻳﺴﻪ
ﺍﺭﻭﻱ : ﻛﻴﻒ ﺣﺎﻟﻚ ﺍﻟﻴﻮﻡ؟
ﺍﻧﺎ :" ﺗﻔﻀﻠﻮ ﺍﻟﺤﻤﺪﻟﻠﻪ ﺗﻤﺎﻡ
ﺧﺸﻮﻭ
ﺍﺭﻭﻱ : ﻳﻌﻄﻴﻚ ﺍﻟﺼﺤﻪ ﺧﺎﺷﻪ ﻣﻦ ﺗﻮﺍ ﻟﻠﻤﻄﺒﺦ؟
ﺍﻧﺎ : ﻋﻨﺪﻱ ﻣﺘﻌﻪ ﻓﻴﻪ ﺍﻧﺤﺒﻪ
ﺍﺭﻭﻱ : ﻣﻦ ﻳﻌﻄﻲ ﻓﻴﻚ ﻓﻲ ﻃﺮﻕ
ﺍﻧﺎ : ﺗﻠﻔﺰﻳﻮﻥ ﻭﻣﺎﻣﺎ ﺍﻟﻠﻪ ﻳﺮﺣﻤﻬﺎ ﻣﺶ ﺷﺎﻃﺮﻩ ﻭﺍﺟﺪ
ﺳﻔﻴﺎﻥ : ﻳﺎﺳﺮ ﺍﻣﺲ ﻗﺎﻟﻲ ﺍﻥ ﺗﻌﺮﻓﻲ ﻃﻴﺒﻲ
ﺍﻧﺎ : ﻫﻬﻬﻬﻬﻪ ﻣﺶ ﻭﺍﺟﺪ ﻭﺍﺟﺪ
ﺳﻔﻴﺎﻥ : ﻋﻠﻤﻴﻬﺎﺍ ﻋﺎﺩ ﺍﻧﺘﻌﺒﻚ
ﺍﻧﺎ : ﺑﻠﻌﻜﺲ ﻋﺎﺩﻱ ﻳﺎﺭﻳﺖ
ﺍﺭﻭﻱ : ﻧﻌﺮﻑ ﺍﻧﻄﻴﺐ ﻳﺎﺑﻴﺒﻲ
ﺳﻔﻴﺎﻥ : ﺗﻌﺮﻓﻲ ﻋﻴﻨﻚ ﻫﻬﻬﻬﻬﻬﻬﻪ
ﺍﻧﺎ : ﺍﺳﻠﻮﺑﻚ ﻛﻴﻒ ﺧﻮﻙ ﻫﻬﻬﻬﻬﻬﻪ
ﺳﻘﻴﺎﻥ : ﺑﺼﻤﻪ ﺷﺮﻑ ﻫﻬﻬﻬﻬﻬﻬﻪ
ﺍﻧﺎ : ﺍﻧﺴﺘﻮﻭ
ﺍﺭﻭﻱ : ﻣﺎﺷﺎﺀﺍﻟﻠﻪ ﺣﻮﺵ ﻳﻬﻬﺒﻞ ﺍﻟﺪﻭﺭ ﺍﻟﺜﺎﻧﻲ ﺍﺳﺘﻘﺒﺎﻝ؟
ﺍﻧﺎ : ﻻ ﺍﺑﺘﺴﺎﻡ ﻓﻮﻕ
ﺍﺭﻭﻱ : ﻣﺜﻘﻞ ﺩﻣﻬﺎ
ﺳﻔﻴﺎﻥ : ﺍﺳﻜﺘﻲ ﺍﻧﺘﻲ
ﺍﺭﻭﻱ : ﺳﻜﺘﺖ ...
ﺳﻔﻴﺎﻥ : ﻧﺎ ﻋﻨﺪﻱ ﻋﻴﺎﺩﻩ ﺗﻮﺍ
ﺍﺭﻭﻱ : ﻣﻄﻮﻟﺶ ﻉ ﻏﺬﺍﺀ؟؟
ﺍﻧﺎ : ﺍﻫﺎ
ﺳﻔﻴﺎﻥ : ﺣﺎﺿﺮﺭ ﺧﻼﺹ ﺍﻭﻙ ﺗﻮﺍ
ﻃﻠﻊ ﺳﻔﻴﺎﻥ ﻭﺧﺸﻴﻨﺎ ﻟﻠﻤﻄﺒﺦ
ﺍﺭﻭﻱ : ﺳﺎﻣﺤﻴﻨﻲ ﻣﺶ ﺣﻨﺴﺎﻋﺪﻙ ﺍﻧﺘﻔﺮﺝ ﺑﺲ ﻧﺎ
ﺍﻧﺎ : ﻫﻬﻬﻬﻬﻬﻪ ﻋﺎﺩﻱ ﻫﻮﺍ ﺳﺎﻫﻞ ﺭﺍ ﺍﺫﺍ ﺗﻮﻓﺮﺕ ﺍﻻﻣﻜﺎﻧﻴﻪ ﻳﻘﻌﺪ ﺳﺎﻫﻞ
ﺍﺭﻭﻱ : ﻧﺤﻨﺎ ﻣﺶ ﻣﺘﻌﻮﺩﺍﺕ ﻳﻌﻨﻲ ﺷﻐﺎﻟﻪ ﻣﻦ ﻧﺤﻨﺎ ﺍﺻﻐﺎﺭ ﻣﻼﺯﻣﺘﻨﺎ
ﺍﺣﻴﺎﻧﺎ ﻣﺎﻣﻲ ﺍﻃﻴﺐ ﻣﺮﻩ ﻣﺮﻩ
ﺍﻧﺎ : ﻛﻨﺖ ﻧﻄﻴﺐ ﺍﻳﺎﻡ ﻣﺎﻣﺎ ﺍﻟﻠﻪ ﻳﺮﺣﻤﻬﺎﺍ ﻣﻌﻠﻤﺘﻨﻲ ﻛﻠﺤﺎﺟﻪ
ﺍﺭﻭﻱ : ﺍﻟﻠﻪ ﻳﺮﺣﻤﻬﺎ
ﺍﻧﺎ : ﺍﻟﻪ ﻳﺮﺣﻤﻬﺎ
ﺍﺭﻭﻱ : ﺑﺼﺮﺍﺣﻪ ﺭﺑﻲ ﻳﻌﻴﻨﻚ ﻣﻦ ﻛﺎﺭﺛﻪ ﻟﻜﺎﺭﺛﻪ ﻭﺧﺘﻤﺘﻬﺎ ﺍﺑﺘﺴﺎﻡ
ﻛﻨﻲ ﻣﻜﺎﻧﻚ ﻧﻘﺘﻞ ﺭﻭﺣﻲ
ﺍﻧﺎ : ﺍﻟﻠﻪ ﻏﺎﻟﺐ ﺗﺒﻲ ﺍﻟﺤﻖ ﺍﻟﺒﻨﺖ ﻛﻮﻳﺴﻪ
ﺍﺭﻭﻱ : ﻫﺬﻧﻪ ﻋﻘﺎﺭﺏ ﺣﺘﻲ ﻧﺎ ﻛﻨﺖ ﻧﺤﺴﺎﺑﻬﻦ ﻛﻮﻳﺴﺎﺕ ﺗﻲ ﺳﻮﺩﻥ ﻋﻴﺸﺘﻲ
ﻳﺸﻔﻄﻦ ﻋﻠﻴﺎﺍ ﺑﺲ ﻧﺎ ﻣﻨﺴﻜﺘﺶ ﻛﻞ ﺣﺎﺟﻪ ﻋﻨﺪ ﺳﻔﻴﺎﻥ ﻭﻫﻮﺍ ﻳﻌﻄﻲ ﻓﻴﻬﻦ
ﻉ ﺭﺍﺳﻬﻦ
ﺍﻧﺎ : ﺭﺑﻲ ﻳﻬﺪﻳﻬﻦ
ﺍﺭﻭﻱ : ﻣﺴﺨﺎﺕ ﻭﺣﻄﻲ ﻣﻌﺎﻫﻦ ﺟﻨﺎﺕ ﻧﺎﻋﻼﺍﻱ ﻛﻔﺮ ﻣﺶ ﻃﺒﻴﻌﻲ
ﺍﻧﺎ : ﻫﻬﻬﻬﻬﻬﻪ ﺑﻠﻌﻜﺲ ﺍﻃﻴﺐ ﻭﺣﺪﻩ ﺟﻨﺎﺕ ﻭﺍﻟﻠﻪ ﺗﻬﺒﻞ ﺑﻜﻞ ﻋﺴﻞ
ﺍﺭﻭﻱ : ﻣﺎﻋﺸﺮﺗﻴﻬﺶ
ﺍﻧﺎ : .......
ﺍﺭﻭﻱ : ﻟﻮ ﻧﺎ ﻣﻜﺎﻧﻚ ﻣﻜﻨﺘﺶ ﻭﺍﻓﻘﺖ ﻳﺮﺩﻫﺎ ﺍﺑﺘﺴﺎﻡ ﻣﻔﺮﻭﺽ ﻋﺪﻳﺘﻲ ﻟﻬﻠﻚ
ﺳﻔﻴﺎﻥ ﺣﻜﺎﻟﻲ ﺍﻥ ﻳﺎﺳﺮ ﻳﺤﺒﻚ ﻳﻌﻨﻲ ﻟﻮ ﺩﺭﺗﻲ ﺍﻃﺮﻭﺡ ﺭﺍ ﻣﺎﺭﺩﻫﺎﺵ
ﺍﻧﺎ : ﻋﻤﺘﻲ ﺗﺒﻲ ﻫﻚ
ﺍﺭﻭﻱ : ﻋﻤﺘﻲ ﺗﺒﻲ ﺗﻔﺸﻚ ﺑﻜﻨﺎﺗﻬﺎ ﻗﺪﺍﻡ ﻧﺎﺱ ﻭﺧﻼﺹ ﻭﺑﻌﺪﻳﻦ ﻫﻴﺎ
ﺑﻼ ﻛﺮﺍﻣﻪ ﻣﻌﻘﻮﻟﻪ ﺑﻌﺪ ﺍﻟﻲ ﺻﺎﺭ ﺭﺩﺕ ﺗﻲ ﻭﺍﻟﻠﻪ ﻛﻨﻲ ﻣﻜﺎﻧﻬﺎ ﻣﺎﻧﺮﺩ
ﺗﻲ ﺷﻨﻮﻭ ﻫﺎﻧﺎﺱ ﻫﺬﻭﻣﻪ ﻭﻋﻌﻊ
ﺍﻧﺎ : ...........
ﺍﺭﻭﻱ : ﻻﻻ ﻭﻻ ﺭﺍﻧﻴﺎ ﺩﺍﻳﺮﻩ ﺭﻭﺣﻬﺎ ﺗﻔﻬﻢ ﻓﻲ ﻣﺎﺭﻛﺎﺕ ﻣﺴﺘﻔﺰﻩ ﺑﻜﻞ
ﺍﻧﺎ : ﻣﺘﺤﺒﻨﺶ ﺑﻜﻞ
ﺍﺭﻭﻱ : ﺑﻨﺎﻗﺺ ﻣﻦ ﺣﺒﻬﺎ ﻣﺘﻔﻜﺮﺵ ﻓﻴﻬﺎ ﻭﺍﺧﻴﺮﺍ ﺑﺘﺰﻭﺝ ﻭﺗﻔﺸﻚ ﻭﻫﻴﺎ ﺍﻟﻠﻲ ﻭﺍﺧﺪﻫﺎ
ﺣﺘﺖ ﻭﺍﺣﺪ ﻓﻲ ﺍﺳﺘﻘﺒﺎﻝ
ﺍﻧﺎ : ﺭﺑﻲ ﻳﻬﺪﻳﻬﺎ
ﺍﺭﻭﻱ : ﻣﺎﻋﻠﻴﻨﺎ ﺍﺣﻜﻴﻠﻲ ﻉ ﻫﻠﻚ ؟؟ ﻭﺍﺣﻜﻴﻠﻲ ﺷﻦ ﺻﺎﺭﻟﻚ ﺯﻣﺎﻥ ﻭﺻﺢ ﻫﺮﺑﺘﻲ؟؟
ﺍﻧﺎ : ( ﺗﻌﻘﺪﺕ ﺑﻜﻞ ) ﻋﻨﺪﻱ 3 ﺧﻮﺕ ﻭﺍﺧﺖ ﻭﺣﺪﻩ
ﺍﺭﻭﻱ : ﺑﺎﻫﻲ ﻟﻴﺶ ﺳﻴﺒﺘﻲ ﻫﻠﻚ؟
ﺍﻧﺎ : ﻣﻨﺤﺒﺶ ﻧﺤﻜﻲ ﻓﻲ ﻣﻮﺿﻮﻉ ﻫﻀﺎ
ﺍﺭﻭﻱ : ﺍﻟﺤﻤﺪﻟﻠﻪ ﺍﻟﻠﻲ ﻃﺤﺘﻲ ﻓﻲ ﻳﺎﺳﺮ ﻣﺘﻔﻬﻢ ﻭﻣﺘﺤﻀﺮ ﻛﺎﻥ ﺣﺪ ﻏﻴﺮﻩ ﺭﺍ ﻓﺎﺗﻚ
ﺑﺲ ﻫﻮﺍ ﺗﻔﻬﻤﻚ ﺭﺑﻲ ﻳﺨﻠﻴﻜﻢ ﻟﺒﻌﻀﻜﻢ ﻭﻳﺒﻌﺪ ﻋﻠﻴﻜﻢ ﺍﺑﺘﺴﺎﻡ
ﺍﻧﺎ : ﻭﺍﻟﻠﻪ ﺍﺑﺘﺴﺎﻡ ﻣﺎﺷﻔﺖ ﻣﻨﻬﺎ ﺍﻻ ﻝ ﺧﻴﺮ ﻭﺍﻟﻠﻲ ﺻﺎﺭﻟﻬﺎ ﻣﺶ ﺷﻮﻳﻪ ﻧﺤﻨﺎ ﺑﻨﺎﺕ
ﻭﺗﻮﺟﻊ ﺍﻟﺤﻖ
ﺍﺭﻭﻱ : ﻗﺎﻟﻲ ﺳﻔﻴﺎﻥ ﺍﻥ ﻫﻮﺍ ﻣﻦ ﺍﻭﻝ ﻣﻴﺤﺒﻬﺎﺵ ﻭﺍﻥ ﻣﻮﺍﻋﺪﻫﺎ ﺑﺸﻲ ﻫﻴﺎ ﺑﺎﺭﺩﻩ
ﻫﻤﺎ ﺑﺎﺭﺩﻳﻦ ﺑﻜﻞ ﺣﺘﻲ ﺍﻣﻬﻢ ﻭﻛﺎﻥ ﺗﺸﻮﻓﻲ ﻭﻟﺪﻫﻢ ﻣﻘﻞ ﺩﻣﻪ ﻧﺎﺵ ﻣﺶ ﻃﺒﻴﻌﻴﻦ
ﺍﻧﺎ : ( ﻗﻠﺒﻲ ﻭﻗﻒ ﺑﻌﺪ ﺟﺎﺑﺖ ﺳﻴﺮﺓ ﻭﻟﺪﻫﻢ )
ﺟﺎ ﻳﺎﺳﺮ ﻭﻛﻤﻠﺖ ﺍﻟﻐﺬﺍ ﻛﻠﻪ ﺑﺮﻭﺣﻲ ﻣﺎﺳﺎﻋﺪﺗﻨﻲ ﺣﺘﻲ ﻓﻲ ﺳﻠﻄﻪ
ﺣﻄﻴﻨﺎ ﺍﻟﻐﺬﺍ
ﻳﺎﺳﺮ : ﺍﺭﻭﻱ ﺳﺎﻋﺪﺗﻚ؟
ﺍﻧﺎ : ﻻ
ﻳﺎﺳﺮ : ﺍﺑﺘﺴﺎﻡ؟
ﺍﻧﺎ : ﻻ
ﻳﺎﺳﺮ : ﺑﺮﻭﺣﻚ ﻛﻠﻪ؟؟؟؟؟ ﺗﻌﺐ ﻋﻠﻴﻚ ﻭﻟﻴﺶ ﺗﻜﺜﺮﻱ ؟؟
ﺍﻧﺎ : ﺍﺳﻜﺖ ﻳﺴﻤﻌﻮﻙ ﻋﺎﺩﻱ ﻣﻔﺶ ﺗﻌﺐ
ﻳﺎﺳﺮ : ﻭﻛﻨﻬﺎ ﺍﻟﻠﻲ ﻓﻮﻕ ﻣﻨﺰﻟﺘﺶ؟
ﺍﻧﺎ : ﺷﻦ ﻋﺮﻓﻨﻲ ﻧﺎ ﺗﻌﺎﻝ ﻫﻨﺎ ﻣﺘﺮﻛﺒﺶ ﺗﻐﺬﺍ ﻗﺒﻞ ﺑﻨﺤﻂ ﻧﺎ
ﻳﺎﺳﺮ : ﺗﻮ ﻧﺸﻮﻓﻬﺎ ﻛﻨﻬﺎ ﺍﺻﻼ ﻗﺎﻟﺖ ﺣﺘﻨﺰﻝ
ﺍﻧﺎ : ﻛﻠﻤﻬﺎ ﻉ ﻏﺬﺍﺍﺀ
ﻳﺎﺳﺮ : ﺗﻮ ﻧﺸﻮﻑ ﺣﻄﻲ ﻉ ﻣﺎﻧﺰﻟﺖ
ﺭﻛﺒﻠﻬﺎ ﻭﻓﺘﺢ ﺑﺎﺏ
ﺍﺑﺘﺴﺎﻡ؟؟؟؟؟؟؟
ﻳﺎﺳﺮ : ﻧﻚ ﻣﺎﻧﺰﻟﺘﻲ؟
ﺍﺑﺘﺴﺎﻡ : ﻣﺮﻳﻀﻪ ﺷﻮﻳﻪ؟؟
ﻳﺎﺳﺮ : ﻛﻨﻚ ؟؟
ﺍﺑﺘﺴﺎﻡ : ﻇﻬﺮﻱ ﻭﺍﺑﺮﺍﺩ
ﻳﺎﺳﺮ : ﻻﺑﺎﺱ ﺑﻪ ﺍﻧﺰﻟﻲ ﺗﻐﺬﻱ ﻟﻮﻃﻪ ﺳﺎﺭﻩ ﺩﺍﻳﺮﻩ ﻏﺬﺍﺍﺀ ﺍﻧﺰﻟﻲ
ﻭﻗﺎﻋﺪ ﺧﻮﻳﺎ ﺳﻔﻴﺎﻥ ﻭﺯﻭﺟﺘﻪ ؟؟ﺍﻧﺰﻟﻲ؟
ﺍﺑﺘﺴﺎﻡ : ﻣﺎﻋﻨﺪﺵ ﻧﻴﻪ ﺗﻌﺒﺎﻧﻪ ﺑﻜﻞ ﺳﻠﻤﻠﻲ ﻋﻠﻴﻬﻢ ﺍﻧﺰﻝ ﺍﻧﺖ
ﻳﺎﺳﺮ : ﻣﺘﺎﻛﺪﻩ؟
ﺍﺑﺘﺴﺎﻡ : ﺍﻫﺎ
ﻳﺎﺳﺮ : ﺑﺮﺍﺣﺘﻚ ﻋﻨﺪﻙ ﺑﻨﺎﺩﻭﻝ؟ ﻣﺴﻜﻦ؟
ﺍﺑﺘﺴﺎﻡ : ﻋﻨﺪﻱ ﺑﻨﺎﺩﻭﻝ ﺗﻮ ﻧﺎﺧﺪﻩ
ﻳﺎﺳﺮ : ﺗﺒﻲ ﺣﺎﺟﻪ؟
ﺍﺑﺘﺴﺎﻡ : ﺍﻧﺰﻝ ﺗﻐﺬﻱ ﺷﻜﺮﺍﺍ
ﻳﺎﺳﺮ : ﺑﻬﺖ ﻭ ﻧﻘﻮﻟﻠﻬﺎ ﺩﺯﻟﻚ ﺗﻤﺎﻡ؟
ﺍﺑﺘﺴﺎﻡ : ﺷﻜﺮﺍ ^^
ﻳﺎﺳﺮ : ﺗﺮﻳﺤﻲ ﺍﻧﺘﻲ
ﻧﺰﻝ ..........
ﻳﺎﺳﺮ : ﺣﻄﻴﻠﻬﺎﺍ ﺳﺎﺭﻩ
ﺍﻧﺎ : ﻭﻛﻨﻬﺎ ﻣﺎﺗﻨﺰﻝ؟
ﻳﺎﺳﺮ : ﻣﺮﻳﻀﻪ؟
ﺍﻧﺎ : ﻛﻨﻬﺎ؟؟
ﻳﺎﺳﺮ : ﺍﺑﺮﺍﺩ ﻗﺎﻟﺖ
ﺍﻧﺎ : ﺍﻣﻢ ﺑﻪ ﺣﺎﺿﺮ ﻫﻴﺎﺍ
ﻳﺎﺳﺮ : ﺣﻄﻲ ﺗﻮ ﻧﺮﻛﺒﻠﻬﺎ ﻧﺎ
ﺍﻧﺎ : ﻻﻻ ﺗﻮ ﻧﺎ ﻧﺮﻛﺒﻠﻬﺎﺍ ﺍﻗﻌﺪ ﻉ ﺻﻔﺮﻩ ﺑﺴﺮﻋﻪ
ﻳﺎﺳﺮ : ﺣﺎﺿﺮ
ﺣﻄﻴﺘﻠﻬﺎ ﻣﻦ ﻛﻞ ﺣﺎﺟﻪ ﻭﺭﻛﺒﺘﻠﻬﺎ ﻭﻳﺎﺭﻳﺘﻨﻲ ﻣﺎﺭﻛﺒﺖ
ﺩﻗﻴﺖ ﺍﻟﺒﺎﺏ ﻓﺘﺤﺖ
ﺍﻧﺎ : ﺍﻫﻠﻴﻦ ؟؟
ﺍﺑﺘﺴﺎﻡ : ﻛﻨﻚ؟
ﺍﻧﺎ : ﺗﻔﻀﻠﻲ
ﺍﺑﺘﺴﺎﻡ : ﺗﻌﺒﺘﻲ ﺭﻭﺣﻚ ﺭﺍ ﻣﻌﻨﺪﺵ ﻧﻴﻪ؟؟
ﺍﻧﺎ : ﺑﻪ ﺫﻭﻗﻲ ﻧﺎ ﻣﺘﺎﻛﺪﻩ ﺑﻌﺪ ﺗﺒﺪﻱ ﺗﺎﻛﻠﻲ ﻳﻌﺠﺒﻚ ﻭﺗﻨﻔﺘﺢ ﻧﻴﺘﻚ
ﻋﺎﺭﻓﻪ ﺍﻥ ﺍﻥ ﺍﻟﻤﺮﺽ ﻭﻳﺴﺪ ﺍﻟﻨﻴﻪ ﻭﻋﺎﺭﻓﻪ ﺍﻥ ...
ﺍﺑﺘﺴﺎﻡ : ( ﻗﺎﻃﻌﺘﻨﻲ ) ﺧﻼﺹ ﻫﺎﺗﻲ
ﻭﺻﻜﺮﺕ ﺍﻟﺒﺎﺏ ﻓﻲ ﻭﺟﻲ
؟؟؟؟؟؟؟؟؟؟؟
ﻧﺰﻟﺖ ﻭﺍﺿﺎﻳﻘﺖ ﻟﻴﺶ ﻧﺮﻛﺐ ﺍﺻﻼ؟؟؟ﻧﺴﺘﺎﻫﻠﻬﺎ
ﺗﻐﺬﻳﻨﺎﺍ ﻣﻊ ﺑﻌﻀﻨﺎﺍ
ﻭﺭﻗﺎﻟﻲ ﻣﻦ ﺗﺼﺮﻓﻬﺎﺍ ﺍﻣﺲ ﺧﻮﻫﺎ ﻭﺍﻟﻴﻮﻡ ﻫﻴﺎ ﺑﺠﺪ ﻣﺶ ﻣﻌﻴﺸﻪ ﻫﺬﻱ
ﺭﻭﺣﻮ ﻣﻨﻪ ﻓﻲ ﻟﻴﻞ
ﻭﻳﺎﺳﺮ ﻳﻮﺗﻲ ﻓﻲ ﺷﻨﻄﺘﻪ ﻭﻧﺎ ﺧﺎﺍﻳﻔﻪ
ﺍﻧﺎ : ﺍﻧﻌﺪﻱ ﻣﻌﺎﻙ؟؟
ﻳﺎﺳﺮ : ﻻ
ﺍﻧﺎ : ﺑﺎﻫﻲ ﺑﺎﻫﻲ ﻋﺸﺎﻥ ﺧﺎﻃﺮﻱ؟
ﻳﺎﺳﺮ : ﺑﻄﻠﻲ ﺩﻟﻊ ﻣﺶ ﺣﻨﺸﻴﻠﻚ
ﺍﻧﺎ : ﻭﻋﻠﻴﺶ ﻗﺒﻞ ﻣﺮﺍﺕ ﺗﺸﻴﻞ ﻓﻴﺎ؟
ﻳﺎﺳﺮ : ﻗﺒﻞ ﻻﻛﻦ ﺗﻮ ﻻ
ﺍﻧﺎ : ﻋﺸﺎﻥ ﺍﺑﺘﺴﺎﻡ ﻣﺶ ﺻﺎﺡ؟
ﻳﺎﺳﺮ : ﺍﻛﻴﺪ ﻳﻌﻨﻲ ﻧﺸﻴﻠﻚ ﻭﻧﺨﻠﻴﻬﺎ ﺳﺎﺩ ﺍﻧﻚ ﺧﺪﻳﺘﻲ ﻳﻮﻣﻬﺎ
ﺍﻧﺎ : ﻣﺨﺪﻳﺘﺶ ﻳﻮﻣﻬﺎ ﺍﻟﻠﻪ ﻏﺎﻟﺐ ﻫﻠﻚ ﺍﻟﻠﻲ ﺟﻮ ﻣﺶ ﻫﻠﻲ؟؟
ﻳﺎﺳﺮ : ﺍﻟﻠﻲ ﻫﻮﺍ
ﺍﻧﺎ : ﻭﻗﻒ ﻭﺑﺤﺖ ﻓﻴﺎ
ﻳﺎﺳﺮ : ﻣﺸﻲ ﻣﻌﺎﻳﻪ ﻻ
ﺍﻧﺎ : ﺧﺎﻳﻔﻪ ﻧﺎ
ﻳﺎﺳﺮ : ( ﻳﺮﺗﺐ ﻓﻲ ﺷﻨﻄﻪ ) ﻗﻌﺪﺗﻲ ﻋﺴﻞ ﻭﺷﺎﻃﺮﻩ ﻭﺗﻌﺮﻓﻲ ﺗﻔﻜﺮﻱ ﻭﺗﻘﻬﺮﻱ ﺫﺭﺗﻚ
ﻳﻌﻨﻲ ﻣﻴﻨﺨﺎﻓﺶ ﻋﻠﻴﻚ
ﺍﻧﺎ : ﻧﺤﻜﻲ ﺟﺪ ﻧﺎ
ﻳﺎﺳﺮ : ﻫﻬﻬﻬﻬﻬﻬﻬﻪ
ﺍﻧﺎ : ﻋﻠﻴﺶ ﺗﻀﺤﻚ؟
ﻳﺎﺳﺮ : ﺑﻄﻠﻲ ﺳﻜﻨﺎﻥ
ﺍﻧﺎ : ﺑﻪ ﺣﻄﻨﻲ ﻋﻨﺪ ﺍﺑﺘﺴﺎﻡ؟
ﻳﺎﺳﺮ : ﺯﻣﺎﻥ ﻧﺤﻂ ﻓﻴﻚ ﻋﻨﺪﻫﺎ ﻋﺸﺎﻥ ﻗﺎﻋﺪﻩ ﺑﺮﻭﺣﻚ ﺑﺲ ﺗﻮﺍ ﻣﻌﺎﻙ ﺍﺑﺘﺴﺎﻡ
ﺍﻧﺎ : ﺧﺎﻳﻔﻪ ﻭﻗﻠﺒﻲ ﻳﺪﻕ ﻭﺍﻟﻠﻪ ﻣﺮﻋﺒﻪ
ﻳﺎﺳﺮ : ﺿﺮﻭﺭﻱ ﻣﺎﺗﻌﻮﺩﻱ
ﺍﻧﺎ : ﺣﺮﺍﻡ ﻋﻠﻴﻚ ؟؟
ﻳﺎﺳﺮ : ﺣﺒﻴﺒﻲ ﺧﻼﺹ ﺻﺪﺍﻉ ﺭﺍ ﻧﺮﻛﺐ ﻧﺮﻗﺪ ﻓﻮﻕ
ﺍﻧﺎ : ﻗﺼﺪﻙ ﺑﺘﺮﻗﺪ ﻫﻨﺎ؟؟
ﻳﺎﺳﺮ : ﻗﺘﻠﻬﺎ ﺍﻧﻲ ﺑﻨﻌﺪﻱ 1 ﻓﻲ ﻟﻴﻞ
ﺍﻧﺎ : ﻭﺍﻧﺖ ﺍﻣﺘﻲ ﺍﺷﻲ ???
ﻳﺎﺳﺮ : 7 ﺍﻟﺼﺒﺢ
ﺍﻧﺎ : ﻭﻛﻢ ﺑﺘﻘﻌﺪ ﻏﺎﺩﻱ؟؟؟
ﻳﺎﺳﺮ : ﺍﺳﺒﻮﻉ ﻭﻧﺮﻭﺡ
ﺍﻧﺎ : ﻭﺍﺍﺍﺍﺍﺍﺍﺍﺍﺍﺍﺍﺍﺝﺩ ﺣﺮﺍﻡ ﻋﻠﻴﻚ
ﻳﺎﺳﺮ : ﺍﻻﻳﺎﻡ ﻏﻴﺮ ﺟﺮﻱ ﺷﻮﻳﻪ ﻭﺗﻠﻘﻴﻨﻲ ﻗﺪﺍﻣﻚ
ﺍﻧﺎ : ( ﻧﺒﻜﻲ )
ﻳﺎﺳﺮ : ﺳﺎﺭﻩ ﺗﻲ ﻛﻨﻚ
ﺍﻧﺎ : ( ﻧﺒﻜﻲ ) ﺣﻄﻨﻲ ﻋﻨﺪ ﻫﻠﻲ؟
ﻳﺎﺳﺮ : ﻭﺍﺑﺘﺴﺎﻡ؟؟ﺗﻘﻌﺪ ﺑﺮﻭﺣﻬﺎ؟
ﺍﻧﺎ : ﺣﻄﻬﺎ ﻋﻨﺪ ﻫﻠﻬﺎ
ﻳﺎﺳﺮ : ﻋﻴﺐ ﺍﻟﺒﻨﺖ ﻟﻬﺎ 3 ﺍﻳﺎﻡ ﺑﺲ ﻫﻨﺎ
ﺍﻧﺎ : ﻭﺍﻧﺖ ﻛﻨﻚ ﺗﻔﻜﺮ ﻓﻴﻬﺎ ﺍﺑﺘﺴﺎﻡ ﺍﺑﺘﺴﺎﻡ ﻣﺰﻃﺘﻨﻲ
ﻳﺎﺳﺮ : ﺗﻐﻴﺮﻱ ﻋﻠﻴﺎ؟
ﺍﻧﺎ : ﺑﺠﺪ ﻣﺶ ﻭﻗﺘﻚ
ﻳﺎﺳﺮ : ﺑﻨﺎﻓﺮ ﻭﻣﻨﺶ ﺷﺎﻳﻠﻚ ﺍﻗﻌﺪﻱ ﺑﺮﻭﺣﻚ ﻛﻴﻒ ﺍﻟﻐﻮﻟﻪ
ﺍﻧﺎ : ﻏﻮﻟﻪ ﻋﻴﻨﻚ ... ﺗﻮ ﺗﻨﺪﻡ ﻋﻠﻴﻬﺎ ﺗﻮ ﺗﺮﻭﺡ ﻭﺗﻘﻮﻟﻲ ﺳﺮﺳﻮﺭﺗﻲ ﺩﻭﺭ ﻣﻦ ﻳﺮﺩ
ﻋﻠﻴﻚ
ﻳﺎﺳﺮ : ﻳﺎﺳﺮ ﺷﻴﻠﻨﻲ ﻣﻌﺎﻙ ﻋﺸﺎﻥ ﺧﺎﻃﺮﻱ ( ﺑﺼﻮﺗﻲ ﻃﺒﻌﺎ )
ﺍﻧﺎ : ﻣﻦ ﺗﻮﺍ ﺗﻌﺎﻳﺮ ﻓﻴﺎ؟؟؟؟؟؟؟؟ ﻗﻄﻴﻌﻪ
ﻳﺎﺳﺮ : ﻫﻬﻬﻬﻬﻬﻪ ﻳﺎﺳﺮ ﺷﻴﻠﻨﻲ ﻣﻌﺎﻙ ﺍﻧﺨﺎﻑ
ﺍﻧﺎ : ﺧﻼﺹ ﺛﻘﺎﻟﻪ
ﻳﺎﺳﺮ : ﻳﺎﺳﺮ ﺷﻴﻠﻨﻲ ﺍﻧﺨﺎﻑ ﻣﻨﻘﺪﺭﺵ ﻧﻘﻌﺪ ﺑﺮﻭﺣﻲ
ﺍﻧﺎ : ﻳﺎﺭﺑﻲ ؟؟؟
ﻳﺎﺳﺮ : ﺳﺎﺭﻩ ﺗﻌﻮﺩﻱ ﺗﻘﻌﺪﻱ ﻓﻲ ﺣﻮﺵ ﻭﺍﻭﻝ ﻣﺎﻧﺮﻭﺡ ﺑﻨﺸﻮﻓﻮ ﺩﻛﺘﻮﺭ
ﻳﻌﻨﻲ ﻋﺸﺎﻥ ﺍﻟﺤﻤﻞ ﺍﻗﻞ ﺣﺎﺟﻪ ﺗﺤﺼﻠﻲ ﻋﻴﻞ ﻧﻔﺘﻜﻪ ﻣﻨﻚ ﻭﻣﻦ ﻧﻖ ﻣﺘﺎﻋﻚ
ﺍﻧﺎ : ﺍﻓﻔﻒ ﻣﻨﻚ ﺑﺎﺍﺭﺩ ﺑﻜﻞ ﺑﺮﻭﻭﺩ ﺭﺍﻛﺒﻚ ﻣﺶ ﻃﺒﻴﻌﻲ؟؟ :>(
ﻳﺎﺳﺮ : ﺗﺮﺍﻳﻔﻲ ﻋﻠﻴﺎ ﺻﺎﺡ؟
ﺍﻧﺎ : ﻻ ﺍﺑﺪﺍﺍ ﻣﻼ ﻓﻜﻪ
ﻃﺒﻌﺎ ﻗﻌﺪ ﻋﻨﺪﻱ ﻭﻣﻔﺮﻭﺽ ﺍﻥ ﻳﺮﻛﺐ ﻻﺑﺘﺴﺎﻡ
ﺑﺲ ﺍﻟﻤﺮﻩ ﻫﺬﻱ ﻣﺶ ﻧﺎ ﺍﻟﻠﻲ ﺟﺒﺮﺗﻪ
ﻭﻫﻲ ﺗﺮﻗﺎﺏ ﻓﻴﻨﺎ ﻭﻋﺮﻓﺖ ﺍﻥ ﻳﺎﺳﺮ ﻣﻄﻠﻌﺶ 1
ﻭﻋﺮﻓﺖ ﺍﻥ ﻗﻌﺪ ﻋﻨﺪﻱ ﻭﺯﺍﺩﺕ ﺣﻘﺪﺕ ﻋﻠﻴﺎﺍ
ﻃﻠﻊ ﻳﺎﺳﺮ ﻉ ﻓﺠﺮ ﻃﺒﻌﺎ ﻧﺒﻜﻲ
ﻫﻮﺍ ﺑﺮﻭﺣﻪ ﺗﺎﺛﺮ :
ﻳﺎﺳﺮ : ﺗﻮ ﻛﻞ ﻣﺎﻧﺴﺎﻓﺮ ﺑﺪﻳﺮﻱ ﻫﻜﻲ؟؟ﻣﻮﺿﻮﻉ ﺭﺍ
ﺍﻧﺎ : ( ﻧﺒﻜﻲ ) ﺧﺎﺍﺍﻳﻔﻪ
ﻳﺎﺳﺮ : ﺷﻦ ﺑﻴﺼﻴﺮﻟﻚ ﻣﺜﻼﺍ؟؟ ﺻﻜﺮﻱ ﺍﻟﺒﺎﺏ ﺑﻠﻤﻔﺎﺗﻴﺢ
ﺗﺮﺍﻳﻔﻲ ﻉ ﻫﻠﻚ ﺧﻠﻲ ﺑﺎﺗﻚ ﻳﺠﻲ ﻳﺎﺧﺪﻙ ﺑﺲ ﺑﻌﺪﻫﺎ ﺭﺩﻱ
ﺍﻧﺎ : ( ﻧﺒﻜﻲ ) ﻣﻄﻮﻭﻟﺶ؟؟؟؟؟؟
ﻳﺎﺳﺮ : ﺣﺎﺿﺮ ﻳﺎﻗﻠﺒﻲ
ﺣﻀﻨﺘﻪ ﻭﻃﻠﻊ
ﺻﻜﺮﺕ ﺍﻟﺒﺎﺏ ﻭﺧﺸﻴﺖ ﻟﻠﺪﺍﺭ ﻭﻧﺒﻜﻲ ﺑﻌﺒﺮﺗﻲ
ﺧﺎﺍﺍﻳﻔﻪ ﻣﻦ ﺭﺍﻓﻊ ﻭﻣﻘﺪﺭﺗﺶ ﻧﻘﻮﻟﻪ
ﻗﻠﺒﻲ ﺑﻴﻮﻗﻒ ﻣﻦ ﺍﻟﺨﻮﻑ ﻟﺪﺭﺟﺔ ﻣﻘﺪﺭﺗﺶ ﻧﺮﻗﺪ ﺍﻻ 9 ﻓﻲ ﺻﺒﺢ
ﻭﺛﺎﻧﻲ ﻳﻮﻡ ﻧﺰﻟﺖ ﺍﺑﺘﺴﺎﻡ ﻓﻲ ﻋﺸﻴﻪ ﺳﻤﻌﺖ ﺻﻮﺕ ﻫﺮﺟﻪ
ﺭﺍﻓﻊ : ﻫﻴﺎ ﻭﺍﻧﺘﻲ ﺗﻤﺮﺧﻲ؟؟
ﺍﺑﺘﺴﺎﻡ : ﻣﺶ ﻋﺎﺭﻑ ﻟﻴﺶ ﺍﺻﺮﻳﺖ ﺍﻥ ﻧﺠﻴﻜﻢ ﺍﻟﻴﻮﻡ
ﺭﺍﻓﻊ : ﻣﺘﺒﺶ ﺍﺗﺸﻮﻓﻲ ﻫﻠﻚ ؟؟ﻭﻻ ﺷﻨﻮ ﺗﻲ ﻫﻴﺎﺍ ﺍﻧﻌﻨﺠﺪ ﻭﺟﻚ
ﺍﺑﺘﺴﺎﻡ : ﻫﻴﺎ ﻃﺎﻟﻌﻪ
ﻃﻠﻌﺖ ﺧﻔﺖ ﻭﻣﻌﺮﻓﺘﺶ ﺷﻦ ﻧﺪﻳﺮ ﻭﻳﺎﺳﺮ ﻗﺎﻟﻲ ﻣﺘﻄﻠﻌﺶ
ﺍﻓﻔﻒ ﻛﺎﻥ ﺟﻮﻭ ﺻﻘﻊ ﻭﻣﻄﺮﺭ ﻣﻘﺪﺭﺗﺶ ﻧﻘﻮﻝ ﻟﺒﺎﺑﺎ ﺗﻌﺎﻟﻲ
ﺧﻔﺖ ﻳﻤﺮﺽ
ﺻﻜﺮﺕ ﺍﻟﺒﺎﺏ ﺑﻠﻤﻔﺎﺗﻴﺢ
ﺭﻛﺒﻮ ﻓﻲ ﺳﻴﺎﺭﻩ؟؟
ﺭﺍﻓﻊ : ﻫﺎﺗﻲ ﻣﻔﺎﺗﻴﺢ ﺣﻮﺷﻚ؟
ﺍﺑﺘﺴﺎﻡ : ﻭﻋﻠﻴﺶ ﺍﻥ ﺷﺎﺀﺍﻟﻠﻪ؟؟
ﺭﺍﻓﻊ : ﻫﺎﺗﻲ ﺭﺍ ﺍﻧﺨﺮﺑﻠﻚ ﻭﺝ ﻭﻣﻌﺶ ﺗﺠﺎﻟﻄﻲ؟؟
ﺍﺑﺘﺴﺎﻡ : ﻫﺎﻙ ﺍﺳﻤﻊ 10 ﻧﻘﻌﺪ ﻓﻲ ﺣﻮﺷﻲ؟؟ ﻳﺎﺳﺮ ﻗﺎﻝ ﻣﺘﻄﻠﻌﻨﺶ
ﺭﺍﻓﻊ : ﺩﺍﻳﺮ ﺭﻭﺣﻪ ﺭﺍﺟﻞ ﻣﺴﺦ
ﺍﺑﺘﺴﺎﻡ : ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﻛﺎﻥ ﺍﻟﺴﺎﻋﻪ 6:00 ﻡ
ﺣﻄﻬﺎﺍ ﻓﻲ ﺣﻮﺵ ﻫﻠﻪ ﻭ
.............. ﻱﺗﺒﻊ
