بعد ألخذلان

١٢

..شفت عيونه لمعت تنهد وجاوبني

..اتقبل اكيد واذا قبل بس رايدچ هسه مصر عليچ
الي بيه مو اقل من البيچ خلينه نوعد نفسنه واحد يعوض الثاني ويكمله

..دنگت بدون مااجاوب شربت شويه من العصير الي طلبه النه وبعدها متكلمت ولا حرف گال يلله مااريد اخركم
باجر ان شاءالله اهلي يمكم يجون الخالتج او الامج انتي شتحبين اتفقي وي ايام وياريت تنطيها رقمج

أيام..اصلا رقمها يمي من زمان ..شفت بلسم نظرتلي نظرة تحذير ويونس باوعلها وابتسم كمل كلامه المهم نتفق وان شاءالله خير

بلسم..بقه عندي استفسار مهم

..شنوو الي بالچ گولي واستفسري براحتج

..انت تصلي ؟

..رفعت حاجبي بتعجب من السؤال حكيت لحيتي وجاوبتها ..الصراحه اصلي بس مو باوقاتها ومرات اترك مثلا بيوم تصير عندي طلعه بوقت المغرب اذا مصليتها بوقتها اتركها واذا بالبيت لا اصليها بس مرات اتاخر يعني مو ملتزم

..المهم اتصلي هذا هوو الباقي بينك وبين ربك بس اتذكر الصلاة موعد اللقاء بينك وبين ربك وحضر نفسك على هالاساس ..اني سألتك لأن يهمني هالشي

..ان شاءالله جاوبتها وظليت افكر  .هالبنت شخصيتها كلش عجبتني من وصلت كنت مرتبك واحاول احضر كلام بس من شفتها واثقه وقوية ماحسيت اكو مشكله وزاد اصراري وحته ثقتي بنفسي تعززت

وصلتهن للكليه ورجعت للدوام واني افكر بيها وبكلامها وبالحياة العاشتها هانت عليه نفسي وجروحي اني ضايج من خذلان حبيبه كيف بخذلان الاهل اخذت عهد على نفسي مااخذلها ابد مهما كانت الظروف

ايام..
خلصت الوقت بالدوام واني فرحانه وافكر بردة فعل الوالده واختها وبنتها اويلي اويلي اليوم بس الله يستر
رجعت من الدوام تعبانه ودايخه بدلت ونمت بدون مااكل
كعدت العصر على نغمة فوني اكثر من مره يرن
فتحت عين ومغمضه عين شفته يزن
جاوبت واني منعسه كلش واحس مشبعانه نوم

..الووو

..ياهلا

..هلاو بيك يزن من زمان تتصل جنت نايمه

..هوه من صوتج مبينه نايمه فديت هالصوت وصاحبته بس حبيبي مناسيه شي يعني

..مثل شنوو ؟

..هاا ..مثل شنوو ؟

لج ابجي اگوول ميوو ..بربچ خطبه جايين نخطبچ نايمه للعصر

..هاا تخطبوني اني يعني مو ناصب عليه طفرت من جربايتي انت مو كلت يونس عرف طلع ميعرف شي محاجاني كلت ناصب عليه وحته خطوبته هم نصبه

..اي موو اني فارغ التفاهاتج واكعد انصب عليج بهالشغله .. تنفست بقوه ونفخت الهوه هدأت من تذكرتهه الحبيبه ..ياروحي كعدي عيني مارايد تسوين شي ولتحضرين بس شعرج لمي يرحم ابوج الطييب خو مو من البدايه اخترع خليها وره الزواج عمري