بعد ألخذلان

١٣

دخلت امي للبيت وابويه موجود من شافنه رفع راسه كان يقرأ ادعيه بمفاتيح الجنان سلمت وفتت ايام وامي وياي فاتن للبيت

..هلا يابه بشروو

..الحمدلله يابه ..خل اخوها يجي تحاجي واني هم احاجي ويرجعون الجواب ويصير خير

..ان.شاءالله خير ..ام.حسام شلونها البنيه

..عوجت حلگي عشتوو ابنيه ..وين اكو ابنيه اهلها طارديها لا وفوگ كل هذا مخطوبه مدري متزوجه ومنفصله

يونس..يوووم حجي متعرفي لتحجين بي البنيه اعرف عنها كلشي فاسخه خطوبه وراضي بيها اني هم مطلق واذا فاسخه

..الله اليعلم بالبلاوي البيها اكوو وحده تفسخ بعد خمس سنين من خطوبتها وعقدها اكيد اكوو شي صاير

..يابه اني رايح خل امي تكمل كلامها واني افهمك

..تعال يابه شنو السالفه غير افهم انت محجيت شي واني واثق منك ومن اختيارك لتفشلني

..تنهدت يابه ثقتك بمحلها البنت وهيه صغيره رايحين يشترون ودافعه اخوها بدون قصد مدعوم ومييت وامها من ذاك اليوم مارادتها ربتها خالتها ولان كبرت ابيت جدها عاقد عليها ابن خالها بس حته ميصير كلام وهوه متدين ع اساس وميريد شوفتها الا تحل عليه بعدها عاملها معاملة اخت واتزوج وخلف وهيه على ذمته من كبرت قبل سنتين وصارت تفتهم فسخت الخطوبه وهاي القصه كلها

..انت واثق هذا السبب قصتها عجيبه متوازي عليها يابه شوف غيرها خاف اتعبك

..لا يابه ششوف واثق وعرفتها صار فتره ماعليها اي كلام من تشوفها تعجبك والله..يابه هذا اختياري ياريت تحترمون قراري

..هذا هوو ابني شأريد اني اريد راحتك وبس.. الله يقدملك البي خير..تعرف اني مو بهالسهوله اقتنع بس انت عندي غير وواثق منك هم

حاجته امي بنتر

..انت بس بعنادي تمشي لو اني كايله زينه وتستاهل جان كلت شوف غيرها بس انت كله ضدي تمشي
هز ابويه ايده بقهر وحاجاها بحزم

..عيب يامره كبرتي وبعدج مافاهمتني ولدج فهموني وفهمتهم وانتي محد فاهمج شنو الترديه حته ترضين وتحسين نفسج راضيه اشو معززه مكرمه ابيتج محترمج ومقدرج شنو تقصيري وياج عيب هالكلام گدام ولدج ولو همه حفظوج الكلام ضايع وياج اصلا

..انت لو صدگ تحترمني جان قبلت هيام ترجع مو تكلي حته لو ماخطب لتجيبيله سيرتها وتقنعي

بعد امي جاي تحجي واني اريد اصعد درت على ابويه من صاح

..انتي متملين متعبين تردين ترحين الاختج وبتها روحي شبيج انتي ذابحه نفسج همه الغلطوو بحق ولدج مو احنه مهتمه الأختج وولدها اكثر روحي گعدي يمها بالبدايه سايرتج.عبالي اكو بقلبه حب الها وكلت خاف يخسرها بعناده من شفته رافض نهائيا هذا هوو بعد عاجبج ابقي معاجبج ولي يمهن روحي