بعد ألخذلان

٢٨ الأخير

مرحبا حبايبي البارت الاخير عاند وياي مرتين ينحذف وارجع اكتبه مااعرف ليش

المهم اتمنى كدرت اتوفق بيها واوصلها بالصوره الصحيحه اتمنى استفاديتوو واخذتوو العبر

البارت بدون مراجعه ولا سطر منه راجعته يعني مليان عبوات مو سحكات ههههه
لان تعبت من اعادته كل بارت الفين و ٧٠٠ كلمه يرحن مني ليش
ع عناد الراحن كتبت ٣٩١٩ كلمه
............

‏-وماذا عن قلب أيقن خيراً بربه ؟
‏أولئك لا خوف عليهم ولا هم يحزنون ❤️

.......

يونس..

بوقت ولادة بلسم صابني خوف مو طبيعي وي شعوري احساس بالذنب رغم اني مو متقصد أذيها بالعكس اني ردت ابعدها حته لتضوج
ردت انفرد وي نفسي اذكر اوجاعي اكو ذكريات صعب احذفها من ذاكرتي وصعب اتعايش وياها ابرود واكتم احساسي
بلسم حبها بقلبي بس الله يعلم بي ممتندم على خطوتي
بالزواج منها ولا لحظه بالعكس دائما اكلها انتي هدية الي من ربي وفعلا هذا احساسي وياها

الي صار وياي ذكريات الطفوله وشباب فراق وقطع صلة ارحام مو بس طلاق وخلص
جروح بروحي متنشل ابد مهما كان ومهما عشت ايام حلوه من حياتي يبقن الام ذيج الايام بيه وكل موقف يذكرني بيهن
بسبب الي صار شخص غالي عليه سجاد اخ وصديق فجأه انقطع كلشي بيناتنه وصارت قطيعه الحد الي استشهد بي الهسه متندم لأن مرديت ع اتصاله
هواي امور تذكرتها بساعتها كلشي حلو بذاك الزمن جان مرتبط بيهم اولاد عمي اتمنيت مصاير كلشي من ذاك
صح هيه الخسرتني بس اني اخسرت من صحتي هواي صح اتجاوزت كلشي بس ردت اصارح نفسي واحرگ كلشي واحرگ ذاكرتي وياها
هيه انانيه وبقت الاخر يوم تتصرف بانانيه الي صار اني اعتقدت بعدت بلسم عن همومي يمكن.لو شاكيلها وحاچيلها البيه بطريقه معينه جان تقبلت مني ممكن اشكيلها بطريقه خاصه اطلب منها تستوعبني وتبعدني عن حزني جان كدرت تسعدني وجان متألمت هيه
اكدت عليها تبقى يم اهلها يمكن تاكيدي اثار فضولها اكثر
لو باقيه ابيت اخوها مصار كل هذا جان.جنبتني وجنبت نفسها هذا الشعور

دخلت مستشفى وحاولو وياها ع الولاده الي متعرفه هيه وضعي اصعب من وضعها توتر وخوف وقلق رهيب زائد شعور بالذنب هالشعور هواي يزعجني اتحمل كلشي ولا اتحمله خاص لان هالشعور اتجاهه بالذات
لو تعرف البيه بوقتها جان عرفت غلاها عندي وانو اني مااقارنها  بوحده ولا خايف ع احد بكدها
حسيت باحساس صعب شرحه 
خوف من فقدان نعمتي خاف يصير شي للطفل وحته هيه تكرهني خوفي ان تتركني وارجع اذوق الخذلان بطعم اكثر مراره

بلغوني يسوولها عمليه
شوفتي الها بعيونها الرهبه ..والقهر الي ذبل عيونها
ظليت ادعي ربي يسلمها الي وكلشي مااريد
الدقيقه تمر عليه بسنه
بيوم الدخلنه خابرت يزن وبلغته واجتني عمتي ام يزن ماردت امي تجي وكلت الابويه عمتي اجت ..
ماردتها لان اريد اتاكد انو هيه مالها علاقه بالجنطه اذا الها علاقه هالمره صدگ ازعل واتصرف غير تصرف وياها ومحد يلومني بعد