بعد ألخذلان

٢١

طبعا ع الاساس موعدكم باجر مو اليوم
بس شنو كتبت بارت بس ١٤٠٠ كلمه يعني تصبيره واذا ماعندي شي اكمله بالليل نزلته الكم هسه لان حسيتكم متشوقين وراح انشغل بتدريس ابني هالساعتين لذلك ماعدلت الي تعد السحكات خلي تغلس ولو ادري متكدرن بس حاولن 😂😂

أيام..

بعد زواجي كلش حلوه حياتي مرتاحه ويزن ابد ممقصر وياي بس شنوو حسرة عليه النومه بالليل اسهر وياه وهوه غير قابليه عنده عادي يسهر ويروح الدوامه ولاعبالك
وعمتي الا تكعدني من وقت عادي عدها اذا رجعت انام بس مشكلتي من اكعد واني ممكتفيه نوم يلزمني وجع راس مو طبيعي حاجيتها اكثر من مره كتلها عمه اني متعوده اشتغل حتلو الشغل كله اشتغله بس ع راحتي خليني اشبع نوم ع الاقل ايام العطل
گالتلي عمه اني متعوده اكمل شغلي من وكت ويجني جاراتي يتونسن يمي مرات بنات عمي يعرفن محد موجوده يمي اريد يفوتون يلكون كلشي كامل
اذا تردين شيلي ايدج نهائيا اني اكمل الشغل اني هم ممتعوده ع خدمه ومالازم اني اخدم بيتي
بس حسيتها ضاجت ويزن يتخبل عليها ويوصي ع الشغل هوه يكعدني وياه يكلي ع السريع كملي شغلج مطولين ساعه هوه شنو عندج مسح وغسل الكراج والمواعين غده وخبز امي تعجن وتخبز وتطبخ بعد شباقي لتخلينها هيه تكمل وحدها

جنت اگعد غصبا عليه يزن يكعدني ويطلع وبالعطله يكعدني ويكلي كملي وحضني ينتضرج
حيل ضجت ومن رحت الاهلي بلسم تكلي عادي بس زوجات اخويه مقبلن كالن مو من حقها وانتي شدعوه هيج مستسلمه واذا هوه سحب امه ميجبرج تخدميها
المهم رجعت ضايجه كلش من وضعي
فتت الغرفتي بعد ماسلمت ع عمتي
يزن بقى يمهه لازم اشوف حل شلون خل استخدم السياسه واحاول اخلي يحاجيها تتركني
رحت رتبت نفسي ولبست ثوب طويل ضييگ بس فتحاته فوق الركبه
خليت مكياج وضبطته خليت عطور وشغلت الشموع
وشغلت اغاني شديت وصله وي فتحة الباب سويت نفسي ارگص من زمان وممنتبهه رگصت رگص شرقي
قفل الباب كتف ايديه وخله رجله ع الباب ثناها استند عليها
..رفع حاجبه مبتسم استمريت بالرقص والحركات اتقدملي وگف يابوع ويتفحص كل مكان بجسمي
صاح

..اووويلي اووويلي اشتعل يزن بهذي الليله شنو هاالامكانيه العندج الي ماادري بيها عندج مواهب مدفونه ههههه.

راد يلزمني ابتعدت عنه صعدت ع الجربايه مستمره بحركاتي
اشرلي بيده

..تعالي حبي لتختلين تاليتج يمي انني شكوو هالحركات نزلي من الجربايه لا اكسرها الليله ههههه

..حركت حواجبي بالرفض كتله متحصلني الا بشرط

..اذا اگدر عليه اعتبري يتنفذ

..اصلا هوه بأيدك

..تعالي ياعمري اعتبري اتنفذ بس قربي عليه

..حركتله حاجبي تتتتوه تتتوه
اريد انزل حسيته وراي سحبني عليه حسيت ضهري بصدره نصه راسه على رقبتي رفع شعري وشمها قبلها بهدوء
بعدها همس بذني