بعد ألخذلان

٢٤

طبعا البارحه كتبت البارت وطويل اكثر من ٢٦٠٠ كلمه
وفجأه انحذف من قهري غلقت الفون ونمت وهذا كعدت الصبح من وقت كتبته
بالنسبه للبنات الي يكتبن
يله ملينه وينج يمعوده تره تعبنه
تره اني اول مره اشوفكم تعلقون همزين التأخير خلاكم تظهرون

أيام..

فات يونس الظاهر سامع قليل من كلامنه سأل باستغراب

..شنو شأعرف وياأستاذ هذا

حيل اتلبكت وامي هم ظلت اعيونه ادوور

..شنو الموضوع شبيكم

جاوبته اريد اخلص وخايفه من ردة فعله والمصيبه اجت بلسم صدفه شافته واگف وگفت وراه وتأشرلي شكوو لأن مبينين مرتبكين وهوه لح ع سؤاله
گتله

..ماكو شي بس هذا ..هيام بت عموو خاطبها الاستاذ الي وياك استاذ الرياضيات نسيت اسمه

..اي؟

..أي ويعني اليوم المشيه مالتها

..بيها الخير ..درت ع امي ومشيتها هنا انشاءالله من بيتنه باعتباركم عمامها وماعدها احد ...حجيتها باستهزاء

..لا لا ابوك مقبل وكلهم خل يمشون ابيت عمها ابو عمار

..الله يتمم سويت نفسي مامهتم
بس
اكذب اذا اگول ماضجت واكذب اذا اگول عندي كلشي عادي بس ادري بنفسي مستحيل اتقبلها والبيه يحن للماضي وبس والدليل من جانت تجي وتتوسلني بنظراتها وتصرفاتها تلعب نفسي منها
بس الي ضوجني الهسه تريد تغثني والدليل وافقت عليه بس لأن يداوم وياي رجال جبير مو يمها اصلا حوبتي خلتها تتخبط ومتعرف شلون تصرف المغروره ام البرستيج الظاهر گام يسمحلها ابرستيجها تتنازل وتقدم هواي تنازلات واولهن تنفذ اكثر شي تكرها الزواج من شخص يكبرها بالعمر وهواي فارق بينهم جانت تحجي وتقلد ع اليتزوجن اكبر منهن بهواي
والأهم تحتقر الرجال الي يتزوج زواج ثاني لأن يخرب بيته حسب رأيها
هسه هيه اثنينهن سوتهن 
واني مراح انطيها فرصه ولا اخليها تشوف نظرة وحده تريحها ولا اريد غيرها يشوف وينقللها ضوجتي
بعدت افكاري واني اتصنع البرود حته همه ممصدگين وحده تباوع الوحده
حاجيت ايام

..ايومه منخابره اليزن احسن حضري نفسج ساعتين اريدج جاهزه حته اخذج واروح

..ابتسمت فرحانه الله عليك ابويه وافق

..وافق من كتله يزن تعبان ..بس بعد لتعيدوها انتو الأثنين وانتي انتبهي النفسچ وخلي هالمقوله ابالج وامشي عليها

لسانك حصانك ان صنته صانك
وأن هنته هانك

بأيدچ تقدرين نفسج وبأيدج تذليها

الشغل ميموت وانتي اصلا شاطره
هالايام تعبانه معذوره الي تگدرين عليه سوي
هذي بلسم گدامچ رابطه ومنايمه وتتحرك الي تگدر عليه تسوي والمتگدرله اني وياها وكلنه نساعدها
يزن خوش رجال حافظي عليه وع بيتچ
عمتي ماكو اطييب منها وتحبچ سوالف النسوان هذي المابيها فايده ابتعدي عنها
وبالاخير خلي قرارج من راسج اسمعي مني ومن غيري اخذي الي يفيد والميفيد مسح سويله من الذاكره كلها
اني مراح اتركج وراح اجي كل فتره اجيك وضعج انتي وياه اريد اخبار حلوه لتفشليني