بعد ألخذلان

١٩

حبايبي بارت هدية الكم بدون مراجعه مليان سحكات اكيد 😜

...................

چنت راجع من الدوام للبيت هالأيام اعصابي تعبانه بلسم مريضه وبالي يمها بيت اهلي ماعدت اطيقه من هيام ووجودها الي صارت تتحجج ع الجيه وامي حجتها محد يساعدها وهيام تساعدها
بيومها رجعت من الدوام من وقت
فتت جوه صوت التفاز عالي اتقربت بخطواث ثقيله تذكرت اليوم ابويه اخذه مهند يمه عازمه وامي مقبلت تروح اكيد تريد تشوف اخرتها وياي صار فتره كل يوم الي تطبخ بي هيام اشتري غدانه من بره
سمعتها تكل الهيام

..رتبي نفسج خاله لرجال عينه تريد وابني گلبه يريدج املي عينه واستغليها فرصه مدام زوجته مريضه وممنوع من فراشها ومن القرب منها وهسه تلگي مل منها
حيل ضجت من تصرفها وفكرت اني كلشي كامل عندي البيت وكمل ترتيبه الي مخليني وجود ابويه يفرح بنزلتنه يمهم مدام وصلت لهنا هذا هوو من باجر الغي الباب الي ننزل عليه منهم وافتح الباب الخارجي هاي امي متجوز مني فوگ تعب البنيه ومرضها انوب تريد تجيبلها عله شتشوفني جاهل گدامها واتقشمر
فتت بدون سلام باوعتلهن بنظره تبين الهن اسمعت كلشي تبعتني هيام وقرت بيت شعر باوعتلها اشوفها مرتبه نفسها وحته مكياج مخليه عبالها مثل اول اتأثر
جاوبتها بشعر يترجم احساسي عنها يونس مو نفسه الي يشوفج ملاك واجمل نساءالكون من اشوفج اشوف صنم مابي اي حياة وميعنيلي شي ميحرك بداخلي غير الكره بالضبط مثل كره المسلمين للمشركين
سمعت صوت گزاز انكسر سارعت بخطواتي شفتها بلسم ظليت اصحيها الحمدلله جانت وكعتها مو قويه لان سانده نفسها ع المحجر وكاعده كعده عبالك

..بلسم حبيبي بلسم ..تسمعيني اصحي يابه اصحي
بسترتي عطر جيب صغير طلعته ورشيت بأيدي وقربته الها اتنفست فتحت عيونها بتعب ودموعها تنزل

..ياروحي شجاج متگليلي شنو الي يخليج تنزلين بدلي حته نروح طبيبه اريد اريح بالي هيج القلق ياكلني

..مابيه شي بس عوفني ..يونس ليش هيج من شوكت تحجون وتقرون اشعار بعد

.. اخذتها وصعدت ..

..حياتي ليش تفكرين زياده مصار شي هيه تحاول ترجع الماضي وجاوبتها ماكو شي من الماضي باقيلها يمي الحاظر الج وبس ..ولو انتي متستاهلين ومو بلسم الي اعرفتج بس نگول الحمل وهرموناته ماثره عليج والخاطر الي ابطنج مراح ازعل من ظنج السيئ مو قاريه قرءان انتي وأن بعض الظن اثم

..بعض يعني مو كله

..من ناحيتي اثم والله شوفي اني گايلج اني انسان احب اعيش براحه يعني مو من النوع الي يتلون واضح وصريح عندي كلشي مهم بس كرامتي الاهم هيه خسرتني وخسرت كل ذرة تحبها بيه
انتي جاي احارب حته لااخسرج ولتخسريني لتخذليني بلسم جاي تضغطين عليه بزياده واني ماعندي شي حلوو بهالدنيا بس انتي ديري بالج على نفسچ والي ابطنج وانسي كلشي من باچر ماكو نزله من جوه والعصر اجيب قفل ومفتاح اقفل الباب منا ونزلتنه ع الحديقه تصير وباب خارجي النه