بعد ألخذلان

٢٧

يونس..

من شفت الزفه بالباب واباب بيتنه هم
مااعرف احساس صعب اتملكني وحشه بروحي صارت وحشه غريبه
يارب والله ادري بنفسي لو تبقى عشر اسنين بعد نفسي متهواها ولا اگدر ارجع وياها مثل قبل ولا اگدر انسى خذلانها  الي زين.. ليش هذي الضوجه
حته من صرت اشوفها اخر فتره او اسمع بيها ماصرت اهتم اليوم شجاني
زين اني مو  اناني ولا من النوع الي يحب بس نفسه اني هم اتمنالها الراحه وربي يسعدها
وارجع وافكر من شوكت اني اتمينتلها راحه بالعكس يوميه اجنت ادعي الله يشلع قلبها مثل مشلعت قلبي
بس هصار فتره نسيتها ونسيت حقدي وياها
حاليا حته الحقد راح مو كارهه ولا حابهه كاره وحاب ذكرياتي وياها

هسه غير اسيطر ع عقلي وذاكرتي
صارت المواقف والذكريات تتزاحم اريد انسى موقف يجيني ثاني
ضجت من نفسي حيل
عندي نعمه بس الله اليعلم بيها اشوفها ناتج صبري وهديتي من ربي
ليش اضوج واحسسها بشي ماله وجود بس بالذاكره ياريت افقدها وارتاح ويرتاح عقلي مثل قلبي الي حب غيرها وسلمه امره رغم الحنين البي للماضي مو للاشخاص
حاولت ابعدها عني اليوم اخاف اجرحها
هيه قبل ساعه طلبت تروح الاخوها
كتلها جهزي نفسج
شفتها متردده وخايفه هالشي عصبني من نفسي قبل غيري
يعني هيه خايفه مني او حاسه بيه شي وتخاف تتركني لعد شگد مفضوح اني وياريت لو احد يفهمني المشكله محد يفهم
اكثر الناس عدها الي يتذكر الماضي بعده يحب ويعشق وحبه الجديد تمثيل
بس الي احسه مو هذا احساسي اكبر
خبي البلسم مو تمثيل
وهيام غصب عني اذكر ماضيها
هيام مو خطيبه وزوجه مو حب صدفه حبيتها بشارع اترك هالشارع وماامره
ولاحب رساله احركها واخلص
ولا مثل هذا الوقت حب ع برامج التواصل مجرد ماالغي الصفحه وانطي بلوك واخلص البيني وبينها شي اكبر بس وي كل هذا احساسي ولو انعادت عليه الف فرصه گلبي ميدكلها ولاعقلي يختارها گلبي وعقلي متمسكات بالماضي احن المواقف صارت
هيام حب طفوله احلام ضاعت حياة انبنت وكملت واجت عاصفه فجأه هدمتها
بنت عمي وبيناتنه دم وبيت ربينه بي سوه
اسم ودم وذاكره وطفوله تربطنه
حبها مات بقلبي مستحيل اتقبلها مثل قبل مستحيل اكدر اتعايش وياها
لو اكدر جان حاولت اني مو هذا الانسان الظالم حته اظلم.نفسي وبنت ثانيه بحب دفين
اني تأكدت من نفسي مااريدها ولا روحي تهواها يلله خطيت
بس ذاكرتي شيدفنها شنو الي يخلصني من طيوف الماضي
هواي اشياء اتمنيتها لو مصايره
لو باقيه هيام بنت عم الي وبس حالها حال زينه ورواء ولاره وبنات عمي الباقيات
لوو سجاد ممتزوج هاله ومتزوج غريبه وعشنه بحياة مستقره من البدايه منطينه بيها حب زايد ولاانجرحنه كل هالجروح ولاگلوبنه شالت زعل وانخدشت
بساعتها ال لوو هواي فكرت بيها لو ولو ولو

ردت ابعد بلسم بكل طريقه مااريد اجرحها واخذلها
بلسم حبيتها الحب النقي
الحب الناضج الي مجربه ومتلافي اخطائه وماخذ خلاصته الي هوه احترام ثقه عاطفه محبه وعطاء
شفت بيها الانسانه الصبوره المحبه للكل ماكو شي بقلها اسمه كره او حقد قلبها طاهر مااريده ينخدش مني كافيه الي يجراله
متأكد لو بقت مراح تفهمني لان هيه اول واخر تبقى انثى تحب بعاطفتها تحب بتملك تشوف كلشي يتعلق بالماضي خيانه