بعد ألخذلان

١٧

حبايبي اسفه ع التاخير بس والله كتلكم البارحه عندي طبخ ومجلس هم اجيت اكتبلكم بالليل لكيت نفسي نايمه وفوني بأيدي الفجر اكتشفت هالشي حته منزلت بارت اعتذار عذروني والله مو قصد مني لان اني احترم متابعيني

ثاني شي البارت بدون مراجعه غلسوو ع الأغلاط رجاءا لأن انتوو اتعبون اكيد مينعدن 😂😂

............................................

..من سجاد الله يرحمه

باوعلي يزن بخزره وگال

..هيه وكتها هسه بعدين المفروض بينج وبينهم تحچين ليش متعرفين تتصرفين ايام مو هيج 

..متعرف شگد صار منتظرتهم يجتمعون يوميه فضولي يگلي اقري شنو متكوب بيهم بس اتراجع لأن امني وگلي گدام الكل تنطيها الهم وخل يقرون للكل اني شنو كاتب يعني هوه رايد هيج واستغليت عدم وجود سامر اخاف هاله تنحرج وهوه هم

حاجاني يونس

..ايام.جيبيهم وتعالي اني الهسه مكالمته الاخيره ظلت حسرة بقلبي لو بس اعرف شنو رايد يگلي جان ارتاحيت ..

رحت اجيبهم وعيني على هاله الي دموعها بدت تنزل  جبتهم واجيت
انطيتها الهم ايد هاله ترجف
وتمسح بدموعها الي فقدت السيطره عليهم
عيني على الكل مجتمعين وسهره عائليه جانت حلوه بس الكل وجوهم تغيرت الوحيده الي بينه جانت متعرف شي بلسم تباوع بالوجوه ممفتهمه

حاجتني هاله وهيه مخبوصه مرتبكه

..اخذي فتحيلي الظرف اخاف الرساله تروح تنشگ

فتحتها الها ونطيتها

..
اخذتها وايدي ترجف
بديت اقراها كاتب

(أه من نصيب لم يأتي على هوانا
يهب لنا ما لانهوى ويهب من نهوى الى سوانا

هيلايتي رغم كرهج اليه وبعدج عني مگدرت اكرهج ولاگدرت انساج اني مااستاهلج صح وانتي تستاهلين كل خير
فرحتلج هواي صرتي ام رغم الغصه الي بداخلي شگد اتمنيت تكونين ام الأبني شگد دعيت الله وناجيته يكتبلي طفل منج
جنت اراعي مشاعرج حته الطفل اليعجبني مااباوعله خاف تكولين يريد جاهل
تعرفين كل الي صار مو مستوعبه الحد الأن
حته خيانتي الچ مو مستوعبها
مو مستوعب اسم غيري بظهر جنسيتج
مو مستوعب انتي خلص مو الي وملازم افكر بيج
اتمنى يوم انام بدون ماتنزل دموعي
چنت اگلج لو متت تتزوجين بعدي
اتذكر جوابچ الي جنتي تردين بخوف وبشكل قطعي
يحرم عليه غيرك واسم الله بعد لتگول هيجي
تالي اتمنيت صدگ ميت ولا صار الي صار
ماكو اصعب من زواجج واني عايش
عاقبتيني وريحتي صدرج بيه ياريت شفى غليلج بيه
هسه مااريد منچ شي بس ابريلي الذمه وديرو بالكم على امي والبنات اني يوميه ادعي الله ياخذ عمري ومااعرف شوكت افارگ الدنيا اذا عايش ماكو اشكال اني وانتي اولاد عم وربي يسعدج ويهنيج
اذا لا  امي وخواتي امانه عدكم مابقالهم احد
وباقي على عهدي وياج محد غيرج احتل قلبي واخذ مكانتج حته الولد والبنت مشغلوو بالي عنج لحظه وحده
اعترفلج شي يوميه ادخل حسابج الشخصي اشوف اطفالج افرح بشوفتهم يمكن متصدگين بس والله احبهم يوميه اشوف شنو تنشرين وشنوو تفكرين
واكوو شغله فرحتني بنتج بيها شبه مني ومنچ اما الولد شبيه ابوو ربي يحفظه الكم