بعد ألخذلان

٢٢

حاجاه ابويه
احد منكم يفهمني شنو السالفه
دخلنه للبيت جوه ايام تشهگ وعيونها متشوف بيهم من البجي گعد ابويه وكل اليزن

...أكعد يابه واحچي
جاوبه يزن

..عمو  خل تحچيلكم هيه

..احچي انت عوفك منها شنو سالفتكم

حاچيته اني

..يزن شنو السالفه شبيكم متكلي شصاير

حجه الموضوع كله وگال طولت السانها وهيج حاجتني وحاجت امي وتاليها اطلع اني ابن امي تعيرني لان ماقبلت تصيح عليها لازم اخليها تصيح وتضربها هم حته اصير رجال وسبع وابن ابوي بعينها  متحملت كلامها وضربتها وجبتها الكم لأن لو ابقيها وتبقى ع حجيها مااكدر اضبط نفسي وهم ردت اشوفكم تقبلون عليها

باوعتلها بقهر ماحجيت انتضرت ابويه يحچي
ابويه گلها حرامات التعب بيچ
رغم هيه كلمه بس صعبه كلش ومن حجاها بنبرة مكسوره زاد بجيها اكثر دار ع يزن وگله

ايام غلطت واني اعرف شلون ادبها بس انت مو اقل غلط منها مشكله صغيره مثل هذي مابيكم واحد عنده عقل يحلها هيه حسابها وياي وانت ضيعت حقك بيدك ميصير تضربها والأي سبب مو بهيمه هيه اكو طرق تگدر تفهمها بيها ع العموم بتنه رايدلها تأديب احنه نأدبها ماقصرت ابن اخوي الله يقويك
الاعتذار نعتذر بس مو منك من امك اني بنفسي اعتذر منها
عافنه وطلع ..

حسيت ابويه مقبل على  يزن  ولا اني هم ابد مو حل الضرب ابويه حته ع حسام ميقبل احنه عدنه بس حسام.من يعصب يضرب ويشبع رزايل من الوالد  طلع بس حسيته حيل ضايج وحقه
تبعته اوصله

..يزن ميكون خاطرك الا طييب ختولي اني اعرف شلون أدبها بس انت غلط تضربها واحنه هم بخاطرنه منك

..يونس لاتزعلون مني مابقه عقل براسي من اسمعت حچيها انت تعرف امي مابيها اذيه ومتستاهل منها الكلام وشلون علت صوتها عليها ..تنهدت يونس والله تعبان هسه بعدين نحچي
طلعت من بيت عمي مقهور امي كل شويه تتصل رحت للبيت لاكتني تحچي

..لك ماما ليش شلون تضربها هيج ضرب لك اول مشكله هذي الكم شلون توصلوها لهنا ليش اطلعون مشاكلكم بره ليش تخليها تروح بيت اهلها مو راح تطول وتعرض المشكله مااريد منها شي عوفها مااريد شغل والله خلي سوي الاكدر عليه واختك تجيني كل اسبوع يوم حالي حال قبل ولا هالمشكله الصارت عيب من عمك واخوتك ولد عمك شلون هيج تودي اختهم الهم

..وليش شنو الي اختلف عدها ست الحسن مو جان بيت اهلها كله عليها اني مو ع الشغل يمه اني ردتها تحترم وبس ايام مو هيه ايام اتغيرت واني مااريد ام حسام جديده ابيتي ..بس صح خجلت من عمي لان حسيته عاتبني بس يعرف بنته الغلطانه وهم حجه عليها .
اني هسه تعبان اروح انام مااريد احد يعرف بالصار حته زينه
 
رحت للغرفه ضايج منها ومقهور بس اتندمت مديت ايدي عليها بس هيه حجيها مينسكت عليه هذي مو ايام والله مجاي اصدك هيه ابد مو هيه لاحركاتها ولاتصرفاتها ولا عقلها الهسه اريد استوعب كلامها مااكدر اني الهسه مو حاب طريقتها شلون رادت تستغلني بحركاتها هذي الحركات مو الها بالبدايه افرحت بيها حالي حال اي زوج يفرح بزوجته يدور راحته بيها  بس من كالت شرط عبالي شرط يخصنه او لعبه من عدها من عرفته واعرفت مستخدمه هذا الاسلوب وياي  حسيتها حركات بنات ليل مو حركة زوجه الزوجها اتضايقت كلش واليوم جاي ارضيها لكيت السانها شطوله
بس مهما يكون غلط تنمد ايدي عليها المفروض اطلع من البيت وماابقى جنت اضحك ع يونس من ينقهر يطلع بس تصرفه صح ابد مغلط بحق احد بعصبيته يطلع ويهدأ ويحل اموره اني عقلي طار
يمكن لأن الموضوع يخص امي واني اصلا لاشيء بدون امي امي هواي ضحت هواي حاربت كلش كافي مشاكلها هيه وخوالي لأن ماعدهم شابه تبقى ارمله الا يزوجوها بس هيه عاندت واصرت تبقى النه وبس.. وصلتنه وهذا اني مهندس صح البيت بيت ابويه بس  شهادة وراتب وسياره والناس كلها تحترمني وزينه  خريجه واخلاقها عاليه الف الحمدلله 
تعبت كلش وضجت حته كلام عمي ضوجني واخجلت منه نمت الحد الليل اريد ارفع راسي مااكدر راسي مصدع
طلعت سمعت اصوات ابيتنه
عمي يعتذر من امي هوه ويزن
ماكدرت افوت استحيت منهم ..عمي حيل يحبني ويحترمني واني اعتبره والد الي المفروض اضبط اعصابي الخاطره
اسمعت امي تگله اني باجر اجيها ارجعها والله تصير هالسوالف بكل عائله بس بعدهم الاثنين طايشين يتعلمون من اخطائهم  ابداية الزواج اغلب العرسان يتعرضون للمشاكل انت اعرف ابو حسام مني مانريد نكبرها
گلها خليها فتره خل تميز وتراجع نفسها وهوه هم.خل يتعلم طلعت المره من بيتها مو سهله ولا السبب تافه تطلع ولا المشكله مثل هذي طلعت المره من بيتها صعبه وماتطلع الا تكون مسويه شي جبير خاصتا من ياخذها رجلها البيت ابوها معناها يريدهم يعيدون تربيتها واني هم راح اعيدها مااقصر وياها