دعاء مستجاب

5

#دعاء_مستجاب_
ل: #روز_الفياض_
ج٥
اسوء احساس ممكن يحسه الانسان بحياته من يحس نفسه منبوذ ...
محد يحبه ..
محد يريده ...
حسيت كلبي باد حيله ..
مابي حيل يدك بعد ...
فعلا بهاللحظه حسيت نفسي جاي اموت ...
مرت علي لحظات موت بطيء ..
مر كدامي شريط حياتي وذكرياتي ...
اتشاهدت ...
هذا بس اللي كدرت اسويه اتشاهدت بكلبي ...
غمضت عيوني وخليت دموعي تاخذ راحتها ...
كلت اني ميتة ميتة ... خليني اخذ راحتي ...
خليني اروح لربي واني مظلومة ...
خليني اشتكيله ولو هو يعرف بحالي اكثر مني  ...
اشهد ان لا اله الا الله ..
واشهد ان محمد رسول الله ..
ماادري اللي صار بعدين نمت لو فقدت الوعي .. ماادري ..
كعدت بالليل ...
شفت امي وابوي واخواني كلهم يمي يقرون قران ويسبحون ...
اتفاجأوا من شافوني كعدت كتلهم:
ماما ...
التفتت امي علي وكلهم اجو يمي يركضون ..
افراح: عطشانه ..
كعدوني وشربوني مي ..
وظلت امي تحجي وياي شلونج وشحاسه ولتخافين ومن هالحجي ..
حجي الام الحنونه ..
الام الحقيقية ..
الام اللي تخاف على ضناها وتشيل همه ...
الام اللي ربت ...
هي تسألني واني اجاوب بس على كيف..
تعبااانه وجسمي واهن وتعبان ..
مابيه حيل حتى الحجي ..
اخواني يبجون وابوي اكثر منهم ..
ابتسمتلهم ..
فكرت يمكن عبالهم هاي صحوة موت ...
ويمكن هي فعلا هيج ..
يمكن هي صحوة موت ..
فلازم احط حد وانهي بعض الامور والمتعلقات ..
مثلا ...... موضوع عادل ..
اشرتلهم رفعولي الجرباية والمخده ...
دموعي صبت بدون صوت ..
وبدون حجي ...
آااخ ياكلبي .. شحبيت ... مالكيت غير هالعادل تحبه ...
ولو اني معرفت قبله احد حتى احب غيره ...
معرفت احد بحياتي اصلا غيره ...
اول شخص حبيته ..اول شخص بحياتي .. واول شخص باعني .. واول شخص كسرني ..كسر كلبي ...
اوووووف ربي ...
هيجي اني ماانحب ... لهدرجه اني هينه ..
بس هي امي اللي جابتني مرادتني ولاحبتني ..
اعتب على الباقين ..
اخواني ميحبوني اعتب على عادل ...
معقولة كل هذا تمثيل ؟
ليش؟
علمود الفلوس؟ واني؟
مالي قيمه لاثمن ...
ربي ...
هم اكو مثلي ومثل حظي ؟

يشوفوني ابجي ينقهرون اكثر ويبجون اكثر ..
يتصوروني ابجي خايفه من الموت ..
لااا .. اني مخايفه .. الموت يمكن راحه للي مثلي ..
اني ابجي على حظي ...
على حبي وصدق مشاعري ...
على شبابي وحياتي وعمري كله وسنيني ...
شنو شفت من حياتي غير القهر والصدمات ؟

حاولت ارفع ايدي كوه ..
سحبت الحلقة من اصبعي على كيف وانطيتها لامي  ...
................................

في لحظات الضعف والوهن جل مانتمنى هو الموت ..
وهل هناك شي اقرب اقرب للانسان من حتفه؟
ولكن اين؟
اين هو الموت الذي ننشده؟
لماذا عندما نطلب الموت توهب لنا الحياة؟