دعاء مستجاب

9

#دعاء_مستجاب_
ل: #روز_الفياض_
ج٩

بقيت ساكته مااعرف شجاوبه ..
عندي هواي حجي ... وهواي اسئلة ...
هواي فضفضة ...
مشتاقتله ...
منين ابدي ...
ماكدرت اسيطر على دموعي ...
ظليت اكتب وابجي ..
افراح: جنت مريضة ... كللش مريضة ... وبعدين امي عرفت وزعلت مني .. ووعدتها ابتعد عنك ومااحجي وياك بعد .. بس ماكدرت اوفي بوعدي ...
صهيب: يعني تختفين بهالشكل واهون عليج حتى متطمنين عنج مااعرف شبيج ولاشنو صار وياج؟

افراح: كتلك صهيب امي عرفت مااعرف شلون من جنت اني مريضة الظاهر وناسية الفيس مفتوح وقارية مسجاتك ..

صهيب: اعرف ..اعرف وعاذرها هي ام وطبيعي تخاف عليج مني وتتصور اني العب عليج واريد بس اقضي وقت ..

صفنت .. اشو يعرف كل شي ؟
افراح: انت شمدريك هي تفكيرها هيج؟
صهيب: حجت وياي ..

فتحت عيوني انصدمت من قريت اللي كتبه ...
افراح: منو اللي حجت وياك؟امي؟
صهيب: اي .. مكلتلج؟
افراح: لا ..
صهيب: اخر مره من حجينه .. وراها دزيتلج كذا مسج لان شفتج اختفيتي ... جنتي مريضة وهي قرت المسجات وحجت وياي ..
افراح: شحجت؟
جنت حاطه ايدي على كلبي لاتطلع امي مجفصة بالحجي وياه ...
صهيب: حجي عادي يعني شتحجي؟
افراح: يعني مثليش؟
صهيب: انت منو؟ منين تعرف بتي؟ شسمك؟ وشتريد منها؟ شتعرف عن بتي؟ وهيج يعني..
افراح: وشجاوبتها؟
صهيب: عرفتها بنفسي وكلتلها الصدك اتعرفت على بتج عالفيس واحبها ..
كلبي ظل يدك ..
غسلت وكتبتله:
وشكلتلك؟
صهيب: محجت شي يعني مثل اي ام لاتلعب على بتي بتي فقيرة ومؤدبة ومتربية ومتدينة وماعدها هيج سوالف .. شلون غسلت دماغها وخليتها تصدك بيك ؟

ضربت خدي من فشلتي شوف امي وحجيها بالله ..
ضحكت ...
افراح: هههه صدك هيج كلتلك؟وشجاوبتها؟
صهيب: كتلها اذا متصدكين احبها اجي اخطبها..
استحيت ..
افراح: وشجاوبتك؟
صهيب: كلتلي خاف ماتدري تره بتي مريضة ومتفيدك ..كتلها اعرف واعرف مرضها وقابل .. كلتلي انت الظاهر داخل على طمع ..
افراح: شفت بس انت متقتنع كتلك ماافيدك هاي امي جاوبتك وكلتلك نفس الحجي ..
صهيب: كتلها ابقى انتظرها لحدما تطيب ..
ظليت ساكته ودمعت عيوني ..
مجاوبته ...
صهيب: ماطالب منج شي بس اريدج تصيرين قوية وتواجهين المرض وتطيبين واني راح ابقى انتظرج ... بس اهم شي تكونين تبادليني نفس المشاعر فرح لان اني جاد بكلامي ...
بجيت ...
افراح: لا .. مااكدر اجذب عليك واكول ابادلك نفس الشعور انت بالنسبة الي أخ وصديق بس ..
مجاوبني ..
وره شوية نسخلي المنشور اللي نشرته بصفحتي :
( سلاما لمن احببناهم وحالت بيننا وبينهم الاقدار ) ..
كتبلي وهاي شنو؟
اترددت اجاوبة بس بعدين كتبتلة :
هاي مو إلك .. مقصدتك ..
سكتت بعدين كتب :
اذن منو؟ خطيبج السابق؟ لو تحبين احد ثاني؟
افراح: لا مو خطيبي السابق ...
صهيب: معناها تحبين واحد ثاني؟اكدر اعرف منو؟