دعاء مستجاب

14

#دعاء_مستجاب_
ل: #روز_الفياض_
ج١٤
جنت دائما افكر بمستقبل علاقتي بصهيب ..
الى متى؟
شنو الهدف منها حتى لو هو صادق ؟.
حتى لو هو صادق وجاد اني مااكدر اقبل بي ..
الشرب مو شي بسيط ولا شي عادي ..
اني مسلمة وديني حرم عالشي ..
شي محرم مثله مثل الزنا والسرقة وغيرها وغيرها ..
شلون اقبل بي وهو هيج؟
احبه بس اللي ديصير غلط ..
بيومها مابين صهيب بالكروب ولااتصل او دز مسج وثاني يوم نفس الشي ..
وخلال هاليومين جنت احاسب نفسي ٢٤ ساعة واكول هالوضع غلط ..
مو صحيح ..
ولازم اخلي حد ونهاية لهالعلاقة الغريبة والمالها معنى..
جنت مقرره اول ميرجع صهيب انهي كل شي لان بعد مااكدر اتحمل تأنيب الضمير اللي عايشه بي ..

وفعلا اول ماحجيت وياه كتله:
صهيب اللي ديصير غلط..
صهيب: شنو؟
شنو هو اللي ديصير؟
افراح: اللي بيني وبينك..

سكت شوية بعدين كلي:
وشنو هو اللي بيني وبينج؟
افراح: صهيب .. رجاءا لتلعب بأعصابي تعرف قصدي شنو ..
صهيب:لا مااعرف .. عرفيني انتي ..
افراح: اهووو صهيب ..
صهيب: اي اريد افهم شنو هو اللي بيني وبينج ولازم ينتهي؟ غير تفهميني؟
افراح:ماكو شي
صهيب: اممم .. ماكو شي؟ فرح هو مو لعب جهال حتى تجين هيج بكل برود وبكل ثقة وبكل لا مبالاة تكولين البيني وبينك غلط ومو صحيح ولازم ينتهي ...
شنو غايتج من هالكلام ؟ ماافتهمت شنو المطلوب مني يعني اسويه؟
غلط؟ اوك اني اعترف غلط ..
لكن الغلط منج انتي مو مني لان اني رجل جاد وجاهز ومستعد انهي هالموضوع اليوم قبل باجر واتقدملج بس انتي اللي رافضة وتماطلين ..
شنو اللي اسويه يعني حتى ارضيج؟
كولي اريد اعرف اني هم مثلج اريد اعرف نهاية هالعلاقة وهالمشاعر المكبوته شنو؟.
الى متى يعني ابقى اعرفج عالفيس بس؟
وكل شي مااعرف عنج.. الى متى؟
اني مو زغير حتى ابقى انتظر كل هالفتره والله العالم بعد شكد راح انتظر ..
كافي فرح تعبتيني لازم نحط حد لهالموضوع ونحجي بكل صراحة ..
شوكت اجي اخطبج ؟

ظليت ساكته متفاجأة برده العنيف والمفاجىء..
ومااعرف شنو اجاوبه ..
اخر شي اتشجعت وجاوبته :
وموضوع الشرب؟

حسيت بي اتفاجأ من هالسؤال ..
يمكن مجان متوقع احجي بهالموضوع ..

وره شويه جاوبني كلي:
وشبي موضوع الشرب؟
افراح: صهيب شنو شبي موضوع الشرب؟ يعني عادي عندك تشرب؟
صهيب: شبيج فرح اشو تتحججين؟ شنو قابل شايفتني ٢٤ ساعة سكران لو ٢٤ ساعة بطلي بيدي .. كفرت رديت عليج مره وجنت شارب شويه خوما كفرت ..
افراح: يعني عادي عندك ؟
صهيب: اي عادي
افراح: اوك براحتك واني مااكدر ارتبط بواحد يشرب  اسفة شوكت ما بطلت الشرب اهلا وسهلا بيك ... مع السلامة ..