دعاء مستجاب

13

#دعاء_مستجاب_
ل: #روز_الفياض_
ج١٣
ظليت متردده اجاوبه لو اغلس واسكت ...
لا خل اجاوبه زحمه كتبتله:
هلو صهيب حياتك الباقية .. اعرف اصلا منين تعرف ..

ثواني دخلي خاص:
هلو؟

كلبي ظل يدك عبالك اول مره تحجي وياه ..
افراح: هلو
صهيب: ليش مبلغتيني؟
افراح: وليش ابلغك شتكدر تسوي؟
صهيب: اقل مابيها اواسيج اكون وياج .. تبجين يمي تفضفضين عندي ... اخفف عنج ..
بقيت ساكتة وامسح دموعي .. ماكو شي ممكن يخفف عني او يواسيني ..
ماكو شي يعوض مكان ابوي الله يرحمه ..

صهيب: فرح ليش تبعديني عنج؟
هم مجاوبته..
صهيب: سويتلج شي ضايقج؟ اتصرفت وياج تصرف مو حلو؟ سمعتي مني كلمة مو حلوه او بيها اي اهانه او تلميح ضايقج؟
افراح: لا
صهيب: لعد ليش احسج تتهربين مني ؟
افراح: ماكو هيج شي
صهيب: لا اكو ... اذا متردين احجي وياج كولي فرح لتخليني اتعلق بيج اكثر ..
افراح: ليش تكول هيج؟
صهيب: مو اني اكول تصرفاتج هي اللي تكول ..
افراح: شمسوية .. مو جاي احجي وياك هسه لو مااريد احجي وياك جان مجاوبتك اصلا .. وجان مبقيت بالكروب وسويتلك حظر  ..
صهيب: مقتنعه بالكلام الي تكولينه؟
افراح: اي طبعا مقتنعه ..

جنت حاسة بالاحراج منه فعلا اني تصرفاتي وياه مو حلوه اختفي وارجع بدون تبرير ..
استحيت منه ..
ليش اني هيج اتصرف وياه؟
ليش احجي وياه اصلا؟.
واذا مااريده ومتضايقه منه ليش مااكوله وافضها ؟
شريد منه؟
مااكدر اتحمل عدم وجوده بحياتي حتى لو مجرد صداقة ..
حتى لو مجرد هلو وشلونج وشخبارج والحمدلله على سلامتج ..
قابلة .. هم قابلة ..
وجودة بحياتي مخلي لحياتي طعم ..
حتى لو اختفيت وابتعدت هو شاغل عقلي وتفكيري ادعيلة بكل صلاة ربي يهدية ويترك الشرب وسوالف البنات لان مااريد اكرهه ..
احبه .. مو صح؟ مالها تفسير ثاني ..
ياريتني بنية عادية مثل باقي البنات ..
ياريتني مابيه مرض ..
وياريتك ياصهيب متشرب ..
معقولة يجي يوم وينتهي المرض بجسمي ؟
ماكو شي صعب على رب العالمين ..بس كولي آمين افراح بس كولي آمين ..

افراح: صهيب انت شتريد مني؟
صهيب: بعدج تسألين؟
افراح: يااخي مو منطقي كلامك .
صهيب: شنو المو منطقي؟ مصايره يعني من قبل واحد يحب وحده عن طريق الفيس؟
افراح: لا .. بس مصايره واحد يحب وحده هو مشايفها اصلا ..
صهيب: زين شلون اثبتلج؟ اكولج اخطبج متصدكين ومتقبلين وامج تكولي شوف حياتك بعيد عن بتي شسوي زين انتي كولي؟
افراح: لتسوي شي .. افهم بس هالجملة اني وحده مريضة بمرض مميت اغلب اللي يعانون منه يموتون ماله علاج نهائي ... بيه س.ر.ط.ا.ن  .. سرطان تعرف يعني شنو؟
عندك استعداد تواجه اهلك بهالحجي؟
صهيب: اواجه اهلي؟ دقيقة بس .. اكدر اتصل بيج هسه؟
افراح: ليش؟ شكو؟
صهيب: اكدر لو لا؟ اريد احجي وياج بالتليفون احسن شي ضروري ..
افراح: اوك ..
دزيتله رقمي واتصل ...
كلبي ظل يدك ..
بس كال الو سديته ..
رجع اتصل شلته كال:
الو ؟ فرح؟
بقيت ساكته كال:
فرح تسمعيني؟
افراح: اسمعك ..
صهيب: شلونج؟
افراح: الحمدلله
جنت محرجه كللش وخايفة ومرتبكة وحاسة انه تصرفي غلط وكل دقيقة اكول راح اسده بوجهه وخل يزعل مو مهم ..
حس بيه مرتبكه ومستحية لان بقيت ساكته ..
صهيب: مااريد اطول بالحجي بس انتي سألتيني اذا اكدر اواجه اهلي علمودج واكوللهم احب وحده مريضة بيها سرطان مو؟ ثواني بس ..