دعاء مستجاب

6

#دعاء_مستجاب_
ل: #روز_الفياض_
ج٦
مرت الايام وجنت مريضه بيها ومالي خلك شي ..
وبيوم بالليل جنت كاعده وحدي توني مخلصه صلاة الليل وكلت خل افتح الفيس اشوف اخواني وخواتي شنو ناشرين ..
فتحت الفيس شفت نفس الشخص راجع دازلي طلب صداقة من جديد ..
وداخلي عالخاص ..
كاتب:
الو ...
الو ...
الو ...
حول ...

ضحكت من كلبي كلت مبين هذا واحد مو صاحي ..
حذفت المسج بدون ماارد عليه ..
دخلت للكروب وعلقت على منشور وخلال ثواني دخل هالشخص على تعليقي ..
جان مسمي نفسه:
كبرياء رجل شرقي ..
كتبلي: ليش اراسلج عالخاص ومتردين؟
ارتبكت .. اصلا انصعقت من جرأته .. يحجي عالعام بالكروب احرجني وماعرفت شجاوبه خفت اجاوبه ويفشلني مبين جريء وميخاف ..
ظل يكتب بالردود جاوبي لتحكريني جاوبي ..
فكرت اصير شجاعة وارد عليه كتبلته :
اخي مااجاوب عالخاص اني ..
كبرياء رجل شرقي: جاوبي ..
افراح: شنو بالغصب يعني؟
كبرياء رجل شرقي: اي بالغصب .. جاوبي .
افراح: مااجاوب .
كبرياء رجل شرقي: تجاوبين .
ضحكت من اصراره رغم اسلوبه مستفز ..
ظل كل شويه يفوت عالخاص ..
قررت اجاوبه واشوف شيريد كتبتله :
نعم؟
كبرياء رجل شرقي: نعم الله عليج .
ضحكت كتبتله:
اخي مااحب احجي عالخاص شتريد احجي وخلصني؟
كبرياء رجل شرقي: ماكو .. مااريد شي ..
بس جنتي مختفيه صار كم يوم وحبيت اسأل عنج ..
افراح: وليش تسأل عني؟
كبرياء رجل شرقي: اتطمن عليج ..مو اصدقاء احنه بنفس الكروب ..
افراح: لا بالله .. منين اصدقاء؟ من شوكت؟
كبرياء رجل شرقي: ليش شمسويلج اني ..هاي فوكما اسأل عنج ليش مختفيه وحبيت اتطمن عليج .. صدك لاتسوي زين شر مايجيك ..
صوجي اني .. يالله مع السلامة ..

ظليت مصدومه من عصبيته ..
مااعرف اني غلطت بأسلوبي وياه لو هو حساس لو شنو للموضوع ..
معقوله كلامه صحيح وحب بس يسأل عني ..
استحيت وحسيت بتأنيب الضمير ..
ليش هيج فشلته ..
واحرجت نفسي ...

ضجت من نفسي وبنفس الوقت خفت يمكن يحرجني عالعام بالكروب ..
رجعت للكروب شفته حاذف التعليقات ..
حسيت بالاحراج اكثر من نفسي ..
مااعرف شلون اتجرأت وكتبتله بواحد من تعليقاته بالكروب:
شكرا عالسؤال بس جنت مريضة ...

كتبتها واتخبلت .. هاي شسويتي افراح ...
انوب عالكروب حتى مو عالخاص .. اتخبلتي!!..
رجعت حذفت تعليقي ...
بس الظاهر هو شافه ..
رد علي:
الحمدلله عالسلامة
افراح: الله يسلمك ..

اتوقعت يحجي بعد لكن ماحجه شي ..
فكرت يمكن لان فشلته واسلوبي جان مو حلو ..
المفروض عالاقل اعتذر قبل مااجاوبه هيج ...
المهم غلست ..