صرخات محبوسه

7

صرخات محبوسه
بارت 7
صرخات محبوسه

رحت اتعثر بالمشي وادور على الفون طبيت للغرفه لكيته ورحت اركض وادوره وين ع صوت صياحه شفته يم باب الهول خليت بيده التليفون
ورجليه صارن خيوط ماحملني .. كعدت بالكاع
هو اخذ التليفون مني ويدوس بي شمره عليه
.. كال طلعيلي رقم واحد من اخواني

ماعندي بس رقم رقيه وهيفاء كتله بخوف ورجفه
ظل يصيح اي احد منهم دكي علي
بيدين ترجف طلعت رقم رقيه واتصلت بيها سمعته دك كمت انطيته النقال خليته بيده خمطه مني
رجعت كعدت وخليت ايدي على راسي احس روحي بدوامه
اسمع صوته يحجي بصياح رقيه انطيني وسام بسرعه .. تعااال وسام وجيب حازم ولك اتعاركت ..
وسداه واجه شمر عليه التليفون وكال كله منج يالبومه هي كلها من جوه راسج
نزع البدي مالته المشكك وشمره وراح للحمام كمت رحت للمطبخ وخليت ايدي ع خدي وصفنت يربي شنو صار وليش تعاركوا وعلى شنو هو بزون ينطيهيا ويجي ع شنو هالعركه ..

اندگت الباب وهو راح يركض للباب طببهم بالهول وظلوا يحجون
ماافتهم من صياحه شي
طب وسام للمطبخ سلم عليه كال سويلنه جاي
كتله ان شاءالله
سويت جاي ورحت وديته وسلمت على حازم
ورجعت للمطبخ
كل الي افتهمته بانهم متعاركين ويا يعني مو بس واحد وموبس احمـــد لا مجموعه اسمعه يكول لأخوته استفزوني وسووني مضحكه ماتحملتهم وضربت واحد منهم والتموا عليه وضربوني وهسه اريد اشتكي عليهم لو أكاومهم
وبقوا اخوته يسكتون بي ويهدونه يكولوله احنه ماعدنه مشاكل وي احد واسكت مااريد مشاكل اكثر ضربتهم ضربوك هي هيه خلص
كللهم تليفوني ماادري اخذوا ماادري وكع يمهم
مو مشكله سهله سالفة التليفون كلشي واله حل ..

قنعوا بأن يسكت بس ياترى هل راح يسكت
لليل كلش راحوا اثنينهم ..
وحسام يباوعلي ويخزر اني معندي غير السكوت والدعاء للربي بأن يكفيني شر هي الليل ومابعدهه ..

نام حسام واني روحي تلوب مااكدر انام وماانكر جنت مقهوره عليه واباوعله وهو نايم كل هذا بسببي اني غبيه وثوله وماحافظت على بيته وممتلكاته بغيابه
والوم بروحي
انتبهت على عينه زركه مثل عيني بالضبط وهي نفسهه اليسرى
ظلت اسئله تجي ابالي وكلشي بالنسبه الي مبهم وجانت الاجوبه على اسئلتي باليوم الثاني جان لكل شي اجابه .

نمت بوقت متأخر والصبح كعدني حسام بصوت خشن وغاضب كومي ولج سويلي ريوك
كمت سويت اله ريوك وردع ارجع انام مكدرت
بقيت كاعده ..
طلع حسام وبقيت اني ارتب بالبيت واشتغل
للضحى دك تليفوني رفعته رقم غريب
جاوبته خاف احد من اهلي ..
- الووو
- الو زهراء ..
-اي اني زهراء منو انت
- حلو اسمج زهراء
- شنو داكوول منو انت
- ع كيفج انت ليش هيج معصبه ومتوتره دائما دنحجي بهدوء .
- غير اعرف منو انت وشرايد .
- اني احمد ...
- احمد منو
- هه جنت يمج البارحه العصر الي لولو ع كولتج يمي
- منين جبت رقمي وشرايد مني وشون عرفت اسمي
- ع كيفج وحده وحده تليفون رجلج يمي بقه من البارحه وعرفت اسمج من المسج الوحيد الي موجود بتليفونه
- وهسه شرايد مني وليش ضربت رجلي البارحه
- داانتقم الج شفتي الضربه بمكان الضربه الي ع عينج - وانت منو وكلك محامي دفاع عليه يابه اني زوجي انت شكو وبعدين منو كلك هو الي ضربني اني تعورت - لا مبين هو الي ضربج كلشي واضح انت تذكري كلامج من جيتي ع البزون مو كلتي يكلب الدنيا ؟
- وهسه شتريد مني
- اريد نكون اصدقاء فقط لاغير شنو رأيج
- لك اني متزوجه شنو اصدقاء مو عيب عليك
- اني كلت اصدقاء مكلت غير شي
- واحنه وين عايشين وين اكو صداقه عدنه
- انت الي وين عايشه وليش ماكو صداقه اكو بس بعدها مو صلت الج
- هي الصداقه مموجوده بقاموسي ولا تسمح الها تربيتي واخلاقي وليش دتطلب صداقتي
- دااشوفج مظلومه ومحتاجه احد يوكف بجانبج
- وانت شمدريك شنو شميت ايدك وعرفت
- لان قريت كلشي بعيونج عرفت كلشي عنج من خلال نظرات عينج هي العين الي المفروض متنضرب بهالوحشيه ابد ..
حسيته ديضرب ع الوتر الحساس متحملت منه كلام ابد قلبي ظل يرجف اخر شي كتله اني اصلا دااكبر براسك وجاوبتك مفروض اللبسك اتركني اني متزوجه وسديته بوجهه
كلماته اقتحمت روحي ثواني ووصلني مسج فتحتها من نفس الرقم
هو هذا هم حاسبته زوج لاخلقه ولااخلاق حتى حرف ال ش ميلفظهه يسويهه س لا والحفر الي بوجهه شون متحملته ههه هههه ههه وفوگاهه يضربج عمود بزونه ويخليج متحمله مسؤؤلية البيت وحدج .؟
ماادري اضحك ماادري شسوي لو اكول الحسام عليه لا شكوله انوب يطلعني اني المو زينه اسكت احسن وانوب كلما يخابر مااجاوبه
بقى طول اليوم صوته يرن بأذني صوته حلو رجولي وكلما يجي ع بالي اخجل من نفسي اني شون افكر بي بهالطريقه لازم اطلعه من بالي ..
صرت اعذب نفسي اذا يجي ع بالي اكرص روحي اركع راسي ع الخفيف ..