صرخات محبوسه

17

بارت17
#صرخات_محبوسه
نورا ناصر

بين تساؤلاتي والحيره الي اني بيها رجعت للغرفه دخلت وسديت الباب .. ورحت للتليفون وفتحت الواي فاي .. لگيت كومه مسجات من احمد ..
الو الو وينج ,ليش تسدي بدون متكولين باي او تصبح على خير هذا مو ذوق ولا اسلوب , يعني متردين نحجي مكالمه كولي مااريد وخلص .. 
ظليت اضحك مبين عصب دزيتله مسج
ناوي تعلمني الذوق والاسلوب ؟؟
وعفت التليفون .. باوعت للساعه 8ونص .
بينما تصفحت مشى كل الوقت وصارت ساعه 9وربع
وصلني مسج منه بسرعه فتحته ..
صباح العسل الناس تصبح .. اي اذا اقتضى الامر اعلمج ليش لا .. ضحكت الي يشوفني اضحك وحدي يكولون مخبله كاعده بصف الكنتور والغرفه مظلمه والبنات بس صوت انفاسهم ناييمين وبسابع نومه ميكعدون اله امهم تكعدهم الي اسمع صوت بالمطبخ يمكن كعدت ماادري اخوها المزعج ديسوي شي بالمطبخ ..
بديت اكتب المسج اكتب وامسح
كتبت اله ليش شايف جاهله كدامك ؟؟ وبعدين ليش تريد اتعلم الذوق والاسلوب وياك قابل شعندي وياك تره مو دوم اتواصل وياك اني
- ليش متتواصلين ويايه ؟؟
- وشنو الي يخليني اتواصل وياك
- اني احبج زهراء
- ههههههه
- ليش تضحكين والله احبج والله وداعت امي وبنتي وهسه انطيني العنوان اجيب عمامي وخوالي واخطبج
- مااريد اتزوج منو كلك اريد اتزوج
- ليش متردين
- مو وكته هسه مصار سنه من اترملت وثانيا اريد اكمل دراسه
- اهاا حلو عندج طموح شنو راح تكملين
- اني جنت معهد طبي سنه ثانيه بس ضروف حكمت وماكملت وصار 5 سنين ماادري اذا يقبلوني ارجع او لا
- ليش متكملين دراسه جامعيه مو احسن
- امممم ماادري
- اي كملي مسائي وفوتي صيدله
- وليش صيدله
- حتى نصير اني وياج نشتغل سوه نفتح صيدليتنا الخاصه بينه وحتى اطفالنه ناخذهم ويانه
-
ضحكت ياالله شكد اتأثر بكلامه وبلحظتها سألت نفسي هم راح يجي يوم يصير عندي طفل ونوب منين من احمد راح اكون بمنتهى السعاده اذا اجه هاليوم ..
جاوبته لا مااريد صيدله اريد اصير محلله
- اي دومج عنيده ويايه ومتاخذين كلامي .. المهم اني تأخرت وزمن جاي تتصل بيه والهسه اني بالفراش راح اكوم احجي وياج بغير وكت ..

اني ضجت ومجاوبته شنو يعوفني ويروح مو ديحجي ويايه خررب اني صار العقلي شي لا الي صار القلبي اني حبيته شون بس شون ..

مشى الوقت بالنهار كعدوا البنات وتريكت وياهم عبير شويه زينه تقبلت رفضي لأخوها وصار عدها عادي
صفنت بحجي احمد وقررت اقدم على كلية الصيدله وحجيت لعبير ورحبت بالفكره وانتظر ابراهيم واحجي ويا علمود اني مااريد ابقى هنا ..

صار الظهر واجه ابراهيم واكيد اذا اشوفه تعبان انقهر عليه وماافتح ويا اي موضوع .. خليتها غير وقت
يوم الجمعه انسب شي هو يكعد الصبح بالبيت  وميروح ..