صرخات محبوسه

8

بارت 8

گال
- الوو
- شدتحس انت
- توقعت راح تخابرين وتوقعي بمحله
- اكدر اعرف شنو معنى تصرفك هذا
- شنو ماافتهمت زهراء شبيج
- اولا اسمي لاتلفظه بلسانك واثنين ليش تمشي ورايه ليش تتبعني
- لأ لأ شنو امشي وراج مو عيب هالحجي قابل الكاع كاعج هي كاع الله وجاي امشي بيها
- لاصدك لا والله باع مره ثانيه اذا مشيت ورايه والله افضحك بنص الشارع والم الناس عليك .
- متسويههه ابد
- وشمدريك مااسويهه
- جبانه وخوافه بس شفتيني جان اندعمتي اله شويه المهم قريبا راح تصيرين الي اني حاس بهالشي
- انت متستاهل اتنازل واحاجيك اخلي الزلم هم يتصرفون وياك احسن
- يازلم ههههه رجلج الجبان الي نسه حتى نعاله يمي وانهرم ميت من الخوف لو اخوته الي حتى مااجوا اخذوا حقه
مممم عوفينا منهم اريد اگولج شي زهر
نسيت متحبين اگول اسمج بس شي راح اكوله
تره الكحله بعيونج سحر

سديته شكد ميستحي هذا شافني ضعيفه يريد يستغلني عباله كل البنات تتنازل بسرعه

بقيت عايشه بخوف ورعب اليوم كله
من اتذكر الحادث الي راد يصير الي

بيومها خابرت امي وكالت راح اجيج بعد يومين
طرت من الفرح معرفت شأسوي كلش فرحت وظليت احضر الجيتهه خيطت الها دشاديش وطايره راح اشوف امي ..
وبيوم الي تريد تجي خابر ابراهيم عليه شكد مشتاقه الصوته بس هو جان يحجي ويايه بحديه كال خلي واحد ينتظرنه بالكراج لان مانندل المنطقه مالتكم
كتله ميخالف
رحت البيت وسام وكلت الرقيه تكله لان حسام جان مسافر كال يومين ويجي واكيد هم ماينتخي اذا اكوله روح اتلگاهم
وصدك راح وجابهم.. قبلهه جنت انتظرهم بالباب من وصلوا وشفت امي نزلت رحت ركض عليهه وحضنتهه ومدااشبع شم منهه
ورحت سلمت على ابراهيم وبوسته بس وجهه ثگيل عليه وبقه واكف مقبل يدخل گلي طببي امي وتعاي احاجيج طببت امي للبيت ترتاح وطلعت اله
ظل يحجي كال صدك جذب امج هي تجي تشوفج انت شنو ماكو احساس مره جبيره تجيج مناك الهنا ماتعرفين تكولين الزوجج الشفيه يجيبج تشوفيهه

اني سكتت ودنكت ودمعتي صارت بطرف عيني كتله خويه والله ضروف شسوي كال اني رايح يومين واجي عليهه كتله ميخالف
كلش انقهرت شسوي ياربي الناس كلها ماراضيه عليه حمدت الله وشكرته ورحت لامي نمت بحضنهه اريد ارجع زغيره اريد ارجع ابطنج امن الي
خطيه مثل كل مره مجمعتلي فلوس وخلت بيدي
بقت عندي يومين واجه عليها ابراهيم واخذهه مادخل حتى للبيت هيج متعاجز مني اخخخ
المره من تتأذه تكول اخخ ماتكول زوجي ولاابويه تكول اخ بس ليش هيج ابراهيم وياي جافي اني هالاخت الوحده عنده بس هم اعذره اكول اني المقصره وهو خطيه متكفل باليتامى ووجهاله اني معندي شي ..