صرخات محبوسه

9

هذا اخر بارت لليوم 😅ملتقانا غدا
بارت 9

المنظر بالنسبه الي فضيع متحملت وين اروح شفت مكان وكعدت بي اريد الطم اريد اصرخ ماادري شنو اسوي احتاريت عيوني غوشن مااكدرت اشوف حتى فركت عيوني ورجعت باوعت البعيد اشوفهم بيدهم اغراض خلوها بالسياره وصعدوا وحرك وطلع ..

اباوع للسيارات اتمنى اشمر روحي جوه وحده منهم واخلص من حياتي كلها ماقهرني غير الطفل الي ويا يعني هذا ابنه هو يخلف واني العاقر ومااخلف لحظات اباوع ديوكع دم ع ملابسي طك خشمي دم ماكدرت حتى اتنفس ..

اختلط الدم بالدموع وضوضاء السيارات والعالم كله احسه براسي اذني صفرت من الضجه ..

دقايق واحس واحد يمي وكعد باوعتله بطرف عين شفته احمد كعد كبالي گال بيج شي

شهكت بدون اردتي وزدت بجي
كال امشي اوصلج للبيت
كمت بسرعه وبدون تردد صعدت بسيارته هو فتح الي الباب الوره اني مدنكه شفت راح ورجع اجه طب يمي دفعته بهستيريا
عصب وضرب المقعد الامامي بايده كال ولج شبيج جبتلج كلينكس شمره بحظني ونزل حرك السياره
ومشى

صرت احس بظلام واحس حياتي لهنا ووكفت
بقت كومه افكار تجي ابالي الى ان وكفت سيارة احمد باوعت هي مو يم بيتنه كتله وين وكفت
كال اريد احجي وياج شنو رايج ننزل نحجي بالصيدليه
- بقت ايدي ع اليده مال مال افتحها متنفتح كتله افتح الباب مابيني وبينك حجي
- زين اقيس ضغطج واجيبلج علاج واوصلج للبيت
- ايدي ع اليده والباب متنفتح كتله مااريد مااريد افتحلي الباب ..
- اريد احاجيج بموضوع يخص زوجج صدكيني نيتي مو سوء وياج

يحجي ومخلي عينه بعيني واني مخليه الكلينكس ع خشمي بس عيوني مبينه
من سمعته هيج كال كتله ماشي نزلت ويا
هو نفسه الفرع الي بي الصيدليه بس من غير باب فوتني مو من باب الجام ..
طبيت وراه جان المكان مثل المخزن وبي شغلات ادويه متروكه وشغلات ماركزت بيهه
لثواني واجت البنت سلمت على احمد وظلت تباوعلي اني كلش خجلت اكيد هسه تظن بيه غير شي كلش استحيت احمد تقرب منها وشاورها اجت يمي
كالت اني اسمي زمن كتلها اني زهراء كالت
اعرفج طبي زهراء غسلي هذا يمج الحمام ..
رحت صوب الحمام ونزعت العبايه خليتها ع الكرتون جان بصفه الدنيا كلها جانت طالعه من عيني وروحي مالي خلگها
جنت لابسه بلوز نيلي ساده قماشه مخطط بلمعه
بي ياخه مدوره كامله من كدام
وتنوره كصيفه طويله سوده
طبيت للحمام مااتحملت حتى اغسل كعدت ع الكاع ابجي
بس جنت اسمع يحجي وي زمن وهي تعاتبه تكوله يعني لو ما زهراء متجي
يكول الهه اي مااجي
- حتى تليفوناتك مغلقه
- زمن الدنيا طالعه من عيني مالي خلك لو تسكتين احسن
- احمد بنتك مابقه شي ع عمليتهه خطيه تريدك يمهه تره ميصير تهملهه هي هم ..