جارتي الثلاثينيه
همس القوارير
البارت ٢
تزوجنا والحمدلله وكعدنا بيت لوحدنا اجار لان اهله بيتهم صغير واضطرينا نسكن لوحدنا بعد شهر زواجنا حسيت زوجي مو من النوع الرومانسي وما يهتملي رغم اني يوميه مكياج وابدل وتسريحه واخبص نفسي والله اطلع اخبل واهز اكبر شارب بعدني شباب وجمال وتصوروا وينطيني ضهره وينام كنت اموت قهر واشبع بجي ومرات من قهري اقره قران واصلي زياده لان احس اني وحيده ومالي احد من كنت عند اهلي كنت محرومه من الحب والحنان ابويه متوفي وامي ملتهيه بعيشتنا كنت اكول ميخالف من اتزوج ربي يعوضني اشو من تزوجت نحرمت بالزايد ومبقالي امل بالدنيا يوم عن يوم يزيد بهماله الي كانما ماكو يمه مره ما اعرف شنو السبب وطبعا هالحاله من بداية زواجنا بالخطبه كان اهون شوي لان تعرفون المره بهيج وضع محبوبه بس همين اكو فرق يعني مو رومانسي واني كنت كولش حساسه ورومانسيه
كنت كلما اوكف كدام المرايه واباوع لنفسي والله داشوف روحي حلوه وجميله ودائما اسئل نفسي اني شنو ناقصني شنو الي بيه ميعجبه وشنو الخلل ووين والله احترت وياه كانت هذه الحاله مشكله بالنسبه الي ومع العلم متاكده منه ما عنده وحده غيري اني الوحيده بحياته وارجع اسأل نفسي يمكن عنده برود او تكبر او شنو والله مدافهم المهم ضليت عمري هشكل عايشه وياه يوميه اني الي اتقرب واني الي اتودد واني الي اصبر واتحمل فوك الفقر والحاجه لا محمود ولا مشكور عبالك واجب عليه واني داقضيه بعد اربع اشهر حملت بنتي اماني بده زوجي نسيت اكوللكم اسمه اسعد المهم غير شغلته وبده حالنا يتغير الف الحمدلله والشكر والحاله الماديه من احسن لاحسن بفضل من رب العالمين بحيث والله بنات من دون مبالغه مرات ما عدنا نتعشى والحمدلله من تغيرت اوضاعنا اشترينا بيت ملك واشتراله محل وسياره وضعنا تمام لتمام وكوله بالحلال عمرنا ما دخلنا حرام لبيتنه ولكن عناية رب العالمين والي يصبر لازم ينول بالاخر كمت كولشي اشتري ومخليت بنفسي شي واساعد الناس المثلي وكنت كلما اتمنى شي اصلي وادعي وربي يحقق كول احلامي لان يعرفني فقيره ويتيمه ومالي احد وبقيت مهتمه بنفسي وابد ما أثر عليه اهماله هو بقى نفس وضعه مرات من اعاتبه يتغيير يومين او تلاثه وتالي يرجع مثل ماهو مو بيده واني همين تعودت على وضعه وحملت مره الخ بنتي ديمه وصاروا عندي بنات اثنين وكنا عائله مترابطه بغض النضر عن طبعه بس كان ممخلي بنفسنا شي وشنو الي اتمناه يجيبه الي ومداريني ومداري بناته يمكن بهالطريقه كان يعبر عن حبه الي هذه النضريه تالي افتهمتها من كبرت شوي بس مهما يكون المره تحب الانسان الي يحبها ويعبرلها عن حبه الها كنت من اسأله انت تحبني يكولي اي احبج بس ما اعرف شلون اعبرلج عن حبي الج لان اني ممعاشر نسوان ولا اعرف شنو يحبن وما يحبن واضل ساكته ومن يزعجني فد شي اكوله انت شنو ملاحضت هالشي محسيت بشي يكولي اي حسيت اي ليش متكولي يكولي هسه اكولج ومن الاخر عشت وياه ١٧ سنه وما منه فايده موتني
