جارتي الثلاثينيه
همس القوارير
البارت ٥
طبعا بقت علاقتي بعلياء ومرات اروح يمها واكعد ونسولف ونضحك بطبيعتي من اطلع لمكان قريب ما اخذ البنات وياي وكنت قبل لا اروح لعلياء اسألها اذا زوجها موجود لو لا
وجدان :هلو علياء شلونج
علياء: هلو عيني جوجو انتي شخبارج صارلك كم يوم ماكو اشتاقيتلج
وجدان :والله ملتهيه بدراسة البنات شنو وين انتي قلبي
علياء : بالبيت يعني وين اروح
وجدان :الدكتور موجود لان مسويتلج كليجه وكلت داجيبها الج
علياء :لا عيني مموجود راح يشوف والدته وبعدين واذا موجود شنو يعني
وجدان :لا عيني ما احب ازعجكم اذا مموجود ناخذ راحتنا اكثر هسه جايتج افتحيلي الباب
وفعلا اخذت الكليجه ورحت والبنات بقوا يدرسون فتت للبيت مكان احد موجود بس هي كعدنا سولفنا وتشاقينا وتعرفون سوالف النسوان اذا ماكو احد فضايح هههههه المهم تقريبا نص ساعه واجه الدكتور فات وسلم عليه
رافد: شلونج ام اماني شخبارج
وجدان :بخير دكتور الحمدلله
علياء :اشو اجيت من وكت هستوك طلعت
رافد: ملگيت امي بالبيت رايحه لبيت خالتي ورجعت وهمزين رجعت
ويباوع عليه حس على نفسه وكال علمود اكل كليجه اني حسيت الكلام موجه الي
دكعد عيني خلي اجيبلك استكان جاي
هم عادي عدهم يكعدون نسوان وزلم سوه بحكم عملهم
التفت عليه وبصوت ناصي
رافد: وينج هالايام ليش ما تجين
وجدان :والله ملتهيه دكتور
رافد :مشتاقلج لا تطولين عليه
اني نصدمت وبيني وبين نفسي ياا عزه شبيه هذا وساكته كولشي محجيت انتضرت علياء تجي علمود اطلع
رافد: لا تفهميني غلط بس والله من اشوفج روحي تروح واحس اني مو اني وجدان احبج وما عندي اي طمع وياج بس اشوفج وما اريد منج شي
واني صافنه عليه يربي شنو هالجرءه الي عنده
طبت زوجته وهو اخذ الاستكان مالت الجاي ودخل للغرفه
واني استأذنت وطلعت وصلت للبيت شمرت الموبايل والمفتاح واني صفنه تجيبني وصفنه توديني بيني وبين نفسي يااا هذا شنو معقوله من كول عقله يحبني شنو الي ديصير ياربي هسه لو غيره يمكن اكول يلعب ويسولف ويتشاقى بس رافد مستحيل اخلاقه عاليه مو مال هالسوالف هو صحيح شكله حلو ومرتب وشخصيه بس اسعد احلى منه وبعدين حتى لو احلى منه تالي عمري انجرف وره ملذاتي مستحيل الي بنيته ما اهده بيوم وليله خليني ابتعد احسن وتواصلي ويه علياء بس عالنت وبعد ما اوصل لبيتهم بلكت ينساني شوي
رافد ما اعرف من اشوفها لوجدان شنو يصير بيه احس اني احبها واشتاقلها ومرات اكعد بره اكول بلكت تطلع واشوفها شنو تالي عمري اصير مراهق بس كولشي بيها يعجبني وجهه وجسمها وعيونها ومشيتها وكلشي بيها يثيرني من دخلت للبيت وشفتها ما اعرف منين اجتني الجرءه وحجيتلها مشاعري يمكن راح تفهمني غلط بس والله اني مو من النوع الي العب وعندي علاقات اول مره بحياتي تصير عندي هيج حاله ومرة الايام واني ما شلتها من بالي تاكل وتشرب وياي وتمنيت اشوفها واشتاقلها واطلع بره عسى ولعل اشوفها مشتاقلها حيل لحد ما فد يوم من الايام
