جارتي الثلاثينيه
همس القوارير
البارت ٦
كنت طالع واجيت لگيتها كاعده يم علياء واني روحي ردت الي ضليت اطب واطلع وعيوني عليها شنو ملاك دخيل ربج نياله لزوجج هسه شصار لو اني مكانه فهي استأذنت من شافتني ورادت تطلع وعلياء موبايلها دك كتلها روحي جاوبي واني اطلع وراها
علياء : مع السلامه عيني جوجو واعذريني امي تتصل عليه
وجدان : عادي براحتج عيني
طلعت وطلع وراي رافد اشو هذا سحبني على جهه وحضني واني ادفعه
وجدان :رافد عوفني رحمه لهلك لا تجي علياء
رافد :والله مشتاقلج بس اشم ريحتج وارتاح لا تخافين متجي علياء لان تنسى نفسها من تحجي ويه امها
وجدان: دفعته وكتله لا تخبلني انت شنو تريد مني اني متزوجه واحب زوجي واطفالي عوفني لا تهجم بيتي
رافد: بس اشوفج واشم ريحتج والله ما اريد منج شي مجرد وجودج بحياتي يريحني وجدان احبج واموت على التراب الي تمشين عليه واول مره احس بهذا الاحساس
وجدان :رافد الي دسويه عيب والله عيب عوفني وانساني ولا اعرفك ولا تعرفني
رافد :انتي مو بكيفج تقررين عني ما اعوفج لو الدنيا تنطبك على الارض احبج افهمي يمعوده وحياتي متسوه من غيرج
وجدان :دفعته لرافد وطلعت وهو ضل واكف بره لحد ما فتت للبيت واني مرتبكه وخايفه واحس الدنيا كولها شافتني ومستحيه من نفسي واخذت قرار بعد لو اموت ما ادخل بيتهم وعلياء الف عذر وعذر ادورلها في سبيل اخلص نفسي ميصير هالشكل اني اخاف منه هذا جريء حيل وما اعرف شنو اسوي وره يومين اني نايمه عالجربايه بس مغافيه واجتني رساله عالوتساب من رقم غريب
مكتوب بيها
أيتها الثلاثينية
لا تتمايلي فمقاس خصرك
قد يوقظ حرباً من الشوق داخلي
أرتدي وشاحك
وأرحمي عزيز قلبا أرهقته التمنيات
احبج
رافد
اني شفته للمسج كعدت على حيلي واتلفت يمنه يسره اخاف احد شافه همزين اسعد نايم كان عرف اكو شي من الفزه الي فزيتها تدرون بيني وبين نفسي ذبت بالكلمات اويلي شنو هاي اني هشكل شكد حلو عبالك مراهقه عشت اللحضه وكتها وفرحت
وخزنته للمسج بالمذكرات حتى اشوفه كلما اضوج ومسحته من الوتساب وبقيت كل شويه اشوفه واضحك لاول مره بحياتي احس بقيمتي لاول مره بحياتي احس فد شي مهم اكو احد امثله شي رغم هالشي غلط وحرام بس فرحت بيه
خليته للموبايل صامت ونمت بس مو نمت غفيت لان نومتي صارت متقلبه ساعه احس بالذنب وساعه افرح وساعه انام وخلص الليل واني على هالحال كعدت الصبح حاولت اكون طبيعيه كملت تنضيف وشغل وغدى ويومي كان طبيعي اسعد اتصل وكال ما اجي عالغدى اتاخر كملت شغلي وكعدت اريح ودز رافد مسج
الوووو
مجاوبت
وجدان ومجاوبت
حبيبتي ردي راح اموت الشوك ذبحني والله مداتحمل
وجدان : رافد انت شتريد لخاطر الله تريد تهجم بيتي
رافد : اوووف والله مشتاقلج حتى لو ترزليني بس ردي والله تدمرت
وجدان : تفضل شنو رايد بالضبط
رافد : والله ما اريد شي بس احبج هيج نبقى خلينا بس اسمع اخبارج واشوف وضعج شنو مراح اهدم حياتج
وجدان : شنو راح تسوي واذا سمعت اخباري شنو راح يصير الي دتسويه غلط لا تخسر دنيتك واخرتك
رافد : الي تكولينه صحيح وكلامج على راسي بس مو مبيدي من اشوفج احس قلبي يضل يگ وافرح وارتاح نفسيا وما ودي اشيل عيني عنج
وجدان : رافد عفيه ما اريد مشاكل خليني مرتاحه
رافد : صدكيني ما اسببلج اي مشكله بالعكس اني احلج المشاكل واكون ضهر الج وسند بس طيعيني حبيبتي
وجدان : اوكي بس بشرط ما تراسلني اله اني اراسلك اخاف اسعد موجود
رافد : ميخالف بكولشي اقبل المهم نبقى سوه
وضلينا ساعتين نحجي
