جارتي الثلاثينيه
همس القوارير
البارت ٨
دكيت على وجدان
رافد : جوجو تعالي هسه حبابه راح اموت وربي دمرني الشوگ
وجدان : رافد مو وكتها اني بديت اخاف احد يشوفنا خلينا نأجلها
رافد : لا حبابه ما اتحمل ربع ساعه ورجعي هو شنو طالب منج
وجدان : ماشي يقلبي مو اكثر من ربع ساعه
طبعا كتلهم رايحه يم علياء شويه واجي
رحت طبعا لگيت باب الطرمه مفتوح وفتت جوه بعد البيت بيتي
وتلگاني من الباب احضان وبوس حتى ملحگت اسلم عليه
وجدان : شبيك تخبلت دعوفني خلي اسلم خلي اشوفك
رافد مشتاقلج مشتاقلج راح اموت
المهم اني بحضنه محسينا اله ودخلت علينا علياء وطبعا اثنينا وگفنا واحنا بحالة ذهول وصدمه وحيره شنو ننطي من عذر
علياء : يا حقيره يا نذله اني صوجي امنتج على بيتي ودخلتج حياتي متوقعت هيج تسوين امشي طلعي بره يا سافله
وانت نذل وجبان وحقير وتهسترت وكامت تضرب بينا وطردتنا من البيت اني ركضت رحت لبيتي وسديت الباب وهمزين ماكو احد بره وشافني ما اوصفلكم شعوري وقتها خوف وقلق ورهبه وحيره ومصير مجهول يعني شكو شي سيئ اجه على راسي شنو راح يكون موقفي من يعرفون وشنو راح تكون حياتي عبالك قبل مكنت اعرف وهسه عرفت
رافد كوه فات للبيت
رافد : صدكيني اسف هي اغوتني وجرتني واني وحدي وتعرفين الشيطان انتي مرتي وانتي حبيبتي ومالي غيرج
علياء : مع الاسف على حياتي الي كضيتها ويه واحد خاين مع الاسف على عمري الراح طلگني بعد ما اتحمل اعيش وياك انت دمرتني وكسرتني
رافد: مستحيل انتي مرتي اني احبج ما اطلك لو اخر يوم بعمري
علياء اخذت ملابسها وطلعت من البيت واخذت استقراري وحياتي وسلوتي وياها ومبقتلي شي
وجدان : بعد ما رجعت من بيت رافد ارتفع عندي الضغط وصار عندي انهيار عصبي ونمت مستشفى يومين وحاولت اتصل على علياء ومترد خفت لا تحجي شي وتضيع حياتي بقيت بالمستشفى لحد ما يستقر وضعي
