جارتي الثلاثينيه
همس القوارير
البارت ٣
المهم تعودت على طبعه وبقيت مثل ما اني حلوه وهنوب السنين والراحه زادتني حلات وكلما اكبر اهتم لنفسي اكثر وصبغ ومكياج وترتيب بس ولا يوم هملت صلاتي وكنت ادور ثوابات بكل اعمالي الي اسويها واساعد الناس وكلها تحبني وتريد خاطري قررنا ننتقل لغير منطقه تكون احلى وارقى وطبعا انتقلنا وغيرنا اثاثنا وحالنا والمنطقه الي انتقلنا الها ما شاءالله كولها دكاتره وموضفين ومهندسين يعني شوي راقيه كملنا ترتيباتنا وصار البيت كولش حلو ومرتب كان البيت طابقين ٣ غرف فوك وملحقات واربع غرف جوه وحديقه وطارمه تكفي للسياره بس المهم البيت ارتاحينا بيه والمنطقه والجيران اجتماعيين واجوي زارونا من نزلنا للبيت جيرانا الي مقابل بيتنا كان دكتور رافد اخصائي باطنيه وقلبيه كان تمدح بيه الناس اخلاقه عاليه وانسان ملتزم ويخاف الله متزوج بس ما عنده اطفال خطيه كانت زوجته حبابه ودكتوره وياه متزوجين عن حب طبعا تعرفنا عليهم وزوجته كانت صديقتي ضلينا نتراسل عالوتساب اسمها علياء
وجدان :هلو علياء شلونج حبي
علياء :هلو عيني ام امونه بخير انتي شلونج
وجدان :بخير عمري انتي وين دادك بالباب ماكو جايبتلج ماعون دولمه
علياء :يا عمري اني بالدوام من اجي امر عليج اخذها للدولمه
وجدان: لا حبي لا تعبين نفسج من تجين اني اجيبه الج
علياء :والله دنتعبج ام امونه
وجدان: لا يمعوده تعبكم راحه من تفوتين للبيت دزيلي مسج
علياء :مشكوره قلبي ربي لا يحرمني منج
كنت كلما اطبخ شي طيب او حلو اشيل حصتهم لان اكول خطيه دوام ومتلحك تسوي شي
المهم دزتلي بمسج بوصولها كتلها امونه حضري المواعين على ما اروح اودي الماعون وارجع بسرعه لان ابوج جوعان ويريد يتغدى دخلت للبيت وسلمت عليها وانطيتها الماعون وداطلع بدخلت زوجها للبيت وانضربت بيه لان كنت مستعجله
وجدان : اوووو اسفه جنت مستعجله شلونك دكتور
رافد :اهلا وسهلا ام اماني الحمدلله انتي شلونج
رافد اباوع على ام اماني ربي يستر عليها شنو من روح وجمال شايله
وجدان :من رخصتك وطلعت
وبيني وبين نفسي يمه شبيه هذا اشو اليوم مو طبيعي اشو صافن بوجهي اووو شعليه بيه هسه خلي اصب غدى لاسعد احسن من دوخت الراس
رافد اشو هاي متفارك بالي شنو السالفه اني عمري منعجبت بوحده غير علياء اعوذ بالله من الشيطان الرجيم خلي اشيلها من بالي احسن
