Sa buhay na ito’y kay dami ng tanong
Hinggil sa pag-iral at sa pagdurusa.
Ang Panginoon ba kaya ay may layon
Sa bawat tiising aking binabata?
Aking napagtanto yaring kasagutan –
Minsan ang buhay ay isa ngang pagkilos,
Sa hamon ng mundo’y subukang sumugal,
Ipagpatuloy ang labang tinatapos.
Subali’t minsan di’y dapat na tanggaping
Bawat pangyayari ay pawang himala;
Tanging kailanga’y kahit na katiting
Na biyayang handog ng Amang Maylikha.
Paraan ng Poo’y sadyang misteryoso,
Huwag nang dibdibing lubha ang tanong ko.
BINABASA MO ANG
Mga Tula sa Ilalim ng Langit
PoetryAng aklat na ito ay koleksyon ng apatnapung tulang relihiyoso at naglalarawan ng espiritwal na karanasan ng makata at ng kaniyang ugnayan, pagmamahal at debosyon sa Diyos at sa Mahal na Birheng Maria. Ito ay binubuo ng 2 dalit, 10 awit, 10 tanaga at...
