انين الألم

الـــحـــلـــقـــة 1

4:00العصـر
عمـتي »» لوجـي...لـوجي

انـا »»هممممم

عمـتي »» خـلاص اوعـي عصرر رااه

انـا »» حاضر يـاعمتي "نـضت توضيـت وصليت العصر ولبست توتـه ولفيت شعري كعكة وقعدت مقمعـزة مع عمتي ونهدرزوا "

انـا »» عميـمه عماتـي مش جايات اليوم

عمـتي »»هههههه مش يوميا عااد اكيد الخميس والجمعه يجوا

انـا »»اهااا....قـربت المدرسه مش وقتها بكل

عمـتي »» لوجي اقري كويـس ونبيك تشدي روحك راه والله ماتنفعك الا قرايتك

انـا »» عمـيمه نبي نشري دبش جديد

عمتـي "نزلت راسها وبحزن »»والله ماعنـدنا فلوس اقل شي عندي حـق الكندرة والشنطه بس الباقي معنديش

انـا "صبيت وضميتها »»خلاص ياعميمه كنك انتي....عندي زي مالسنـه اللي فاتت مازال جديد

عمـتي »» اكيده ضيق عليك

انـا »»لالا عارفتيني لانسمن لانرق

عمتي »»هههههه
.
.
،،،،،،،،،،،،،،،،،،،،،،
7:00المـغرب
"فـتحت فـوني اللي عطـاه ليا بابا هدية عيد ميلادي وكسـدت شويه عالنـت وحكيـت مع رتاج"

انـا »» اهلا

رتـاج »» اهليين وسهليين ويينك مختفيـه

انـا »»هههههه والله مـشاغل الحياة

رتـاج باستهزاء »» نعليا خفي علينـا ياجدتـي

انـا »»هههههههه حقيرة

رتـاج »»سمعـتي المدرسه الاسبـوع الجاي

انـا »» يـستر الله مش وقتها والله

رتـاج »» الله غـالب....،شـريتي دبـش المدرسـة

انـا"حسيت بـ غصة في قلبي وخنقتني العبرة »» لالا مزال

رتـاج »» هيييي فيـش ترجي؟

انـا »» اهـو عمي يشتغل ومايـفضاش يشيلني

رتـاج »» اهااا....اسمعـي

انـا »»شنو؟

رتـاج »» عـارفـه حكـى معايـا صهـيب

انـا »» قـصدك اللي يقرا معانا 😳؟

رتـاج »» اها اها....عـارفه ليـا فوق من سنـه نحكي معـاه كـ صداقـة بس الفتـرة الاخيـرة حسيته يلمـح لـ حاجه وعرفتـه يبيني

انـا »» ههههههههههههههههه

رتـاج باستغراب »» كنـك تضحكي؟

انـا »» هههههههههه ساااامط ودمـه ثقييييل

رتـاج »» هههههه المهـم عاجبني

انـا »» امممم ربـي يهنيكم

رتاج »» ان شـالله....،عـارفـه حكالي حـاجه!

انـا »» شنوو

رتـاج »» ابـراهيم معجـب بيك

انـا بصدمة»» ابراااهيـم

رتـاج »» اهاا والله حـتى نا انصـدمت

انـا »» معقووله ابراهيـم نعرفـه محترم ومتـاع قرايه ومعنداش جو الحب والعلاقات

رتـاج »» القلب ومايهـوى هههه

انـا »» كـذا سكري فمك....نـاقصني نحب ونـكبد

رتـاج »» وحـق ربي الا حـاصله في روحك

انـا »»هههههه مدخـلكش

"قعـدت نحكـي معاها لعنـد الساعـه 8 وعيطتلـي عمتي للعـشاء"

انـا »» توجـا نبي نتعشـا

اريـج »»تمام نهدرزوا بعد العشاء

انـا »» تمام سلام

"خشيـت للكوجينه ولقيـت العشاء سلاطـه....الحمدلله ع كـل حال....قعدنا نـرجوا شوي ويخـش عمي"

نـاصر"عمي" »» السـلام عليـكم

انـا&عمتي »»وعليكم السـلام

نـاصر »»لوجـي شن الجـو

انـا »» الحمدلله تمـام

نـاصر »» بكـرا نطلعوا للسوق نشـروا خلاص المدرسـه قربت

انـا »» لالا عمي عنـدي دبش

نـاصر »» لالا بكرا نمشـوا اليوم خلصت

انـا"صبيت وضميته »»نجـك ليا

عمـتي »» ربي يخليـكم لبعضكم

انـا&ناصر »» اميين

عمـتي »» كيف خلـصت مالك شي خـالص من قبل؟

نـاصر »» لالا طلبـت منهم يعطوني الـراتب توا عشـان عندي ظروف...،400 جنيـه توا مايديرن شي

انـا "نـزلت راسي وبحـزن ...حسيـت روحي مثقلـة واااجد عليهم....باتي وامي عايشين ومش مدورينني بكل وبابا من وييين للوييين يحـن عليا ويجيبلي حاجه"

نـاصر & فتحية »» كـولي يالوجي

انـا »» الحـمدلله شبعت
.
.
"طـلعت من الكـوجينه وخشيـت لداري نبكي ونبكـي ع طقـت الباب"

انـا »» من؟
.
.
يـــــــــتــــــــبــــــــع