وصلنـا المـدرسه سلمت عالبنات وقعدن يسألـن فيـا بس مـادورتهنش....قعمزت ومـش طـايقه روحي....اخخخخ بس مـالقت الا نـا اللي اسمهـا ليلـى....فـاتت حـصه واثنيـن وثـلاثـه وطلعنـا للاستـراحه هـدرزنا شـوي والبنـات يحـاولن يغيرن جـوي....خشينـا لفصولنا وانـا زي ما انا 💔...خذينـا حصتين وبنطلعوا عيطلي ابراهيم...ناقصته توا"
ابـراهيم »»لجين
انـا »»ها؟
ابـراهيم »»قبل ماتركبي للحافله نبي نقولك كلمتين؟
انـا »»نعم شنو؟
ابـراهيم »»لجين انـا اسـف
انـا »»ع شنو؟
ابـراهيم »»ع كـل شي....نا والله ماحبيتها يسـرى غير كنت نبي نقهرك"وتنهد" قعـدت نقهر في روحي ماقهرتكش 💔
"انا نبحت فيه وواضحه عليه الندم بس بعد شنو...خلاص ;(....مسكت عبرتي وقبل بنحكي قاطعني وقال"
ابـراهيم »»لجين عطيـني فرصه اخرة...سامحيني وجـربي معايا صدقيني ماتندميش...نا والله نـادم اني حكيت مع يسـرى ونشوف يوميا في عيونك القهر...لجين انا نحبك :(
"بحتت فيه ونزلت مني دمعه وقلت"
انـا »»تصدق يا ابـراهيم حبيتك اكثـر حتى من روحي 💔...عشقـتك والله...رفضتك عشان حاجه وكنـت منبيكش تعلمها....فيه واحد صاحبك ومنبيش نذكر اسمه دزلي رساله وقاللي نحبـك بس رفضته ورفضتك عشان ماتتعاركوش ويصيـر بينكم شي بسببي...لكن فالنهاية قهرتني بخيانتك...الله يسامحك :(
ابـراهيم »»كييف منووو صاحبي؟
انـا »»اسفه مش حنقـدر نقول.....ابراهيم انا مــش حـ نـقـدر نعـطيـك فـرصـة.....انا انخـطبـت💔"وركبت للحافلة وانا نبكي"
.
.
"وصـلت للحـوش وانا نبكـي....خشيت للصاله مالقيـت حـد....بدلت دبـشي وطلعت جميله من دارها وطقت عليا"
انـا »»تفضل
جميلـه خشت »»امشـي ديري الغـداء
انـا »»باه 💔
"مشيـت درت الغـداء وكان معايا فوني...فتحت النت ولقيت حمـزة مسكر 💔...رنيـت عليه لقيته مقفل 💔"
.
.
.
~~~~~~~~~~~~~~
عنـد حمـزة....
"روح من المـدرسه وخش لداره وتنهد بضيق وصوتي ونـا نبكي قاعد يتردد في وذنـه (امس جوني طـلاب وبابا سأل عليهم ووافق بدون ماياخذ رأيي....والله والله العظيم مانبيه💔) وجعـه حالي ووجعاته حقارة جميله وبابا اللي رفضـوه واختاروا الغريب بداله...غمض عيونه وتنهد بضيق ونزلت دمعة من عينه 😢...طق الباب مسح دموعه وقال"
حمـزة »»تفضل
"خـشت ريم وقمعزت جنبه"
ريـم تنهدت »»حمـزة ليش ماحكيتلي لييش كنـا خطبناها لك نا وماما 💔
أنت تقرأ
انين الألم
Misterio / Suspensoروايـة باللهـجة الليبية للكاتبة #سـرو الحاسي...❤"لجين" بنت فقيرة امها وبوها مطلقين وعايشة مع عمهـا وعمتها في فقر وتـكافح عشان قرايتها ويجـي يوم وتقع في حب شخص....هل ستتغير حياتها؟....كله حتعرفوه مع احداث القصة....لااسمح بنقل الرواية 💛❌❌
