شربـت مع عمتي القهوة وخشيت لداري قعـدت نقرا وعالـ سآعــهْْ 6 رن فونـي ولقيته رقم غريب بس غميت عليه....رن مرة ومرتين وثلاثه وبعدها رن المـرة الرابعه قررت نرد"
انـا »»الو
صـوت مراه وتبكي »»لجيين
انـا »»مـ مـن معاي؟!! 😳!
المـراه تبكي»» انـا امك يالجين
"انصدمت والنقال طاح مـِْن يدي وقعدت نبكي ونسمع في صوتها"
ماما »»ردددي عليـا ردي يالوجي ياحبيبتـي مرايفتلك ليا زمان عليك
انـا غطيت وجهي بيديا وقعدت نبكي ورفعت النقال وبصوت خانقته العبرة :-شن تبي منّي
ماما »»شنوو شن تبي منـي حررام عليك انـا امك
انـا ببكاء»»انتي مش ام انتي.....لكي كم ماسألتي عليا ولادورتيني....خلااااص خطييني خطييني حسبي الله ونعم الوكيل فيك وفي بابا.....افترقتوا وكل حد تجوز وعاش حياته وعازقين بنتكـم زي الكلبه....حرررررام عليكم خطوووني خطوووني....انتي بذااات مانكـش ام مانبيكش امي...."وزدت نبكي" حسبي الله ونعم الوكيل فيكم
مـاما تبكي »»بس يالوجـ
انا قطعت عليها »»مافيهاش بس....عدي لراجلك وعويلك وانسيني!...خلاص معاش تذكريني بيك....توا عايشه عند عمتي ومتريحه....انتوا خطووني وانسوووني خلاص معاش عندكم بنت اسمها لجين
"سكرت منها وحطيتها عالحـظر وضميت مخدتي وقعدت نبكي بعبرتي 💔وخشت عليا عمتي"
عمـتي »»لوجي لـوجي كنك تبكي 😳
انـا نبكي »»رنت عليا ياعمتي
عمـتي »»كييييف!!! منو اللي رنـت؟
انـا »»مـ ماما
عمـتي »»هيييي 😡وشـن تبي منك
انـا »»ههه دايـرة روحها تسأل عليـا
عمـتي »»تسأل بعـد الوقت هذاااا كللله؟؟شن خطرها تسأل توا !!شن قلتيلها
انـا »»مسحت رقمها وحطيته فالحظر
عمـتي »»احسن مادرتي....فوتيها يالوجي وتعالي نوتوا عشاء..
انـا مسحت دموعي »»بـه
"مشينـا نوتوا فالعشـاء وكانت الساعه 7 كان خاطـري في معكرونه بالبشاميل ودرناها وطابت عالساعه 8 وجاء عمي جايب معاه خضرة"
عمي ناصر »»السلام عليكم
نحنـا »»وعليكم السلام
عمتي »»سلمك جياب
عمي »»سلمك....العشاء واتي
عمتي »»اها واتي من يدين لوجي....عدي بدل دبـشك وتعال
"خش عمي بدل دبشه وحطينا السفرة وقعدنا ناكلوا"
أنت تقرأ
انين الألم
Mistério / Suspenseروايـة باللهـجة الليبية للكاتبة #سـرو الحاسي...❤"لجين" بنت فقيرة امها وبوها مطلقين وعايشة مع عمهـا وعمتها في فقر وتـكافح عشان قرايتها ويجـي يوم وتقع في حب شخص....هل ستتغير حياتها؟....كله حتعرفوه مع احداث القصة....لااسمح بنقل الرواية 💛❌❌
