اسفه واااجد عالتاخير بس ولله ظروف
قعـدت في داري ونفكـر خشت جميله وقالت ديري الغـداء....تنهدت ودرت الغداء وجاء بابا وكالعادة حطينا وتغدينا ووووو....خشيت لداري وهلي رقدوا وقعدت نقرا في اخر مـادة....مرررر الوقت وعالعصر ناضوا بابا وجميله وشربوا قهوة وقعدوا شوي وطق الباب....مشا بابا فتح لقا راجل قاله تفضل وخش معاه للمربوعه ودرتلهم قهوة ومستغربين من اللي جـاء لان في العادة مايجينا حد....قعدنا فالصاله وسمعنا بابا يقول بصوت عالي"
بابا »»تييييي كيف لعب عيااااال هوو؟وشن دخل امها فالنص!!!!!😡
"سمعنا الراجل يهـدي في بابا وبابا يعيط ومتعصب عالاخررررر وبعد نـص ساعه روح الراجل وجانا بابا وعروقه باينات من الغضب"
جميلـه »»كنننك كنك شن صاير؟😳
بابا »»منتصر فسخ الخطبه
"جميلـه شهقت بصوت عالي وحطت ايديها ع خدودها"
انـا »»😳😳😳
جميله »»لييييش ؟ 😱
بابا »»سـأل وسمع بـأن امها مطلقة وقال ماناخذش وحده امها مطلقه ال%#&😡
"جميـله طاحت عالارض وانصدمت وانا معاش عرفت شن ندير نزغرت ولانعيط ولا نرقص....خشيت لداري وسكرت الباب وحطيت يدي ع قلبي"
انـا ابتسمت »»الحمدلله يـاربي الحمدلله يارب
"قعـدت جميلة قريب تبكي ماتقول الا هيا اللي فسخـت وبابا متعصب وقريب يكسر الدنيا....قـريت في اخر مـادة وحاسه بفرررررح وراحة غريبه...كملت قرايا عالمغرب وطلعت للصالة جميله قالتلي "
جميله بعياط »»ديررررررري العشاااء
انـا »»ههههههههاي....من عيوني الاثنين
"مشيت ندير في العشاء وانا متشمته فيها وهيا قريب تبكي....خشيت لداري وراجعت مراجعه بسيطه وعالـ 8 جـاء بابا....حطيت العشاء وتعشينا وقعدت نقرا شوي ورقدت"
.
.
~~~~~~~~~~~~~~~~
"الصبح نضـت ووتيت روحي وفطرت وجت الحافلة وركبت....وصلنا المدرسه قعمزنا نهدرزوا جت ليلى تعتذر عن خوها وتتأسف وتحسابني مجروحه...ههههههه...حكيت القصة للبنات وفرحن وااااااااجد....خشينا للقاعه وامتحننا والكل حلوا والحمدلله...مشينا المحل شرينا كيكات وشكولاطات وعصائر وتورته صغيرة واحتفلنا انا والبنات وفرحانات ونصوروا ونضحكوا بـ نهاية نصف السنة....ضميتهن بكل قووة لانهن سندي الوحيد في الحياة واللي صبوا معايا فالشدة وماخذلونيش....طلعت برا شفت منتصر يرجا في ليلى نزل عالسريع وكلمني"
انـا »»هاا؟
منتـصر »»اسـف لاني خـذلتك بس...بس منقدرش ناخـذ وحده امها مطلقه
انـا »»وووه لا ياماما مفـروض نبكي توا....افتكيت منـك وياريتك عرفت ان امي مطلقه من زمان "وركبت"
أنت تقرأ
انين الألم
Misterio / Suspensoروايـة باللهـجة الليبية للكاتبة #سـرو الحاسي...❤"لجين" بنت فقيرة امها وبوها مطلقين وعايشة مع عمهـا وعمتها في فقر وتـكافح عشان قرايتها ويجـي يوم وتقع في حب شخص....هل ستتغير حياتها؟....كله حتعرفوه مع احداث القصة....لااسمح بنقل الرواية 💛❌❌
