"بعد كملنا ضم الحوسه انا وفرح فتحت النت ولقيت حمزة اخر ظهور منذ 10 دقائق....فرررحت وفكرت ندزله رساله بس ...اووووف مش عارفه يااارب دلني عالصواب مش عارفه نحبه ولالا....هه بكل الاحوال مستحيل يرد يدق باب حوشنا بعد الاهانه اللي حصلها....سكرت النت وحاسه بخيبة الامل وتنهدت بضيق وصليت المغرب....طلعت عمتي من الدار ومشينا الكوجينه وقعدنا نديروا في عشاء...طاب العشاء وتعشينا وخشيت لداري فتحت النت لقيت رساله من ابراهيم"
انا »»😳😳وقته هذا توا
ابـراهيم »»لجين
انا دزيتله »»نعم
رد عليا »»عطيني فرصـة 💔
انا »»خلاااص يا ابـراهيم خلاااص انخطبببت انا انخطبت افهممممم
ابـراهيم »»باهي ربي يهنيك...ضيعتك 💔
انا »»ههه بعد شنو...انت قهرتني قهرررتني يوميا نشوف في يسرى وتقعد تقهـر فيا وانت زدتها عليا...ههه بعد انخطـبت حليت في عينك شكلي
ابراهيـم »»اسف يالجين اسف
"سكرت النت وفتته ومش عارفه ليش حسيت بضيق 💔...صليت ركعتين وخشيت لداري لقيت فرح"
فـرح »»لوجي كنك ؟
انا بضيـق »»متضايقه يافرح
فـرح جتني »»سلامتك يالـوجي ياقلبي...صلي ركعتين
انا تنهدت »»صليـت
فـرح »»احكيلي من شن متضايقه؟
انا »»مش عاااارفه....حسيت روحي مشتتة...ابراهيم من جهة وحمزة من جهة ومروان من جهة وحاتم من جهة ومنتصر من جهة....ملييييت منهم مش عارفه ليش طلعوا في حياتي وكلهم طامعين فيا...لييش ليييش...حبيت ابراهيم من قلبي وطلعت قصـة حاتم ورفضت ابراهيم وخانني مع وحده ماكنتش نتوقعها...تعلقت بحمـزة واجد وشبه حبيته وطلعلي منتصر في حياتي وانغصبت عليه وحمزة ترجا جميله وبابا عشاني بس رفضوا....فالاخير منتصر فسخ الخطبه وردلي ابراهيم ومروان في حياتي....شنووووو هالحااااله مليييييت مليييت ليش هذوم طلعولي في حياتي لييش 💔...كل مانحب واحد يطلعلي واحد اخـرة ويخرب عليا حياتي 💔اااااااااخ يااااااربي تعببببببببت "وقعدت نبكي وننتش في شعري" مليييييت مليييييت ياريت ننتحر ونفتك من هالعيشه اااااااااخ ياااااااربي ااااااااخ يااااااارب ارحمني تعبت تعبت فالنهاية انا انسانه نحس ونتألم ونتعب ونبكي 💔..ااااااااه يارررررربي اااااااااااااه "وانهرت بكاء"
"فـرح وجعها حالي واضبطتني وقعدت تبكي معاي"
فرح تبكي »»خلاص يالوجي هذا كله ابتلاء من ربي وصدقيني مابعد الضيق الا الفرج....صدقيني حـ يجي يوم وتفرحي وتنسي كل همومك صدقيني 💔
انا »»ياااااااااااااااارب ياااااااااااااااارب تعبببببببت والله معاد عنـدي طاقة نتحمل وحق ربـي مليت من حياتي....ياااااارب خوووذني ياااااارب....شن دااااايرة نا في حياتي بيش يصيرلي هذااااا كله شن دااايرررره 💔💔
أنت تقرأ
انين الألم
Mistério / Suspenseروايـة باللهـجة الليبية للكاتبة #سـرو الحاسي...❤"لجين" بنت فقيرة امها وبوها مطلقين وعايشة مع عمهـا وعمتها في فقر وتـكافح عشان قرايتها ويجـي يوم وتقع في حب شخص....هل ستتغير حياتها؟....كله حتعرفوه مع احداث القصة....لااسمح بنقل الرواية 💛❌❌
