"قـعدت نتفرج عالمسلسل لعنـد الساعه 10 وروح بابا وقعد مع جميله فالدار وسندس وحمادي يلعبوا جنبي....كمل المسلسل عالساعه 11 وسندس لقيتها راقده وغطيتها وحمادي شبه راقد....طلعوا جميله وبابا وقعدوا ع تلفزيون الصالة وانا نبي نخش داري نسمع فيهم يحكوا"
جميـلة »»اليوم حكيت مع اختي مريم وسألتني ع لجين وقلتلها رفضنا منتصر وتعالو تفضلوا فأي وقت
بابا »»شنووو ليييش ادييييري هكي ليش!!!😡
جميلة »»اسمعني بس لجين كبيـرة ولو قعدت بلا زواج حتقعد علة ع قلبك واحسن شي تتزوج وتتهنا عليها...بنت خالتي اصغر منها بـ 3 سنين مخطوبة....حتى بنات عماتي اللي اصغر منها مخطوبات وفيه اللي ازوجن وعندهن عويل....يابال لجين امها مطلقة ودور عاد من ياخذها 😏
انـا »»😳😳
بابا »» كلامك صح
"خنقتني العبرة وحسيت بقلبي تكسر قطعة قطعة....معقوله اب يقول عن بنته هكـي...معقوله نا علة ع قلوبهم وكارهينني لهدرجة....ااااااه بس لو نرد لحوش عمتي بس منقدررررش 💔....تنهدت ومسحت دموعي وطلعتلهم"
انـا »»حرررررام عليكم حرام عليكم لهدرجة ماعنديش قيمة عندكم....فوق مامعتبريني خدامة وسـاكته عليكم واللي يجـي تغصبوه عليا وتحكوا عليا هكي 💔حسبي الله ونعم الوكيل فيكم.....ربي شـاهد عاللي درتوه فيـا 💔...رررررربي فووووق
"وخشيت لداري نجري ونبكي"
"بكيييييت وبكييييت لييين رقدت 💔"
.
.
~~~~~~~~~~~~~~
صبـاحـاً..
"نـضت ثـاني يومـ ونفسيتي 00....توضيت وصليـت الصبح وفطـرت...كملت فطوري وبنخـش للدار قابلوني جميلـه وبابا طالعين من دارهم....بحتتلهم بـ نظرة حقـد وغل وخشيت لداري....تنهدت وفتحت النت لقيييييت رسائل وااااااجد....من احمد وفرح واروى ورتاج واميرة ووصال....فتتهم وخشيت عالفيس لقيت حمزة مسكر 💔...خلاص شكله نصيبي مش فيه وربي يسعده....ماهو متعودة طول عمري حزينه وماشفتش يوم وانا فرحانه....هـه متعودة اللي نبيها مستحيل تقسملي....ااااااه وخلاص اااااااااااه 💔ياااارب اسعدني يارب...ههههههه تقريبا حتى لو خطبني شايب عمره 70 سنـة نوافق عليه ونفتك من العيشه السوده.....خشيت عالواتس ورديت ع كل الرسائل بس ماحد فاتح...فتحت الروشـن وقعدت نتفرج عالجو....شفت بالصدفة رائف قاعد مقمعز قدام حوشهم بس مش فاطنلي...،سكرت الروشن عالسـريع وماكانش خاطري نشوف وجهه بكل.....قعدت مكسدة في داري وماعندي ماندير فكرت نرسم....طلعت الكراسة والقلم ونفكر نرسم حاجه....مش عارفه ليش كل مانبي نرسم تخطرلي نرسم حمزه....معقووووله حبيته!...ههه لا مستحيل كان حبيته راه حسيت بأني نحبه اصلاااا...اووووووف عليك افكار نفكر بيهن...."
.
.
~~~~~~~~~~~~~~~
عنـد حمزه...
"نـاض توضى وصلـى الصبح ويحاول ينسـى لجين..خلاص معاش عنده امل 💔...خـش للكوجينه ولقا امه واخته"
أنت تقرأ
انين الألم
Misterio / Suspensoروايـة باللهـجة الليبية للكاتبة #سـرو الحاسي...❤"لجين" بنت فقيرة امها وبوها مطلقين وعايشة مع عمهـا وعمتها في فقر وتـكافح عشان قرايتها ويجـي يوم وتقع في حب شخص....هل ستتغير حياتها؟....كله حتعرفوه مع احداث القصة....لااسمح بنقل الرواية 💛❌❌
