Kahit hindi naman siya ang lead star sa « Walang Hanggan, talbog na talbog ni Dawn Zulueta ang beauty ng prime bida dito na si Julia Montes na di-hamak na bata sa kanya.
Through these years, napakaganda pa rin ni Dawn at tama lang na mapabilang siya sa listahan ng may mga pinakamagagandang mukha sa showbiz. Without trying hard yun ha, hindi talaga nakakasawa ang beauty nitong si Dawn.
Kaya naman, hindi maikakailang napapatunganga sa kanya si Richard Gomez sa mga eksena nila, lalo na yung mga magkaharap ang kanilang mga mukha.
Pansinin nyo si Goma, halos ayaw kumurap ang mga mata habang nakatitig sa mukha ng ex-girlfriend nya di ba?Kung hindi lang sila happily-married pareho, baka mapagkamalang in-lababo pa itong si Goma kay Dawn eh.
Matatandaang inamin noon ni Goma na iniyakan nya talaga ang paghihiwalay nila ni Dawn dahil sobra nga niyang love ito.
Nangarap pa nga raw siya na sana ay si Dawn na ang huling babae sa buhay niya at napag-usapan na rin daw nila ang pagpapakasal. Pero hindi ito natuloy at nag-end sila sa mga parner nila ngayon sa buhay na pareho naman nilang mahal.
Kaya lang, nagbalik-tambalan sila at halatang smitten pa rin ang showbiz’ ultimate hunk sa beauty ng kapareha.
Kasi naman, ang ganda-ganda naman talaga ni Dawn, at lalo pang pumuputi ha, para na nga silang magkasing-puti ng misis ni Goma na si Lucy.
Buti na lang at certified fan ng love team nila Goma at Dawn itong si Lucy kaya hindi raw siya nagseselos sa mga eksena ng mga ito. In fact, kinikilig pa nga raw sya sa mga eksenang sweet ang mga ito. Ibang klase rin itong dyowa ni Goma ha. Hmmm, ganito rin kaya si Congressman Anton sa misis nyang si Dawn?
