ريتي فلانة ولت تسمع في الأغاني وقبل مدايرتلنا جو الشيوخ ماتخشش للصالات !
تعالي شوفي لبستها هذه كيف تحشم ! سروالها كيف ضيق والبلوزة كيف قصيرة ماعندهمش رجالة في الحوش ولا كيف !
مش عارفة كيف فلانة ماتصليش وهي صغارها طولها ! خاطري مرة في حياتي نشوفها تركع لربي !
العزوزة هذه امتى بتعقل بس دارت حتى كناين وقاعدة هالقُصة اطلع فيها !
امالا جارتنا هي رجل اهني ورجل في القبر ومش مخليه حد إلا وجابده سيرته !
------------------------
( ده على أساس أنهم في مجلس ذكر يعني -.-) ماهو تقرمي حتى أنتِ ولا ايـه : D
شعب شمايتي إلّا من رحم ربي -.-
تو أنتِ مقعمزه تعلقي على فلانه كيف حجابها نص كم ! أنتِ ضامنة تقعدي عليه حجابك ؟ تي ضامنة تموتي مسلمة أساسًا !
باهي اللّي ما تصليش هذيكا واللي ديما تقرموا فيها في الأعراس علاش بدل هالقرمة ماتقوليش من قلبك ياربّ اهديها وحبب الصلاة لقلبها 💚
بلكي تحسابي صلاتك بهداية منك ! لا يابنيتي راهو هذا فضل ربّي عليك وهدايته ويقدر في لحظة يُحـرمك لذة الصلاة ! بل يحرمك الصلاة كلها !
خلي الي دخلناهم للـنار وكل واحدة دخلناها من باب وكل وحدة حطينها في مرتبة وفي اللّي درناها جارة أبو لهب ! بالله من أعطاك البطاقات ؟ من حطك رقيبة وحسيبة على النّاس
تصدقي مرّات أنتِ اللي تصلي وتصيمي وحجابك شرعي ويسمو فيك الشيخة ويتعلموا منك في الدين أنتِ اللي تكون جارة أبو لهب وهذيكا اللي قرمتيها وتكبـرتي عليها وحسستيها أنها أقل منك تفـوز وتكون جارة نبينا محمد عليه الصلاة والسلام 💚
راهو والله ما جبت كلام من عندي
رسولنا عليه الصلاة والسلام قال ( أتَدرونَ ما المُفلِسُ؟
إنَّ المُفلسَ من أُمَّتي مَن يأتي يومَ القيامةِ بصلاةٍ وصيامٍ، وزكاةٍ، ويأتي وقد شتَم هذا، وقذَفَ هذا، وأكلَ مالَ هذا، وسفكَ دمَ هذا، وضربَ هذا، فيُعْطَى هذا من حَسناتِه، وهذا من حسناتِه، فإن فَنِيَتْ حَسناتُه قبلَ أن يُقضَى ما عليهِ، أُخِذَ من خطاياهم، فطُرِحَتْ عليهِ، ثمَّ طُرِحَ في النَّارِ ]
نسأل الله العافيـة
مش هكي بس نبينا قال : [ من عيّر أخاه بذنب لم يمت حتى يعمله ]
وهو الذي لا ينطق عن الهوى
راجعي حياتك وركزي فيها حتلقي روحك درتي الذنب اللي زمان كنتِ تعلقي على فلانة اللي دارته
ديما بنيتي حطي في بالك أن اللّي هداك هو ربي وهو اللّي يقدر يضلك
وفلانة اللي تحسابي روحك خير منها مرّات بأعمال خفية أنتِ ماتعرفيهاش تكون خير منك
وحتى لو ماعندهاش أعمال بكل بكلامك عليها تأخد حسناتك اللي تعبتي فيهم وتكون خيـر منك يوم غدوه ")
( فلا تُزكّوا أنفسكم هو أعلَمُ بمن اتّقى )💚
أنت تقرأ
.انتقااد/.CRITICISM.
ChickLit- كانت تأتيني في احلامي وهذا شيء كافي.🖤- كنت أتقمص دوماً دور المنقذ في حين أنني لا أستطيع إنقاذ نفسي.
