لمـا بتدعِ خليـك على يقين أن دعوتـك يـا حتستجاب يـا حتستجاب') 🌨💕
مـا فيش دعوة تمشي في الـهواء ره ، أنتِ مـا تتعامليش مع خوك ولا صاحبتك ولا حتى أمك وبوك .. بل تتعاملي مع الـملك الـعزيز سبحـانه .. يعني مستحيل يضيع شيء ، طلعِ من راسك أن ممكن تعطي ومـا تاخذيش ، ولـا ممكن أبداً تنادي ، تاخذي بـأسباب الـإستجابة وتلحِ بدعائـِك وربي يخذلك ، نهائي!
على سيرة الـدعاء بنحكيلكم قصة ، خلت دماغي يستك من جمالهـا ^^
هذا يـا حنة من الـفصل اللي فـات كان خاطري نشوف أنسـام قليـدان وفي بالي مـا فيش صديقة مشتركة بينـا ممكن تعرفني عليها ، وبحكم مشياتي للـكلية شوية فـقعد الـموضوع في خاطري وخلاص : p
فـ في آخر فترة من الـسيمستر عرفت أن صاحبتي تكون صاحبتها برضوا ^^
وعلى أساس في الـعطلة قلتلها أول مـا يبدا السيمستر الـجديد عرفيني عليها .
وتوا لينـا فترة عشرة أيام باديين وصاحبتي مـا تجيش للكلية ..
هو أنـا صح دعيت نتلاقى مع أنسـام ، بس بجديـات مـا كثرتش من هالـدعوة وكنت وقت بندعيلها مـا يخطرش على بالي هالـشيء،
ومجرد شيء في خاطري ولـا ألحيت بيه ولـا حاجة ، رغم لـو مـا يصيرش ونتعرف عليها أكيد أكيد حتركب فيـا نخلة -.-
قعدت وقت نمشي في الـكلية ، ديمـا يخطر على بالي زعما نشوفها ومـا نعرفش هويتها!
سبحـان اللـّه مرة في الـمصلى السيمستر اللي فات شفت بنية جاني شعور يقولي هي يـا هبة!
ولمـا بدينا هالـفترة لمحتها هالـبنية مرتين وعلى الـمرتين نركب في الصورة ونقول هي هي!!
بجديـات شعور غريب ، مـا عنديش مواصفاتها ولا حتى حاجة .. كل اللي نعرفه أنها تلبس في حجاب شرعي ، وكثيرات هالـبنيات وفي كلية زي كليتنـا زحمة ووجوه الـخير مـا تمش ، شيء يعتبر مستحيل وأن نوصل فيها بدون حد!
وآمس صاحبتي تكرمت وشرفت وعلى أساس بنتلاقى حتى مع أنسـام ، اللي صار أن مـا لحقتش عليها تأخروا محاضراتي .
الـمهم الـيوم وأنـا مقعمزة نقرا في الـمكتبة ، نلمح لبنيـة اللي حكيتلكم عليها ، فاتت قدامي .. فمعش هان عليـا إحساسي أكثر من هكي ووقفتهـا ..
- معليشِ ، شن اسمك؟..
= الـبنية مزال مستغربة بعدين .. أنسـام ^^
- أنسـام قليدان؟..
= إي '))
مـستحيل نقدر نوصفلكم شعوري وقتهـا ، حاجة حلوة هلبـا 🕊💕
هذا وأنـا لـا شديت بهالـدعوة في كل سجود ولـا في قيـام ولـا
حتى في ساعات الـإستجابة ..
إي صح ديمـا تخطر على بالي بس مش هالـدعوة .. مش هي!
شوفوا سبحان اللـّه ، ربي عالم قداش خاطري نشوفها ونتعرف على هالـإنسانة الـطيبة ، ورغم أن في ألف طريقة باش نتلاقوا .. إلـا أن اللـّه بعتلي إحساس وكأنه باش يقولي أنـا معاك يـا هبة، نسمع فيـك وقريب منـك وحنسخرلك تتعرفي عليها لـا بصاحبتك ولـا بأن تاخذي رقمها!
قصدي متخيلين جمال الـحدث؟، ره واللـّه وعلى قد مـا مدايرة حالة باش نشوفها ، مـا ألحيتش ولـا حاجة .
ومع هذا؟، من كل الـطالبات الـطيبات بعت في نفسي شيء ينادي هاذي أنسام ..
الـقصة مفادها مش بس عالـدعاء ره ، لـا ^^
بل برضوا بالـناس اللي يسخرهم ربي في طريقـك ، صدقيني مدامـك إنسـانة تحب الـخير وتدير فيه؟، مش حتلاقي في حيـاتك إلـا اللي زيـك .
أنـا للـيوم نتفاجأ لمـا نسمع بصاحبة وجعت خاطر صاحبتها ، ولـا سيبتها أو دارتلها لـقطة شينة وخلت خاطرها مكسور!
من يوم شفت الـناس وتعرفت عليهم ، بجديات مـا كنتش نتلاقى إلـا مع الـطيبيين فيهم ، مـا كانش ربي يسخرلي نصاحب غر اللي فعلاً قلبهم على قلبي!
فخليـك من دوتهم ، ديري الـخير ، واللي مـا ترضيشِ على نفسـِك مـا ترضيه لـحد واللي تحبي يديروهولـك ديريه معاهم ..
قريب وبعيد ره')
ويستحيل ربي يحط في طريقـك من يفكر يمسك بسوء أو يجرحك ولـو بدون قصد ، خليـك زي مـا أنتِ ، ظنِ في الـكل الـخير وحيعاملوك بخير ممـا ظنيتِ .
وبالـنسبة لـأنسام صاحبـة الـروح الـطيبة .. فـ واللـّه الـفرحة مش سايعتني أن قابلـتك بهالصدفة الغير متوقعة جديـات سعيدة بشكل!')
ويـا رب يفتحها في وجهك ويبـارِك في كل خطواتـِك ونشوفوك دكتورة بألـف ')
أنت تقرأ
.انتقااد/.CRITICISM.
ChickLit- كانت تأتيني في احلامي وهذا شيء كافي.🖤- كنت أتقمص دوماً دور المنقذ في حين أنني لا أستطيع إنقاذ نفسي.
