لا تفتنِيـهِ يا بِنت مُحمّـدِ ❤️!
يا مُقلتي شن حالك ، و حال قليبـك ؟
قليبك دُقّ ، دُقّ ، نسمع في صوت دقّـاته ، و دقّـات جديدة الباين *_^
ينبُض لمن ؟
لذاك الرّجل ، ذُو اللّحيـة الكثيفة السّوداء ...
آه بتبدي تعبّـري شكلك ><
غرّ شوية ! ، شنو شكلك نسيتي تسكّري عويناتك الجميلات ، و نسيتـي شن قال شفيعُنا -صَلَّى الله عليه وَسَلَّم- : [ كُتبَ على ابنِ آدم نصيبهُ مِنَ الزِّنـا مُدرِكٌ ذلِك لا محالَة ، فزِنـا العين النّـظرُ ] !
و يا غاليــة 💙
كم نظرةٍ فعلتْ في قلبِ صاحبهـا
فعلَ السّهامِ بلاَ قوسٍ و لا وتــر ...
بسّ هذا مش موضعي غضّ البصر !
موضوعي ما فعلهُ عدم غضّ البصر باللي بين ضلُوعك !
خلاّك تُعجبي بيه أكيد !
و برضوا مش موضوعي الإعجـاب !
موضوعـي يا جميلـة ")
رُدّي إليهِ صلاتهُ و صيامهُ ..
لا تفتنيهِ يا بِنت مُحمّد ..
عجبـك ، و صار فيهـا ماصار ، و خلاص قلبك بدي يدّق هلبا لمّـا تشوفيه ، و تحسّي في رُوحك سخونة لمّـا تسمعي اسمه ، و غيـره ... ، ما تفتنيشّي !
يعني الحركات الإستعراضية
متع هيّا شُوفني ، هيّـا عدّل ، هيّـا اتأمّل في جمالي ، هيّـا انتبه و ركَّز علي تفكيري و ذكائـي ، هيّـا راني هني !
الحركات البهلوانيّـة هذي ما ادّيريشهاش ارجــوك ^^
راهُو قلبه مش من حديد ، و شيطانه يغلب فيه مرّة مرّة ، و الولد مداير كلّ جهده مع هواه بشّ ما يُغلطش ، تجي إنتِ يا قنيّنـة تزيديه علي ما بيه !
بتقوليلي خايفة يفلت من بين ايديّـا لو ما درتش هكّي !
مش حيفلت و لا حيتلفّت لغيرك كان ربّـي كاتبك ليه 💜
و كان جتّ سبعة مليون بنت قدّام عيُونه و إنتِ بعيـدة علي عيونه ، لو من نصيبك حتكونِي ليه يعني حتكُوني ليه ')
مش محتاج الموضوع تجي كلّ يوم بلبسة في الجامعة و كلّ يوم بعدسات لُون ، بشّ الغزال يشبحلك !
مش محتاج كلّ يوم تعلّـي صُوت ضحكتك ، و تتكلّمي بصوت أختك الصّغيـرة لمّـا يكون قروبك قريب من قروبه ، بشّ يتلفّت و يقول طرف يهبّل !
مش محتاج الموضوع ستّين مليار لايك بتفاعل " أحببتُـه ❤️ " مع بُوستاته ، بشّ ينتبهلك و يشوف من هيّ هذي إللي قامت بيّا القدر ، و يجيك عالخاص و يفتح معاك لُقّـني لوشّ الصبح !
مش محتاج و لا حاجة !
محتاج حاجة وحدة بسّ !
هههههـ متخيّلة عيونك قلوب قلوب توّا :")
الخُطّة الأنسب يا زُمرّد ، هي : الدّعاء ^^
يا ربّ إن كان فلان خيـر ليّا ، و إن كُنت خيراً له ، فاجمع بيننـا بالحلال الّذي يُرضيك ")
ساهلـة الدّعوة ، أسهل من الحركات الإستعراضية كلّـها !
و لو ما كانش من نصيبك ما تزعليش ، ربّي حيعوّضك خير ؛ لإنّـك جاهدتي قلبك !
ربّـي حيعطيك شخص يحطّك في عيُونه 💜
#عفِّي_قلبك_و_بصرك
نُسيبة الشّبو
أنت تقرأ
.انتقااد/.CRITICISM.
ChickLit- كانت تأتيني في احلامي وهذا شيء كافي.🖤- كنت أتقمص دوماً دور المنقذ في حين أنني لا أستطيع إنقاذ نفسي.
